ប៉ុន្មានឆាំ្នជិតៗនេះ ចូវថាញ់ ផ្សព្វផ្សាយអនុវត្តព្រមៗគ្នានៅដំណោះស្រាយកាត់បន្ថយភាពក្រីក្រមាននិរន្តរភាពជាច្រើន បង្កើតលក្ខខណ្ឌងាយស្រួលសម្រាប់គ្រួសារក្រពង្រីកឆន្ទះឈានឡើង។ តាមរយៈនោះ អត្រាគ្រួសារក្រីក្រថយចុះជាបណ្តើរៗ ជីវភាពសម្ភារៈនិងស្មារតីរបស់ប្រជាជនថ្ងៃកាន់តែលើកកម្ពស់ សេដ្ឋកិច្ច សង្គមអភិវឌ្ឍន៍។
ដោយកំណត់ច្បាស់ការកាត់បន្ថយភាពក្រីក្រដោយនិរន្តរភាពជាភារកិច្ចសំខាន់មួយ រួមចំណែកលើកកម្ពស់ការអភិវឌ្ឍន៍សេដ្ឋកិច្ចសង្គម ស្រុកចូវថាញ់បានកំណត់ភារកិច្ច និងដំណោះស្រាយដើម្បីបង្កើនប្រាក់ចំណូល និងលើកកម្ពស់ជីវភាពប្រជាជន កាត់បន្ថយអត្រាគ្រួសារក្រីក្រ និងបញ្ចៀសការធ្លាក់ចូល ភាពក្រីក្រវិញ។ ស្រុកបង្កើនការឃោសនាយ៉ាងទូលំទូលាយនូវគោលការណ៍ណែនាំរបស់បក្ស និងគោលនយោបាយរដ្ឋស្តីពីការកាត់បន្ថយភាពក្រីក្រ ជាមួយនឹងទម្រង់ និងខ្លឹមសារចម្រុះកាន់តែខ្លាំងឡើង ដើម្បីលើកកម្ពស់ការយល់ដឹង និងលុបបំបាត់បន្តិចម្តងៗនូវមនោគមវិជ្ជារំពឹងទុក ពឹងផ្អែកលើ និងពង្រីកឆន្ទៈឈានឡើងចាកផុតពីភាពក្រីក្ររបស់ប្រជាជន។
ជារៀងរាល់ឆ្នាំ បណ្តាឃុំ ទីរួមស្រុក បណ្តាវិស័យ អង្គការមហាជនលើភូមិសាស្ត្រស្រុកស៊ើបអង្កេត និងត្រួតពិនិត្យគ្រួសារក្រីក្រ និងបៀតក្រីក្រ។ វិភាគមូលហេតុដែលនាំទៅរកស្ថានភាពលំបាកនៃក្រុមមុខសញ្ញា ដើម្បីផ្តល់នូវដំណោះស្រាយ និងគោលនយោបាយគាំទ្រជាក់ស្តែង សមស្រប និងមានប្រសិទ្ធភាព។ មានគ្រួសារក្រីក្រ ទើបចាកផុតពីភាពក្រីក្រ គ្រួសារបៀតក្រីក្រ ទទួលបានការគាំទ្ររបរចិញ្ចឹមជីវិត បង្កើតការងារ បង្កើនប្រាក់ចំណូល និងសម្រួលដល់ការទទួលបានសេវាសង្គមជាមូលដ្ឋានក្នុងវិស័យសុខាភិបាល អប់រំ លំនៅដ្ឋាន ទឹកស្អាត និងអនាម័យ ទទួលបានព័ត៌មានជាដើម។ តាមរយៈនេះ រួមចំណែកលើកកម្ពស់ជីវភាពសម្ភារៈ និងស្មារតីរបស់ប្រជាជន កាត់បន្ថយអត្រាគ្រួសារក្រីក្រជារៀងរាល់ឆ្នាំ។ មកដល់ពេលនេះ អត្រាគ្រួសារក្រីក្រនៅក្នុងស្រុកទាំងមូលថយចុះនៅត្រឹម ១,៨២%។
លោក ហ្វិញវ៉ាន់ធឹក ប្រធានមន្ទីរពលកម្ម យុទ្ធជនពិការ និងសង្គមកិច្ចស្រុកចូវថាញ់ បានឲ្យដឹងថា៖ ជារៀងរាល់ឆ្នាំ អង្គភាពបានសហការយ៉ាងសកម្មជាមួយអង្គការមហាជន និងអាជ្ញាធរមូលដ្ឋាន ដំណើរការត្រួតពិនិត្យចំនួនកម្មករនិយោជិតដែលមាន និងមិនទាន់មានការបណ្តុះបណ្តាល ស្វែងរកតម្រូវការវិជ្ជាជីវៈរបស់ពួកគេ បង្កើតផែនការបណ្តុះបណ្តាលសមស្រប។ បន្ទាប់មក ផ្តោតលើការបណ្ដុះបណ្ដាលវិជ្ជាជីវៈផ្សារភ្ជាប់នឹងការបម្រើផលិតកសិកម្ម មុខរបរប្រពៃណីនៅមូលដ្ឋាន មុខរបរថ្មី និងលើកកម្ពស់ទឹកដៃជាបណ្តើរៗ ដើម្បីបម្រើទីផ្សារការងារឲ្យបានល្អ។
បក្ខភាគស្រុកប្រមូលផ្តុំជំរុញខ្លាំងការងារបណ្ដុះបណ្ដាលវិជ្ជាជីវៈផ្សារភ្ជាប់នឹងការផលិតកសិកម្ម មុខរបរប្រពៃណី និងមុខរបរថ្មី។ ទន្ទឹមនឹងនោះ មានរបបលើកទឹកចិត្ត និងជំរុញអ្នកសិក្សាឲ្យបង្កើនទឹកដៃបន្តិចម្តងៗ និងបម្រើទីផ្សារការងារឥ្យបានល្អផងដែរ។ កាលពីឆ្នាំមុន ស្រុកបានផ្តល់ការបណ្តុះបណ្តាលវិជ្ជាជីវៈដល់កម្មករជនបទចំនួន ៨៩០ នាក់ (សម្រេចបាន ១៩៧% ផែនការ)។ ក្នុងនោះការបណ្តុះបណ្តាលវិជ្ជាជីវៈមានរយៈពេលក្រោម៣ខែដល់កម្មករចំនួន៣៩៩នាក់ ដោយមានមុខជំនាញដូចខាងក្រោម៖ បច្ចេកទេសចិញ្ចឹមគោ កាត់ដេរឧស្សាហកម្ម និងការធ្វើតេស្តសំណង់ស៊ីវិល ការកែច្នៃប្រហិតបួស។ ការបណ្តុះបណ្តាលវិជ្ជាជីវៈកម្រិតបឋមសិក្សា (ថ្នាក់ B C D) សម្រាប់កម្មករចំនួន ៤៤០នាក់។ ក្រៅពីនេះ ដោះស្រាយការងារជូនកម្មករជាង ៦.៧៥០ នាក់ (សម្រេចបាន ១១២,៥%)។ មានកម្មករចំនួន ៨៤នាក់ ដែលធ្វើការនៅក្រៅប្រទេសក្រោមកិច្ចសន្យាការងារ (ភាគច្រើននៅប្រទេសជប៉ុន និងតៃវ៉ាន់)។
បក្ខភាគស្រុកចូវថាញ់ក៏អនុវត្តគោលនយោបាយកម្ចីសមកាលកម្ម ជួយប្រជាជនងាយស្រួលទទួលបានប្រភពកម្ចីអនុគ្រោះ វិនិយោគលើឧបករណ៍ អភិវឌ្ឍន៍ និងពង្រីកទ្រង់ទ្រាយផលិតកម្ម -អាជីវកម្ម និងអភិវឌ្ឍន៍សេដ្ឋកិច្ចគ្រួសារ។ រួមជាមួយប្រាក់កម្ចី និងការគាំទ្រចាកផុតពីភាពក្រីក្រ បណ្តាផ្នែក អង្គការមហាជននិងអាជ្ញាធរមូលដ្ឋាន បានជំរុញខ្លាំងការឃោសនា ចលនាប្រជាជនអនុវត្តវិទ្យាសាស្ត្របច្ចេទេសក្នុងការចិញ្ចឹមសត្វ និងបំបែរចនាសម្ព័ន្ធដំណាំដាំដុះ សត្វចិញ្ចឹមដោយក្លាហាននិងវិនិយោគលើការដាំដុះដំណាំ សត្វចិញ្ចឹមមានតម្លៃសេដ្ឋកិច្ចខ្ពស់។
អនុវត្តគម្រោង និងអនុគម្រោងក្រោមកម្មវិធីគោលដៅជាតិសម្រាប់កាត់បន្ថយភាពក្រីក្រដោយនិរន្តរភាពឆ្នាំ២០២៤ បណ្តាគណ ផ្នែក អង្គការមហាជនស្រុក និងគណៈកម្មាធិការប្រជាជនបណ្តាឃុំ ទីរួមស្រុក តែងតែមានការសហការស្របគ្នា និងសកម្មក្នុងការចលនា ឃោសនានិងអនុវត្តល្អគោលនយោបាយដើម្បីជួយគ្រួសារក្រីក្រ បៀតក្រីក្រ និងគ្រួសារមានកាលៈទេសលំបាកឆាប់ស្ថិរភាពជីវភាពឈានឡើងចាកផុតពីភាពក្រីក្រ។ តាមរយៈនោះ មានឃុំ ទីរួមស្រុកចំនួន ១១ ក្នុងចំណោម ១៣ ចូលរួមគម្រោងពិពិធកម្មរបរចិញ្ចឹមជីវិត អភិវឌ្ឍន៍ទម្រង់កាត់បន្ថយភាពក្រីក្រ ដោយមានថវិកាសរុបជិត ៤ពាន់លានដុង អនុវត្តគម្រោងចិញ្ចឹមគោ ចិញ្ចឹមមាន់ និងកែច្នៃសម្លៀកបំពាក់និងជាងសំណង់”។ ឆ្នាំ ២០២៤ ឃុំ ប៊ិញថាញ់ អនុវត្តគាំទ្ររបរចិញ្ចឹមជីវិត អភិវឌ្ឍន៍ទម្រង់កាត់បន្ថយភាពក្រីក្រ ជាមួយនឹងទម្រង់ ២ គឺចិញ្ចឹមគោសាច់ និងការកែច្នៃសម្លៀកបំពាក់។ ចូលរួមបណ្តាទម្រង់ បណ្តាគ្រួសារនឹងបានគាំទ្រទុន កូនពូជ បានបណ្តុះបណ្តាលបច្ចេកទេសចិញ្ចឹមសត្វ និងបណ្តុះបណ្តាលវិជ្ជាជីវៈ ដើម្បីបង្កើនប្រាក់ចំណូល និងស្ថិរភាពជីវភាពគ្រួសារ” - លោក ផានថាញ់ហៀន អនុប្រធានគណៈកម្មាធិការប្រជាជនឃុំប៊ិញថាញ់ចែករំលែក។
លោក ហូហ៊ូវតៃ អនុប្រធានគណៈកម្មាធិការប្រជាជនស្រុក ចូវថាញ់ បានឲ្យដឹងថា៖ នាពេលខាងមុខ ស្រុកចូវថាញ់ នឹងបន្តកំណត់គោលដៅកាត់បន្ថយភាពក្រីក្រដោយនិរន្តរភាពជាមួយនឹងវិធីសាស្រ្តពហុវិមាត្រ កាត់បន្ថយភាពក្រីក្រឡើងវិញ។ ទន្ទឹមនិងនោះ ប្រមូលផ្តុំជ្រួតជ្រាបឲ្យបានហ្មត់ចត់ ឃោសនា ផ្សព្វផ្សាយទៅដល់ប្រជាជន (ជាពិសេសគឺគ្រួសារក្រីក្រ បៀតក្រីក្រ និងទើបរួចផុតពីភាពក្រីក្រ) អំពីគោលនយោបាយកាត់បន្ថយភាពក្រីក្រ និងរបបសន្តិសុខសង្គមដោយនិរន្តរភាព។ ទន្ទឹមនិងនោះ រក្សានិងបើកទូលាយទម្រង់ចាកផុតពីភាពក្រីក្រមានប្រសិទ្ធភាព។ គាំទ្រ និងជួយប្រជាជនក្រីក្រ បៀតក្រីក្រ និងអ្នកជួបការលំបាកក្នុងការទទួលបាន និងប្រើប្រាស់ប្រាក់កម្ចីប្រកបដោយប្រសិទ្ធភាព។ ការបណ្តុះបណ្តាលវិជ្ជាជីវៈ ដោះស្រាយការធ្វើ ផ្ទេរវិទ្យាសាស្ត្រ និងបច្ចេកវិទ្យាទៅក្នុងផលិតកម្ម។ ក្រៅពីនេះ ផ្សព្វផ្សាយចលនាប្រឡងប្រណាំងស្នេហាជាតិយ៉ាងទូលំទូលាយ យកចិត្តទុកដាក់ថែទាំអ្នកក្រីក្រ និងអ្នកទន់ខ្សោយក្នុងសង្គម៕
ប្រែ៖ ណារីពៅ
