ព្រឹកថ្ងៃទី ២៩ កុម្ភៈ នៅតំបន់ភ្នំទេសចរណ៍ភ្នំពពាល ទីរួមខេត្តទីញបៀន មជ្ឈមណ្ឌលជំរុញពាណិជ្ជកម្មនិងវិនិយោគ អានយ៉ាង រួមជាមួយគណៈគ្រប់គ្រងតំបន់ទេសចរណ៍ភ្នំពាពាល បានរៀបចំកម្មវិធីដើរកម្សានលើភ្នំពពាល ក្រោមប្រធានបទ “ថាមពលដើមនិទាឃរដូវ” លើកទី ២ - ២០២៤។ អញ្ជើញចូលរួមមានលោក ឡេទ្រុងហៀវ ប្រធានមជ្ឈមណ្ឌលជំរុញពាណិជ្ជកម្ម និងវិនិយោគអានយ៉ាង។លោក ឌិញវ៉ាន់ចក្រ ប្រធានក្រុមប្រឹក្សាគ្រប់គ្រងតំបន់ទេសចរណ៍ភ្នំពពាល។
ចាប់ផ្តើមដំណើរកម្សានលើភ្នំនៅគណៈគ្រប់គ្រងតំបន់ទេសចរណ៍ភ្នំពាពាល
ចូលរួមក្នុងកម្មវិធីដំណើរកម្សាននេះ មានអត្តពលិកជិត ៥០នាក់បានឡើងភ្នំ ឆ្លងកាត់ព្រៃធ្វើ សញ្ជ័យលើផ្លូវ ៧ គីឡូម៉ែត្រ ដោយឆ្លងកាត់ផ្លូវដ៏អស្ចារ្យ ជាមួយនឹងគោលដៅដែលមានទេសភាពដ៏ស្រស់ស្អាតដូចជា៖ ដុបកៃគ្វេ វត្តព្រះពុទ្ធតូច ជ្រោះថាញឡុង ចំការស្វាយ និងគោលដៅបញ្ចប់នៅ ចំណុចគណគ្រប់គ្រងតំបន់ទេសចរណ៍ភ្នំពពាល។ នៅចំណុចសម្រាក គណចាត់តាំងថែមទាំងរៀបចំភេសជ្ជៈ អាហារ និងផ្លែឈើប្រចាំតំបន់ភ្នំពពាលសម្រាប់អត្តពលិកបានរីករាយផងដែរ។
តាមដងផ្លូវដើរកម្សាន
មិត្ត ង្វៀនហ្វាយណាម បានមានប្រសាសន៍ថា៖ “នេះជាលើកទីមួយហើយដែលចូលរួមក្នុងដំណើរកម្សាន្តប្រភេទនេះ។ នៅដើមឆ្នាំ ២០២៤ ខ្ញុំពិតជារំភើបណាស់ដែលបានចូលរួមក្នុងព្រឹត្តិការណ៍នេះ ព្រោះបានហាត់ប្រាណផង បានប្រាស្រ័យទាក់ទងជាមួយពូមីង និងបងប្អូនប្រុសស្រីដែលស្រឡាញ់កីឡាផង មិនត្រឹមតែប៉ុណ្ណោះថែមទាំងទទួលបានបទពិសោធន៍ថ្មីចម្លែក និងទាក់ទាញអារម្មណ៍ខណៈដែលប្រទះឃើញនៅលើភ្នំពពាលទៀត”
រីឯមិត្ត ង្វៀនហ្វាងភុកកឹន - ទីក្រុងឡុងស្វ៊ៀន នេះក៏ជាលើកទីមួយដែរដែលបានចូលរួមដំណើរកម្សាននៅភ្នំពពាល បានចែករំលែកថា៖ “ដោយមានការជួយណែនាំពីបងប្អូននៃតំបន់ទេសចរណ៍ភ្នំពាពាល ខ្ញុំពិតជារំភើបណាស់ខណដែលចូលរួមឡើងភ្នំលើកនេះ មានសុវត្ថិភាព ជួយឲ្យសុខភាពកាន់តែរឹងមាំ និងរាងកាយកាន់តែសកម្ម មិត្តយុវជនប្រសិនបើមានឱកាស គួរតែចូលរួមដើម្បីទទួលបានអារម្មណ៍ស្រស់ស្រាយពីព្រៃធម្មជាតិនៃផ្លូវលើភ្នំពពាល”។
លោក ង្វៀន ង៉ុកសាង - ទីក្រុង កឹនធឺ បានចែករំលែកថា៖ “លើកមុនខ្ញុំបានឆ្លងកាត់ផ្លូវថ្មើរជើងចម្ងាយ ២១ គីឡូម៉ែត្រ។ លើកនេះបន្តចូលរួមដើម្បីលត់ដំសុខភាព ហើយក៏ជួយសម្រាលភាពតានតឹងក្នុងជីវិត។ ដំណើរកម្សានលើកនេះខ្ញុំមានបទពិសោធន៍ច្រើនជាងក្នុងការដើរលេង ដោយនាំយកតាមនៅរបស់របរចាំបាច់ ឈើច្រុតសម្រាប់ឡើងភ្នំ អាហារបំប៉នស្រាលៗជាដើម បានញ៉ាំងឲ្យដំណើរកម្សាន្តទទួលបានអារម្មណ៍ផាសុកភាព និងស្រស់ស្រាយអស្ចារ្យ”។
កម្មវិធីដំណើរកម្សាន “ថាមពលដើមនិទាឃរដូវ” ជួយឲ្យអ្នករាល់គ្នាមានឱកាសសម្របខ្លួនជាមួយធម្មជាតិ បំបាត់នូវភាពតានតឹង និងទទួលបានកម្លាំងចិត្តសម្រាប់ការងារ និងជីវិត។ ទន្ទឹមនឹងនោះ សកម្មភាពនេះមានគោលបំណងបង្កើនការណែនាំ និងផ្សព្វផ្សាយរូបភាព និងព័ត៌មានអំពីតំបន់ទេសចរណ៍ភ្នំពពាលនិយាយដោយឡែក និងប្រភេទទេសចរណ៍ផ្សេងទៀតនៅក្នុងខេត្ត អានយ៉ាង និយាយរួម នាំយករូបភាពទេសចរណ៍អានយ៉ាងស្រស់ស្រាយ ពិសេសជូនភ្ញៀវទេសចរណ៍ក្នុង និងក្រៅខេត្ត៕
ប្រែ៖ ណារីពៅ