នៅថ្ងៃ ៩៥ កុម្ភៈ គណប្រតិភូរដ្ឋសភាខេត្តអានយ៉ាងនិងសហព័ន្ឋពលករខេត្តបានរៀបចំគណប្រតិភូអញ្ជើញទៅសួរសុខទុក្ខនិងជូនពរបុណ្យចូលឆាំ្នថ្មីធុរកិច្ចនិងជូនអំណោយដល់សមាជិកសហជីពនិងពលករដែលមានស្ថានភាពលំបាកនៅលើភូមិសាស្ត្រស្រុកថ្វយសឺន ក្នុងឱកាសដើមឆ្នាំម្សាញ់ ២០២៥។
លោកស្រី ត្រាន់ធីថាញ់ហឿង សមាជិកាគណៈអចិន្ត្រៃយ៍បក្ខភគខេត្ត ប្រធានគណៈប្រតិភូរដ្ឋសភាខេត្ត ប្រធានគណឃោសនាអប់រំបក្ខភាគខេត្តអានយ៉ាង។ លោក ឡាំថាញ់ស៊ី ប្រធានសហព័ន្ធពលករខេត្តអានយ៉ាង និងប្រចាំការបក្ខភាគស្រុកថ្វយសឺន សហព័ន្ធពលករស្រុកថ្វយសឺន គណនាយកនៃធុរកិច្ចនានាបានអញ្ជើញចូលរួម។
តាមនោះ គណៈប្រតិភូបានទៅក្រុមហ៊ុន TBS អានយ៉ាងដើម្បីស្វែងយល់ពីស្ថានភាពកម្មករពលករដែលត្រឡប់មកធ្វើការវិញក្រោយពីបុណ្យចូលឆ្នាំថ្មីប្រពៃណីជាតិ។ បណ្តាខ្លឹមសារថែទាំមុនបុណ្យចូលឆាំ្ន ការតម្រង់ទិសផលិតកម្ម អាជីវកម្មរបស់ក្រុមហ៊ុននៅឆ្នាំ ២០២៥ និងផែនការជ្រើសរើសបុគ្គលិកជាដើម។ ផ្អែកលើមូលដ្ឋានកត់ត្រាទទួលស្គាល់ស្ថានភាពរបស់ក្រុមហ៊ុន គណៈប្រតិភូរដ្ឋសភានឹងមានដំណោះស្រាយដើម្បីអមដំណើរជាមួយធុរកិច្ចក្នុងសកម្មភាពនិងថែទាំកម្មករពលករនាពេលខាងមុខ។
លោក ឡាំថាញ់ស៊ី ប្រធានសហព័ន្ធពលករខេត្ត អានយ៉ាង បានឲ្យដឹងថា សហជីពខេត្តនឹងបន្តយកចិត្តទុកដាក់ និងស្នើដើម្បីមានគោលនយោបាយថែទាំកាន់តែប្រសើរ ជាពិសេសគឺសកម្មភាពឧបត្ថម្ភអាហារវេន និងបណ្តាគោលនយោបាយសម្រាប់និយោជិតក្នុងធុរកិច្ច។សហព័ន្ធពលករខេត្តនឹងរួមដំណើរជាមួយសហជីពមូលដ្ឋាន ដឹកនាំបណ្តាក្រុមហ៊ុន ដើម្បីមើលថែកម្មករ ពលករបង្កើតទំនាក់ទំនងស្រុះស្រួលគ្នារវាងកម្មករ និងនិយោជក ដើម្បីស្ងប់ចិត្តក្នុងការងារ។ ទន្ទឹមនិងនោះ សហជីពក៏បានជួយដល់ធុរកិច្ចព័ត៌មានអំពីការជ្រើសរើសកម្មករពលករ ផ្សព្វផ្សាយផលិតផលរបស់ក្រុមហ៊ុន និងគោលនយោបាយអនុគ្រោះជាដើម ដើម្បីទាក់ទាញកម្មករមកធ្វើការ។
ក្នុងឱកាសនេះ គណៈប្រតិភូបានជូនអំណោយចូលឆាំ្នដល់ថ្នាក់ដឹកនាំក្រុមហ៊ុន និងសមាជិកសហជីព និងកម្មករនិយោជិតដែលមានស្ថានភាពលំបាក ៤០ ចំណែក មានតម្លៃ ១ លានដុង/ចំណែក (រួមមានសាច់ប្រាក់ ៧០០.០០០ ដុង និងអំណោយមានតម្លៃ ៣០០.០០០ ដុង) ថវិកាពីប្រភពធនធានហិរញ្ញវត្ថុសហជីព។
គណៈប្រតិភូបានទៅពិនិត្យរោងចក្រ និងសួរនាំអំពីស្ថានភាពការងាររបស់កម្មករពលករ។ ក្រុមហ៊ុន TBS អានយ៉ាង បច្ចុប្បន្នមានបុគ្គលិកនិយោជិតជិត ៩.០០០នាក់។ ចំនួនកម្មករពលករចូលធ្វើការវិញនៅដើមឆ្នាំមានប្រមាណ ៩០%។ ក្នុងឱកាសបុណ្យចូលឆាំ្នវៀតណាម សហព័ន្ធពលករខេត្តបានទៅសួរសុខទុក្ខ និងផ្តល់អំណោយដល់និយោជិតចំនួន ១.៣១៣ នាក់នៅក្រុមហ៊ុន ដោយមានតម្លៃសរុបជាង ១,២ ពាន់លានដុង។
នៅថ្ងៃដដែល គណៈប្រតិភូបានទៅទស្សនា និងស្វែងយល់ពីស្ថានភាពនៅក្រុមហ៊ុនភាគហ៊ុននីហរ័ណអាហរ័ណជលផល អានមី ដែលជាធុរកិច្ចមួយមានកម្មករពលករប្រមាណ ៨០០នាក់។ ទន្ទឹមនឹងនោះក៏ផ្តល់អំណោយដល់សមាជិកសហជីពនិងកម្មករចំនួន២០នាក់ដែលមានស្ថានភាពលំបាកផងដែរ។
នេះជាសកម្មភាពថ្មីមួយដែលណែនាំដោយសហព័ន្ធពលករខេត្តឲ្យអនុវត្តនៅដើមឆ្នាំសម្រាប់លើកទឹកចិត្តធុរកិច្ច ដើម្បីពលករ លើកទឹកចិត្តដល់ស្មារតីការងារដែលមានភាពច្នៃប្រឌិតរបស់សមាជិកសហជីព និងកម្មករ រួមចំណែកបញ្ចប់ភារកិច្ចផលិតកម្ម និងអាជីវកម្មក្នុងឆ្នាំ២០២៥ ឲ្យល្អឥតខ្ចោះ៕
ប្រែ៖ ណារីពៅ
