ព្រឹកថ្ងៃទី ២៣ ខែធ្នូ លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង គណកម្មាធិការរណសិរ្សមាតុភូមិវៀតណាមខេត្ត ស្នងការដ្ឋាននគរបាលខេត្ត បក្ខភាគទីក្រុងឡុងស្វៀន បានអញ្ជើញទៅជូនពរបុណ្យណូអែលឆាំ្ន ២០២៤ នៅវិហារប៊ីស្សពឡុងស្វៀន។
តាងនាមបក្ខភាគខេត្ត ក្រុមប្រឹក្សាប្រជាជន គណកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្ត លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង ផ្ញើសារជូនលោកប៊ីស្សព គ្រូគង្វាល បព្វជិតគ្រប់អង្គរួមជាមួយនឹងបងប្អូនជនរួមជាតិកាតូលិកនៅក្នុងខេត្តអានយ៉ាងណុវវាចាជូនពរបុណ្យណូអែលសុខក្សេមក្សាន សប្បាយរីករាយនិងសុភមង្គល។
ព័ត៌មានអំពីស្ថានភាពអភិវឌ្ឍន៍សេដ្ឋកិច្ចសង្គមរបស់ខេត្ត លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង បានឲ្យដឹងថា ឆ្នាំ២០២៤ ខេត្តនឹងសម្រេចបាន និងលើសពីសន្ទស្សន៍អភិវឌ្ឍន៍សេដ្ឋកិច្ចសង្គម និងជីវភាពរស់នៅរបស់ប្រជាជនជាច្រើនបានកែលម្អឥតឈប់ឈរនិងលើកកម្ពស់ សន្តិសុខនយោបាយ សណ្តាប់ធ្នាប់សុវត្ថិភាពសង្គមបានរក្សារឹងមាំ។ ធ្លុងមហាសាមគ្គីជាតិបានពង្រឹងនិងបង្កើន។ បណ្តាសមិទ្ធិផលដែលសម្រេចបាន គឺជាលទ្ធផលនៃកិច្ចខិតខំប្រឹងប្រែងនៃប្រព័ន្ធនយោបាយទាំងមូល សាមគ្គីភាព រួមកម្លាំង ស្រុះចិត្តពីប្រជាជនគ្រប់មជ្ឈដ្ឋាន ក្នុងនោះ មានការរួមចំណែករបស់សហគមន៍កាតូលិកនៃខេត្តអានយ៉ាងផងដែរ។
តាងនាមថ្នាក់ដឹកនាំខេត្ត លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង បានកត់ត្រាទទួលស្គាល់ និងវាយតម្លៃខ្ពស់ចំពោះការរួមចំណែកដ៏មានតម្លៃរបស់ប៊ីស្សព គ្រូង្វាល បព្វជិតរួមនឹងជនរួមជាតិកាតូលិកនៃខេត្ត។តាមរយៈនោះ ប៊ីស្សព គ្រូគង្វាល បព្វជិត និងសហគមន៍កាតូលិកនៃវិហារកាតូលិកក្រុងឡុងស្វៀន បន្តអនុវត្តបានល្អនូវគោលការណ៍ គោលនយោបាយរបស់បក្ស និងច្បាប់របស់រដ្ឋ ហើយចូលរួមយ៉ាងសកម្មក្នុងការចលនាប្រឡងប្រណាំងស្នេហាជាតិអាស្រ័យដោយមជ្ឈិម និងមូលដ្ឋានបំផុសចលនា។ បន្តរួមកម្លាំងជាមួយបក្ស អាជ្ញាធរ និងប្រជាជនខេត្តអានយ៉ាង កសាងមាតុភូមិរបស់លោកប្រធាន តូនឌឹកថាំង ឲ្យកាន់តែសម្បូរបែប ស្រស់ស្អាត និងអារ្យធម៌៕
ប្រែ៖ ណារីពៅ
