ព្រឹកថ្ងៃទី៤ ខែធ្នូ បក្ខភាគខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានប្រារព្ធយ៉ាងឱឡារិកនូវពិធីរួមដៃលុបបំបាត់ផ្ទះបណ្ដោះអាសន្ន និងទ្រុឌទ្រោមនៅលើភូមិសាស្ត្រខេត្ត។ ចលនាមូលនិធិ “ដើម្បីអ្នកក្រីក្រ” ឆ្នាំ២០២៤ និង “ដើមឈើនិទាឃរដូវ” បុណ្យចូលឆាំ្នថ្មីឆាំ្នម្សាញ់២០២៥ ដើម្បីកៀរគរប្រភពធនធាន រួមដៃថែទាំអ្នកក្រីក្រ ការងារសន្តិសុខសង្គម និងរួមចំណែកអភិវឌ្ឍន៍សេដ្ឋកិច្ច-សង្គមនៃខេត្ត។
អញ្ជើញចូលរួមមានលោក ហូវ៉ាន់ម៉ឹង សមាជិកបម្រុងគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត។ លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត។ រួមជាមួយនឹងសមមិត្តក្នុងគណៈកម្មាធិការអចិន្ត្រៃយ៍បក្ខភាគខេត្ត។ លោកស្រី ដាំងធីហ្វារ៉ី ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង រួមជាមួយសមមិត្តសមាជិកគណៈអចិន្ត្រៃយ៍បក្ខភាគខេត្ត ថ្នាក់ដឹកនាំមន្ទីរ គណៈ ផ្នែកខេត្តនិងថ្នាក់ដឹកនាំមន្ទីរ ផ្នែក និងមូលដ្ឋាន។ សមាជិកគណចលនាមូលនិធិ “ដើម្បីអ្នកក្រីក្រ” ខេត្ត។ រួមជាមួយតំណាងបណ្តាអង្គការសាសនា ក្រុមហ៊ុន អាជីកម្មនៅក្នុងនិងក្រៅខេត្តចូលរួម។
រយៈពេលកន្លង ខេត្តអានយ៉ាង បានផ្សព្វផ្សាយគោលនយោបាយស្របគ្នានិងមានប្រសិទ្ធភាពសម្រាប់អ្នកមានសគុណ កាត់បន្ថយភាពក្រីក្រ និងកម្មវិធីគោលដៅជាតិ។ រួមជាមួយនោះ ចលនាប្រឡងប្រណាំង “ដើម្បីអ្នកក្រីក្រ - មិនទុកអ្នកណាចោល” បានបក្ខភាគនិងអាជ្ញាធរគ្រប់លំដាប់ថ្នាក់ និងការគាំទ្រឧបត្ថម្ភរបស់សហគមន៍ធុរកិច្ច សហគ្រិន និងសប្បុរសជន ឥស្សរជនសាសនា និងប្រជាជនទាំងអស់យកចិត្តទុកដាក់ និងសម្រេចបានលទ្ធផលសំខាន់ៗ រួមចំណែកលើកកម្ពស់ជីវភាពសម្ភារៈ និងស្មារតីរបស់ប្រជាជន រួមចំណែកធានារបបសន្តិសុខសង្គម។
ប៉ុន្តែ ការរស់នៅរបស់គ្រួសារក្រីក្រ និងបៀតក្រីក្រមួយផ្នែកនៅតែមានការលំបាក។ រហូតមកដល់ពេលនេះ ខេត្តទាំងមូលនៅមានគ្រួសារក្រីក្រ និងបៀតក្រីក្រជាង ២៤.០០០គ្រួសារ ហើយជាង ៣.៧២០ គ្រួសារត្រូវរស់នៅក្នុងផ្ទះបណ្តោះអាសន្នទ្រុឌទ្រោម ត្រូវការជួសជុល និងសាងសង់នៅឆ្នាំ ២០២៥។ គ្រួសារក្រីក្រ និងបៀតក្រីក្រជាង ២៤.៣៩៥ គ្រួសារចង់ទទួលបានអំណោយដើម្បីអំណរនិទាឃរដូវ និងអំណរបុណ្យចូលឆាំ្មថ្មីប្រពៃណីជាតិ។ ទន្ទឹមនឹងការយកចិត្តទុកដាក់របស់គណៈកម្មាធិការបក្ស និងអាជ្ញាធរគ្រប់លំដាប់ថ្នាក់ ត្រូវការជាខ្លាំងនូវការរួមដៃគ្នារួមវិភាគទានជាឯកច្ឆ័ន្ទ ដោយមានការចូលរួមពីប្រព័ន្ធនយោបាយទាំងមូល សហគមន៍ធុរកិច្ច បណ្តាឥស្សរជនសាសនា និងសង្គមទាំងមូល ដើម្បីប្រជាជនមានលំនៅដ្ឋាន ស្ថិរភាពសុវត្ថិភាពនាពេលឆាប់ៗខាងមុខនេះ និងមានលក្ខណៈអំណរបុណ្យចូលឆាំ្មថ្មីប្រពៃណីជាតិ។
ដើម្បីចលនារួមដៃលុបបំបាត់ផ្ទះបណ្ដោះអាសន្ន ទ្រុឌទ្រោមនិងបំផុសចលនា “មូលនិធិដើម្បីអ្នកក្រីក្រ” ឆាំ្ន២០២៤ និង “ដើមនិទាឃរដូវ” បុណ្យចូលឆាំ្នថ្មីឆាំ្នម្សាញ់២០២៥នៅលើភូមិសាស្ត្រខេត្តបានសាយភាយទូលំទូលាយ ទទួលបានប្រសិទ្ឋភាពពិតប្រាកដ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានអំពាវនាវដល់គ្រប់លំដាប់ថ្នាក់ គ្រប់ផ្នែក និងកងកម្លាំងប្រដាប់អាវុធគ្រប់ជាន់ថ្នាក់ កម្មាភិបាល បក្ខជន បុគ្គលិកនិយោជិត អង្គការ សាសនាធុរជននិងប្រជាជនទាំងអស់ក្នុងខេត្តលើកកម្ពស់និងផ្សព្វផ្សាយប្រពៃណីសាមគ្គី “ជួយយិតយោងគ្នា” របស់ជនជាតិវៀតណាម ដោយសកម្មភាពជាក់ស្តែង។
ថ្នាក់បក្ខភាគ និងអាជ្ញាធរគ្រប់លំដាប់ថ្នាក់ ផ្តោតលើការណែនាំ និងដឹកនាំកៀរគរប្រភពធនធានរបស់រដ្ឋ សង្គម ធុរកិច្ច និងប្រជាជនទាំងមូល ដើម្បីអនុវត្តឲ្យបានជោគជ័យនូវគោលដៅដែលបានកំណត់។ បន្តពិនិត្យឲ្យបានហ្មត់ចត់លើភូមិសាស្ត្រខេត្តទាំងមូល ដោយតម្រូវការ “មិន៣” (មិនខុសមុខសញ្ញា មិនខ្វះចន្លោះមុខសញ្ញា មិនកើតមានការតវ៉ាក្នុងនិងក្រោយផ្សព្វផ្សាយ អនុវត្តកម្មវិធី)។
ស្ថាប័ន អង្គការ សាសនា ធុរកិច្ច អ្នកឧបត្ថម្ភ និងប្រជាជនទាំងអស់ក្នុងខេត្ត ក៏ដូចជាប្រជាជនខេត្ត អានយ៉ាង ដែលកំពុងរស់នៅឆ្ងាយពីស្រុកកំណើត រួបរួមកម្លាំងឆ្ពោះទៅមាតុភូមិ ដើម្បីឧបត្ថម្ភដល់ប្រជាជនប្រមាណ ៤.៣៤៦ គ្រួសារ ដែលរស់នៅក្នុងផ្ទះបណ្តោះអាសន្ន ផ្ទះទ្រុឌទ្រោម ដែលត្រូវការជួសជុលឡើងវិញ និងសាងសង់ក្នុងឆ្នាំ ២០២៥។ក្រៅពីនេះ យកចិត្តទុកដាក់ គាំទ្រ ដល់ស្ថានភាពលំបាកទាំងអស់បានទទួលស្វាគមន៍បុណ្យចូលឆាំ្នថ្មីក្នុងភាពកក់ក្តៅនៃក្តីស្រឡាញ់ ពោរពេញដោយអត្ថន័យនៃក្តីមេត្តា ក្នុងស្មារតី “ប្រទេសទាំងមូលរួមដៃដើម្បីអ្នកក្រីក្រ - មិនទុកអ្នកណាម្នាក់ចោលឡើយ”។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានស្នើថា៖ គណៈកម្មាធិការរណសិរ្សមាតុភូមិវៀតណាមខេត្ត និងមូលដ្ឋាននានា អនុវត្តបានល្អនូវការងារទទួល គ្រប់គ្រង និងប្រតិបត្តិការ ណែនាំការប្រើប្រាស់ប្រភពមូលនិធិស្របតាមបទបញ្ញត្តិ។ ជាសាធារណៈ តម្លាភាពរាល់ចំណូល និងចំណាយទាំងអស់។ធានាថាប្រើប្រាស់មូលនិធិចំគោល ចំមុខសញ្ញា ជាក់ស្តែង និងមានប្រសិទ្ធភាព។ ដាច់ខាតមិនទុកឲ្យកំហុស ខ្ជះខ្ជាយ និងភាពអវិជ្ជមានកើតឡើង។
ក្នុងឱកាសនេះ បណ្តាអង្គការ បុគ្គល ក្រុមហ៊ុន និងអាជីវកម្ម បានជូនតារាងនិមិត្តរូបនៃការគាំទ្រក្នុងការរួមដៃលុបបំបាត់លំនៅដ្ឋានបណ្តោះអាសន្ន និងទ្រុឌទ្រោមនៅលើភូមិសាស្ត្រខេត្ត មូលនិធិ “ដើម្បីអ្នកក្រីក្រ” ឆ្នាំ ២០២៤ និង “”ដើមនិទាឃរដូវ" ឆ្នាំ ២០២៥
លោកស្រី ដាំងធីហ្វារ៉ី ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង បានឲ្យដឹងថា៖ បន្ទាប់ពីរយៈពេលមួយសប្តាហ៍បំផុសចលនា តាមរយៈការផ្ញើលិខិតស្នើសុំទៅកាន់អង្គភាព ក្រុមហ៊ុន និងធុរកិច្ចក្នុង និងក្រៅខេត្ត ខេត្តអានយ៉ាង បានទទួលការចុះឈ្មោះគាំទ្រដោយសាច់ប្រាក់ និងវត្ថុគិតជាសាច់ប្រាក់ជិត ២២៣,២ពាន់លានដុង ក្នុងនោះ មាន ១០០ពាន់លានដុង ដែលបែងចែកដោយរដ្ឋាភិបាលមជ្ឈិមពីសម្ព័ន្ឋក្រុមហ៊ុនឧស្សាហកម្មធ្យូងថ្ម និងរ៉ែវៀតណាម។ ជាក់ស្តែង មូលនិធិសម្រាប់លុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមប្រមាណជាង ១៣៩ ពាន់លានដុង។មូលនិធិ “ដើម្បីអ្នកក្រីក្រ” ៣៤០ លានដុង។ មូលនិធិនៃរបបសន្តិសុខសង្គមជិត ៩១,៦ ពាន់លានដុង៕
ប្រែ៖ណារីពៅ
