ថ្ងៃទី ១២ ខែកុម្ភៈ លោក ហូវ៉ាន់ម៉ឹង សមាជិកបម្រុងនៃគណកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណកម្មាធិការប្រជាជនខេត្តអានយ៉ាងធ្វើអធិបតីភាពកិច្ចប្រជុំស្តាប់មន្ទីរធនធានធម្មជាតិរាយការណ៍អំពីស្ថានភាព បែបផែនដោះស្រាយកាកសំណល់លើភូមិសាស្ត្រខេត្ត។ អញ្ជើញចូលរួមផងដែរ មានលោក ឡេវ៉ាន់ភឿក អនុប្រធានគណកម្មាធិការប្រជាជនខេត្តអានយ៉ាងនិងលោក ងោកុងធឹក ថ្នាក់ដឹកនាំមន្ទីរ ផ្នែក មូលដ្ឋាន ក្រុមហ៊ុនភាគហ៊ុនបរិស្ថានទីក្រុងអានយ៉ាង។
ខេត្តទាំងមូលមានសំរាមប្រហែលជា ១.២២០ តោនក្នុងមួយថ្ងៃ (តំបន់ទីក្រុងប្រហែល ៦៨០ តោន/ថ្ងៃ តំបន់ជនបទប្រហែល ៥៤០តោន/ថ្ងៃ)។ បរិមាណសំរាមជាសរុបដែលប្រមូលបានមានប្រមាណ ៩៣៨,៥២ តោន/ថ្ងៃ(សម្រេចបាន ៧៦,៩៣%)។ខេត្តទាំងមូលមានអង្គភាពប្រមូល និងដឹកជញ្ជូនកាកសំណល់ចំនួន ២(ក្រុមហ៊ុនភាគហ៊ុនបរិស្ថានទីក្រុងអានយ៉ាង និង ក្រុមហ៊ុនទទួលខុសត្រូវមានកំហិតរៀបចំបរិស្ថានបៃតង) ដឹកជញ្ជូនទៅកាន់បណ្តុំដោះស្រាយកាកសំរាមចំនួន ៧ ។នៅសល់ប្រហែលាជា ២៨១,៤៨តោន/ថ្ងៃ ភាគច្រើននៅតំបន់ជនបទដាច់ស្រយាលនិងតំបន់កោះគូឡាវជាដើមបានប្រជាជនដោះស្រាយដោយខ្លួនឯងនៅតាមផ្ទះ (កប់និងដុត) ឬបញ្ចេញទៅក្នុងបរិស្ថាន។ ទន្ទឹមនិងនោះ ខេត្តនៅតែមានកន្លែងចាក់សំរាមសាធារណៈចំនួន ២៤ កន្លែងទៀតដែលត្រូវបានបញ្ឈប់ធ្វើសកម្មភាព និងប្រគល់ទៅឲ្យមូលដ្ឋានគ្រប់គ្រង ដោយមានបរិមាណកាកសំណល់សើមប្រមាណ ១៥៣.៧៤៤ តោន។
បញ្ចប់កិច្ចជំនួបមុខ លោក ហូវ៉ាន់ម៉ឹង ប្រធានគណៈកម្មាធិការប្រជាជនខេត្តអានយ៉ាង បានសង្កត់ធ្ងន់ថា ចំពោះមុខគឺចាំបាច់ត្រូវតែដោះស្រាយបញ្ហាសំរាមនៅក្នុងមូលដ្ឋានដែលមានតម្រូវការជាបន្ទាន់ (ស្រុក ចើម៉ើយ ភូតាន់ និងទ្រីតូន)។ សម្រាប់ការពង្រីកការវិនិយោគថ្មី និងគម្រោងចាក់សំរាមសម្រាប់ការដោះស្រាយកាកសំណល់ បណ្តាស្ថាប័ន អង្គភាពមានភារទទួលខុសត្រូវសហការ ដើម្បីអនុម័តគោលកាណ៍វិនិយោគ និងអនុម័តរបាយការណ៍សិក្សាស្រាវជ្រាវលទ្ធភាពអាចធ្វើបាននៅត្រីមាសទី ១ ឆ្នាំ ២០២៥។
ស្នើឲ្យមន្ទីរធនធានធម្មជាតិ និងបរិស្ថាន សេនាធិការដល់គណៈកម្មាធិការប្រជាជនខេត្ត ចេញឯកសារណែនាំពីការចាត់ថ្នាក់និងផាកពិន័យចំពោះការមិនបែងចែកប្រភេទសំណល់ទៅតាមបទប្បញ្ញត្តិ (ជាពិសេសគឺស្ថាប័ន អង្គភាព សាលារៀន និងមូលដ្ឋានពេទ្យ)។ មូលដ្ឋាន និងអង្គភាពនានាមានផែនការលម្អិតសម្រាប់ការបិទកន្លែងចាក់សំរាម។ គណៈកម្មាធិការប្រជាជនខេត្ត បានចាត់ឲ្យមន្ទីរធនធានធម្មជាតិ និងបរិស្ថាន សហការជាមួយអង្គភាពពាក់ព័ន្ធសេនាធិការដល់គណៈកម្មាធិការប្រជាជនខេត្តឲ្យចេញផែនការដោះស្រាយសំរាម និងបិទកន្លែងចាក់សំរាមជាបន្ទាន់។
ចំពោះការរៀបចំផែនការរោងចក្រ ត្រូវគណនាតាមគោលការណ៍ធានាការប្រមូលសំរាមក្នុងខេត្តទាំងមូល និងមូលដ្ឋាននីមួយៗមានតម្រង់ទិស ចក្ខុវិស័យ និងបច្ចេកវិជ្ជាដោះស្រាយសំរាមទំនើប កែច្នៃឡើងវិញ និងដោះស្រាយជីកំប៉ុសចេញពីកាកសំណល់សរីរាង្គ៕
ប្រែ៖ ណារីពៅ
