នៅរសៀលថ្ងៃទី ២១ កញ្ញា លោក ង្វៀន ភឿងឡាម ប្រធានសហព័ន្ធពាណិជ្ជកម្ម និងឧស្សាហកម្មវៀតណាមសាខា កឹនធើ និងលោកបណ្ឌិត វូ ថាញ់ទឺអាញ់ នាយកសាលាគោលនយោបាយសាធារណៈ និងគ្រប់គ្រងFulbright បានជួបជាមួយគណៈកម្មាធិការប្រជាជនខេត្ត ដើម្បីស្តាប់របាយការណ៍ស្តីពីលទ្ធផលស្រាវជ្រាវ និងពិភាក្សាអំពីគុណសម្បត្តិនិងគុណវិបិត្រក្នុងដំណើរការប្រតិបត្តិការសេដ្ឋកិច្ចមូលដ្ឋាន។ លោក ង្វៀន ថាញ់ប៊ិញ អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត អានយ៉ាង បានអញ្ជើញជាអធិបតីក្នុងពិធីទទួលជួបនិងពិភាក្សាការងារ។ មានការ អញ្ជើញចូលរួមរបស់ថ្នាក់ដឹកនាំមន្ទីរ គណ ផ្នែកថ្នាក់ខេត្តផងដែរ។
លោក ង្វៀន ថាញ់ប៊ិញ អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត ថ្លែងមតិក្នុងសម័យប្រជុំ
លោក ង្វៀន ភឿងណាម ប្រធានសហព័ន្ធពាណិជ្ជកម្ម និងឧស្សាហកម្មវៀតណាមសាខា កឹនធើ បានលើកឡើងគោលដៅ និងអត្ថន័យនៃសម័យប្រជុំ
លោកបណ្ឌិត វូ ថាញ់ទឺអាញ់ នាយកសាលាគោលនយោបាយសាធារណៈ និងគ្រប់គ្រងFulbright បានលើកឡើងពីគោលបំណងស្នើឲ្យខេត្តផ្តល់ព័ត៌មានអំពីគុណសម្បត្តិ និងគុណវិបត្តិក្នុងដំណើរការប្រតិបត្តិការសេដ្ឋកិច្ចរបស់មូលដ្ឋាន
ថ្នាក់ដឹកនាំមន្ទីរ ផ្នែកខេត្តលើកឡើងនៅអនុសាសន៍បន្ថែមក្នុងកិច្ចប្រជុំ
ទិដ្ឋភាពនៃសម័យប្រជុំ
សម័យប្រជុំបានផ្តោតសំខាន់លើការពិភាក្សា ស្តាប់របាយការណ៍ស្តីពីលទ្ធផលស្រាវជ្រាវ ការផ្លាស់ប្តូរអំពីការរៀបចំផែនការ សេចក្តីសម្រេចមជ្ឈិម គោលនយោបាយអភិវឌ្ឍន៍មូលដ្ឋាន រចនាសម្ព័ន្ធស្ថាប័ន និងដំណើរការមជ្ឈិម និងមូលដ្ឋាន។ បណ្តាភាពងាយស្រួលនិងលំបាក ក្នុងដំណើរប្រតិបត្តិការសេដ្ឋកិច្ចមូលដ្ឋានជាដើម។
ថ្លែងមតិក្នុងកិច្ចប្រជុំ លោក ង្វៀន ថាញ់ប៊ិញ អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត អានយ៉ាង បានសង្កត់ធ្ងន់លើសារៈសំខាន់ និងអត្ថន័យនៃការតភ្ជាប់តំបន់សម្រាប់ខេត្ត អានយ៉ាង ជួយដល់ការងារដឹកនាំ ប្រតិបត្តិការ មានមូលដ្ឋានសម្រាប់តំបន់នីមួយៗរៀបចំផែនការ អភិវឌ្ឍន៍សេដ្ឋកិច្ចសង្គមកិច្ច ជៀសវាងការអភិវឌ្ឍន៍ដោយឯកឯង ទន្ទឹមនឹងនោះអនុវត្តបេសកកម្ម ភារកិច្ចដែលមជ្ឈិមប្រគល់ជូន។ ប៉ុន្តែ ការតភ្ជាប់រវាងខេត្តតំបន់វាលទំនាបទន្លេគឺវឡុងមិន មានការតភ្ជាប់ជិតស្និទ្ធនិងខ្វះភាពស្របគ្នា។
ដើម្បីលើកកម្ពស់ប្រសិទ្ធភាព លោក ង្វៀន ថាញ់ប៊ិញ អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត អានយ៉ាង បានស្នើថា បណ្តាខេត្តតំបន់វាលទំនាបទន្លេគឺវឡុងត្រូវតែសហការព្រមៗគ្នា និងជិតស្និទ្ធថែមទៀត។ ទន្ទឹមនឹងនោះ ក៏ផ្តល់អនុសាសន៍ដល់ រដ្ឋាភិបាលថាចាំបាច់ត្រូវតែមានយន្តការពិសេសជាក់លាក់មួយ ដើម្បីវិនិយោគក្នុងខេត្តសំខាន់ៗចំនួន ៤ នៅតំបន់វាលទំនាបទន្លេគឺវឡុង ក្នុងនោះមានខេត្ត អានយ៉ាង ផងដែរ។ ចាំបាច់ត្រូវតែមានការយកចិត្តទុកដាក់ និងការវិនិយោគសម្រាប់ខេត្ត អានយ៉ាង ដើម្បីអភិវឌ្ឍន៍សេដ្ឋកិច្ចពាណិជ្ជកម្មតាមព្រំដែន និងផ្នែកឧស្សាហកម្មកែច្នៃ។
លោក ង្វៀន ភឿងឡាម ប្រធានសហព័ន្ធពាណិជ្ជកម្ម និងឧស្សាហកម្មវៀតណាម សាខា កឹនធើ បានវាយតម្លៃខ្ពស់ចំពោះគំនិតផ្តួចផ្តើម និងថាមវន្តវិជ្ជមានក្នុងការដឹកនាំ និងប្រតិបត្តិការសេដ្ឋកិច្ចរបស់មូលដ្ឋាន
និងភាពសកម្មក្នុងការតភ្ជាប់តំបន់រវាងខេត្ត អានយ៉ាង និងខេត្តនានា លើកកម្ពស់ដើម្បីអភិវឌ្ឍន៍សេដ្ឋកិច្ចសង្គមកិច្ច។ ទន្ទឹមនឹងនោះ កត់ត្រាសំណើរបស់ខេត្ត នឹងប្រមូលផ្តុំដើម្បីបំពេញខ្លឹមសារស្រាវជ្រាវនៃរបាយការណ៍សេដ្ឋកិច្ចតំបន់វាលទំនាបទន្លេគឺវឡុងប្រចាំឆ្នាំ។ នេះជារបាយការណ៍ថ្នាក់តំបន់ដំបូងគេក្នុងប្រទេសទាំងមូល រួមចំណែកយ៉ាងសំខាន់ក្នុងការជំរុញការអភិវឌ្ឍន៍សេដ្ឋកិច្ច-សង្គមកិច្ច នៅក្នុងតំបន់វាលទំនាបទន្លេគឺវឡុង៕
ប្រែ៖ ណារីពៅ