នៅ ឆ្នាំ ២០២៣ អានយ៉ាងស្វាគមន៍ ភ្ញៀវទេសចរប្រមាណ ៨,៥ លាននាក់ កើនឡើង ១៣% ធៀបនឹងរយៈពេលនេះឆាំ្នមុន សម្រេចបាន ១០៦% បើធៀបនឹងផែនការ។ ចំណូលពីសកម្មភាពទេសចរណ៍មានប្រមាណ ៥.៩០០ពាន់លានដុង កើន ២៦% ធៀបនឹងដំណាលពេលនេះឆាំ្នមុន សម្រេចបាន ១០៧% បើធៀបនឹងផែនការ។ សមិទ្ធិផលនោះមានការចូលរួមចំណែកយ៉ាងសំខាន់ពីសកម្មភាពផ្សព្វផ្សាយទេសចរណ៍។
ក្នុងការអភិវឌ្ឍន៍ផលិតផល និងសេវាកម្ម មជ្ឈមណ្ឌលជំរុញពាណិជ្ជកម្ម និងវិនិយោគបានណែនាំយ៉ាងសកម្មដល់គណៈកម្មាធិការប្រជាជនខេត្ត អានយ៉ាង អនុវត្តសំណង់និងគម្រោង ដើម្បីជំរុញការអភិវឌ្ឍន៍ទេសចរណ៍ក្នុងខេត្ត ដូចជា ភូមិបែចម្រុះពណ៌ពាមទន្លេចូវដុក ប្រព័ន្ធទេសចរណ៍ឆ្លាតវៃ ការតុបតែងរុក្ខជាតិបៃតង និងការដំឡើងភ្លើងបំភ្លឺនៅតំបន់ទេសចរណ៍ភ្នំស្វាម។
ក្នុងការងារតភ្ជាប់តំបន់ ជាមួយនឹងការសហការពីសមាគមទេសចរណ៍តំបន់វាលទំនាបទន្លេគឺវឡុង និងខេត្តក្រុងទាំង ៨ ក្នុងតំបន់ មជ្ឈមណ្ឌល ជំរុញពាណិជ្ជកម្ម និងវិនិយោគបានធ្វើជាអធិបតីភាពរៀបចំសន្និបាតផ្សព្វផ្សាយជំរុញទេសចរណ៍នៅតំបន់វាលទំនាបទន្លេគឺវឡុងជាមួយខេត្តខាងពាយ័ព្យនៅខេត្តឡាវកៃ រួមចំណែកចាក់គ្រឹះទំនាក់ទំនងតភ្ជាប់អភិវឌ្ឍន៍ទេសចរណ៍រវាងភូមិភាគពាយ័ព្យនិងនិរតី។
ក្រៅពីនេះ អង្គភាពបានចូលរួមយ៉ាងសកម្ម កសាងបរិកាសផ្សព្វផ្សាយទេសចរណ៍ក្នុងមូលដ្ឋាននៅក្នុងផ្សារណាត់ចំនួន ០៨ នៅទីក្រុងហូជីមិញ ហាណូយ កឹនធឺ ដាណាំង ទ្វៀនក្វាង និងវិញឡុង។ ចាប់តាំងពីពេលនោះមក ធុរកិច្ចជាង ១៥ របស់ខេត្តអានយ៉ាង បានគាំទ្រដើម្បីភ្ជាប់ជាមួយដៃគូក្នុងនិងក្រៅប្រទេស។
ក្នុងការងារលើកកម្ពស់គុណភាពធនធានមនុស្ស មជ្ឈមណ្ឌលជំរុញពាណិជ្ជកម្ម និងវិនិយោគបានរៀបចំវគ្គបណ្តុះបណ្តាលចំណេះដឹង និងជំនាញចំនួន ០៤ វគ្គ ដល់សិស្សានុសិស្សចំនួន ២៨០នាក់ ដែលជាតំណាង ធុរកិច្ចទេសចរណ៍ គ្រួសារអាជីវកម្ម និងប្រជាជននៅទីក្រុងឡុងស្វៀន ចូវដុក អានភូ ទិញបៀននិងទ្រីតូន។
អង្គភាពបានរៀបចំក្រុមស្ទង់មតិចំនួន ០៥ និង សិក្សាបទពិសោធន៍ ពីទម្រង់ទេសចរណ៍ប្រកបដោយប្រសិទ្ធភាពនៅ ដាណាំង កឹនធឺ និញប៊ិញ ហាណាម ឡាវកៃ អៀនបៃ គៀនយ៉ាង។ តាមរយៈដំណើរកម្សាន្តនេះ ធុរកិច្ច និងតំបន់ទេសចរណ៍ចំនួន ២៥ មានឱកាសតភ្ជាប់ សហប្រតិបត្តិការជាមួយមូលដ្ឋាន និងគោលដៅនានា។
សកម្មភាពផ្សព្វផ្សាយទេសចរណ៍មិនត្រឹមតែរួមចំណែកសាយភាយភាពស្រស់ស្អាតនៃតំបន់ដី និងមនុស្សអានយ៉ាង ទៅដល់មិត្តទូទាំងប្រទេស ពង្រីក ទំនាក់ទំនងសហប្រតិបត្តិការជាមួយតំបន់សេដ្ឋកិច្ចសំខាន់ៗប៉ុណ្ណោះទេ ថែមទាំង ជួយឧបត្ថម្ភធុរកិច្ចក្នុងខេត្តអានយ៉ាង តភ្ជាប់ជាមួយមូលដ្ឋាននិងគោលដៅ រួមចំណែកដល់កំណើនសេដ្ឋកិច្ចរបស់ខេត្តអានយ៉ាង។
បច្ចុប្បន្ននេះ ខេត្ត អានយ៉ាង មានមូលដ្ឋានស្នាក់នៅទេសចរណ៍ចំនួន ៩៧ (ក្នុងនោះ មូលដ្ឋានចំនួន ៦៨ បានរៀបចំណាត់ថ្នាក់ រួមមាន៖ សណ្ឋាគារលំដាប់ផ្កាយ ៤ ចំនួន ០១ សណ្ឋាគារលំដាប់ផ្កាយ ៣ ចំនួន ០៧ សណ្ឋាគារផ្កាយ ២ ចំនួន ១០ សណ្ឋាគារផ្កាយ ១ ចំនួន ២១ មូលដ្ឋានមានលក្ខណៈសម្បត្តិពេញលេញសម្រាប់បម្រើភ្ញៀវទេសចរចំនួន ២៩)។ ក្រុមហ៊ុនធម្មយាត្រាទេសចរណ៍ចំនួន ២២ (ក្រុមហ៊ុនទេសចរណ៍ក្នុងស្រុកចំនួន ៦ ក្រុមហ៊ុនធម្មយាត្រាទេសចរណ៍អន្តរជាតិចំនួន ១៥ និងក្រុមហ៊ុនទេសចរណ៍ចំនួន ១)។ តំបន់និងគោលដៅទេសចរណ៍បានទទួលស្គាល់ចំនួន ៥ (តំបន់ទេសចរណ៍ជាតិចំនួន ១តំបន់ទេសចរណ៍ខេត្តចំនួន ១ និងគោដៅទេសចរណ៍ចំនួន ៣)។ ខេត្តខិតខំទទួលភ្ញៀវទេសចរណ៍ចំនួន ៩ លាននាក់នៅឆ្នាំ២០២៤ និងចំណូលពីសកម្មភាពទេសចរណ៍សម្រេចបាន ៦.២០០ពាន់លានដុង៕
ប្រែ៖ណារីពៅ