ព្រឹកថ្ងៃទី២ ខែកុម្ភៈ ឯកឧត្តម នៃ ចារី អភិបាលរងខេត្តកំពង់ឆ្នាំង (ព្រះរាជាណាចក្រកម្ពុជា) និងប្រតិភូខេត្តកំពង់ឆ្នាំង បានអញ្ជើញមកជូនពរថ្នាក់ដឹកនាំ និងប្រជាជនខេត្តអានយ៉ាង ក្នុងឱកាសបុណ្យចូលឆាំ្នថ្មីប្រពៃណីជាតិវៀតណា។ លោកស្រី ង្វៀនធីមីញធ្វី អនុប្រធានគណៈកម្មាធិការប្រជាជនខេត្ត អានយ៉ាង រួមជាមួយថ្នាក់ដឹកនាំមន្ទីរ ផ្នែកថ្នាក់ខេត្តបានទទួលគណៈប្រតិភូ។
ទិដ្ឋភាព ទទួលគណៈប្រតិភូខេត្តកំពង់ឆ្នាំង ជូនពរ បុណ្យចូលឆាំ្នថ្មីវៀតណាម
ប្រតិភូខេត្តកំពុងឆាំ្នង
លោកស្រី ង្វៀនធីមីញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានទទួលជួបគណៈប្រតិភូខេត្តកំពង់ឆ្នាំង
ក្នុងឱកាសបុណ្យចូលឆ្នាំវៀតណាម លោក នៃ ចារី អភិបាលរងខេត្តកំពង់ឆ្នាំង បានពាំនាំនូវការផ្តាំផ្ញើសួរសុខទុក្ខពីសំណាក់អភិបាលខេត្តកំពង់ឆ្នាំង ជូនចំពោះថ្នាក់ដឹកនាំខេត្តអានយ៉ាង។ ទន្ទឹមនឹងនោះ ជូនពរថ្នាក់ដឹកនាំ និងប្រជាជនខេត្ត អានយ៉ាង ទទួលឆាំ្នថ្មីជួបតែសេចក្តីសុខ សុភមង្គល និងជោគជ័យក្នុងជីវិត។
លោក នៃ ចារី ប្រគល់លិខិតជូនពរឆ្នាំថ្មី របស់អភិបាលខេត្តកំពង់ឆ្នាំង ជូនថ្នាក់ដឹកនាំ និងប្រជាជនខេត្តអានយ៉ាង
លោក នៃចារី ជូនអំណោយឆ្នាំថ្មីដល់ថ្នាក់ដឹកនាំខេត្តអានយ៉ាង
រីករាយស្វាគមន៍ឯកឧត្តម នៃ ចារី និងគណៈប្រតិភូដែលមកសួរសុខទុក្ខ និងជូនពរបុណ្យចូលឆ្នាំថ្មីវៀតណាម ២០២៤ លោកស្រី ង្វៀនធីមីញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានសង្កត់ធ្ងន់ថា ទោះបីជាខេត្ត អានយ៉ាង និងខេត្តកំពង់ឆ្នាំងមិនមានផ្លូវព្រំដែនរួមក៏ដោយ ក៏ខេត្ត អានយ៉ាង តែងតែចាត់ទុកខេត្តកំពង់ឆ្នាំង និងប្រជាជនខេត្តកំពង់ឆ្នាំងជាមិត្តល្អ។ ក្នុងប៉ុន្មានឆ្នាំជិតៗនេះ ថ្នាក់ដឹកនាំនៃខេត្តទាំងពីរបានរៀបចំគណៈប្រតិភូមកសួរសុខទុក្ខក្នុងឱកាសបុណ្យចូលឆ្នាំវៀតណាម និងបុណ្យចូលឆាំ្នខ្មែររបស់កម្ពុជា។ នេះជាមូលដ្ឋានគ្រឹះដើម្បីជួយខេត្តទាំងពីរកសាង និងរឹតចំណងទំនាក់ទំនងកិច្ចសហប្រតិបត្តិការបន្ថែមទៀតនាពេលអនាគត។
ក្នុងបរិយាកាសរីករាយមុនបុណ្យចូលឆ្នាំថ្មី ២០២៤ លោកស្រី ង្វៀនធីមីញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានជូនពរឯកឧត្តម នៃ ចារី និងគណៈប្រតិភូខេត្តកំពង់ឆ្នាំង មានសុខភាពល្អ សុភមង្គល និងសម្រេចបាននូវរាល់ភារកិច្ចប្រកបដោយជោគជ័យ។ សូមជូនពរឲ្យចំណងសាមគ្គីភាព មិត្តភាព និងប្រពៃណីល្អប្រសើរវាងប្រទេសទាំងពីរ វៀតណាម និងកម្ពុជា និយាយរួម និងរវាងខេត្តអានយ៉ាង និងខេត្តកំពង់ឆ្នាំង និយាយដោយឡែក ឋិតថេរជារៀងរហូត៕
ប្រែ៖ ណារីពៅ
