ព្រឹកថ្ងៃទី ខែមករា បក្ខភាគក្រុង ក្រុមប្រឹក្សាប្រជាជន, គណកម្មាធិការប្រជាជន គណកម្មាធិការរណសិរ្សមាតុភូមិវ/ណទីក្រុងឡុងស្វៀនបានរៀបចំពិធីប្រកាសសេចក្តីសម្រេចចិត្តលេខ ១២៨៥ របស់គណកម្មាធិការអចិន្ត្រៃរដ្ឋសភា ស្តីពីការរៀបចំអង្គភាពរដ្ឋបាលថ្នាក់ឃុំរបស់ខេត្តអានយ៉ាងដំណាក់កាល ២០២៣ -២០២៥។
សមមិត្ត ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ភាគខេត្តអានយ៉ាង ប្រធានគណៈណែនាំរៀបចំអង្គភាពរដ្ឋបាលថ្នាក់ស្រុក និងឃុំ ដំណាក់កាល ២០២៣ - ២០២៥ នៃខេត្ត អានយ៉ាងបានអញ្ជើញចូលរួម និងណែនាំ។ អញ្ជើញចូលរួមក្នុងពិធីនេះ មានសមមិត្ត ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត; សមមិត្តសមាជិកគណៈអចិន្ត្រៃយ៍បក្ខភាកខេត្ត សមាជិកគណៈកម្មាធិការប្រតិបត្តិបក្ខភាគខេត្ត តំណាងថ្នាក់ដឹកនាំក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តអានយ៉ាង មន្ទីរ គណ ផ្នែក ខេត្ត និងមូលដ្ឋាននានា។
នៅក្នុងពិធីនេះ លោក ឡេង្វៀនចូវ ប្រធានមន្ទីរកិច្ចការផ្ទៃក្នុង សមាជិកគណៈណែនាំរៀបចំអង្គភាពរដ្ឋបាលថ្នាក់ស្រុក និងឃុំ ដំណាក់កាល ២០២៣ - ២០២៥ បានប្រកាសសេចក្តីសម្រេចលេខ ១២៨៥ ចុះថ្ងៃទី ១៤ ខែវិច្ឆិកា ឆ្នាំ ២០២៤ របស់គណៈកម្មាធិការអចិន្ត្រៃយ៍រដ្ឋសភាស្តីពីការរៀបចំអង្គភាពរដ្ឋបាលថ្នាក់ឃុំរបស់ខេត្តអានយ៉ាង ដំណាក់កាលឆ្នាំ ២០២៣ - ២០២៥ ជាក់ស្តែងរួមបញ្ចូលទំហំផ្ទៃដីធម្មជាតិទាំងមូលគឺ ១,៣៩គម២ ទ្រង់ទ្រាយប្រជាសាស្ត្រ ១១.៤៧០ នាក់របស់សង្កាត់ ដុងស្វៀន ចូលទៅសង្កាត់មីស្វៀន។ បន្ទាប់ពីបញ្ចូលគ្នារួច សង្កាត់មីស្វៀន មានទំហំផ្ទៃដីធម្មជាតិ ២គម២ និងទ្រង់ទ្រាយប្រជាសាស្ត្រជាសរុប ២៣.៣៨៣នាក់។ ក្រោយពីពេលរៀបចំរួច ទីក្រុងឡុងស្វៀន មានអង្គភាពរដ្ឋបាលថ្នាក់ឃុំចំនួន ១២ រួមមានសង្កាត់ ១០ និងឃុំ ០២។
គិតជារួមខេត្តអានយ៉ាង ទាំងមូល បន្ទាប់ពីបានរៀបចំអង្គភាពរដ្ឋបាលថ្នាក់ឃុំ ខេត្តអានយ៉ាង មានអង្គភាពរដ្ឋបាលថ្នាក់ស្រុកចំនួន ១១ (រួមមានស្រុកចំនួន ០៧ ទីរួមខេត្តចំនួន ០២ និងទីក្រុងចំនួន ០២)។ អង្គភាពរដ្ឋបាលថ្នាក់ឃុំចំនួន ១៥៥ រួមមានឃុំចំនួន ១១០ សង្កាត់ចំនួន ២៧ និងទីរួមស្រុកចំនួន ១៨)។
នៅក្នុងពិធី គណៈអចិន្ត្រៃយ៍បក្ខភាគទីក្រុងឡុងស្វៀន បានប្រកាសនិងប្រគល់សេចក្តីសម្រេចស្តីពីការបង្កើតបក្ខភាគសង្កាត់មីស្វៀន។ សេចក្តីសម្រេចកំណត់តែងតាំងគណៈកម្មាធិការបក្ខភាគ គណៈអចិន្ត្រៃយ៍បក្ខភាគនិងលេខា អនុលេខាបក្ខភាគសង្កាត់ មីស្វៀន អាណត្តិ ២០២០-២០២៥។
ថ្លែងមតិក្នុងពិធី សមមិត្ត ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង បានសង្កត់ធ្ងន់ថា បន្ទាប់ពីពេលមានសេចក្តីសង្ខេបរបស់ការិយាល័យនយោបាយ និងបណ្តាសេចក្តីសម្រេចចិត្តរបស់រដ្ឋសភា រដ្ឋាភិបាល និងបក្ខភាគខេត្តអានយ៉ាង បានបង្កើតគណៈកម្មការណែនាំ រៀបចំអង្គភាពរដ្ឋបាលនៅថ្នាក់ស្រុក និងថ្នាក់ឃុំ ដំណាក់កាល២០២៣ - ២០២៥។ ក្រោមការណែនាំដ៏ខ្លាំងក្លារបស់គណកម្មការណែនាំដោយផ្ទាល់គឺលោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង ប្រធានគណៈកម្មការណែនាំរៀបចំអង្គភាពរដ្ឋបាលថ្នាក់ស្រុក និងថ្នាក់ឃុំ ដំណាក់កាល ២០២៣ - ២០២៥ របស់ខេត្តអានយ៉ាង គណកម្មាធិការប្រជាជនខេត្ត បណ្តាមន្ទីរ ផ្នែក ទីក្រុងឡុងស្វៀន និងមូលដ្ឋានចំនួន ២ បានផ្សព្វផ្សាយអនុវត្តយ៉ាងសកម្ម។ តាងនាមថ្នាក់ដឹកនាំខេត្តអានយ៉ាង លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានកោតសរសើរចំពោះស្ថាប័ន អង្គភាពនានាដែលបានខិតខំប្រឹងប្រែងបំពេញភារកិច្ច ជាពិសេសថ្លែងអំណរគុណយ៉ាងជ្រាលជ្រៅចំពោះប្រជាជនសង្កាត់ទាំង ២ មីស្វៀន និងមីស្វៀន ដែលបានយល់ស្របក្នុងការរួមបញ្ចូលគ្នានេះ។
ដើម្បីរៀបចំ និងអនុវត្តបានល្អសេចក្តីសម្រេចចិត្តលេខ ១២៨៥ របស់គណៈកម្មាធិការអចិន្ត្រៃយ៍រដ្ឋសភា ធានាបាននូវល្បឿន ស្របតាមគោលនយោបាយរបស់បក្ស និងច្បាប់រដ្ឋ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្ត បានស្នើឲ្យមន្ទីរ ផ្នែក និងទីក្រុងឡុងស្វៀន ជាពិសេសសង្កាត់មីស្វៀន បានជំរុញខ្លាំងការងារផ្សព្វផ្សាយព័ត៌មាន និងផ្សព្វផ្សាយសេចក្តីសម្រេចចិត្តលេខ ១២៨៥ របស់គណៈកម្មាធិការអចិន្ត្រៃយ៍រដ្ឋសភា ដើម្បីបន្តបង្កើតការឯកភាពគ្នារវាងកម្មាភិបាល បក្ខជន និងប្រជាជនក្នុងដំណើរការផ្សព្វផ្សាយ អនុវត្ត។ ព័ត៌មានអំពីកន្លែងដាក់ទីស្តីការរបស់ស្ថាប័ន និងអង្គភាពរបស់សង្កាត់មីស្វៀន (ថ្មី) ដើម្បីឲ្យបុគ្គល និងអង្គការនានាអាចមកទាក់ទងនៅពេលមានតម្រូវការ ជាពិសេសគឺផ្សព្វផ្សាយ និងអនុវត្តការបំប្លែងឯកសារសម្រាប់បុគ្គល និងអង្គការ ដោយសារការផ្លាស់ប្តូរព្រំដែនអង្គភាពរដ្ឋបាល បង្កលក្ខណៈអំណោយផល និងពេលវេលាលឿនបំផុត។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអាយ៉ាង បានស្នើឲ្យយកចិត្តទុកដាក់លើការរៀបចំ និងពង្រឹងអង្គការ ក្បាល់ម៉ាស៊ីនរបស់ស្ថាប័ន អង្គការ ដើម្បីធានានូវគោលការណ៍ឯកភាព និងសមកាលកម្ម បំពេញតាមតម្រូវការត្រៀមសម្រាប់មហាសន្និបាតបក្សគ្រប់លំដាប់ថ្នាក់សម្រាប់អាណត្តិឆ្នាំ ២០២៥-២០៣០និងបោះឆ្នោតជ្រើសរើសសមាជិកក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ ២០២៦-២០៣១។ បក្ខភាគ អាជ្ញាធរក្រុងឡុងស្វៀន គ្រប់លំដាប់ថ្នាក់និងសង្កាត់មីស្វៀន បានឃ្លាំមើលជាប្រចាំ និងយល់ពីបំណងប្រាថ្នារបស់កម្មាភិបាល បក្ខជន អ្នករដ្ឋការ បុគ្គលិករដ្ឋ និងកម្មករ ជាពិសេសក្នុងករណីដែលលើស បន្ទាប់ពីធ្វើការរៀបចំដើម្បីមានដំណោះស្រាយ គាំទ្រស្របតាមបទប្បញ្ញត្តិ និងស្របតាមលក្ខខណ្ឌជាក់ស្តែងរបស់ខេត្ត។
លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង តម្រូវឲ្យផ្តោតលើការកសាងទិសដៅ អភិវឌ្ឍន៍សង្កាត់មីស្វៀន បន្ទាប់ពីរួមបញ្ចូលគ្នាត្រូវកាន់តែអភិវឌ្ឍន៍ និងប្រជាជននៃសង្កាត់ថ្មីមានជីវភាពរស់នៅកាន់តែប្រសើរឡើង។ បក្ខភាគក្រុង គណៈកម្មាធិការប្រជាជនទីក្រុងឡុងស្វៀន សហការជាមួយមន្ទីរ គណ ផ្នែកនានាបន្តពិនិត្យ និងផ្តល់យោបល់លើការរៀបចំ គ្រប់គ្រង និងប្រើប្រាស់ទីស្តីការ និងទ្រព្យសម្បត្តិរដ្ឋ បន្ទាប់ពីរៀបចំឲ្យស្របតាមបទប្បញ្ញត្តិ សមហេតុផល សន្សំសំចៃ ប្រសិទ្ធភាព មិនខ្ជះខ្ជាយ ឬអវិជ្ជមាន ហើយទន្ទឹមនឹងនោះ ត្រូវមានដំណោះស្រាយប្រមូលផ្តុំធនធាន ដើម្បីកសាងស្ថាប័ន និងទីស្តីការថ្មី ដើម្បីឆ្លើយតបតម្រូវការក្នុងការអនុវត្តភារកិច្ច និងបម្រើប្រជាជនដែលមកទំនាក់ទំនងការងារបានច្រើនជាង៕
ប្រែ៖ ណារីពៅ
