នៅរសៀលថ្ងៃទី៩ ខែវិច្ឆិកា មន្ទីរផែនការ និងវិនិយោគខេត្ត អានយ៉ាង បានសហការជាមួយមន្ទីរ គណ ផ្នែកខេត្ត និងសាខាសហព័ន្ធពាណិជ្ជកម្ម និងឧស្សាហកម្មវៀតណាមប្រចាំនៅទីក្រុង កឹនធឺ (VCCI កឹនធឺ) រៀបចំសន្និបាតជំរុញការអនុវត្តភារកិច្ច និងដំណោះស្រាយលើកកម្ពស់សន្ទស្សន៍ប្រកួតប្រជែងថ្នាក់ខេត្ត (សន្ទស្សន៍ PCI) និងគាំទ្រធុរកិច្ចនៅប៉ុន្មានខែចុងឆ្នាំ ២០២៣។
ប្រតិភូចូលរួមសន្និបាត
លោកស្រី ង្វៀនភឿងឡាម ប្រធាន VCCI កឺនធឺ និងលោក ផាមមិញតាំ ប្រធានមន្ទីរផែនការ និងវិនិយោគខេត្ត អានយ៉ាង ធ្វើជាអធិបតីភាព។ រួមមានតំណាងថ្នាក់ដឹកនាំមន្ទីរ គណ ផ្នែកខេត្ត សាខាសមាគម និងធុរកិច្ចចូលរួម។
លោក ត្រាងកុងគឿង អនុប្រធានមន្ទីរផែនការ និងវិនិយោគ អានយ៉ាង រាយការណ៍បូកសរុបលទ្ធផលសិក្សាបទពិសោធន៍នៅខេត្ត ក្វាងនិញ
លោក ផាមមិញតាំ ប្រធានមន្ទីរផែនការ និងវិនិយោគខេត្ត អានយ៉ាង ស្នើ និងតម្រង់ទិសភារកិច្ច និងដំណោះស្រាយកែលម្អបរិយាកាសអាជីវកម្ម
លោកស្រី ង្វៀន ភឿងណាម ប្រធាន VCCI កឺនធឺ ចែករំលែកនៅសន្និបាត
តំណាងសមាគម សហសមាគម និងធុរកិច្ចថ្លែងមតិ
ថ្នាក់ដឹកនាំមន្ទីរផ្នែកថ្លែងមតិនៅក្នុងសន្និបាត
នៅក្នុងសន្និបាត គណៈប្រតិភូបានផ្តោតលើការផ្លាស់ប្តូរភារកិច្ច និងដំណោះស្រាយមួយចំនួន ដើម្បីកែលម្អបរិយាកាសធុរកិច្ច លើកកម្ពស់សមត្ថភាពប្រកួតប្រជែងថ្នាក់ខេត្ត (សន្ទស្សន៍ PCI) ជំរុញខ្លាំងការទាក់ទាញវិនិយោគ និងគាំទ្រដល់ធុរកិច្ចក្នុងរយៈពេលប៉ុន្មានខែចុងក្រោយនៃឆ្នាំ ២០២៣ និងឆ្នាំបន្តបន្ទាប់ទៀតប្រកបដោយប្រសិទ្ធភាព និងជាក់ស្តែង។ ទន្ទឹមនឹងនោះ តម្រង់ទិសភារកិច្ច និងដំណោះស្រាយចំពោះមុខនិងយូអង្វែងដើម្បីកែលម្អបរិយាកាសអាជីវកម្ម ផ្តល់ការគាំទ្រជាក់ស្តែងសម្រាប់ធុរកិច្ច បណ្តាទម្រង់តភ្ជាប់ និងចែករំលែកព័ត៌មានរវាងធុរកិច្ច និងមន្ទីរផ្នែក របៀបដោះស្រាយបញ្ហារបស់ធុរកិច្ច ដើម្បីធានាការពេញចិត្តសម្រាប់ធុរកិច្ច។
គណៈប្រតិភូបានស្តាប់របាយការណ៍ស្តីពីលទ្ធផលសិក្សាបទពិសោធន៍នៅខេត្ត ក្វាងនិញ អំពីការលើកកម្ពស់ PCI ផ្តោតទៅលើរបៀបណែនាំ និងប្រតិបត្តិការ វិធីដឹកនាំខេត្ត និងមន្ទីរ និងផ្នែកពាក់ព័ន្ឋរបស់ខេត្ត ក្វាងនិញ គាំទ្រធុរកិច្ចអនុវត្តនីតិវិធីវិនិយោគ ដោះស្រាយ បញ្ហាដែលកើតឡើងក្នុងអំឡុងពេលផ្សព្វផ្សាយអនុវត្តគម្រោង។ VCCI កឺនធឺ ចែករំលែកនូវវិធីអនុវត្ត និងទម្រង់ល្អៗ ដើម្បីបង្កើនគុណភាពជួយគាំទ្រដល់ធុរកិច្ច។
តំណាងធុរកិច្ចថ្លែងមតិសំណេះសំណាល និងចែករំលែកនូវគោលបំណង និងអនុសាសន៍របស់ខ្លួនជាមួយមន្ទីរ ផ្នែក អំពីបញ្ហាធុរកិច្ច និងទម្រង់នៃការជួបសំណេះសំណាល និងផ្លាស់ប្តូរយោបល់រវាងធុរកិច្ច និងថ្នាក់ដឹកនាំមន្ទីរ ផ្នែកខេត្ត។
បញ្ចប់សន្និបាត ដើម្បីផ្សព្វផ្សាយអនុវត្តភារកិច្ច និងដំណោះស្រាយសម្រាប់កំណែទម្រង់រដ្ឋបាល និងកែលម្អបរិយាកាសវិនិយោគ ដើម្បី លើកកម្ពស់សមត្ថភាពប្រកួតប្រជែង ជំរុញខ្លាំងទាក់ទាញវិនិយោគ និងគាំទ្រធុរកិច្ចនាពេលខាងមុខ។ លោក ផាមមិញតាំ ប្រធានមន្ទីរផែនការ និងវិនិយោគ បានអំពាវនាវឲ្យ ភាពជាដៃគូ និងការប្តេជ្ញាចិត្តរបស់អង្គភាព និងសហគមន៍ធុរកិច្ចក្នុងការកែលម្អ PCI របស់ខេត្ត។ ឯកភាពលើវិធីផ្សព្វផ្សាយអនុវត្តភារកិច្ចគាំទ្រធុរកិច្ចនាពេលខាងមុខ។
បណ្តាមន្ទីរ ផ្នែកទទួលបន្ទុកលើសន្ទស្សន៍សមាសភាគនីមួយៗ និងសន្ទសន៍ផ្ទៃក្នុងស្រាវជ្រាវទម្រង់ និងវិធីសាស្រ្តរបស់ខេត្ត ក្វាងនិញ ដើម្បីធ្វើសេនាធិការដល់គណៈកម្មាធិការប្រជាជនខេត្តផ្សព្វផ្សាយអនុវត្តស្របតាមលក្ខណៈ និងលក្ខខណ្ឌជាក់ស្តែងនៅមូលដ្ឋាន។ សមាគមធុរកិច្ចខេត្តពង្រីតួនាទីជាស្ពានតភ្ជាប់រវាងសហគមន៍ធុរកិច្ច និងអាជ្ញាធរមូលដ្ឋាន។ ក្តាប់បានបញ្ហាលំបាក និងបញ្ហាទាក់ទិនរបស់ធុរកិច្ច ដើម្បីបញ្ជូនទៅដល់ស្ថាបនឯកទេសដោះស្រាយទាន់ពេលវេលា។
ស្នើមន្ទីរ ផ្នែកនានាឲ្យដោះស្រាយនូវនីតិវិធីវិនិយោគ និងអាជីវកម្មឲ្យាបានឆាប់រហ័សសម្រាប់វិនិយោគគិន និងធុរកិច្ច។ ដោយកំណត់តម្រូវការរបស់ធុរកិច្ច និងស្នើដំណោះស្រាយគាំទ្រ ជាក់ស្តែង ឆ្លើយតបតម្រូវការស្របច្បាប់របស់ធុរកិច្ច៕
ប្រែ៖ ណារីពៅ
