នារសៀលថ្ងៃទី ១៤ ខែមីនា គណៈកម្មាធិការប្រជាជនខេត្ត អានយ៉ាង បានរៀបចំសន្និបាតបូកសរុបលទ្ធផលសហប្រតិបត្តិការឆ្នាំ ២០២៣ ជាមួយខេត្តតាកែវ (ព្រះរាជាណាចក្រកម្ពុជា) ដាក់ចេញទិសដៅអនុវត្ត ៦ ខែដើមឆ្នាំ ២០២៤។ លោក ឡេវ៉ាន់ភឿក អនុប្រធាន An គណៈកម្មាធិការប្រជាជនខេត្ត អានយ៉ាងរួមជាមួយនឹងលោក ស៊ុតខុន អភិបាលរង ខេត្តតាកែវ ធ្វើជាសហប្រធានសន្និបាត។
ប្រតិភូចូលរួមសន្និបាត
ថ្នាក់ដឹកនាំខេត្តអានយ៉ាងនិងតាកែវ ថ្លែងមតិក្នុងសន្និបាត
ថ្នាក់ដឹកនាំខេត្តអានយ៉ាង និងខេត្តតាកែវ ចុះអនុស្សរណៈសហប្រតិបត្តិការរយៈពេល៦ខែដើមឆ្នាំ២០២៤
នៅឆ្នាំ២០២៣ ខេត្ត អានយ៉ាង - តាកែវ បានសហប្រតិបត្តិការលើវិស័យដូចជា៖ ធានាសន្តិសុខ សណ្តាប់ធ្នាប់បន្ទាត់ព្រំដែន។ ពាណិជ្ជកម្ម កសិ- រុក្ខ - នេសាទ។ វប្បធម៌ កីឡា អប់រំ សុខភាព។ ចរាចរណ៍ដឹកជញ្ជូន រណសិរ្ស អង្គការមហាជន បោះបង្គោលព្រំដែន ស្វែងរក និងលើកយកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីក្នុងសមរភូមិកម្ពុជា ទទួលបានលទ្ធផលវិជ្ជមានជាច្រើន។
ថ្លែងមតិក្នុង សន្និបាត លោក ឡេវ៉ាន់ភឿក អនុប្រធាន គណៈកម្មាធិការប្រជាជនខេត្ត បានសម្តែងនូវក្តីរំភើបចំពោះសមិទ្ធិផលដែល ខេត្ត ទាំងពីរ សម្រេចបានក្នុងឆ្នាំ ២០២៣។ ទន្ទឹមនឹងនោះ លោកសង្ឃឹមថា ខេត្តទាំងពីរ នឹងបន្តពង្រីកប្រពៃណីសាមគ្គីភាព មិត្តភាព កិច្ចសហប្រតិបត្តិការអភិវឌ្ឍន៍ជាមួយគ្នា។ ក្នុងនោះ បន្តអនុវត្តអនុសញ្ញាបំពេញបន្ថែមឆ្នាំ១៩៨៥ ស្តីពី ផែនការព្រំដែនជាតិ និងអនុសញ្ញាបំពេញបន្ថែមឆ្នាំ២០០៥ ពិធីសារស្តីពីការកំណត់បោះបង្គោលព្រំដែនដីគោករវាងសាធារណរដ្ឋសង្គមនិយមវៀតណាម និងព្រះរាជាណាចក្រកម្ពុជា។
ព្រមជាមួយនោះ កងកម្លាំងសមត្ថកិច្ចទាំងសងខាងត្រូវសហការឲ្យបានយ៉ាងសកម្ម ដើម្បីរក្សាសន្តិសុខ សណ្តាប់ធ្នាប់នៅតាមព្រំដែន អនុវត្តផែនការសហប្រតិបត្តិការ ទប់ស្កាត់ បទល្មើសឆ្លងព្រំដែនមានប្រសិទ្ធភាព។ ខេត្តទាំងពីរបន្តសហការយ៉ាងសកម្មលើវិស័យកសិកម្ម ពាណិជ្ជកម្ម ការងារអប់រំ វប្បធម៌ ទេសចរណ៍ និងការងារសុខាភិបាល ការដឹកជញ្ជូន ការងាររណសិរ្ស អង្គការមហាជន ស្វែងរក និងលើកយកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីក្នុងសមរភូមិកម្ពុជា។
ក្នុងស្មារតីសាមគ្គីភាព លោក ស៊ុត ខុន បានថ្លែងអំណរគុណយ៉ាងជ្រាលជ្រៅចំពោះការស្វាគមន៍យ៉ាងឱឡារិក របស់ ខេត្ត អានយ៉ាង ចំពោះ គណៈប្រតិភូ ខេត្តតាកែវ។ ទន្ទឹមនឹងនោះ ស្នើខ្លឹមសារដែលត្រូវសហការនាពេលខាងមុខ ដូចជា៖ កងកម្លាំងសមត្ថកិច្ចភាគីទាំងពីរត្រូវសហប្រតិបត្តិការ យ៉ាងសកម្ម ក្នុងការល្បាត និងត្រួតពិនិត្យខ្សែបន្ទាត់ព្រំដែន ការពារសមិទ្ធិផលនៃការងារកំណត់បោះបង្គោលព្រំដែន ដែលប្រទេសទាំងពីរ វៀតណាម - កម្ពុជា សម្រេចបាន កងកម្លាំងសមត្ថកិច្ចខេត្តតាកែវ ត្រៀមខ្លួនជាស្រេចក្នុងការគាំទ្រក្រុម K93 ( បញ្ជាការដ្ឋានកងទ័ពខេត្តអានយ៉ាង) ដើម្បីលើកយកអដ្ឋិធាតុកងទ័ពស្ម័គ្រចិត្តវៀតណាម បណ្តាអង្គការរណសិរ្ស និងអង្គកាមហាជននៃភាគីទាំងពីរបានបន្តបង្កើនការសហប្រតិបត្តិការ និងអនុវត្តផែនការដែលបានចុះហត្ថលេខានៅក្នុងឆ្នាំ២០២៤៕
ប្រែ៖ ណារីពៅ