ក្នុងក្របខ័ណ្ឌសកម្មភាព “ផ្សារណាត់ឧស្សាហពាណិជ្ជកម្មតំបន់វាលទំនាបទន្លេគឺវឡុង - អានយ៉ាង ឆ្នាំ ២០២៣” ព្រឹកថ្ងៃទី ៨ មិថុនា នៅទីរួមខេត្តទិញបៀន មជ្ឈមណ្ឌលជំរុញពាណិជ្ជកម្ម និងវិនិយោគខេត្ត អានយ៉ាង បានសហការជាមួយនឹងមន្ទីរឧស្សាហពាណិជ្ជកម្ម ហាយយឿង។មន្ទីរឧស្សាហពាណិជ្ជកម្ម មជ្ឈមណ្ឌលជំរុញពាណិជ្ជកម្ម របស់បណ្តាខេត្តក្រុងតំបន់វាលទំនាបទន្លេគឺវឡុង រៀបចំសន្និបាត តភ្ជាប់ទំនាក់ទំនងពាណិជ្ជកម្មនិងលក់ចេញផលិតផលរវាងធុរកិច្ចតំបន់វាលទំនាបទន្លេគឺវឡុង អានយ៉ាងនិងហាយយឿង។
ទិដ្ឋភាពសន្និបាត
ធុរកិច្ចខេត្តហាយយឿងចែករំលែកនិងផ្លាស់ប្តូរនៅសន្និបាតតភ្ជាប់
ធុរកិច្ចខេត្តអានយ៉ាងពិភាគ្សាជាមួយគ្នានៅនឹងសន្និបាត
នៅនិងសន្និបាត តំណាងបានស្តាប់ឧទ្ទេសនាមពីសក្តានុពលនិងប្រៀបខ្លាំងរបស់តំបន់វាលទំនាបទន្លេគឺវឡុងនិងខេត្តអានយ៉ាង។ ណែនាំសក្តានុពលសេដ្ឋកិច្ចនិងសហការវិនិយោគន៍របស់ខេត្តហាយយឿង។ ខេត្ត ក្រុង ក្នុងតំបន់ណែនាំផលិតផល លទ្ធភាពផ្គត់ផ្គង់ និងប្រើប្រាស់ទំនិញរបស់ធុរកិច្ច។ធុរកិច្ចផ្លាស់ប្តូរ តភ្ជាប់ផ្ទាល់ ផ្លាស់ប្តូរនិងពិភាក្សានៅក្នុងសន្និបាត។ ចុះហត្ថលេខាលើអនុស្សរណៈយោគយល់គ្នានិង កិច្ចសន្យាលក់ចេញ។
ទស្សនានិងស្វែងយល់ផ្ទាល់ផលិតផលធុរកិច្ចនៅហាណួយ
បណ្តាធុរកិច្ចចែករំលែកជាមួយគ្នាបទពិសោធន៍ ព័ត៌មានតភ្ជាប់ទំនាក់ទំនងពាណិជ្ជកម្ម
ថ្លែងមតិក្នុងសន្និបាត លោកស្រី ង្វៀនតឹមទ្វៀតទ្រិញ នាយករងមជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង បានសង្កត់ធ្ងន់ថា៖ ខេត្ត អានយ៉ាង មានសក្តានុពល និងគុណសម្បត្តិជាច្រើន ដូចជានៅជាប់កម្ពុជា មានច្រកទ្វារព្រំដែនអន្តរជាតិ ជាតិ ផ្លូវគោកនិងផ្លូវទឹកជាដើម គឺជាច្រកផ្លូវនៃអ័ក្សខាងកើត-ខាងលិចធ្វើពាណិជ្ជកម្ម រវាងតំបន់វាលទំនាបទន្លេគឺវឡុង និងបណ្តាប្រទេសអាស៊ីអាគ្នេយ៍ បង្កើតលក្ខណៈអំណោយផលសម្រាប់ការអភិវឌ្ឍន៍ពាណិជ្ជកម្ម សេវាកម្ម និងសេដ្ឋកិច្ចតាមព្រំដែន។ស្ថានភាពនាំចេញទំនិញទៅទីផ្សារនានាបានបង្កើនជាបន្ត។ តម្លៃទំនិញនាំចេញ និងនាំចូលតាមផ្លូវការតាមរយៈភូមិសាស្ត្រខេត្ត អានយ៉ាង ឆ្នាំ ២០២២ សម្រេចបានជាង ១.១៥៥ ពាន់លានដុល្លារ៍អាមេរិក កើនឡើង ៣២% បើធៀបនឹងរយៈពេលនេះឆ្នាំ ២០២១។
ហេដ្ឋារចនាសម្ព័ន្ធ ជាពិសេសគឺហេដ្ឋារចនាសម្ព័ន្ធ ដឹកជញ្ជូនក្នុងខេត្ត អានយ៉ាង កាន់តែមានភាពប្រសើរ ឡើងពីមួយថ្ងៃទៅមួយថ្ងៃ។ ក្នុងនោះ ផ្លូវល្បឿនលឿន ចូវដុក - កឹនធឺ - សុកត្រាំង មានប្រវែងជាង ១៨៨ គីឡូម៉ែត្រ ចំណុចដំបូងតភ្ជាប់ផ្លូវជាតិលេខ ៩១ របស់ទីក្រុងចូវដុក(អានយ៉ាង) ចំណុចបញ្ចប់នៅប្រសព្វផ្លូវជាតិទន្លេហូវខាងត្បូង តភ្ជាប់ផ្លូវទៅកាន់កំពង់ផែ ត្រឹនឌេ (សុកត្រាំង) ត្រូវបានសន្និដ្ឋានថានឹងចាប់ផ្តើមសាងសង់នៅក្នុងខែមិថុនានេះ។ ទន្ទឹមនិងការអនុវត្តគម្រោងឃុំមួយផលិតផលមួយ មកទល់បច្ចុប្បន្ន ខេត្ត អានយ៉ាង មានផលិតផលចំនួន ៨៨ ដែលទទួលបានវិញ្ញាបនបត្រ OCOP ចាប់ពីផ្កាយ ៣ ឡើងទៅ ក្នុងនោះ៖ ផលិតផលចំនួន ២ សម្រេចបានផ្កាយ ៥ - ថ្នាក់ជាតិ ផលិតផលចំនួន ១៦ សម្រេចបានផ្កាយ ៤ និងផលិតផលចំនួន ៧០ សម្រេចបានផ្កាយ ៣។ ក្រៅពីនេះ អានយ៉ាង ក៏នៅមានកេរដំណែលប្រវត្តិសាស្ត្រនិងវត្តអារ៉ាមទេសភាពស្អាតនិង ពិធីបុណ្យទានជាច្រើនទៀត ទាក់ទាញភ្ញៀវទេសចរជាង ៧ លាននាក់ក្នុងមួយឆ្នាំៗ។
ជាមួយនឹងសក្ដានុពល និងគុណសម្បត្តិរបស់ខេត្ត អានយ៉ាង សន្និបាតការតភ្ជាប់ទំនាក់ទំនងពាណិជ្ជកម្មរវាងធុរកិច្ចតំបន់វាលទំនាបទន្លេគឺវឡុងជាមួយធុរកិច្ចខេត្ត អានយ៉ាង និងធុរកិច្ចខេត្ត ហាយយឿង គឺជាឱកាសសម្រាប់ធុរកិច្ចបណ្តាខេត្ត ក្រុងឈានចូលទីផ្សារអានយ៉ាង ជាលើកដំបូង បង្កើតជាជំហានគ្រឹះ ដើម្បីបើកទូលាយទីផ្សារកម្ពុជា។ ទន្ទឹមនឹងនោះ ក៏ជាឱកាសសម្រាប់ផលិតផល អានយ៉ាង តភ្ជាប់បើកទូលាយទីផ្សារទៅកាន់ខេត្ត ហាយយឿង និយាយដោយឡែក ខេត្តភាគខាងជើង និងតំបន់វាលទំនាបទន្លេគឺវឡុងនិយាយរួម។
ចុះហត្ថលេខាលើអនុស្សរណៈយោគយល់គ្នានិងកិច្ចព្រមព្រៀងសហប្រតិបត្តិការ
ក្នុងសន្និបាត ធុរកិច្ច មូលដ្ឋានផលិតកម្ម អាជីវកម្ម អ្នកចែកចាយជិត ៦០ នៅតំបន់វាលទំនាបទន្លេគឺវឡុង ក៏ដូចជាខេត្តទាំង ២ អានយ៉ាងនិងហាយយឿង បានចុះហត្ថលេខាលើអនុស្សរណៈយោគយល់ និងកិច្ចសហប្រតិបត្តិការនាពេលខាងមុខជាមួយគ្នា៕
ប្រែ៖ ណារីពៅ
