រសៀលថ្ងៃទី ១៥ ខែមករា នៅស្រុកថ្វយសឺន សហព័ន្ឋពលករខេត្តអានយ៉ាងរៀបចំកម្មវិធី “ថ្ងៃបុណ្យជួបជុំ - និទាឃរដូវដឹងគុណបក្ស” ដើម្បីថែទាំសម្រាប់សមាជិកសហជីព កម្មករពលករមានកាលៈទេសៈលំបាក កំពុងធ្វើការនៅក្រុមហ៊ុនភាគហ៊ុន TBS អានយ៉ាងក្នុងឱកាសបុណ្យចូលឆាំ្នវៀតណាមឆាំ្នម្សាញ់ ២០២៥។
បើយោងតាមលោក ង្វៀនហ៊ូវយ៉ាង អនុប្រធានសហព័ន្ឋពលករខេត្តអានយ៉ាង បានឲ្យដឹងថា កម្មវិធី “ថ្ងៃបុណ្យជួបជុំ - និទាឃរដូវដឹងគុណបក្ស” គឺជាឱកាសសម្រាប់សមាជិកសហជីពគ្រប់លំដាប់ថ្នាក់ក្នុងខេត្ត ថែទាំជីវភាពសម្ភារៈនិងស្មារតីសម្រាប់សមាជិកសហជីពនិងពលករបានល្អប្រសើរជាង។ទន្ទឹមនឹងនោះ កៀរគរអង្គការ អង្គភាព ធុរកិច្ច និងនិយោជក ឲ្យយកចិត្តទុកដាក់ និងគាំទ្រធនធាន ដើម្បីរៀបចំសកម្មភាពគាំទ្រ និងថែទាំជាក់ស្តែងសម្រាប់សមាជិកសហជីព និងកម្មករនិយោជិត ដើម្បីធ្វើយ៉ាងណាឲ្យគ្រប់ៗគ្នាមានបុណ្យចូលឆាំ្នប្រកបដោយសេចក្តីសុខ និងសុវត្ថិភាព។
លោកអនុប្រធានសហព័ន្ឋពលករខេត្តអានយ៉ាង បានអះអាងថា កម្មវិធី “ថ្ងៃបុណ្យជួបជុំ និទាឃរដូវដឹងគុណបក្ស” ឆ្នាំនេះ ជាសកម្មភាពជាក់ស្តែង ពោពេញទៅដោយរបទរបស់អង្គការសហជីពសម្រាប់សមាជិកសហជីព និងកម្មករ ក្នុងឱកាសបុណ្យចូលឆាំ្នប្រពៃណីជាតិ បង្កើតជាបរិយាកាសរីករាយ និងរំភើប ឆ្ពោះទៅដល់អបអរសាទរខួបលើកទី ៩៥ឆាំ្ន ថ្ងៃបង្កើតបក្ស កុម្មុយនិស្តវៀតណាម (ថ្ងៃទី ៣ ខែកុម្ភៈ ឆ្នាំ ១៩៣០ ដល់ថ្ងៃទី ៣ ខែកុម្ភៈ ឆ្នាំ ២០២៥)។ ជាមួយនឹងអត្ថន័យមនុស្សធម៌ដ៏ជ្រាលជ្រៅ និងការរីករាលដាលខ្ពស់ កម្មវិធីបានទទួលការគាំទ្រយ៉ាងស្វាហាប់ពីគ្រប់ជាន់ថ្នាក់នៃសហជីពចាប់ពីថ្នាក់មជ្ឈិម ដល់មូលដ្ឋាន មូលដ្ឋានធុរកិច្ច សមាជិកសហជីព និងកម្មករទូទាំងប្រទេសនិយាយរួម និងខេត្តអានយ៉ាងនិយាយដោយឡែក។
នៅក្នុងកម្មវិធី សហព័ន្ឋពលករខេត្ត អានយ៉ាង បានដកចេញពីប្រភពហិរញ្ញវត្ថុសហជីពខេត្ត និងធនធានចលនាសង្គមរបស់ធនាគារវៀតណាមសម្រាប់កសិកម្ម និងអភិវឌ្ឍន៍ជនបទសាខាអានយ៉ាង ដើម្បីផ្តល់អំណោយ ៩៧៨ ចំណែកដល់សមាជិកសហជីព និងកម្មករក្នុង ស្ថានភាពលំបាកធ្វើការនៅក្រុមហ៊ុន TBS អានយ៉ាង ជាមួយនឹងតម្លៃសរុបជិត ១ពាន់លានដុង ក្នុងនោះរួមមាន៖ អំណោយចំនួន ៩៧៨ចំណែក មានតម្លៃ ១លានដុង ក្នុងម្នាក់ៗ (សាច់ប្រាក់ ៧០០ពាន់ដុង)និងអំណោយជាសម្ភារវត្ថុតម្លៃ ៣០០.០០០ ដុងក្នុងមួយចំណែក)។នេះគឺជាសកម្មភាពដ៏មានអត្ថន័យមួយរបស់អង្គការសហជីពដើម្បីកត់ត្រាទទួលស្គាល់ការខិតខំប្រឹងប្រែងក្នុងសកម្មភាពផលិតកម្ម និងការរួមចំណែកជាវិជ្ជមានរបស់សមាជិកសហជីព និងកម្មករក្នុងសកម្មភាពសហជីពនាពេលថ្មីៗនេះ ដើម្បីរាល់សមាជិកសហជីពកម្មករ និងក្រុមគ្រួសារទាំងអស់សុទ្ឋតែមានបុណ្យចូលឆាំ្ន និងសប្បាយរីករាយ។
ក្រៅពីនេះ អនុវត្តគោលការណ៍របស់បក្ស និងរដ្ឋក្នុងការថែទាំជីវភាពរស់នៅរបស់ប្រជាជនរាល់បុណ្យចូលឆាំ្ន និងនិទាឃៈរដូវមកដល់ រួមនឹងបាវចនាថា “សមាជិកសហជីព និងកម្មករទាំងអស់មានបុណ្យចូលឆាំ្ន” អាស្រ័យដោយអគ្គសហព័ន្ឋបំផុសចលនា កាលពីពេលថ្មីៗនេះសហព័ន្ឋពលករខេត្តអានយ៉ាង បានចេញផែនការរៀបចំសកម្មភាពថែទាំសមាជិកសហជីពលើភូមិសាស្ត្រខេត្ត ក្នុងឱកាសបុណ្យចូលឆ្នាំថ្មី ឆ្នាំម្សាញ់ ២០២៥។ យោងតាមនោះ សហព័ន្ឋពលករខេត្ត និងសហជីពគ្រប់លំដាប់ថ្នាក់ក្នុងខេត្ត បានចំណាយពីធនធានជាតិ ១០០ពាន់លានដុងពីប្រភពហិរញ្ញវត្ថុសហជីព ពីប្រភពគាំទ្ររបស់ខេត្ត និងប្រភពចលនាសង្គមូបនីយកម្មដើម្បីថែទាំសមាជិកសហជីព កម្មករកម្មការនីជាង ១១៥ពាន់នាក់របស់សមាជិកសហជីព និងកម្មករដែលមានស្ថានភាពលំបាក លំបាកពិសេស ជំងឺសតវត្សរ៍ គ្រោះថ្នាក់ការងារ ជំងឺការងារជួយសមាជិកសហជីព និងក្រុមគ្រួសារមានលក្ខណសប្បាយរីករាយនិទាឃរដូវ និងស្វាគមន៍ថ្ងៃបុណ្យជួបជុំនិងកក់ក្តៅ។
ទន្ទឹមនឹងនោះ សហជីពគ្រប់លំដាប់ថ្នាក់ក៏បានរៀបចំសកម្មភាពវប្បធម៌ និងសិល្បៈជាបន្តបន្ទាប់ ដើម្បីអបអរសាទរបក្ស និងនិទាឃរដូវដូចជា៖ ពិធីបុណ្យកីឡាសម្រាប់កម្មករ បុគ្គលិក និងពលករ។ បណ្តាពានរង្វាន់ប្រកួតកីឡា ការប្រកួតថ្វីដៃ ការប្រកួតចំច្រៀង និងរាំល្បែងប្រជាប្រិយ ជាមួយសកម្មភាពបុណ្យចូលឆាំ្នសប្បាយៗសម្រាប់កម្មករ កម្មការិនី នៃក្រុមស្វ័យត្រាណផ្ទះសំណាក់។
តាមរយៈកម្មវិធី គណៈអចិន្ត្រៃយ៍សហព័ន្ឋពលករខេត្តអានយ៉ាង សង្ឃឹមថា សមាជិកសហជីព កម្មករ និយោជិតបន្តជម្នះការលំបាក និងអនុវត្តតាមបទប្បញ្ញត្តិនៃច្បាប់ និងបទប្បញ្ញត្តិរបស់ស្ថាប័ន ធុរកិច្ចនានា និងពង្រីកគំនិតច្នៃប្រឌិត ធ្វើការមានផលិតភាព និងគុណភាពពិតប្រាកដ រួមចំណែកទៅក្នុងការអភិវឌ្ឍន៍ដោយនិរន្តរភាពរបស់ធុរកិច្ចនិងការអភិវឌ្ឍន៍រួមរបស់ខេត្ត។ សហជីពគ្រប់លំដាប់ថ្នាក់បន្តរៀបចំសកម្មភាពជាក់ស្តែងដើម្បីមើលថែសមាជិកសហជីព និងកម្មករ មុន និងក្រោយបុណ្យចូលឆាំ្ន៕
ប្រែ៖ ណារីពៅ
