ព្រឹកថ្ងៃទី ១៩ កុម្ភៈ នៅឃុំ ប៊ិញភឿកស្វឹន មន្ទីរកសិកម្មនិងអភិវឌ្ឍន៍ជនបទ អានយ៉ាង បានសហការជាមួយគណៈកម្មាធិការប្រជាជនស្រុក ចើម៉ើយ រៀបចំពិធីប្រកាសនាំចេញផ្លែស្វាយគ្រាប់សំប៉ែតទៅកាន់ប្រទេសកូរ៉េ និងតភ្ជាប់ផលិតកម្ម និងការនាំចេញស្វាយទៅតាមខ្សែចង្វាក់តម្លៃ។
ប្រតិភូចូលរួមពិធីប្រកាសនាំចេញស្វាយ
ដាក់តាំងស្វាយនាំចេញ
លោកស្រី ហ្វីញគឹមឌិញ អនុនាយកដ្ឋានសហប្រតិបត្តិការសេដ្ឋកិច្ច និងអភិវឌ្ឍន៍ជនបទ (ក្រសួងកសិកម្ម និងអភិវឌ្ឍន៍ជនបទ) ថ្លែងមតិក្នុងពិធី
លោកស្រី ង្វៀនធីមីញធ្វី អនុប្រធានគណៈកម្មាធិការប្រជាជនខេត្ត អានយ៉ាង ថ្លែងមតិនៅក្នុងពិធី
ចុះហត្ថលេខាលើអនុស្សរណៈយោគយល់គ្នារវាងសហករណ៍ GAP កោះ គូឡាវយៀង ជាមួយក្រុមហ៊ុនទទួលខុសត្រូវមានកម្រិត Hoang Phat Fruit និងក្រុមហ៊ុនទទួលខុសត្រូវមានកម្រិត វិនិយោគនិងអភិវឌ្ឍន៍ពាណិជ្ជកម្ម Tin Tam
លោក លោក Cu Minh Trong ប្រធានគណៈកម្មាធិការប្រជាជនស្រុក ចើម៉ើយ ថ្លែងមតិនៅក្នុងពិធី
ប្រតិភូធ្វើពិធីកិច្ចកាត់ខ្សែបូ និងបាញ់កាំជ្រួចផ្កា បញ្ជាចេញដំណើរសម្រាប់រថយន្តដឹកស្វាយនាំចេញ
ប្រតិភូធ្វើពិធីកិច្ចវេចខ្ចប់ទំនិញដាក់លើយានជំនិះ និងចាប់ផ្តើមចេញដំោះររថយន្តដឹកស្វាយនាំចេញ
លោកស្រី ហ្វិញគឹមឌិញ អនុនាយកដ្ឋានសហប្រតិបត្តិការសេដ្ឋកិច្ច និងអភិវឌ្ឍន៍ជនបទ (ក្រសួងកសិកម្ម និងអភិវឌ្ឍន៍ជនបទ)។លោកស្រី ឡេធីយៀវស្វឹន អនុប្រធានមជ្ឈមណ្ឌលត្រួតពិនិត្យរោគរុក្ខជាតិបន្ទាប់ពីការនាំចូល ២ - នាយកដ្ឋានការពាររុក្ខជាតិ ។លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានអញ្ជើញចូលរួម។
នៅក្នុងពិធី បានប្រកាសនាំចេញផ្លែស្វាយគ្រាប់សំប៉ែតចំនួន ១៣ តោន របស់ស្រុក ចើម៉ើយ ទៅកាន់ទីផ្សារកូរ៉េ។ ទន្ទឹមនឹងនោះ ក៏មានពិធីចុះហត្ថលេខាលើកិច្ចសន្យាប្រើប្រាស់ស្វាយ (ស្វាយល្ហួតធំសំបកបៃតងនិង ស្វាយតូចគ្រាប់សំប៉ែត) រវាងសហករណ៍ GAP កោះគូឡាវយៀង និងក្រុមហ៊ុនទទួលខុសត្រូវមានកម្រិត Hoang Phat Fruit។ សហករណ៍ GAP កោះគូឡាវយៀង បានចុះហត្ថលេខាលើកិច្ចសន្យាប្រគល់សិទ្ធិពីក្រុមហ៊ុនវិនិយោគនិងអភិវឌ្ឍន៍ពាណិជ្ជកម្ម Tin Tam ដើម្បីផ្គត់ផ្គង់សម្ភារៈកសិកម្មដល់សមាជិកសហករណ៍សម្រាប់ផលិត និងប្រមូលប្រាក់សម្ភារៈនៅចុងរដូវកាល។
លោក Cu Minh Trong ប្រធានគណៈកម្មាធិការប្រជាជនស្រុក ចើម៉ើយ បានឲ្យដឹងថា ចើម៉ើយ មានផ្ទៃដីដាំស្វាយធំជាងគេនៅខេត្ត អានយ៉ាង ជាមួយផ្ទៃដីជាង ៦.៤០០ហិកតា។ មានស្វាយចំនួន ៧០៤.០៤ហិចតា បានផលិតតាម ស្តង់ដារ VietGAP។ បានផ្តល់លេខកូដតំបន់ចំនួន ៤១ សម្រាប់ស្វាយល្ហួតសំបកបៃតង ដោយមានផ្ទៃដី ៦.១៤៩,៣២ហិកតា សម្រាប់នាំចេញទៅកាន់ទីផ្សារចិន អាមេរិក កូរ៉េ ជប៉ុន និងអូស្ត្រាលី។ចាប់ពីត្រីមាសទី ៤ ឆ្នាំ ២០២១ រហូតមកដល់បច្ចុប្បន្ន សហករណ៍ GAP កោះគូឡាវយៀង បានតភ្ជាប់ជាមួយក្រុមហ៊ុននាំចេញនាំចូលផ្លែឈើចន្ឋូ ក្រុមហ៊ុនទទួលខុសត្រូវមានកម្រិត Hoang Phat Fruit ក្រុមហ៊ុនភាគហ៊ុន Cat Tuong ក្រុមហ៊ុនទទួលខុសត្រូវមានកម្រិតពាណិជញជកម្ម សេវាកម្មនាំចេញនាំចូល Vina T&T ជាដើម បាននាំចេញស្វាយ ៣ ពណ៌ VietGAP ជាង ២៩៣ តោន និងស្វាយគ្រាប់សំប៉ែតទៅកាន់ទីផ្សារសហរដ្ឋអាមេរិក និងកូរ៉េ។ តាមរយៈការប្រកាសឡូស្វាយគ្រាប់សំប៉ែត ចើម៉ើយ ទៅកាន់ប្រទេសកូរ៉េ និងតភ្ជាប់ផលិតកម្ម ជាមួយការប្រើប្រាស់ស្វាយតាមខ្សែចង្វាក់តម្លៃ ជំហានដំបូងបានបញ្ជាក់ពីជំហរនៃស្វាយគ្រាប់សំប៉ែតរបស់ស្រុក ចើម៉ើយ នៅក្នុងទីផ្សារអន្តរជាតិ។
ថ្លែងមតិនៅក្នុងពិធី លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានកោតសរសើរចំពោះស្មារតីស្វាហាប់ និងច្នៃប្រឌិតរបស់បក្ខភាគ អាជ្ញាធរ និងប្រជាជនស្រុក ចើម៉ើយ និងការរួមដំណើរ គាំទ្ររបស់អង្គការអន្តរជាតិ ធុរកិច្ច និងបងប្អូនកសិករ ក្នុងការកសាងខ្សែចង្វាក់តភ្ជាប់ផលិតផលស្វាយនាំចេញទៅកាន់ទីផ្សារកូរ៉េ និងបណ្តាប្រទេសជឿនលឿន។ គណៈកម្មាធិការប្រជាជនខេត្តនឹងបង្កើតលក្ខខណ្ឌអំណោយផលជានិច្ចកាលដើម្បីឧបត្ថម្ភដល់ធុរកិច្ច និងកសិករក្នុងការកសាងតំបន់វត្ថុធាតុដើមស្វាយដោយស្ថិរភាព ជំរុញការអភិវឌ្ឍន៍ប្រកបដោយនិរន្តរភាពនៃខ្សែចង្វាក់តម្លៃស្វាយនាពេលខាងមុខ។
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានសង្កត់ធ្ងន់ថា ការនាំចេញផ្លែស្វាយរបស់ខេត្តទៅកាន់ទីផ្សារដូចជា អាមេរិក អូស្ត្រាលី កូរ៉េ និងធ្វើសញ្ជ័យបានទីផ្សារពិបាកៗផ្សេងទៀតក្នុងពិភពលោក គឺជាការខិតខំប្រឹងប្រែងយ៉ាងខ្លាំង របស់បក្ខភាគគ្រប់លំដាប់ថ្នាក់និងអាជ្ញាធរមូលដ្ឋាន ធុរកិច្ច ជាពិសេសគឺសហករណ៍ និងកសិករនៅស្រុក ចើម៉ើយ។ តាមរយៈនេះ ស្នើឲ្យមន្ទីរ គណ ផ្នែកខេត្ត និងស្រុកចើម៉ើយ បន្តអភិវឌ្ឍតំបន់ស្វាយ គុណភាពខ្ពស់ កសាងចង្វាក់តភ្ជាប់ផលិតកម្ម និងនាំចេញដោយនិរន្តរភាព ហើយឆ្លើយតបតម្រូវការនាំចេញស្វាយ គុណភាពខ្ពស់ នាពេលខាងមុខ៕
ប្រែ៖ ណារីពៅ