ព្រឹកថ្ងៃទី ១២ ខែ កុម្ភះ បក្ខភាគខេត្ត ក្រុមប្រឹក្សាប្រជាជន គណកម្មាធិការប្រជាជន គណកម្មាធិការរណសិរ្សមាតុភូមិវៀតណាមខេត្តអានយ៉ាងរៀបចំជំនួបមុខប្រតិភូបញ្ញវន្តនិងវិចិត្រករនាដើមនិទាឃរដូវឆ្នាំ២០២៥។ លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង។ លោកស្រី ដាំងធីហ្វារ៉ី ប្រធានគណកម្មាធិការរណសិរ្សមាតុភូមិ វៀតណាមខេត្តអានយ៉ាង។ លោកស្រី ង្វៀនធីមិញធ្វី អនុប្រធានគណកម្មាធិការប្រជាជនខេត្តអានយ៉ាង និងបណ្តាសមមិត្តថ្នាក់ដឹកនាំខេត្ត។ ថ្នាក់ដឹកនាំមន្ទីរ គណ ផ្នែកខេត្តរួមជាមួយប្រតិភូបញ្ញវន្តនិងវិចិត្រករបានអញ្ជើញចូលរួម។
ថ្លែងមតិក្នុងពិធីជំនួបមុខ លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង បានព័ត៌មានថា៖ ក្នុងឆ្នាំ ២០២៤ ទោះបីជាប្រឈមមុខនឹងការលំបាកជាច្រើនក៏ដោយ ក៏ខេត្តអានយ៉ាង នៅតែសម្រេចបានសមិទ្ធិផលលេចធ្លោក្នុងវិស័យសេដ្ឋកិច្ច និងវប្បធម៌។ អត្រាកំណើន GRDP របស់ខេត្តសម្រេចបាន៧,១៦% ខ្ពស់ជាងកម្រិតមធ្យមភាគទូទាំងប្រទេស ក្នុងខណៈដែលគោលដៅសេដ្ឋកិច្ចសង្គមដែលកំណត់ភាគច្រើនសុទ្ឋតែសម្រេចបាន និងលើសផែនការ។ វិស័យវប្បធម៌ និងសង្គមក៏បានកត់ត្រានូវសញ្ញាសម្គាល់ដ៏ជ្រាលជ្រៅជាច្រើន។
សមិទ្ធិផលខាងលើសុទ្ធតែជាសញ្ញាសម្គាល់ពិសេសរបស់ក្រុមបញ្ញវន្ត អ្នកវិទ្យាសាស្ត្រ និងសិល្បករក្នុង និងក្រៅខេត្ត។ ជាមួយនឹងការខិតខំប្រឹងប្រែងឥតឈប់ឈរទាំងនេះ ក្រុមបញ្ញវន្ត អ្នកវិទ្យាសាស្ត្រ និងវិចិត្រករបានរួមចំណែកយ៉ាងសំខាន់ក្នុងការជួយខេត្តអានយ៉ាងឆ្លផុតការលំបាកទាំងឡាយ និងបន្តឆ្ពោះទៅមុខលើមាគ៌ាអភិវឌ្ឍន៍ដ៏ទូលំទូលាយ និងនិរន្តរភាព។ លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត អានយ៉ាង បានសង្កត់ធ្ងន់ថា៖ ឆ្នាំ ២០២៥ មានអត្ថន័យសំខាន់ជាពិសេស បក្ខភាគខេត្តអានយ៉ាង បានកំណត់យ៉ាងច្បាស់នូវភារកិច្ចរបស់ខ្លួន ហើយប្តេជ្ញាផ្សព្វផ្សាយគ្រប់ជ្រុងជ្រោយនូវដំណោះស្រាយ ដើម្បីអនុវត្តជោគជ័យនូវសេចក្តីសម្រេចចិត្តមហាសន្និបាតបក្ខភាគខេត្តលើកទី ១១ អាណត្តិឆ្នាំ២០២៥– ២០៣០។តាមរយៈនោះស្នើ៖ បណ្តាថ្នាក់ បណ្តាផ្នែកនូវក្នុងខេត្តផ្តោតអនុវត្តឲ្យមានប្រសិទ្ធភាពនូវគោលដៅ និងភារកិច្ចតាមឯកសារណែនាំរបស់បក្ខភាគខេត្ត និងរដ្ឋាភិបាលមម្ឈិម អំពីបញ្ញវន្ត វប្បធម៌ អក្សរសាស្ត្រ និងវិចិត្រសិល្បៈ។ ទន្ទឹមនឹងនោះ ផ្សព្វផ្សាយនិងចូលរួមជ្រោមជ្រែងឲ្យមានប្រសិទ្ធភាពចំពោះសកម្មភាពបូកសរុប ៥០ឆ្នាំនៃមូលដ្ឋានអក្សរសាស្ត្រ និងវិចិត្រសិល្បៈវៀតណាម និងខេត្តអានយ៉ាង ចាប់តាំងពីថ្ងៃប្រទេសជាតិបានបង្រួបបង្រួម (១៩៧៥-២០២៥)។
ក្រុមបញ្ញវន្ត អ្នកវិទ្យាសាស្ត្រ និងវិចិត្រករបន្តបញ្ជាក់ពីភារទទួលខុសត្រូវ និងបេសកកម្មរបស់ពួកគេក្នុងសម័យអភិវឌ្ឍន៍ថ្មី។ ចូលរួមក្នុងវិស័យមានប្រៀបខ្លាំងរបស់ខេត្ត ស្រាវជ្រាវប្រធានបទដែលមានតម្លៃក្នុងការអនុវត្តជាក់ស្តែងខ្ពស់ ទន្ទឹមនិងនោះត្រូវស្មោះត្រង់នឹងខ្លួនឯង នឹងប្រជាជន នឹងវិទ្យាសាស្ត្រ។
វិចិត្រករត្រូវតែបរិច្ចាកនិងច្នៃប្រឌិតឥតឈប់ឈរ ដើម្បីនាំមកនូវវណ្ណកម្មសិល្បៈដ៏រស់រវើក ដែលឆ្លុះបញ្ចាំងពីដង្ហើមនៃសម័យកាល និងការពិតនៃជីវិត។ សកម្មភាពច្នៃប្រឌិតចាំបាច់ត្រូវភ្ជាប់នឹងជីវិតពិត រួមផ្សំជាមួយកត្តាសេដ្ឋកិច្ច នយោបាយ ដើម្បីវិចិត្រសិល្បៈមិនត្រឹមតែជាមធ្យោបាយកម្សាន្តប៉ុណ្ណោះទេ ថែមទាំងជាប្រភពនៃកម្លាំងស្មារតី អមជាមួយនឹងការអភិវឌ្ឍន៍របស់មូលដ្ឋានផងដែរ។ ទន្ទឹមនិងនោះ ផ្សព្វផ្សាយ និងណែនាំវណ្ណកម្មលើកសរសើរប្រពៃណីទំនៀមទម្លាប់ដ៏ល្អរបស់ខេត្តអានយ៉ាង រួមចំណែកលើកកម្ពស់មុខមាត់នៃខេត្តក្នុងចិត្តប្រជាជន និងមិត្តអន្តរជាតិ៕
ប្រែ៖ ណារីពៅ
