សកលវិទ្យាល័យសេដ្ឋកិច្ចទីក្រុងហូជីមិញ ស្នើ​កម្ម​វិធីកិច្ចសហប្រតិបត្តិការជាមួយខេត្តអានយ៉ាង ដែល​ជា​ចំណុចខ្លាំងរបស់អង្គភាព រួមមាន៖ កម្មវិធីបណ្តុះ​បណ្តាលក្រោយឧត្តមសិក្សាជាមួយថ្នាក់អនុបណ្ឌិតចំនួន​២។ កម្មវិធីស្រាវជ្រាវ និងពិគ្រោះយោបល់សម្រាប់​ការ​អភិវឌ្ឍន៍សេដ្ឋកិច្ច-សង្គមមូលដ្ឋាន ជាមួយខ្លឹម​សារ​ស្រាវ​ជ្រាវ និងប្រឹក្សាចំនួន ៤។ បណ្តាវគ្គបំ​ពាក់​បំប៉ន​រយៈ​ពេលខ្លី មាន១២កម្មវិធី។ សាស្ត្រាចារ្យបណ្ឌិត ង្វៀន​​ដុងផុង លេខាបក្ខភាគ ប្រធានក្រុមប្រឹក្សាសកល​វិ​ទ្យា​​​​ល័យសេដ្ឋកិច្ចទីក្រុងហូជីមិញបានស្នើថា៖ “សា​លា​​​សង្ឃឹម​ថានឹងបានចែករំលែក និងរួមចំណែក​ទទួល​ខុស​ត្រូវ​ទៅក្នុងការអភិវឌ្ឍន៍តំបន់វាលទំនាបទន្លេគឺវឡុង និង​ខេត្តអានយ៉ាង។ ជាពិសេសនៅក្នុង​លក្ខខណ្ឌ​ដែល​ប្រ​ទេសទាំងមូលផ្តោតជំរុញខ្លាំងកំណើនសេដ្ឋកិច្ច”។

នៅក្នុងកិច្ចប្រជុំនេះ ថ្នាក់ដឹកនាំសកលវិទ្យា​ល័យ​សេដ្ឋ​កិច្ចទីក្រុងហូជីមិញ និងខេត្ត អានយ៉ាង បណ្តា​មន្ទីរ​ ផ្នែកបានផ្លាស់ប្តូរយោបល់ជាច្រើន​ដើម្បីអនុវត្ត​ការ​ងារ​​សហការ កម្មវិធីបណ្តុះបណ្តាល និងស្រាវជ្រាវ​ដោយ​ប្រសិទ្ធភាពនាពេលខាងមុខជាដើម ភាគីទាំង​ពីរ​បាន​​ឯកភាពលើកម្មវិធី ចាត់តាំងចំណុចស្នូល​ដើម្បី​ស​ហ​ការ​ផ្សព្វផ្សាយខ្លឹមសារសហប្រតិបត្តិការ។

សង្កត់ធ្ងន់លើការរួមវិភាគទានយ៉ាងសំខាន់របស់សកលវិទ្យាល័យសេដ្ឋកិច្ចទីក្រុងហូជីមិញអំពីបណ្តុះបណ្តាល​ធនធានមនុស្សរបស់ខេត្តនាពេលថ្មីៗនេះ លោ​ក​ ឡេហុងក្វាង សមាជិក​គណៈកម្មាធិការមជ្ឈិមបក្ស លេ​ខាបក្ខភាគខេត្តអានយ៉ាង បានមានប្រសាសន៍ថា ការ​ជួបធ្វើការកាលពីដើមឆាំ្នថ្មីគឺជាក់ស្តែងណាស់ គឺ​ជា​បុរេលក្ខណៈល្អសម្រាប់ការអភិវឌ្ឍន៍កិច្ចសហប្រតិបត្តិការ​នាពេលខាងមុខ និងសង្ឃឹមថា ទំនាក់ទំនង​សហ​ប្រតិ​បត្តិការកាន់តែល្អប្រសើរពីមួយថ្ងៃទៅមួយថ្ងៃ។ បន្ទាប់​ពីកិច្ចប្រជុំដើម្បីឯកភាពលើគោលការណ៍នេះ លោកលេខាបក្ខភាគខេត្តបានតម្រូវឲ្យគណៈកម្មាធិការប្រជាជនខេត្ត និងបណ្តាមន្ទីរ ផ្នែកជាមួយនឹងមុខងារ ភារកិច្ចនឹងបន្តពិភាក្សាជាមួយសកលវិទ្យាល័យសេដ្ឋកិច្ច​ទីក្រុងហូជីមិញ ដើម្បីជ្រើសរើសកម្មវិធី​បណ្តុះ​បណ្តា​ល​​ និងស្រាវជ្រាវដើម្បី​ឯកភាព​អនុវត្ត​នាពេល​ខាង​មុខ​៕​

ប្រែ៖ ណារីពៅ