នារសៀលថ្ងៃទី ១២ មករា លោកនាយករដ្ឋមន្ត្រីរដ្ឋាភិបាល ផាមមិញជីញ ប្រធានគណៈកម្មាធិការណែនាំមជ្ឈិមផ្សព្វផ្សាយការលុបបំបាត់លំនៅដ្ឋានបណ្តោះអាសន្ន និងរលំនៅដ្ឋានទ្រុឌទ្រោមក្នុងវិសាលភាពទូទាំងប្រទេសធ្វើជាអធិបតីភាពកិច្ចប្រជុំតាមអនឡាញទូទាំងប្រទេសលើកទី ២ នៃកម្រិតទាំង ៤។ នៅក្បាលបន្តខេត្តអានយ៉ាង មានលោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្ត និងជាអនុប្រធានប្រចាំការនៃគណៈកម្មាធិការណែនាំផ្សព្វផ្សាយលុបបំបាត់លំនៅដ្ឋានបណ្ដោះអាសន្ន និងលំនៅដ្ឋានទ្រុឌទ្រោមក្នុងខេត្ត។ អញ្ជើញចូលរួមក៏មានលោក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង។ លោកស្រី ដាំងធីហ្វារ៉ីសមាជិកាគណៈអចិន្ត្រៃយ៍បក្ខភាគខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង។លោក ង៉ោកុងធឹក សមាជិកបក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង។
ថ្លែងមតិក្នុងកិច្ចប្រជុំ លោកនាយករដ្ឋមន្ត្រីរដ្ឋាភិបាល ផាមមិញជីញ បានសង្កត់ធ្ងន់ថា ការអនុវត្តជោគជ័យកម្មវិធីលុបបំបាត់លំនៅដ្ឋានបណ្តោះអាសន្ន និងលំនៅដ្ឋានទ្រុឌទ្រោមនៅទូទាំងប្រទេសឆ្នាំ ២០២៥ នាំមកនូវអត្ថន័យសំខាន់ៗជាច្រើន សម្រេចបាននូវគោលការណ៍ គោលមាគ៌ារបស់បក្ស។ បង្ហាញពីអត្តចរិតដ៏ល្អនៃរបបរបស់យើង នាំមកនូវជីភាពកក់ក្តៅ និងសុភមង្គលដល់ប្រជាជន។មិនលះបង់វឌ្ឍនភាព សមធម៌ និងបរិស្ថាន មិនត្រឹមតែដើម្បីរត់តាមកំណើនសេដ្ឋកិច្ចប៉ុណ្ណោះ ថែមទាំង “មិនទុកឲ្យអ្នកណាម្នាក់ចោល” ឡើយ។ បង្ហាញពីប្រពៃណីដ៏ល្អប្រសើនៃជាតិយើង៖ “អ្នកមាន រក្សាខ្សត់ អ្នកមិតអត់រក្សាខ្សត់ខ្សោយ” “ស្នេហាជាតិស្មោះចំពោះជនរួមជាតិ”។ បង្ហាញពីការប្តេជ្ញាចិត្តខ្ពស់ ខិតខំប្រឹងប្រែងធំ ធ្វើសកម្មភាពខ្លាំងក្លា ច្នៃប្រឌិតរបស់បណ្តាក្រសួង ផ្នែក និងមូលដ្ឋានក្នុងការកៀរគរធនធាន និងរៀបចំអនុវត្តកម្មវិធី”។
“លើស្មារតីអ្នកណាមានអ្វីជួយហ្នឹង អ្នកណាមានតិចជួយតិច អ្នកណាមានច្រើនជួយច្រើន អ្នកណាមានទ្រព្យជួយទ្រព្យ អ្នកណាមានកម្លាំងជួយកម្លាំង។ បង្ហាញពីការចូលរួមយ៉ាងខ្លាំងក្លារបស់ប្រព័ន្ធនយោបាយទាំងមូល ជាពិសេសគឺបក្ខភាគ អាជ្ញាធរ គ្រប់លំដាប់ថ្នាក់ បណ្តាមូលដ្ឋាន រណសិរ្សមាតុភូមិវៀតណាម និងបណ្តាអង្គការនយោបាយសង្គម។ កម្មវិធីនេះមានអត្ថន័យមនុស្សជាតិដ៏ជ្រាលជ្រៅ និងជាក់ស្តែង ប្រឡងប្រណាំងបង្កើត ស្នាដៃអបអរសាទរព្រឹត្តិការណ៍សំខាន់ៗនៃប្រទេសក្នុងឆ្នាំ ២០២៥” - ប្រមុខរដ្ឋាភិបាលបានស្នើ។
“ចាប់ពីសម័យប្រជុំលើកទី១ រហូតមកដល់ពេលនេះ ក្រោយរយៈពេល២ខែ យើងបានសាងសង់បញ្ចប់ ប្រគល់ផ្ទះបានជាង ៤៤.០០០ខ្នង និងកំពុងសាងសង់ ៣៤.២០០ខ្នង។ ចាប់ពីពេលនេះរហូតដល់ដំណាច់ឆ្នាំ ២០២៥ នៅសល់ប្រហែលជាង ២៤០ពាន់ខ្នងត្រូវសាងសង់បញ្ចប់ ក្នុងខណៈដែលពេលវេលាអនុវត្តគឺបន្ទាន់ខ្លាំង (នៅសល់តែ ៣៥០ថ្ងៃទៀតទេ)។ ដូច្នេះ បណ្តាថ្នាក់ បណ្តាផ្នែក បណ្តាមូលដ្ឋានត្រូវប្រមូលផ្តុំផ្សព្វផ្សាយជា កំពូលក្នុងរយៈពេល ៣៥០ ថ្ងៃ និងយប់នេះ ដើម្បីអនុវត្តកម្មវិធីប្រកបដោយជោគជ័យនៅក្នុងឆ្នាំ ២០២៥នេះ ធានាបាននូវវឌ្ឍនភាព និងគុណភាពទាន់ពេលវេលា” - លោកនាយករដ្ឋមន្ត្រី ផាមមិញជីញ បានសង្កត់ធ្ងន់។
យោងតាមក្រសួងពលកម្ម យុទ្ធជនពិការ និងសង្គមកិច្ច គិតដល់ដំណាច់ថ្ងៃទី ១១ ខែមករា ទូទាំងប្រទេសបានគាំទ្រការលុបបំបាត់លំនៅដ្ឋានបណ្តោះអាសន្ន និងលំនៅដ្ឋានទ្រុឌទ្រោមចំនួន ៨៨.៤៨៨ខ្នង (ក្នុងនោះលំនៅដ្ឋានចំនួន ៤៨.៩៨៩ ខ្នងបានសម្ពោធ និងលំនៅដ្ឋានថ្មី ៣៥.៨៩៩ ខ្នងបានចាប់ផ្តើមសាងសង់)។ បុណ្យចូលឆ្នាំថ្មីប្រពៃណីវៀតណាម ២០២៥ នេះ បានសន្និដ្ឋានថា គ្រួសារជាច្រើនបានទទួលបុណ្យចូលឆាំ្នថ្មីនៅក្នុងផ្ទះថ្មី ហើយមានគ្រួសារជាច្រើននឹងបន្តទទួលបានផ្ទះធំទូលាយ។ ក្រសួងការពារជាតិនាំមុខក្នុងការកៀរគរធនធានជួយសាងសង់លំនៅដ្ឋានចំនួន ៩.២០០ ខ្នង ដោយទឹកប្រាក់ចំនួន ៤៦០ ពាន់លានដុងសម្រាប់មូលដ្ឋានចំនួន ៥ (ក្វាងទ្រី ហាយ៉ាង ហាទិញ ឡាវកៃ និង ង៉ែអាន)។ ការផ្ទេរថវិកាបានបញ្ចប់ (៤០០ពាន់លានដុង) សម្រាប់មូលដ្ឋាន។ ទន្ទឹមនិងនោះ គាំទ្រថវិកាសាងសង់ផ្ទះយុទ្ឋមិត្ត និងផ្ទះមហាសាមគ្គីចំនួន ១៣.១២០ខ្នង។
នៅខេត្តអានយ៉ាង តាមរយៈការពិនិត្យឡើងវិញ មានគ្រួសារចំនួន ៤.៦៥៦ ដែលត្រូវការជំនួយលំនៅដ្ឋាននៅក្នុងខេត្ត ដោយចំណាយថវិកាអនុវត្តជាសរុបជាង ២៦២ ពាន់លានដុង។ បច្ចុប្បន្នខេត្តនិងមូលដ្ឋានបានខិតខំ បញ្ចប់ការផ្តល់លំនៅដ្ឋាននៅមុនថ្ងៃបុណ្យចូលឆ្នាំថ្មីជូនប្រជាជនចំនួន២៣១គ្រួសារ។
ថ្លែងមតិបញ្ចប់សន្និបាត លោកនាយករដ្ឋមន្ត្រីបានស្នើដល់បណ្តាថ្នាក់ បណ្តាផ្នែក និងមូលដ្ឋានឲ្យប្រកាន់ខ្ជាប់នូវបាវចនា “បក្សដឹកនាំ រដ្ឋគ្រប់គ្រង រណសិរ្សមាតុភូមិ និងអង្គការមហាជនគាំទ្រ ប្រជាជនធ្វើម្ចាស់”។ ពិពិធកម្មធនធាន ដើម្បីអនុវត្តកម្មវិធីតាមទិសដៅប្រជាជនគ្រប់ជ្រុងជ្រោយ ទូលំទូលាយ គ្រប់ដណ្តប់ជាដើម។ បង្កើនការត្រួតពិនិត្យ ឃ្លាំមើល និងដាស់តឿនការអនុវត្តគោលនយោបាយគាំទ្រលំនៅដ្ឋានដល់អ្នកមានសគុណចំពោះបដិវត្តន៍ គ្រួសារក្រីក្រ និងគ្រួសារបៀតក្រីក្រ ទៅតាមបទប្បញ្ញត្តិ មិនទុក្ខឲ្យឆ្លៀតឱកាសរកផលចំណេញ អវិជ្ជមាន និងខ្ជះខ្ជាយ។
“ប្រធានគណៈកម្មការណែនាំថ្នាក់ខេត្ត បានផ្តោតសំខាន់លើការដឹកនាំបណ្តាមន្ទីរ គណ ផ្នែក និងបក្ខភាគ អាជ្ញាធរមូលដ្ឋានគ្រប់ំដាប់ថ្នាក់ ដើម្បីអនុវត្តយ៉ាងខ្លាំងក្លានូវភារកិច្ច និងដំណោះស្រាយដែលមានចែងក្នុងកម្មវិធី ជាពិសេសគឺក្នុងការកៀរគរធនធាន និងដោះស្រាយបញ្ហាលំបាកទាក់ទិនជាដើម។ បណ្តាក្រសួង ផ្នែក មូលដ្ឋានបានពង្រីកស្មារតីម្ចាស់ការ អនុវត្តការងារតាមសមត្ថកិច្ច និងចេញសេចក្តីណែនាំជាក់លាក់” លោកនាយករដ្ឋមន្ត្រីសង្កត់ធ្ងន់។
“ដោយមនោសញ្ចេតនា “ស្រឡាញ់គ្នាជួយយិតយោងគ្នា” ដែលកើតចេញពីបេះដូង ដូច្នេះទោះបីជាធ្ងន់យ៉ាងណាក៏ត្រូវតែធ្វើ លំបាកយ៉ាងណាក៏ត្រូវតែឆ្លងផុត ស្មុគស្មាញយ៉ាងណាក៏ត្រូវតែដោះស្រាយ ទាក់ទិនយ៉ាងណាក៏ត្រូវដោះស្រាយ ធ្វើការដោយទឹកចិត្តនិងបញ្ញានៃខ្លួនជាមួយអ្នកពិបាក។ជាពិសេស បណ្តាសមមិត្តរដ្ឋមន្ត្រី ប្រធានផ្នែក លេខាបក្ស ប្រធានគណៈកម្មាធិការប្រជាជនខេត្ត ក្រុងក្រោមឱវ៉ាទមជ្ឈិម បក្ខភាគ និងអាជ្ញាធរគ្រប់លំដាប់ថ្នាក់ ពង្រីកស្មារតីទទួលខុសត្រូវចំពោះបក្ស រដ្ឋ និងប្រជាជន ជាពិសេសយកចិត្តទុកដាក់និងផ្តោតលើ ការដឹកនាំ និងណែនាំដើម្បីអនុវត្តជោគជ័យគោលដៅដែលបានកំណត់ គឺលុបបំបាត់ទាំងស្រុងលំនៅដ្ឋានបណ្តោះអាសន្ន និងលំនៅដ្ឋានទ្រុឌទ្រោមទូទាំងប្រទេសនៅឆ្នាំ២០២៥” - លោកនាយករដ្ឋមន្ត្រីស្នើ៕
ប្រែ៖ ណារីពៅ
