ក្នុងឱកាសរម្លឹកខួបលើកទី ៩៩ឆាំ្នទិវាសារព័ត៌មានបដិវត្តន៍វៀតណាម (ថ្ងៃទី ២១ ខែមិថុនា ឆ្នាំ ១៩២៥ - ថ្ងៃទី ២១ ខែមិថុនា ឆ្នាំ ២០២៤) នារសៀលថ្ងៃទី ២១ ខែមិថុនា បក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្ត អានយ៉ាង បានរៀបចំជំនួបមុខអ្នកសារព័ត៌មាន អ្នកយកព័ត៌មានមកពីស្ថាប័នសារព័ត៌មានក្នុង និងក្រៅប្រទេស។
សម្តែងសិល្បះអបអរសាទរ
គណៈប្រតិភូចូលរួមក្នុងកិច្ចជំនួបមុខ
អញ្ជើញចូលរួមមានលោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង។លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង។ លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង។លោកវរសេនីយ៍ឯក ឡាំភឿកង្វៀន ស្នងការនគរបាលខេត្តអានយ៉ាង។លោកស្រី ហាមិញត្រាង អនុប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង រួមទាំងថ្នាក់ដឹកនាំបណ្តាមន្ទីរ គណ ផ្នែកអង្គការមហាជនខេត្ត គណប្រតិភូ អ្នកសារព័ត៌មានជើងចាស់ អ្នកយកព័ត៌មាន អ្នកនិពន្ធរបស់ទីភ្នាក់ងារសារព័ត៌មានខេត្តនិង អ្នកយកព័ត៌មានមជ្ឈិមប្រចាំនៅមូលដ្ឋាន។
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត ថ្លែងមតិអបអរសាទរក្នុងឱកាសទិវាសារព័ត៌មានបដិវត្តន៍វៀតណាម ថ្ងៃទី ២១ ខែមិថុនា
ថ្លែងមតិក្នុងពិធីជំនួបនេះ លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង បានសង្កត់ធ្ងន់ថា ឆ្នាំ ២០២៤ គឺជាឆ្នាំមានអត្ថន័យពិសេស គឺជាឆ្នាំពន្លឿនរួមចំណែកដល់ការសម្រេចគោលដៅនៃផែនការសេដ្ឋកិច្ចសង្គមកិច្ចឆ្នាំ ២០២៤ និងផែនការ ៥ ឆ្នាំដំណាក់កាល ២០២១-២០២៥។ក្នុងរយៈពេល៦ខែដើមឆ្នាំ២០២៤ ថ្វីត្បិតតែនៅមានការលំបាក និងបញ្ហាប្រឈមជាច្រើនក៏ដោយ ក៏ស្ថានភាពសេដ្ឋកិច្ចសង្គមកិច្ចក្នុងប្រទេសនិយាយរួម និងខេត្តអានយ៉ាង និយាយដោយឡែកបានកត់ត្រាទទួលស្គាល់នូវចំណុចលេចធ្លោជាច្រើន។
អត្រាកំណើនសេដ្ឋកិច្ច (GRDP) ក្នុងរយៈពេល ៦ ខែត្រូវបានប៉ាន់ប្រមាណថានឹងកើនឡើង ៦,៦០% ធៀបនឹងដំណាល់ពេលនេះឆាំ្នមុន ខ្ពស់ជាងអត្រាកំណើននៃរយៈពេលដូចគ្នាកាលពីឆ្នាំមុន (៦,៥០%)។ កសិកម្ម ឧស្សាហកម្ម ពាណិជ្ជកម្ម និងសេវាកម្ម សុទ្ធតែមានអត្រាកំណើនល្អ។វិស័យវប្បធម៌សន្តិសុខសង្គមបន្តទទួលបានការយកចិត្តទុកដាក់អនុវត្តបានល្អ។សណ្តាប់ធ្នាប់សុវត្ថិភាពសង្គមនិងសន្តិសុខការពារជាតិ បានធានា។ សកម្មភាពទេសចរណ៍មានការរីកចម្រើន ចាប់ពីដើមឆ្នាំរហូតមកដល់ពេលនេះ ខេត្តទាំងមូលទទួលបានភ្ញៀវទេសចរណ៍ជាង ៧លាននាក់ កើនឡើង ១៦% ធៀបនឹងដំណាលពេលនេះឆាំ្នមុន និងសម្រេចបាន ៧៨% ធៀបនឹងផែនការឆ្នាំ២០២៤។ ចាប់ពីដើមឆាំ្ន ខេត្តអានយ៉ាង បានបែងចែកផែនការទុនមជ្ឈិមប្រគល់ជូន ១០០%។ផ្តោតលើការស្វែងរកដំណោះស្រាយ និងដោះស្រាយការលំបាកក្នុងការផ្គត់ផ្គង់សម្ភារសំណង់។ រៀបចំត្រួតពិនិត្យសំណង់សំខាន់ៗនិងដោះស្រាយការលំបាក ទាក់ទិន និងជំរុញដំណើរការសាងសង់។ តម្លៃនៃការផ្តល់ថវិកាដល់ដំណាច់ខែមិថុនាត្រូវបានប៉ាន់ប្រមាណថាមានចំនួន ៣.២៥២ ពាន់លានដុង សម្រេចបានផែនការទុនប្រគល់ជូន ៤០,៥%។
ជាពិសេសខេត្តបានរៀបចំជោគជ័យនូវព្រឹត្តិការណ៍សេដ្ឋកិច្ច និងវប្បធម៌គំរូជាច្រើនដូចជា៖ ពិធីប្រកាសផែនការខេត្តអានយ៉ាង ដំណាក់កាល ២០២១ - ២០៣០ ចក្ខុវិស័យដល់ឆ្នាំ ២០៥០។ ពិធីសម្ពោធស្ពាន ចូវដុក ស្ថិតក្នុងគម្រោងសាងសង់ផ្លូវតភ្ជាប់ក្នុងតំបន់ពីទីរួមខេត្តតាន់ចូវទៅទីក្រុងចូវដុក ដោយតភ្ជាប់ជាមួយខេត្ត គៀនយ៉ាង និងដុងថាប។ ពិធីសម្ពោធគម្រោងតភ្ជាប់ផ្លូវជាតិលេខ ៩១ និងផ្លូវវាងក្រុងឡុងស្វៀន។ ពិធីបុណ្យលោកយាយភ្នំស្វាមឆ្នាំ ២០២៤ រួមបញ្ចូលជាមួយខួបលើកទី ១០ឆាំ្នពិធីបុណ្យលោកយាយភ្នំស្វាម បានបញ្ចូលក្នុងបញ្ជីបេតិកភណ្ឌវប្បធម៌អរូបីជាតិ (២០១៤-២០២៤)។
បណ្តាលទ្ធផលជាវិជ្ជមានដែលខេត្តសម្រេចបាន ក្រៅពីការខិតខំប្រឹងប្រែងក្នុងប្រព័ន្ធនយោបាយ និងប្រជាជនខេត្តក៏មានការចូលរួមចំណែកយ៉ាងសំខាន់ពីស្ថាប័នសារព័ត៌មាន កងជួរអ្នកយកព័ត៌មាន និង អ្នកសារព័ត៌មានក្នុង និងក្រៅខេត្ត តែងតែអមដំណើរជាមួយខេត្តអានយ៉ាង។
ក្នុងឱកាសរម្លឹកខួបលើកទី ៩៩ឆាំ្ន ទិវាសារព័ត៌មានបដិវត្តន៍វៀតណាម លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្តអានយ៉ាង បានជូនពរដល់ថ្នាក់ដឹកនាំស្ថាប័នសារព័ត៌មាន អ្នកយកព័ត៌មាន អ្នកយកព័ត៌មាន និងអ្នកនិពន្ធនៃទីភ្នាក់ងារសារព័ត៌មាន សារព័ត៌មានក្នុង និង ក្រៅខេត្តអានយ៉ង ស្វាគមន៍ថ្ងៃខួបដ៏មានអត្ថន័យ អណ្តាតភ្លើងចំណង់ចំណូលចិត្តកាន់តែសន្ឋសន្ឋៅចំពោះវិជ្ជាជីវៈ ដោយស្មារតី “ភ្នែកភ្លឺ បេះដូងច្បាស់លាស់ ប៊ិចមុតស្រួច” ដូចអ្នកសារព័ត៌មាន ហ៊ូវថ បានបញ្ចប់ និងទទួលបានតម្លៃ និងសុភមង្គលជាច្រើនក្នុងជីវិត។
លោក តាំងវ៉ាន់ងឺ ប្រធានសមាគមអ្នកកាសែតវៀតណាមខេត្ត អានយ៉ាង ថ្លែងមតិក្នុងពិធីជំនួបមុខ
លោក ង្វៀនស្វឺនបាំង នាយករងស្ថានីយ៍វិទ្យុ និងទូរទស្សន៍អានយ៉ាង ថ្លែងមតិក្នុងកិច្ចជំនួបមុខ
លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង ជូនអំណោយអបអរសាទរដល់អ្នកសារព័ត៌មាន និងអ្នកយកព័ត៌មាន
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត ជូនអំណោយអបអរសាទរដល់អ្នកសារព័ត៌មាន និងអ្នកយកព័ត៌មាន
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត ជូនអំណោយអបអរសាទរដល់អ្នកសារព័ត៌មាន និងអ្នកយកព័ត៌មាន
Tនៅក្នុងកិច្ចជំនួបមុខ គណៈប្រតិភូបានពិនិត្យឡើងវិញនូវប្រពៃណីដ៏រុងរឿងរយៈពេល ៩៩ ឆ្នាំរបស់សារព័ត៌មានបដិវត្តន៍វៀតណាមនិយាយរួម និងសារព័ត៌មានខេត្តនិយាយដោយឡែក។ ប៉ុន្មានឆ្នាំកន្លងទៅនេះ កងជួរអ្នកសារព័ត៌មាន ក្នុងខេត្តតែងតែបង្ហាញពីឆន្ទះនិងស្មារតីទទួលខុសត្រូវ ភាពសាទរ និងផ្សព្វផ្សាយព័ត៌មានទាន់ពេលក្នុងគ្រប់វិស័យជីវិតសង្គម ឆ្លុះបញ្ចាំងពីសមិទ្ធិផលលេចធ្លោរបស់ខេត្ត ពង្រីកតួនាទីជាស្ពានតភ្ជាប់រវាងបក្ខភាគ អាជ្ញាធរ និងប្រជាជន រួមចំណែកយ៉ាងសំខាន់ទៅក្នុងការអភិវឌ្ឍន៍សេដ្ឋកិច្ចសង្គមកិច្ចរបស់ខេត្ត។
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង ថ្លែងមតិក្នុងកិច្ចជំនួបមុខអបអរសាទរទិវាសារព័ត៌មានបដិវត្តន៍វៀតណាម ថ្ងៃទី ២១ ខែមិថុនា
ថ្លែងមតិក្នុងកិច្ចជំនួបមុខនេះ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង បានកោតសរសើរ និងអបអរសាទរចំពោះកងជួរអ្នកសារព័ត៌មាន ដែលបានខិតខំ និងសម្រេចបាននូវសមិទ្ធិផលដ៏អស្ចារ្យជាច្រើន។ ជាពិសេស វាយតម្លៃខ្ពស់ចំពោះការរួមចំណែក រួមដំណើរ គាំទ្ររបស់ស្ថាប័នសារព័ត៌មានជាមួយបក្ខភាគ និងអាជ្ញាធរខេត្តអានយ៉ាង។ បានឆ្លុះបញ្ចាំងទាន់ពេលវេលាយ៉ាងរស់រវើកនូវសមិទ្ធិផលក្នុងគ្រប់ទិដ្ឋភាពនយោបាយ សេដ្ឋកិច្ច វប្បធម៌ សង្គមកិច្ច និងបណ្តាសកម្មភាពមានលក្ខណៈព័ត៌មាន សំខាន់របស់មូលដ្ឋាន។ ផ្សព្វផ្សាយយ៉ាងសកម្មនូវគុណតម្លៃល្អៗ កោតសរសើរគំរូជឿនលឿន តស៊ូប្រយុទ្ឋជាមួយអំពើអវិជ្ជមានក្នុងសង្គម រួមចំណែកយ៉ាងសកម្មជាមួយបក្ខភាគ អាជ្ញាធរ និងប្រជាជនខេត្តអានយ៉ាង អនុវត្តយជោគជ័យនូវគោលដៅ ភារកិច្ចអភិវឌ្ឍន៍សេដ្ឋកិច្ចសង្គមកិច្ចរបស់មូលដ្ឋាន។
ទន្ទឹមនឹងនោះ វាយតម្លៃខ្ពស់ចំពោះការអភិវឌ្ឍន៍ក្រុមសារព័ត៌មានរបស់ខេត្តកាលពីពេលថ្មីៗនេះ ក៏ដូចជាបរិមាណ គុណភាព និងបណ្តាផលិតផលបោះពុម្ពសារព័ត៌មានរបស់ខេត្តអានយ៉ាង ថ្ងៃកាន់តែមានភាពប្រសើរឡើង និងប្រកបដោយវិជ្ជាជីវៈខ្ពស់។ វណ្ណកម្មសារព័ត៌មានជាច្រើនបានបោះពុម្ពផ្សាយមានលក្ខណៈព្រឹត្តិការណ៍ និងគុណភាពល្អ បង្ហាញពីសមត្ថភាព ជំនាញវិជ្ជាជីវៈ និងភាពសាទររបស់អ្នកសារព័ត៌មាន។ ទន្ទឹមនិងនោះ អ្នកសារព័ត៌មាន និងអ្នកយកព័ត៌មានរបស់កាសែត អានយ៉ាង និងស្ថានីយ៍វិទ្យុ និងទូរទស្សន៍អានយ៉ាង មានអត្ថបទល្អៗ និងទទួលបានរង្វាន់ខ្ពស់នៅក្នុងពានរង្វាន់សារព័ត៌មានជាតិកាន់តែច្រើនឡើង តាមរយៈនោះ បានរួមចំណែកយ៉ាងសំខាន់ក្នុងការផ្សព្វផ្សាយរូបភាព និងមនុស្សអានយ៉ាង ទៅដល់មិត្តភក្តិនៅ ក្នុងនិងក្រៅប្រទេស។ប៉ុន្តែទោះជាយ៉ាងណាក៏ដោយ សារព័ត៌មានត្រូវតែផ្លាស់ថ្មី និងច្នៃប្រឌិតជាបន្តបន្ទាប់ ដើម្បីស្វែងរកទិសដៅថ្មី ខ្លឹមសារថ្មី វិធីសាស្រ្តសារព័ត៌មានថ្មី និងវិធីផ្សាយព័ត៌មានថ្មី ដើម្បីអាចបំពេញនូវតម្រូវការ និងការទាមទារ របស់ប្រជាជន។ ភាពជោគជ័យរបស់សារព័ត៌មាន និងព័ត៌មានទូរគមនាគមន៍ មានតួនាទីយ៉ាងសំខាន់ក្នុងការការពារបក្ស ការពាររបប កសាង និងអភិវឌ្ឍន៍ប្រទេសជាតិយើង។
ជាមួយនឹងតម្រូវការ និងភារកិច្ចថ្មីដែលបានកំណត់ក្នុងសម័យកាលបច្ចុប្បន្ន លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានស្នើឲ្យបណ្តាថ្នាក់បក្ខភាគ អាជ្ញាធរមូលដ្ឋាន ទីភ្នាក់ងារសារព័ត៌មាន កម្មាភិបាល អ្នកយកព័ត៌មាន អ្នកសារព័ត៌មានយកចិត្តទុកដាក់ និងផ្តោតអនុវត្តភារកិច្ចមួយចំនួនឲ្យបានល្អ៖
កងជួរអ្នកសារព័ត៌មាន ត្រូវពង្រឹងឆន្ទះនយោបាយរបស់ខ្លួន។ រក្សាសីលធម៍ និងឥរិយាបទជានិច្ច ដើម្បី សក្តិសមជាយុទ្ឋជនឈានមុខលើសមរភូមិវប្បធម៌ និងមនោគមវិជ្ជារបស់បក្ស និងរដ្ឋ។ បន្តផ្លាស់ប្តូរចំណេះដឹង សិក្សាយ៉ាងសកម្មនូវបទពិសោធន៍ អនុវត្តបច្ចេកវិជ្ជាក្នុងដំណើរការផលិតមាតិកា អនុវត្តបត់បែននូវសមិទ្ធិផលដំណើរការផ្លាស់ប្តូរឌីជីថល តាមរយៈនោះលើកកម្ពស់គុណភាពអត្ថបទព័ត៌មាន ស្របតាមនិន្នាការសារព័ត៌មានទំនើបនាពេលបច្ចុប្បន្ននេះ។
ទីភ្នាក់ងារសារព័ត៌មានត្រូវតែជំរុញខ្លាំងផ្សព្វផ្សាយ “យុទ្ធសាស្រ្តផ្លាស់ប្តូរឌីជីថលសារពត៌មានដល់ឆ្នាំ ២០២៥ និងតម្រង់ទិសដល់ឆ្នាំ ២០៣០” យោងតាមសេចក្តីសម្រេចលេខ ៣៤៨/QD-TTg ចុះថ្ងៃទី ៦ ខែមេសា ឆ្នាំ ២០២៣ របស់នាយករដ្ឋមន្ត្រីរដ្ឋាភិបាល។
ទីភ្នាក់ងារសារព័ត៌មាន និងសមាគមអ្នកសារព័ត៌មានរបស់ខេត្តស្រាវជ្រាវ អនុវត្តប្រកបដោយភាពច្នៃប្រឌិត និងរៀបចំ ផ្សព្វផ្សាយមានប្រសិទ្ធភាពនូវគោលការណ៍ គោលមាគ៌ារបស់បក្ស គោលនយោបាយ និងច្បាប់របស់រដ្ឋ។សេចក្តីសម្រេចចិត្តរបស់នាយករដ្ឋមន្ត្រីស្តីពីផែនការអភិវឌ្ឍន៍ និងគ្រប់គ្រងសារព័ត៌មានជាតិដល់ឆ្នាំ ២០២៥ បណ្តាបទប្បញ្ញត្តិក្រមសីលធម៌វិជ្ជាជីវៈ និងវិធានការប្រើប្រាស់បណ្តាញសង្គម របស់អ្នកសារព័ត៌មានវៀតណាម។ បង្កើនការងារឃោសនាគោលនយោបាយទៅដល់ប្រជាជន។
សម្រាប់ទីភ្នាក់ងារសារព័ត៌មានមជ្ឈិម ក្រៅខេត្ត អ្នកសារព័ត៌មាន និងអ្នកយកព័ត៌មានបន្តលើកកម្ពស់ស្មារតីទទួលខុសត្រូវ សត្យានុម័ត្រ ស្មោះត្រង់ក្នុងសកម្មភាពប្រតិបត្តិការ ផ្តល់ព័ត៌មានត្រឹមត្រូវ ទាន់ពេលវេលា ចម្រុះអំពីស្ថានភាពសេដ្ឋកិច្ចសង្គមកិច្ច និងព្រឹត្តិការណ៍គំរូរបស់ខេត្ត។ ឆ្លុះបញ្ចាំងទាន់ពេលវេលា ស្មោះត្រង់ចំពោះគោលបំណង មតិយោបល់ ផ្តល់ព័ត៌មានជាក់ស្តែងដល់អ្នកអានក្នុងនិងក្រៅប្រទេស។ ទន្ទឹមនឹងនោះ លើកកម្ពស់តួនាទីជាស្ពានក្នុងការណែនាំ ផ្សព្វផ្សាយរូបភាព តំបន់ដី មនុស្ស សក្ដានុភាព ប្រៀបខ្លាំង គោលនយោបាយទាក់ទាញវិនិយោគរបស់ខេត្តអានយ៉ាង ទៅដល់មិត្តអ្នកអាន វិនិយោគិនក្នុងនិងក្រៅប្រទេស។
ទន្ទឹមនឹងនោះ បណ្តាថ្នាក់បក្ខភាគ អាជ្ញាធរ ស្ថាប័ន អង្គភាពត្រូវយកចិត្តទុកដាក់ជាប្រចាំចំពោះការដឹកនាំ ណែកនាំ និងបង្កើតលក្ខខណ្ឌអំណោយផលសម្រាប់សកម្មភាពសារព័ត៌មាន។អនុវត្តយ៉ាងម៉ឺងម៉ាត់នូវបទប្បញ្ញត្តិរបស់បក្ស និងរដ្ឋស្តីពីបច្ចេកទេសនាំពាក្យ និងការផ្តល់ព័ត៌មានដល់សារព័ត៌មាន ដើម្បីផ្លាស់ប្តូរ យកចិត្តទុកដាក់ទាន់ពេល និងបង្កើតលក្ខខណ្ឌសម្រាប់ទីភ្នាក់ងារសារព័ត៌មានបំពេញភារកិច្ចបានល្អ។
ពង្រីកប្រពៃណីដ៏រុងរឿងរយៈពេល ៩៩ ឆាំ្ន របស់សារព័ត៌មានបដិវត្តន៍វៀតណាម លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង ជឿជាក់ថា កងជួរអ្នកសារព័ត៌មាននាពេលបច្ចុប្បន្ននេះ ដោយ ក្តីស្រឡាញ់ មនសិការ និងការទទួលខុសត្រូវចំពោះបុព្វហេតុសារព័ត៌មានបដិវត្តន៍កាតព្វកិច្ចពលរដ្ឋ និងទំនួលខុសត្រូវសង្គមនឹង បន្តប្រពៃណីបុព្វបុរសជំនាន់មុន រួមចំណែកយ៉ាងសំខាន់ក្នុងការអភិវឌ្ឍន៍ជាតិ។ រួមគ្នាកសាងស្រុកកំណើតអានយ៉ាងនិងស្រុកកំណើតរបស់លោកប្រធាន តូនឌឹកថាំង ឲ្យកាន់តែសម្បូធូធានិងកាន់តែអភិវឌ្ឍន៍។
ថ្នាក់ដឹកនាំខេត្តអានយ៉ាងថតរូបអនុស្សាវរីយ៍ជាមួយអ្នកសារព័ត៌មាន និងអ្នកយកព័ត៌មាន
ប្រែ៖ ណារីពៅ