ក្នុងរយៈពេល ៦ ខែដើមឆ្នាំ ២០២៣ ស្រុក ចីងថាញ់ បានអនុវត្តយ៉ាងសកម្មនូវដំណោះស្រាយព្រមៗគ្នា និងគ្រប់ជ្រុងជ្រោយនៃដំណោះស្រាយអភិវឌ្ឍន៍សេដ្ឋកិច្ចសង្គមកិច្ច។ តាមរយៈនោះ បង្កើតបុរេលក្ខណៈងាយស្រួលដើម្បីមូលដ្ឋានបញ្ចប់ភារកិច្ចអភិវឌ្ឍន៍សេដ្ឋកិច្ចសង្គមកិច្ចឆ្នាំ ២០២៣ ប្រកបដោយភាពជោគជ័យ។
លោក ហូ ហ៊ឺវតៃ អនុប្រធានគណៈកម្មាធិការប្រជាជនស្រុក ចូវថាញ់ បានឲ្យដឹងថា៖ ក្នុងរយៈពេល ៦ ខែដើមឆ្នាំ ២០២៣ ស្ថានភាពអនុវត្តភារកិច្ចអភិវឌ្ឍន៍សេដ្ឋកិច្ចសង្គមកិច្ចរបស់ស្រុកបានប្រព្រឹត្តទៅក្នុងបរិបទដែលនៅតែប្រឈមមុខនឹងការលំបាកច្រើន។ ជាពិសេស ស្ថានភាពគ្រោះធម្មជាតិ ជំងឺរាតត្បាត ផលិតកម្មអាជីវកម្មជួបការលំបាកច្រើន ថ្លៃដើមផលិតកម្មកើនឡើង ការលក់ចេញផលិតផលនិងតម្លៃទំនិញមិនស្ថិរភាពជាដើម។ ប៉ុន្តែ ក្រោមការដឹកនាំ ណែនាំរបស់បក្ខភាគស្រុក និងក្រោមការគ្រប់គ្រងរបស់គណកម្មាធិការប្រជាជនស្រុក និងឃ្លាំមើលរបស់ក្រុមប្រឹក្សាប្រជាជនស្រុក រួមជាមួយការខិតខំប្រឹងប្រែងនិង ការឯកភាពរបស់បណ្តាផ្នែក និងបណ្តាមូលដ្ឋាន ស្ថានភាពសេដ្ឋកិច្ចសង្គមកិច្ចលើភូមិសាស្ត្រស្រុក ចូវថាញ់ ក្នុងរយៈពេល ៦ ខែដើមឆ្នាំ ២០២៣ ជាគោលសម្រេចបាន ១១/១៥ សន្ទស្សន៍លើកឡើង។
កៀរគរកម្លាំងប្រជាជនកសាងជនបទថ្មី
ជាមួយប្រៀបខ្លាំងផលិតកសិកម្ម ស្រុក ចូវថាញ់ បានខិតខំរៀបចំរចនាសម្ព័ន្ធកសិកម្មឡើងវិញឲ្យសមស្របនឹងលក្ខណៈមូលដ្ឋាននិងសម្របទៅនឹងការប្រែប្រួលអាកាសធាតុ នាំមកនូវតម្លៃសេដ្ឋកិច្ចខ្ពស់។ ក្នុងនោះ ផ្តោតសំខាន់លើការជួយដល់កសិករក្នុងការអនុវត្តវិទ្យាសាស្ត្រ និងបច្ចេកទេស ផ្លាស់ប្តូររចនាសម្ព័ន្ធដំណាំដាំដុះ និងសត្វចិញ្ចឹម មានតម្លៃសេដ្ឋកិច្ចខ្ពស់ និងក្បាលចេញស្ថិរភាព។ ផ្ទៃដីដាំដុះស្រូវសរុបក្នុងរយៈពេល ៦ខែដើមឆ្នាំ២០២៣ សម្រេចបានជាង ៥៥.៥៣០ហ.ត (ថយចុះជាង ១១៦ ហ.ត ធៀបនឹងដំណាលពេលនេះឆាំ្នមុន។ ផ្ទៃដីដាំដុះស្រូវសរុបជាង ១.៣១៦ ហ.ត (កើនជាង ៨០ ហ.ត ធៀបនឹងដំណាលពេលនេះឆាំ្នមុន) សម្រេចបាន ៤៧,៥២% ផែនការឆ្នាំ។
វិស័យវិនិយោគសាងសង់ជាគោលមានការផ្លាស់ប្តូរជាវិជ្ជមាន បណ្តាសំណង់សំខាន់ៗបម្រើដល់ការអភិវឌ្ឍន៍សេដ្ឋកិច្ចសង្គមកិច្ច សន្តិសុខការពារជាតិរបស់មូលដ្ឋានបានយកចិត្តទុកដាក់វិនិយោគលើកកម្ពស់។
ហេដ្ឋារចនាសម្ព័ន្ធចរាចរណ៍បានយកចិត្តទុកដាក់វិនិយោគលើកកម្ពស់ រួមចំណែកជំរុញសេដ្ឋកិច្ចសង្គមកិច្ចអភិវឌ្ឍន៍ និងធ្វើឲ្យផ្លាស់ប្តូរមុខមាត់ជនបទ ជាជំហានៗបញ្ចប់បណ្តាញចរាចរណ៍បន្តជាប់គ្នារវាងឃុំនិងទីរួមស្រុក។
សកម្មភាពឧស្សាហកម្ម - សិប្បកម្ម ពាណិជ្ជកម្ម - សេវាកម្មមានការផ្លាស់ប្តូរល្អបង្គួរ។ ការងារបណ្តុះបណ្តាលវិជ្ជាជីវៈ និងដោះស្រាយការងារសម្រាប់កម្មករនៅតាមជនបទបានយកចិត្តទុកដាក់អនុវត្តជាមួយនឹងវិធីធ្វើល្អៗ និងមានប្រសិទ្ធភាព។ ជាពិសេសស្រុកយកចិត្តទុកដាក់លើការបណ្តុះបណ្តាលវិជ្ជាជីវៈផ្សារភ្ជាប់នឹងតម្រូវការការងាររបស់ក្រុមហ៊ុន ធុរកិច្ចដែលកំពុងធ្វើសកម្មភាពក្នុងវិស័យផលិតកម្ម និងអាជីវកម្មលើភូមិសាស្ត្រ។ ក្នុងរយៈពេល ៦ ខែដើមឆ្នាំ ២០២៣ ស្រុកបានបង្កើតមូលដ្ឋានថ្មីចំនួន ១៨០។ តាមរយៈនោះ បង្កើនចំនួនមូលដ្ឋានសរុបនៅលើភូមិសាស្ត្រស្រុកកើនឡើងចំនួន ៩.៤៨៨ ជាមួយនឹងនិយោជិត ១៦.០៦៥ នាក់ និងទុនវិនិយោគជិត ៥៨៤ ពាន់លានដុង។
ពន្លឿនការរៀបចំរចនាសម្ព័ន្ធកសិកម្មឡើងវិញ
ស្រុកចូវថាញ់បានអនុវត្តល្អការកៀរគរធនធានសម្រាប់ការកសាងជនបទថ្មី ជាពិសេសផ្សព្វផ្សាយផែនការ និងដំណោះស្រាយអនុវត្តគម្រោងកសាងស្រុកចូវថាញ់សម្រេចស្តង់ដារ “ស្រុកជនបទថ្មី” ដំណាក់កាល ២០២១-២០២៥ ស្រុក ចូវថាញ់ ត្រួតពិនិត្យយ៉ាងសកម្ម និងរៀបចំផែនការរក្សា និងលើកកម្ពស់គុណភាពលក្ខណៈវិនិច្ឆ័យដែលសម្រេចបាន និងផ្តោតលើការផ្សព្វផ្សាយ អនុវត្តនូវលក្ខណៈវិនិច្ឆ័យដែលមិនទាន់សម្រេចបាន ដោយមានដំណោះស្រាយជាក់ស្តែង និងជាក់លាក់។ ជាពិសេស លើកម្ពស់សុពលភាព និងប្រសិទ្ធភាពគ្រប់គ្រងរបស់អាជ្ញាធរ និងអង្គការមហាជនក្នុងការកសាងជនបទថ្មី។
“ដើម្បីសម្រេចបាននូវគោលដៅ ស្រុក ចូវថាញ់ ផ្តោតលើការកៀរគររាល់ប្រភពធនធាន និងចូលរួមទូទាំងប្រព័ន្ធនយោបាយ និងប្រជាជន។ ជម្នះភាពលំបាកយ៉ាងសកម្ម កសាងផែនទីបង្ហាញផ្លូវជាក់លាក់មួយ ភ្ជាប់នឹងផែនការអភិវឌ្ឍន៍សេដ្ឋកិច្ចសង្គមកិច្ចនៃឆ្នាំនីមួយៗ។ ក្នុងនោះ ផ្តោតជំរុញខ្លាំងការងារសង្គមូបនីយកម្ម កៀរគរកម្លាំងប្រជាជនអនុវត្តសំណង់ស្ពាន ផ្លូវជនបទ។ កសាងជីវភាពវប្បធម៌។ ដោះស្រាយការងារធ្វើនិងកាត់បន្ថយភាពក្រីក្រ។ គាំទ្រអភិវឌ្ឍន៍ផលិតកម្ម។ ជំរុញខ្លាំងការវិនិយោគលើវិស័យសុខាភិបាល អប់រំ មូលដ្ឋានហេដ្ឋារចនាសម្ព័ន្ឋ។ ចលនាប្រជាជនចូលរួមធានារ៉ាប់រងសុខភាពជាដើម រួមចំណែកលើកកម្ពស់គុណភាពជីវភាពសម្ភារៈនិងស្មារតីរបស់ប្រជាជនបង្កើតការផ្លាស់ប្តូរនូវគ្រប់ទិដ្ឋភាពនៃតំបន់ជនបទ” - លោក វ៉ ជីទ្រុង ប្រធានគណកម្មាធិការប្រជាជនស្រុកចូវថាញ់ឲ្យដឹងដូច្នេះ។
ដើម្បីសម្រេចបានជោគជ័យនូវភារកិច្ចអភិវឌ្ឍន៍សេដ្ឋកិច្ចសង្គមកិច្ចឆ្នាំ២០២៣ គ្រប់ថ្នាក់ គ្រប់ផ្នែករបស់ស្រុក ចូវថាញ់ ត្រូវពិនិត្យ និងអនុវត្តយ៉ាងមានប្រសិទ្ធភាពនូវភារកិច្ចអភិវឌ្ឍន៍សេដ្ឋកិច្ចសង្គមកិច្ចសម្រាប់ឆ្នាំ២០២៣។ ក្នុងនោះ ប្រមូលផ្តុំបង្កើនការត្រួតពិនិត្យ និងពន្លឿនល្បឿនអនុវត្តសំណង់សាងសង់ជាមូលដ្ឋាន ជាពិសេសគឺសំណង់សំខាន់ៗ។ បន្តជំរុញខ្លាំងការរៀបចំរចនាសម្ព័ន្ធកសិកម្មឡើងវិញ និងអភិវឌ្ឍន៍ផលិតកសិកម្មតាមទិសដៅអនុវត្តបច្ចេកវិជ្ជាខ្ពស់។ ជាពិសេស តាមដាន ណែនាំ ដើម្បីធានាសុវត្ថិភាព និងផលិតជោគជ័យនូវរដូវទី ៣។ ផ្សព្វផ្សាយអនុវត្តផែនការបង្ការ ទប់ស្កាត់គ្រោះធម្មជាតិនិងសង្គ្រោះយ៉ាងសកម្ម និងប្រសិទ្ធភាព។
ទន្ទឹមនិងនោះ អនុវត្តមានប្រសិទ្ឋភាពការងារ ជំរុញឧស្សាហកម្ម កំណែទម្រង់រដ្ឋបាល អំពាវនាវវិនិយោគ បង្កើតលក្ខណៈងាយស្រួលសម្រាប់ធុរកិច្ចអភិវឌ្ឍន៍ផលិតកម្ម និងអាជីវកម្ម។ ទន្ទឹមនឹងនោះ ជំរុញការកៀរគរកម្លាំងប្រជាជនដើម្បីកសាងជនបទថ្មី។ គ្រប់គ្រងប្រភពចំណូលយ៉ាងតឹងរ៉ឹង បង្ការទប់ស្កាត់ការបាត់បង់ចំណូលពន្ធ។ បង្កើនការងារបណ្តុះបណ្តាលវិជ្ជាជីវៈ និងដោះស្រាយការធ្វើ។ អនុវត្តគោលនយោបាយសន្តិសុខសង្គម និងធានាសណ្តាប់ធ្នាប់សុវត្ថិភាពសង្គមឲ្យបានល្អ។ល៕
ប្រែ៖ ណារីពៅ
