អានយ៉ាងមានសំណាងដែលមានធនធានទេសចរណ៍ជាច្រើន។ ភ្ញៀវទេសចរអាចទទួលបានបទពិសោធន៍ទេសចរណ៍ជាច្រើនប្រភេទដូចជា ទេសចរណ៍ខាងវិញ្ញាណ ទេសចរណ៍វប្បធម៌ ទេសចរណ៍ធម្មជាតិ ទេសចរណ៍តាមដងទន្លេ ទេសចរណ៍កីឡា។ក្រៅពីនេះ អានយ៉ាងថែមទាំងជាកន្លែងសម្រាប់ផ្លាស់ប្តូរវប្បធម៌របស់ ៤ ជនជាតិបងប្អូន គីញ ខ្មែរ ចាម ចិន បង្កើតជាភាពចម្រុះ និងភាពខុសប្លែក ជាពិសេសនៅក្នុងពិធីបុណ្យ និងម្ហូបអាហារ។
អានយ៉ាង ក៏ជាស្រុកមួយដែលមានព្រំដែនប្រវែង ១១០ គីឡូម៉ែត្រ ជាប់នឹងខេត្តកណ្តាល និងខេត្តតាកែវ នៃព្រះរាជាណាចក្រកម្ពុជា បង្កើតជាការទំនាក់ទំនងពាណិជ្ជកម្មកកកុញនិងមានភាពអ៊ូអរ។ ទន្ទឹមនឹងពាណិជ្ជកម្ម សកម្មភាពទេសចរណ៍ក៏បាន រួមចំណែកយ៉ាងសំខាន់ក្នុងការអភិវឌ្ឍន៍សេដ្ឋកិច្ចតាមព្រំដែននៃខេត្តផងដែរ។
នៅឆ្នាំ ២០២៣ ខេត្ត អានយ៉ាង ទទួលភ្ញៀវទេសចរប្រមាណ ៨,៥ លាននាក់ ចំណូលពីសកម្មភាពទេសចរណ៍សម្រេចបាន ៣. ៧០០ ពាន់លានដុង។ ប្រការនេះបង្ហាញឲ្យឃើញថា សក្ដានុពលទេសចរណ៍របស់ខេត្តធំធេងណាស់ ចាំបាច់ត្រូវតែយកចិត្តទុកដាក់លើការធ្វើអាជីវកម្មបន្ថែមទៀត ដើម្បីឆ្ពោះទៅរកគោលដៅញ៉ាំងឲ្យវិស័យទេសចរណ៍ក្លាយជាចវិស័យសេដ្ឋកិច្ចមុខព្រួញទៅអនាគតដ៏ជិតបំផុត។
ដើម្បីទេសចរណ៍ខេត្ត អានយ៉ាង កាន់តែបម្រើភ្ញៀវទេសចរកាន់តែល្អប្រសើរ នាពេលថ្មីៗនេះ ថ្នាក់ដឹកនាំខេត្ត រួមជាមួយមន្ទីរ ផ្នែក ធុរកិច្ច និងប្រជាជនបានខិតខំប្រឹងប្រែងជាច្រើនដើម្បីកសាងរូបភាពអានយ៉ាងមេត្រីភាព និងទន់ភ្លន់ រាក់ទាក់។ ខេត្តបានផ្តោតលើការពង្រឹង និងធ្វើល្អផលិតផលទេសចរណ៍ដែលមានស្រាប់ និងបង្កើចេញជាផលិតផលថ្មី ដើម្បីឆ្លើយតបតម្រូវការថ្ងៃកាន់តែខ្ពស់របស់ភ្ញៀវទេសចរ។ឧទាហរណ៍៖ តំបន់ទេសចរណ៍ Con En និង My Luong ភូមិបែចម្រុះពណ៌ពាមបីនៃទន្លេ ចូវដុក ភូមិចាម ដាភឿក និង ចូវផុង។ ប្រភេទទេសចរណ៍កីឡា និងបទពិសោធន៍ថ្មីៗដូចជា trekking និង trail ត្រូវបានផ្សព្វផ្សាយនៅតំបន់ទេសចរភ្នំពពាល។
លោក ឡេទ្រុងហៀវ ប្រធានមជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង ថ្លែងមតិក្នុងសន្និបាតបូកសរុបសកម្មភាពជំរុញពាណិជ្ជកម្ម-វិនិយោគ- ទេសចរណ៍ឆ្នាំ២០២៣
ជាមួយនឹងការអភិវឌ្ឍន៍វិទ្យាសាស្ត្របច្ចេកវិជ្ចា អានយ៉ាងបានបង្កើនការផ្លាស់ប្តូរឌីជីថលក្នុងសកម្មភាពទេសចរណ៍ ដោយទម្រង់ជាច្រើនដូចជា ការតាំងពិពណ៌ការពិតនិម្មិត យុទ្ធនាការផ្សព្វផ្សាយទេសចរណ៍នៅលើ TikTok ជំរុញខ្លាំងការងារឃោសនាអំពីទេសចរណ៍នៃខេត្តនៅលើបណ្តាញសង្គម។ ហើយឥឡូវនេះ គេហទំព័រព័ត៌មានទេសចរណ៍ឆ្លាតវៃនៃខេត្ត អានយ៉ាង បានចាប់កំណើត។
យោងតាមសេចក្តីប្រកាសលេខ ១៤៥/TB-VPUBND ចុះថ្ងៃទី ២៣ ខែមីនា ឆ្នាំ ២០២១ គណៈកម្មាធិការប្រជាជនខេត្ត អានយ៉ាង បានប្រគល់ជូនមជ្ឈមណ្ឌលជំរុញពាណិជ្ជកម្ម និងវិនិយោគ ទទួលប្រព័ន្ធនេះ ជាអ្នកវិនិយោគ និងជាអង្គភាពប្រតិបត្តិការប្រព័ន្ធទេសចរណ៍ឆ្លាតវៃនៃខេត្ត អានយ៉ាង។ បន្ទាប់ពីបានខិតខំប្រឹងប្រែង និងក្រោមការណែនាំរបស់គណៈកម្មាធិការប្រជាជនខេត្ត ការគាំទ្រយ៉ាងសកម្មរបស់មន្ទីរវប្បធម៌ កីឡា និងទេសចរណ៍ មន្ទីរព័ត៌មាន និងទូរគមនាគមន៍ មន្ទីរហិរញ្ញវត្ថុជាដើម។ មជ្ឈមណ្ឌលជំរុញពាណិជ្ជកម្ម និងវិនិយោគរួមជាមួយ VNPT អានយ៉ាង បានបញ្ចប់ជាមូលដ្ឋាន និងដាក់ចូលដំណើរការគេហទំព័រទេសចរណ៍ឆ្លាតវៃនៃខេត្តអានយ៉ាង។
គេហទំព័រព័ត៌មានទេសចរណ៍ឆ្លាតវៃនៃខេត្ត អានយ៉ាងដែលមានឈ្មោះហៅថា Check in អានយ៉ាង តាមរយៈ គេហទំព័រ https://checkinangiang.vn ។ ទន្ទឹមនិងនេះ គឺកម្មវិធីទេសចរណ៍ឆ្លាតវៃរបស់ខេត្ត អានយ៉ាង ដែលមានឈ្មោះថា Check in អានយ៉ាង នៅលើឧបករណ៍ទូរសព្ទចល័គាំទ្រដោយប្រព័ន្ធប្រតិបត្តិការពីរគឺ Android និង iOS បានមាននៅលើ Google Play Store និង App Store ។
គេហទំព័រ និងកម្មវិធី Check in អានយ៉ាង ដើរតួដូចជាមគ្គុទ្ទេសក៍ទេសចរណ៍ដ៏ងាយស្រួលគ្រប់ពេលវេលា គ្រប់ទីកន្លែង។ តាមរយៈនេះ ភ្ញៀវទេសចរអាចស្វែងរក និងទាញយកព័ត៌មានទាំងមូលនៃទិសដៅ ផលិតផល សេវាកម្ម និងបរិក្ខារប្រើប្រាស់ងាយស្រួល នៅពេលមកទស្សនាទេសចរណ៍នៅអានយ៉ាង។ ព័ត៌មានចាំបាច់ផ្សេងទៀតសម្រាប់ការធ្វើដំណើររបស់អ្នកទេសចរដូចជា មធ្យោបាយចរាចរណ៍ ធនាគារ នគរបាល មណ្ឌលសុខភាព ប្រៃសណីយ៍ និងតម្លៃជាដើម ក៏បានធ្វើបច្ចុប្បន្នភាព យ៉ាងពេញលេញផងដែរ។
Check in អានយ៉ាង ថែមទាំងជួយភ្ញៀវទេសចររៀបចំដំណើរកម្សាន្ត ក៏ដូចជាគណនាជាមុននូវការចំណាយជាក់ស្តែងនៅពេលនីមួយៗ តាមរយៈនោះជួយឲ្យភ្ញៀវរៀបចំពេលវេលា និងការចំណាយយ៉ាងសមស្របនឹងការធ្វើដំណើរតាមបទពិសោធន៍របស់បុគ្គលខ្លួន។ ប្រព័ន្ធនេះរួមបញ្ចូលផែនទីទេសចរណ៍ឌីជីថល ស្វែងរកដ៏ឆ្លាតវៃ ណែនាំទីតាំងនៅក្បែរនោះ ជួយឲ្យភ្ញៀវទេសចរងាយស្រួលកំណត់ទីតាំង នាំផ្លូវ ស្វែងរកទីតាំងតាមតម្រូវការជាក់ស្តែង។ ក្រៅពីនេះ មុខងារឆ្លើយតបទៅនឹងសារប្រអប់ ក៏ដូចជា hotline គាំទ្រភ្ញៀវទេសចរ និងជួយឲ្យឱ្យភ្ញៀវទេសចរមានអារម្មណ៍សុវត្ថិភាពកាន់តែខ្លាំងឡើងនៅពេលធ្វើដំណើរមកកាន់អានយ៉ាង។
ចំពោះធុរកិច្ចអាជីវកម្មក្នុងវិស័យទេសចរណ៍ ប្រព័ន្ធផ្តល់ទំព័រព័ត៌មាន ណែនាំផលិតផល និងសេវាកម្មសម្រាប់ធុរកិច្ច ប្រកាសកម្មវិធីបញ្ចុះតម្លៃជាដើម។តាមរយៈនោះ ធុរកិច្ចអាចសន្សំសំចៃថ្លៃដើមក្នុងការគ្រប់គ្រងសេវាកម្ម ការគ្រប់គ្រងទំនាក់ទំនងអតិថិជន និងធ្វើទីផ្សារដល់ភ្ញៀវទេសចរ។
ចំពោះស្ថាបនគ្រប់គ្រងរដ្ឋ ប្រព័ន្ធផ្តល់ឧបករណ៍គ្រប់គ្រង ស្ថិតិ រាយការណ៍អំពីសកម្មភាពទេសចរណ៍ ព័ត៌មានទេសចរណ៍ មតិរបស់ភ្ញៀវទេសចរអំពីបរិស្ថានទេសចរណ៍ អានយ៉ាងជាដើម។ ហេតុនេះ ស្ថាបនគ្រប់គ្រងរដ្ឋក៏អាចវិភាគ និងព្យាករណ៍និន្នាការអភិវឌ្ឍន៍ទេសចរណ៍ក្នុងមូលដ្ឋាននាពេលអនាគតផងដែរ ដើម្បី ដាក់ចេញដំណោះស្រាយអភិវឌ្ឍន៍សមស្រប។
ក្នុងបរិបទវិទ្យាសាស្ត្របច្ចេកវិជ្ជា អភិវឌ្ឍន៍ខ្លាំងក្លាដូចបច្ចុប្បន្ននេះ អាចបញ្ជាក់បានថា ការបង្កើតនិងប្រតិបត្តិការគេហទំព័រព័ត៌មានទេសចរណ៍ឆ្លាតវៃ នៅក្នុងខេត្តអានយ៉ាង គឺចាំបាច់ណាស់។ សង្ឃឹមថា គេហទំព័រព័ត៌មានទេសចរណ៍ឆ្លាតវៃនឹងរួមចំណែកយ៉ាងសំខាន់ក្នុងការអភិវឌ្ឍន៍ផ្នែកទេសចរណ៍ខេត្តអានយ៉ាង យ៉ាងជំនាញនិងនិរន្តរភាព រួមចំណែកដល់ការអភិវឌ្ឍន៍សេដ្ឋកិច្ចសង្គមកិច្ចរបស់មូលដ្ឋាន៕
ប្រែ៖ ណារីពៅ