នៅថ្ងៃទី ១៤ មករា លោក ង៉ោកុងធឹក អនុប្រធានគណកម្មាធិការប្រជាជនខេត្តអានយ៉ាង បានដឹកនាំគណប្រតិភូអញ្ជើញទៅសួរសុខទុក្ខនិងជូនពរបុណ្យចូលឆាំ្នថ្មីវៀតណាមឆាំ្ន ២០២៥ នៅស្រុកអានភូ។
តាមនោះ គណៈប្រតិភូបានទៅសួរសុខទុក្ខ និងជូនពរឆ្នាំថ្មីដល់បក្ខភាគស្រុក និងគណៈកម្មាធិការប្រជាជនស្រុកអានភូ។ ប៉ុស្ត៍ការពារច្រកទ្វារព្រំដែនឡុងប៊ិញ ប៉ុស្តិ៍ការពារព្រំដែនវិញហូយដុង (កងទ័ពការពារព្រំដែនអានយ៉ាង)។
អញ្ជើញមកសួរសុខទុក្ខ និងជូនពរឆ្នាំថ្មីបក្ខភាគស្រុក គណៈកម្មាធិការប្រជាជនស្រុកអានភូ លោក ង៉ោកុកធឹក អនុប្រធានគណៈកម្មាធិការប្រជាជនខេត្ត បានពិនិត្យឡើងវិញនូវសមិទ្ធិផលវិជ្ជមានក្នុងគោលដៅអភិវឌ្ឍន៍សេដ្ឋកិច្ចសង្គមរបស់ខេត្តនៅក្នុងឆ្នាំ ២០២៤។ ទន្ទឹមនិងនោះ ស្នើបក្ខភាគស្រុក គណៈកម្មាធិការប្រជាជនស្រុកអានភូ បន្តខិតខំប្រឹងប្រែង និងជ្រោងខ្ពស់ស្មារតីសាមគ្គីភាពនៅក្នុងប្រព័ន្ធនយោបាយមូលដ្ឋានទាំងមូល ដោយប្តេជ្ញាអនុវត្តជោគជ័យនូវភារកិច្ច និងគោលដៅអភិវឌ្ឍន៍សេដ្ឋកិច្ចសង្គមឆ្នាំ ២០២៥ រួមចំណែកទៅក្នុងភាពជោគជ័យរួមរបស់ខេត្ត។
នៅប៉ុស្តិ៍ការពារព្រំដែនច្រកទ្វារព្រំដែន ឡុងប៊ិញ និងប៉ុស្តិ៍ការពារព្រំដែនច្រកទ្វារព្រំដែន វិញហូយដុង លោកអនុប្រធានគណៈកម្មាធិការប្រជាជនខេត្តបាន សួរសុខទុក្ខយ៉ាងយកចិត្តទុកដាក់ចំពោះជីវភាព និងសកម្មភាពរបស់កម្មាភិបាល យុទ្ឋជន និងក្តាប់ច្បាស់នូវស្ថានភាពការងាររបស់អង្គភាព។ តាមរយៈនោះ សំណូមពរដល់គ្រប់អង្គភាពទាំងអស់ ត្រូវបន្តប្រកាន់ខ្ជាប់នូវស្មារតីប្ដេជ្ញាចិត្តឈ្នះ សម្រេចបានជោគជ័យនូវភារកិច្ចដែលបានប្រគល់ជូននៅក្នុងឆ្នាំថ្មីនេះ។ ជាពិសេស តែងតែរក្សាយ៉ាងតឹងរ៉ឹងនៅរបបត្រៀមខ្លួនប្រយុទ្ធ រីករាយនិទាឃរដូវមិនភ្លេចភារកិច្ចជាកងទ័ព “ស័ក្តិបៃតង” នៅតាមព្រំដែន។
តាងនាមបក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តអានយ៉ាង សមមិត្ត ង៉ោកុងធឹក បានជូនពរដល់ក្មាភិបាល ប្រជាជនស្រុកអានភូ និងកងកម្លាំងកងទ័ពការពារព្រំដែនទទួលឆាំ្នថ្មីជោគជ័យ សុភមង្គល សប្បាយរីករាយ សាមគ្គី រួមដៃកសាងមាតុភូមិអានយ៉ាង កាន់តែអិវឌ្ឍន៍ពីមួយថ្ងៃទៅមួយថ្ងៃ។
ក្នុងឱកាសនេះ លោកអនុប្រធានគណៈកម្មាធិការប្រជាជនខេត្ត ក៏បាន អញ្ជើញទៅសួរសុខទុក្ខនិងជូនពរឆ្នាំថ្មីដល់គ្រួសារគោលនយោបាយគំរូនៅស្រុកអានភូផងដែរ៕
ប្រែ៖ ណារីពៅ
