នៅព្រឹកថ្ងៃទី២ ខែកុម្ភៈ គណៈប្រតិភូនៃអគ្គនាយកដ្ឋានសេវាកម្មយោធា (ក្រសួងការពារជាតិកម្ពុជា) ដឹកនាំដោយឯកឧត្តម ឧត្តមសេនីយ៍ទោ យ៉ុង ម៉ៅ អគ្គស្នងការរង បានអញ្ជើញមកសួរសុខទុក្ខ និងជូនពរបុណ្យចូលឆ្នាំថ្មីប្រពៃណីជាតិវៀតណាម ឆ្នាំ ២០២៤ នៅទីរួមខេត្តទីញបៀន ខេត្តអានយ៉ាង។ លោក ផាមថាញ់ញ៉ឺន ប្រធានគណៈកម្មាធិការប្រជាជនទីរួមខេត្តទីញបៀន បានទទួលជួបគណៈប្រតិភូ។
នៅក្នុងពិធីជូនពរឆ្នាំថ្មីនេះ ឯកឧត្តម ឧត្តមសេនីយ៍ទោ យ៉ុង ម៉ៅ បានសម្តែងការពេញចិត្តចំពោះទំនាក់ទំនងដ៏ល្អរវាងប្រទេសទាំងពីរ ហើយមានបំណងជំរុញទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការថែមទៀតក្នុងវិស័យសេវាកម្ម វិនិយោគ និងអភិវឌ្ឍន៍។ ក្នុងឱកាសនេះ ឯកឧត្តម ឯកឧត្តម ឧត្តមសេនីយ៍ទោ យ៉ុង ម៉ៅ ក៏បាន ផ្ញើ សារជូនពរឆ្នាំថ្មី របស់ប្រធានអគ្គនាយកដ្ឋាននៃអគ្គនាយកដ្ឋានសេវាកម្មយោធាជូនដល់ថ្នាក់ដឹកនាំមូលដ្ឋាន សូមជូនពរឆ្នាំថ្មី ជួបប្រទះតែសេចក្តីសុខ សេចក្តីចម្រើន និងជោគជ័យថ្មីៗជាច្រើន រួមចំណែកដល់ការអភិវឌ្ឍន៍កាន់តែរីកចម្រើនរបស់វៀតណាម។
តំណាងគណប្រតិភូបានអានលិខិតជូនពរឆ្នាំថ្មីរបស់ប្រធានអគ្គនាយកដ្ឋាននៃអគ្គនាយកដ្ឋានសេវាកម្មយោធា
គណៈប្រតិភូនៃអគ្គនាយកដ្ឋានសេវាកម្មយោធា ជូនអំណោយ និងជូនពរគណៈកម្មាធិការប្រជាជនទីរួមខេត្តទីញបៀន
តាងនាមថ្នាក់ដឹកនាំបក្ស អាជ្ញាធរ និងប្រជាជនទីរួមខេត្តទីញបៀន លោក ផាមថាញ់ញ៉ឺន ប្រធានគណៈកម្មាធិការប្រជាជនទីរួមខេត្ត បានថ្លែងអំណរគុណចំពោះគណៈប្រតិភូនៃអគ្គនាយកដ្ឋាន សេវាកម្មយោធា នៃក្រសួងការពារជាតិកម្ពុជា។ ទន្ទឹមនឹងនោះ បានបញ្ជាក់ថា មូលដ្ឋានបានត្រៀមខ្លួនរួចជាស្រេចក្នុងការចែករំលែក សហប្រតិបត្តិការ និងការគាំទ្ររបស់ប្រទេសមិត្តលើគ្រប់វិស័យ ដើម្បីរួមគ្នាកសាងប្រទេសមានសុខសន្តិភាព សង្គមអារ្យធម៌ និងអភិវឌ្ឍន៍ក្នុងស្មារតីសាមគ្គីភាព មិត្តភាព គោរពឯករាជ្យ អធិបតេយ្យភាព និង បូរណភាពដែនកដីនៃប្រទេសនីមួយៗ៕
ប្រែ៖ ណារីពៅ