រសៀលថ្ងៃទី ១៩ ខែមីនា គណៈកម្មាធិការប្រជាជនខេត្ត អានយ៉ាង បានរៀបចំសន្និបាតបូកសរុបកិច្ចសហប្រតិបត្តិការឆ្នាំ ២០២៣ និងដាក់ចេញទិសដៅ ៦ ខែដើមឆ្នាំ ២០២៤ រវាងខេត្ត អានយ៉ាង និងខេត្តកណ្តាល (ព្រះរាជាណាចក្រកម្ពុជា)។លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង និងលោក ឌឹម បូរ៉ា អភិបាលរងខេត្តកណ្តាល បានធ្វើអធិបតីភាពសន្និបាត។
ទិដ្ឋភាពសន្និបាត
អនុប្រធានគណៈកម្មាធិការប្រជាជនខេត្ត អានយ៉ាង ថ្លែងមតិនៅក្នុងកិច្ចសន្ទនា
លោក ឌឹម បូរ៉ា អភិបាលរងខេត្តកណ្តាលបានផ្លាស់ប្តូរទិសដៅកិច្ចសហប្រតិបត្តិការរវាងខេត្តទាំងពីរនាពេលខាងមុខ
ថ្នាក់ដឹកនាំខេត្តអានយ៉ាង និងខេត្តកណ្តាលបានចុះហត្ថលេខាលើកំណត់ហេតុកិច្ចសហប្រតិបត្តិការរយៈពេល៦ខែដើមឆ្នាំ២០២៤
គណៈប្រតិភូជាន់ខ្ពស់ខេត្តទាំងពីរ អានយ៉ាង និងកណ្តាលបានថតរូបអនុស្សាវរីយ៍
នៅក្នុងសន្និបាតនេះ ថ្នាក់ដឹកនាំខេត្តទាំងពីរបានផ្តោតទៅលើការវាយតម្លៃលទ្ធផលកិច្ចសហប្រតិបត្តិការរវាងមូលដ្ឋានទាំងពីរនៅក្នុងឆ្នាំ ២០២៣ លើវិស័យ៖ សន្តិសុខ សណ្តាប់ធ្នាប់នៅតាមបន្ទាត់ព្រំដែន។ ការងារបោះបង្គោលព្រំដែន សកម្មភាពពាណិជ្ជកម្ម វិស័យអប់រំ និងថែទាំសុខភាព ការងាររណសិរ្សនិងអង្គការអង្គការមហាជន។ ទន្ទឹមនឹងនោះ បានឯកភាពលើទិសដៅកិច្ចសហប្រតិបត្តិការរយៈពេល ៦ ខែដើមឆ្នាំ ២០២៤ ដូចជា៖ សណ្តាប់ធ្នាប់សង្គម និងសន្តិសុខនៅតាមព្រំដែន ការងារបង្ការទប់ស្កាត់ បទល្មើសគ្រឿងញៀនឆ្លងដែន គ្រប់គ្រងព្រំដែន និងកំណត់ព្រំប្រទល់បោះបង្គោលព្រំដែន កសិកម្ម ពាណិជ្ជកម្ម គយ អប់រំ វប្បធម៌ ទេសចរណ៍ សុខភាព គមនាគមន៍រដឹកជញ្ជូន ការងាររណសិរ្ស រុករកនិងលើកយកអដ្ឋិធាតុកងទ័ពស្ម័គ្រចិត្ត។
យោងតាមនោះ កងកម្លាំងមុខងារនៅតាមបន្ទាត់ព្រំដែនបន្តសហប្រតិបត្តិការដើម្បីធានាស្ថិរភាព សន្តិសុខ និងសណ្តាប់ធ្នាប់នៅបន្ទាត់ព្រំដែន។ សហប្រតិបត្តិការអនុវត្តការងារគ្រប់គ្រងព្រំដែនឲ្យបានល្អ និងជំរុញល្បឿនការងារកំណត់ព្រំប្រទល់បោះបង្គោលព្រំដែន។ ភាគីទាំងពីរបន្តអនុវត្តកម្មវិធីសហប្រតិបត្តិការកសិកម្ម រួមចំណែកលើកកម្ពស់ប្រសិទ្ធភាពសេដ្ឋកិច្ចសម្រាប់កសិករ គាំទ្រគ្នាទៅវិញទៅមកក្នុងការជំរុញពាណិជ្ជកម្ម រៀបចំផ្សារណាត់ និងទីផ្សារ តភ្ជាប់ពាណិជ្ជកម្ម និងបង្កើតចំណុចដើម្បីតាំងបង្ហាញ និងលក់ផលិតផលរបស់ធុរកិច្ចក្នុងខេត្តទាំងពីរ។ ទន្ទឹមនឹងនោះ បង្កលក្ខណៈផ្លាស់ប្តូរវប្បធម៌ បន្តសហប្រតិបត្តិការហ្មត់ចត់ ដើម្បីអនុវត្តមានប្រសិទ្ឋភាពលើសកម្មភាពត្រួតពិនិត្យឯកទេសផ្នែកវេជ្ជសាស្រ្ដនៅតាមច្រកទ្វារព្រំដែន ។
ថ្លែងមតិក្នុងសន្និបាត លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង បានវាយតម្លៃខ្ពស់ចំពោះលទ្ធផលកិច្ចសហប្រតិបត្តិការរបស់មន្ទីរ ផ្នែក ស្រុក ទីរួមខេត្ត និងទីក្រុងព្រំដែននៃខេត្តទាំងពីរ អានយ៉ាង និងកណ្តាលក្នុងដំណើរការបំពេញភារកិច្ចរួម។ តាមរយៈនោះ រួមចំណែករឹតបន្តឹងទំនាក់ទំនងសហប្រតិបត្តិការរវាងខេត្តទាំងពីរ តាមពាក្យស្លោក “អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង”។
លោក ឡេវ៉ានើភឿក អនុប្រធានគណៈកម្មាធិការប្រជាជនខេត្ត អានយ៉ាងបានស្នើឲ្យមន្ទីរ គណ ផ្នែក និងអាជ្ញាធរមូលដ្ឋាននៃខេត្តទាំងពីរនាពេលខាងមុខ សហការយ៉ាងសកម្ម និងរៀបចំអនុវត្តមានប្រសិទ្ធភាពនូវខ្លឹមសារដែលបានឯកភាពគ្នា ដើម្បីអភិវឌ្ឍន៍សេដ្ឋកិច្ច សង្គមកិច្ច កែលម្អជីវភាពរបស់ប្រជាជននៃខេត្តទាំងពីរ។ តាមរយៈនោះ រួមចំណែកកសាងផ្លូវព្រំដែនវៀតណាម- កម្ពុជាដោយសន្តិភាព មិត្តភាព សហប្រតិបត្តិការអភិវឌ្ឍន៍ជាមួយគ្នា។
លោក ឌឹម បូរ៉ា អភិបាលរងខេត្តកណ្តាល ក៏បាន ស្នើថា នាពេលខាងមុខខេត្តទាំងពីរបន្តជំរុញខ្លាំងការងារសហប្រតិបត្តិការក្នុងការតស៊ូទប់ស្កាត់បទល្មើសគ្រប់ប្រភេទ ផ្លាស់ប្តូរព័ត៌មានជាប្រចាំ សហប្រតិបត្តិការដើរល្បាតទ្វេភាគី ការពារបង្គោលព្រំដែនជាដើម។
នៅឆ្នាំ២០២៣ ខេត្តអានយ៉ាង និងកណ្តាលបានសហប្រតិបត្តិការយ៉ាងសកម្មទ្វេភាគីក្នុងការងារបង្ការទប់ស្កាត់ឧក្រិដ្ឋកម្មឆ្លងដែនគ្រប់ប្រភេទនិងអនុវត្តការងារបោះបង្គោលព្រំដែនឲ្យបានល្អ។ បន្តបង្កើតលក្ខខណ្ឌអំណោយផលសម្រាប់សកម្មភាពពាណិជ្ជកម្មនៃធុរកិច្ច ការផ្លាស់ប្តូរទំនិញ និងកសិផលនៅតាមច្រកទ្វារព្រំដែននៃមូលដ្ឋានទាំងពីរ ការនាំចេញ និងនាំចូលជាសរុបតាមរយៈច្រកទ្វារអន្តរជាតិ វិញសឿង - ក្អមសំណ និងច្រកទ្វារសំខាញ់ប៊ិញ - ជ្រៃធំ រវាងខេត្តទាំងពីរសម្រេចបានជិត ១,៤ ពាន់លានដុល្លារអាមេរិក។
ដោយមានការសហប្រតិបត្តិការល្អពីអាជ្ញាធរគ្រប់លំដាប់ថ្នាក់នៃខេត្តកណ្តាល និងគណៈកម្មការស្វែងរក និងលើកយកអដ្ឋិធាតុកងទ័ពស្ម័គ្រចិត្តវៀតណាមរបស់រាជរដ្ឋាភិបាលកម្ពុជា ក្រុមការងារ កា៩០ នៃយោធភូមិភាគទី៩ បានអនុវត្តផែនការរុករក និងលើកយកអដ្ឋិធាតុកងទ័ពស្ម័គ្រចិត្តវៀតណាម និងអ្នកជំនាញការដែលបានពលីជីវិតក្នុងសម័យសង្គ្រាមនៅកម្ពុជាប្រកបដោយជោគជ័យ។ លទ្ធផល ចាប់ពីឆ្នាំ ២០០២ រហូតមកដល់ពេលនេះ លើកអដ្ឋិធាតុបានចំនួន ១.២៤៣ ហើយបានប្រារពពិធីធ្វើមាតុភូមិនិវត្តន៍អដ្ឋិធាតុខាងលើនេះមកកាន់ប្រទេសវៀតណាម៕
ប្រែ៖ ណារីពៅ