នាថ្ងៃទី ១៦ មករា លក ឡេវ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង បានដឹកនាំគណៈប្រតិភូអញ្ជើញរទៅសួរសុខទុក្ខ និងជូនពរឆ្នាំថ្មីដល់ កងកម្លាំងប្រដាប់អាវុធ ដែលឈរជើងនៅលើភូមិសាស្ត្រទីរួមខេត្តទិញបៀន រួមមាន៖ កងពលធំថ្មើរជើងលេខ ៣៣០ កងពលតូចរថក្រោះពាសដែក ៤១៦ សាលាបាញ់ជីឡាំង ក្រុមកា៩០ (យោធភូមិភាគទី៩) ក្រុមកា៩៣ (មេបញ្ជាការដ្ឋានយោធាខេត្តអានយ៉ាង) ប៉ុស្តិ៍ការពារព្រំដែនអន្តរជាតិទិញបៀន (កងទ័ពការពារព្រំដែនអានយ៉ាង)។
នៅតាមកន្លែងនីមួយៗ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត បានសួរសុខទុក្ខយ៉ាងកក់ក្តៅអំពីជីវភាព និងការប្រជុំជីវភាពរបស់កម្មាភិបាល យុទ្ឋជន និងស្តាប់របាយការណ៍សកម្មភាពរបស់អង្គភាពលើវិស័យការងារជាច្រើន។ លោកអនុប្រធានគណៈកម្មាធិការប្រជាជនខេត្ត បានកត់ត្រាទទួលស្គាល់ និងកោតសរសើរចំពោះការរួមវិភាគទានរបស់កងកម្លាំងប្រដាប់អាវុធនៅពេលរួមដំណើរជាមួយបណ្តាថ្នាក់ បណ្តាផ្នែក នៅខេត្តអានយ៉ាង ក្នុងការងារកសាងជនបទថ្មី សន្តិសុខសង្គម បង្ការពន្លត់ភ្លើងឆេះព្រៃ ឆ្លើយតបនឹងគ្រោះធម្មជាតិនៅក្នុង ២០២៤។
តារយៈនោះ សង្ឃឹមថាកម្មាភិបាល យុទ្ឋជនបណ្តាអង្គភាពប្រដាប់អាវុធ នឹងបន្តពង្រីកគុណសម្បត្តិដ៏ថ្លៃថ្នូរបស់ “កងទ័ពលោកអ៊ំហូ” តែងតែបង្ហាញនូវស្មារតីប្តេជ្ញាឈ្នះ សម្រេចឆ្នើមភារកិច្ចដែលបានប្រគល់ជូន រួមចំណែកទៅក្នុងសមិទ្ធិផលរបស់ខេត្តអានយ៉ាង ក្នុងឆ្នាំ ២០២៥។
តាងនាមបក្ខភាគខេត្ត ក្រុមប្រឹក្សាប្រជាជន គណកម្មាធិការប្រជាជន គណកម្មាធិការរណ សិរ្សមាតុភូមិវៀតណាមខេត្តអានយ៉ាង លោក ឡេវ៉ាន់ភឿក អនុប្រធានគណកម្មាធិការប្រជាជនខេត្តបានជូនពរកម្មាភិបាល យុទ្ឋជនបណ្តាអង្គភាពកងប្រដាប់អាវុធ អំណរនិទាឃរដូវកក់ក្តៅ សុភមង្គល រីករាយដោយស្មារតីសប្បាយនិទាឃរដូវមិនភ្លេចភារកិច្ច សក្តិសមនឹងប្រពៃណីវីរភាពរបស់កងកម្លាំងប្រដាប់អាវុធយោធភូមិភាគ ទី៩ និងខេត្តអានយ៉ាង។
ក្នុងឱកាសនេះ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត បានអញ្ជើញទៅសួរសុខទុក្ខ និងជូនពរឆ្នាំថ្មីដល់គ្រួសារគោលនយោបាយគំរូនៅទីរួមខេត្តទិញបៀន។ សួរសុខទុក្ខ និងជូនពរឆ្នាំថ្មីដល់បក្ខភាគ គណៈកម្មាធិការប្រជាជនឃុំវ៉ាន់យ៉ាវ(ទីរួមខេត្តទិញបៀន)និងជូនអំណោយដល់គ្រួសារគោលនយោបាយ គ្រួសារក្រីក្រនៅមូលដ្ឋាន៕
ប្រែ៖ ណារីពៅ
