លោក ហូវ៉ាន់ម៉ឹង សមាជិកបម្រុងនៃគណៈកម្មាធិការមជ្ឈិមបក្ស អនុលេខាបក្ខភាគខេត្ត ប្រធានគណៈកម្មាធិការប្រជាជនខេត្តអានយ៉ាង ទើបតែបានចុះហត្ថលេខាចេញផែនការលេខ ១២៤៥/KH-UBND ដើម្បីរៀបចំវេទិកាមេគង្គ Connect នៅឆ្នាំ ២០២៤។
យោងតាមផែនការ វេទិកាមេគង្គ Connect ឆ្នាំ ២០២៤ នឹងប្រព្រឹត្តទៅក្នុងរយៈពេល ១ ថ្ងៃកន្លះ(ចាប់ពីថ្ងៃទី ១៧-១៨ ខែធ្នូ ឆ្នាំ ២០២៤) នៅសកលវិទ្យាល័យអានយ៉ាង ដោយមានប្រធានបទ៖ “មេគង្គ Connect ២០២៤- វេទិកាជំរុញខ្លាំងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងបច្ចេកវិជ្ជាតំបន់វាលទំនាបទន្លេមេគង្គ - ទីក្រុងហូជីមិញ និងប្រទេសទាំងមូលឆ្ពោះទៅរកការអភិវឌ្ឍន៍ប្រកបដោយចីរភាពក្នុងបរិបទប្រកួតប្រជែងថ្មី”។
វេទិកាមេគង្គ Connect ២០២៤ អាស្រ័យ ដោយក្រសួងកសិកម្ម និងអភិវឌ្ឍន៍ជនបទ ក្រសួងវិទ្យាសាស្ត្រ និងបច្ចេកវិជ្ជា គណៈកម្មាធិការប្រជាជនទីក្រុងហូជីមិញ និងគណៈកម្មាធិការប្រជាជនខេត្តអានយ៉ាងរៀបចំឡើង។
ពិធីបើកសម័យសកម្មភាពខ្សែចង្វាក់មេគង្គ Connect នៅវេលាម៉ោង ៨ និង០០នាទី ព្រឹកថ្ងៃទី ១៧ ខែធ្នូ ឆ្នាំ ២០២៤។ រួមជាមួយនឹងសកម្មភាពតាំងពិព័រណ៌ដោយប្រធានបទ៖“ទីក្រុងហូជីមិញ និងតំបន់វាលទំនាបទន្លេគឺវឡុង បង្កើនទំនាក់ទំនងនិងពង្រីកធនធានផ្ទៃក្នុងឆ្ពោះទៅរកការអភិវឌ្ឍន៍ដោយចីរភាព” ដោយមានអង្គភាពចំនួនពី ៣០-៥០ របស់ខេត្ត ក្រុង និងអាជីវកម្មទំនិញវៀតណាមគុណភាពខ្ពស់និងផ្តើមអាជីពបៃតងចូលរួម។
ទន្ទឹមនិងនោះ រៀបចំមហោស្រពអន្តរជាតិផ្តើមអាជីពបៃតង ផ្លាស់ប្តូរនូវ “រឿងរ៉ាវ - ដំណើរផ្តើមអាជីព” របស់សហគ្រិនកសិកម្មបៃតងឆ្នើម ដែលទទួលបានពានរង្វាន់ក្នុងរយៈពេល ១០ ឆ្នាំកន្លងជាមួយក្រុមអ្នកផ្តើមអាជីពវ័យក្មេងមកពីតាមខេត្តនានាដែលរួមដំណើរជាមួយមេគង្គ Connect ក្នុងឆ្នាំនេះ និងផ្លាស់ប្តូរអន្តរជាតិ៖ បណ្តាបទពិសោធន៍ជោគជ័យនៃគម្រោងផ្តើមអាជីពអន្តរជាតិ។ រៀបចំការផ្សាយបន្តផ្ទាល់លក់ផលិតផលកសិកម្ម ដោយប្រធានបទ៖ ជំរុញពាណិជ្ជកម្មប្រកបដោយចីរភាពដោយផ្អែកលើធនធានជនជាតិដើមភាគតិច។ រៀបចំសិក្ខាសាលាក្រោមប្រធានបទ “អភិវឌ្ឍន៍ធនធានជនជាតិដើមភាគតិច និងសេដ្ឋកិច្ចមូលដ្ឋានតាមរយៈការផ្សារភ្ជាប់ក្នុងតំបន់ក្នុងបរិបទប្រកួតប្រជែងថ្មី” ដោយមានប្រតិភូចំនួន ៣០០ នាក់ មកពីក្រសួងមជ្ឈិម និងមូលដ្ឋានចូលរួម។
នៅម៉ោង ៨ ព្រឹក ថ្ងៃទី ១៨ ខែធ្នូ សម័យប្រជុំពេញអង្គនៃវេទិកាមេគង្គ Connect ២០២៤ បានប្រព្រឹត្តទៅក្រោមប្រធានបទ៖ “ប្រភពទុនវិនិយោគ និងធនធានមនុស្សសម្រាប់ ការភ្ជាប់ប្រកបដោយចីរភាព” ដោយមានប្រតិភូថ្នាក់ដឹកនាំចំនួន ៦០០ រូបមកពីក្រសួងវិទ្យាសាស្ត្រ និងបច្ចេកវិជ្ជា ក្រសួងកសិកម្ម និងអភិវឌ្ឍន៍ជនបទ គណៈកម្មាធិការប្រជាជនទីក្រុងហូជីមិញ បក្ខភាគខេត្ត គណៈកម្មាធិការប្រជាជនខេត្តអានយ៉ាង បណ្តាខេត្ត និងក្រុងក្នុងតំបន់វាលទំនាបទន្លេគឺវឡុងបានចូលរួម។
វេទិកានេះសំដៅអនុវត្តសេចក្តីសម្រេចការតភ្ជាប់ កិច្ចសហប្រតិបត្តិការក្នុងតំបន់វាលទំនាបទន្លេគឺវឡុងទាំងមូល និងទីក្រុងហូជីមិញ។ តាមរយៈនោះ ណែនាំដល់វិនិយោគិនក្នុងនិងប្រទេសអំពីសក្តានុពល និងភាពខ្លាំងស្របតាមផែនការអនុម័ត្ររបស់ខេត្ត និងជំរុញការតភ្ជាប់ក្នុងតំបន់ និងការគាំទ្ររបស់មជ្ឈិមដើម្បីវិនិយោគអភិវឌ្ឍន៍សេដ្ឋកិច្ចរបស់ខេត្ត។ ទន្ទឹមនឹងនោះ បង្កើតលក្ខខណ្ឌអំណោយផលសម្រាប់ការតភ្ជាប់ខ្សែចង្វាក់តម្លៃ និងចាប់យកនិន្នាការទីផ្សារ តម្រង់ទិសផលិតផលកសិកម្ម ប្រើប្រាស់បច្ចេកវិជ្ចា ដើម្បីតភ្ជាប់ខ្សែចង្វាក់តម្លៃ បង្កើនពន្ឋលើតម្លៃបន្ថែម ជំរុញពាណិជ្ជកម្មកសិផល និងបង្កើនសមាហរណកម្មទីផ្សារ៕
ប្រែ៖ ណារីពៅ
