ស្ថិតនៅតំបន់ព្រំដែនភាគខាងជើងនៃខេត្ត អានយ៉ាង ដែលាដើមប្រភពទន្លេមេគង្គហូរចូលប្រទេសវៀតណាម ទីរួមខេត្តតឹនចូវ មានព្រំដែនជាប់ជាមួយប្រទេសកម្ពុជាប្រវែងប្រហែល ៦,២ គីឡូម៉ែត្រ មានច្រកទ្វារព្រំដែនអន្តរជាតិ វីញសឿង-មាត់ច្រកព្រំដែនផ្លូវទឹកតែមួយគត់នៃប្រទេសវៀតណាម និងកម្ពុជា គឺជាច្រកទ្វារពាណិជ្ជកម្មសេដ្ឋកិច្ចដ៏សំខាន់របស់បណ្តាខេត្តនៃតំបន់ដីនាគទាំងប្រាំបួន ទៅកាន់បណ្តាប្រទេសដើមប្រភពទន្លេមេគង្គ។
នេះគឺជាទឹកដីដែលមានកម្រាសប្រវត្តិសាស្ត្រ វប្បធម៌ និងបដិវត្តន៍។ មានសក្តានុពលអំពីទេសចរណ៍ធម្មជាតិ និងទេសចរណ៍វប្បធម៌ប្រវត្តិសាស្ត្រ។ តំបន់ដីនេះ ក៏ ធ្លាប់ជាកំពង់ផែពាណិជ្ជកម្មដ៏កកកុញមួយ ដោយមានរបររវៃសូត្រ និងតម្បាញសំពត់សូត្រជាមួយនឹងផលិតផលក្រណាត់ សូត្រដ៏ល្បីល្បាញមិនត្រឹមតែនៅក្នុងខេត្ត និងតំបន់ប៉ុណ្ណោះទេ ថែមទាំងបានទៅដល់ពិភពលោកទៀតផង។ ដើម្បីទាញយកសក្តានុពល និងភាពខ្លាំងមានប្រសិទ្ធភាពដូចពោលខាងលើ ជាពិសេសគឺសក្ដានុពលទេសចរណ៍ជាដើម នោះក៏ជា គោលដៅដែលសេចក្តីសម្រេចចិត្តរបស់បក្ខភាគទីរួមខេត្តបានកសាង និងប្តេជ្ញាអនុវត្តឲ្យក្លាយទៅជាវិស័យសេដ្ឋកិច្ចសំខាន់ក្នុងរយៈពេលខាងមុខ។
សកម្មភាពកីឡាអំណរបក្ស - និអំណរនិទាឃរដូវ (រូបថត៖ ង្វៀនវ៉ាន់ហ្វី)
ទាញយកសក្តានុពល និងភាពខ្លាំងពីទេសចរណ៍
បន្ទាប់ពីរៀបចំមហាសន្និបាតបក្ខភាគទីរួមខេត្តតឹនចូវ លើកទី ១២ អាណត្តិ ២០២០-២០២៥ ដោយជោគជ័យ។ គណៈកម្មាធិការបក្ខភាគទីរួមខេត្តបានផ្តោតលើការបង្កើតសេចក្តីសម្រេចចិត្តតាមឯកទេសកម្មយ៉ាងឆាប់រហ័ស ដើម្បីធ្វើទីរួមខេត្តតឹនចូវអភិវឌ្ឍន៍ បានឆាប់រហ័សនាពេលខាងមុខ។ ក្នុងនោះ មានសេចក្តីសម្រេចចិត្តលេខ ០៣-NQ/TU ស្តីពីការអភិវឌ្ឍន៍ទេសចរណ៍ដំណាក់កាលឆ្នាំ២០២១-២០២៥ និងតម្រង់ទិសដល់ឆ្នាំ២០៣០។ ដើម្បីសេចក្តីសម្រេចចិត្តទៅក្នងជីវភាពរស់នៅ គណៈកម្មាធិការបក្ខភាគទីរួមខេត្តបានណែនាំផ្នែកពាក់ព័ន្ឋនិងផ្នែកអង្គការមហាជនទីរួមខេត្ត និងថ្នាក់បក្ខភាគ គណៈកម្មាធិការបណ្តាឃុំ-សង្កាត់ បានជំរុញខ្លាំងការងារឃោសនា ផ្សព្វផ្សាយ និងទាក់ទាញការវិនិយោគក្នុងការអភិវឌ្ឍន៍វិស័យទេសចរណ៍ដោយទម្រង់ជាច្រើនដូចជា៖ ការកសាង និងបោះពុម្ពខិតប័ណ្ណ និងសៀវភៅដំណើរទេសចរណ៍។ បង្កើតទំព័រ fanpage លើវេទិកាបណ្តាញសង្គម។ បង្កើត គេហទំព័រទេសចរណ៍ តឹនចូវ និងមជ្ឈមណ្ឌលផ្សព្វផ្សាយទេសចរណ៍អនឡាញ។ បង្កើតគេហទំព័រ web ផ្សព្វផ្សាយផលិតផលទេសចរណ៍ និងផលិតផល OCOP នៅទីរួមខេត្តជាដើម។
ទន្ទឹមនិងនោះ ទីរួមខេត្តបានកសាង និងអភិវឌ្ឍន៍ទម្រង់ទេសចរណ៍សមស្របទៅនឹងសក្តានុពល និងភាពខ្លាំងរបស់មូលដ្ឋាន ដូចជាទេសចរណ៍ទន្លេទឹក ទេសចរណ៍សហគមន៍ និងទេសចរណ៍ភូមិសិប្បកម្ម។ ចំពោះទេសចរណ៍តាមដងទន្លេ បានបង្កើតផ្លូវទេសចរណ៍មួយសម្រាប់ភ្ញៀវទេសចរអន្តរជាតិនៅតាមកប៉ាល់ទេសចរណ៍ពីប្រទេសវៀតណាមទៅប្រទេសកម្ពុជា និងត្រឡប់មកវិញ។ រៀបចំការស្ទង់មតិ ដើម្បីស្វែងរកសក្ដានុពលទេសចរណ៍ថ្មីៗ ដូចជា៖ ងូតទឹកនៅកោះ ទស្សនា បទពិសោធន៍នៅភូមិបែ និងជិះទូកកាយ៉ាកជាដើមហើយវិនិយោគលើការកែលម្អទេសភាព ដើម្បីអភិវឌ្ឍន៍ទេសចរណ៍លើកោះ និងឆ្នេរសទុទ្រដូចជា៖ កោះឡុងចូវ ឆ្នេរឃុំ វិញហ្វា និងជួសជុលកំពង់ទទួលស្វាគមន៍អ្នកដំណើរតាមទូក។ ចំពោះទេសចរណ៍សហគមន៍ ផ្តោតលើការកសាងសកម្មភាពបម្រើដល់ទេសចរណ៍សហគមន៍របស់ជនជាតិចាម ដូចជា៖ ការច្នៃមុខម្ហូបពិសេស ទាំងការរីករាយ និងទាំងបទពិសោធន៍។ បង្កើតក្រុមមគ្គុទ្ទេសក៍ទេសចរណ៍នៅតំបន់ទេសចរណ៍ភូមិសយ ឃុំចូវផុង។ ក្រុមរឺម៉ក និងក្រុមសិល្បះ។ល។ ទន្ទឹមនិងនោះ រៀបចំសកម្មភាព “មួយថ្ងៃជាជនជាតិចាម” “បណ្តុះពូជធ្វើចំការ” និង “បទពិសោធការងូតទឹកកោះ និងស្ទូចចាប់ត្រី” ដើម្បីបំពេញតម្រូវការបទពិសោធន៍របស់ភ្ញៀវ។ល។
ចំពោះទេសចរណ៍ភូមិសិប្បកម្មវិញ នេះជាទម្រង់ទេសចរណ៍វប្បធម៌ចម្រុះ ដែលនាំភ្ញៀវទេសចរទៅទស្សនា និងទទួលបាននូវអារម្មណ៍ថាមានតម្លៃវប្បធម៌ និងទិញទំនិញពិសេសៗដូចជាតម្បាញសូត្រ សង្គឹម និងកន្ទេល Uzu។បច្ចុប្បន្ននេះ ទីរួមខេត្ត នៅតែរក្សាដំណើរការផលិតកម្មប្លែកពិសេសរបស់ខ្លួន ដើម្បីផលិតផលិតផលសូត្រពីវត្ថុធាតុដើមធម្មជាតិ ដើម្បីឆ្លើយតបទៅនឹងនិន្នាការរីករាយរបស់ភ្ញៀវទេសចរ។ មូលដ្ឋានត្បាញសូត្រគឺជាកន្លែងដែលភ្ញៀវទេសចរអន្តរជាតិទាំងអស់ពេលដែលមកលេងនៅ តឹនចូវសុទ្ឋតែទៅទស្សនានិងទទួលបទពិសោធពីកីតម្បាញនិងទិញផលិតផលសូត្រតឹនចូវ។
ទន្ទឹមនឹងនោះ តឹនចូវ ក៏កំពុង ជំរុញខ្លាំងការងារធ្វើអាជីវកម្ម និងអភិវឌ្ឍន៍សេវាកម្មទេសចរណ៍ដូចជា៖ សេវាកម្មដឹកជញ្ជូន សេវាកម្មម្ហូបអាហារភេសជ្ជៈ កន្លែងស្នាក់នៅ សេវាកម្មធ្វើដំណើរ និងមគ្គុទ្ទេសក៍ទេសចរណ៍។ បច្ចុប្បន្ននេះ ទីរួមខេត្តបានបង្កើតសហជីពស៊ីខ្លូចំនួន២ ដែលមានស៊ីខ្លូចំនួន៦៨គ្រឿង សម្រាប់បម្រើភ្ញៀវទេសចរណ៍។ ទូក ០៨ គ្រឿង ដឹកភ្ញៀវទេសចរពីកប៉ាល់ទៅច្រាំង និងរថយន្តអគ្គិសនី ០២ គ្រឿងបម្រើភ្ញៀវទេសចរដែលទៅលេងភូមិចាម។បច្ចុប្បន្ន តឹនចូវ មានភោជនីយដ្ឋានចំនួន ០២ មូលដ្ឋានទួលទានអាហារចំនួន ១២ សណ្ឋាគារចំនួន ០២ ផ្ទះសំណាក់ចំនួន ០៣ និងមុខម្ហូបប្រចាំតំបន់ក៏បានប្រើប្រាស់ និងដាក់បញ្ចូលក្នុងបញ្ជីមុខម្ហូបផងដែរ ដើម្បីធានាបាននូវសេវាកម្មជូនភ្ញៀវទេសចរណ៍នៅពេលមកដល់មូលដ្ឋាន។ បច្ចុប្បន្ននេះ បណ្តាផ្នែក មូលដ្ឋានក៏បានបង្កើនការតភ្ជាប់ជាមួយធុរកិច្ច ក្រុមហ៊ុនទេសចរណ៍ក្នុងនិងក្រៅខេត្ត ដោយជំរុញខ្លាំងការតភ្ជាប់បណ្តាទួរនិងផ្លូវទេសចរណ៍ ដើម្បីនាំភ្ញៀវទេសចរក្នុងនិងក្រៅប្រទេសទៅទស្សនាទីរួមខេត្តតឹនចូវ។ ឆ្លងតាមការតភ្ជាប់របស់ បណ្តាក្រុមហ៊ុនទេសចរណ៍ធម្មយាត្រាបានប្រើប្រាស់យ៉ាងល្អ នូវទួរដំណើរទេសចរណ៍អន្តរជាតិតាមរយៈច្រកទ្វារព្រំដែនអន្តរជាតិទាំងផ្លូវគោក និងផ្លូវទឹកនៅ វិញសឿង ចាប់ពីនោះបានបង្កើតជាបុរេដ៏សំខាន់សម្រាប់វិស័យទេសចរណ៍របស់ទីរួមខេត្តអភិវឌ្ឍន៍។
ភ្ញៀវទស្សនារូបបដិមាករនៅវត្តភូ សឺនទឺ
ចំណុចលេចធ្លោនៅក្នុងការអភិវឌ្ឍន៍ទេសចរណ៍នៅក្នុងទីរួមខេត្ត តឹនចូវ នាពេលបច្ចុប្បន្ននេះគឺមានគោលដៅជាច្រើនដែលមានផលិតផល និងទម្រង់គួរឲ្យទាក់ទាញជាច្រើន។ បណ្តាទម្រង់ទេសចរណ៍ពិសេស ដូចជា៖ ទេសចរណ៍ធម្មជាតិ ទេសចរណ៍តាមដងទន្លេ និងកោះខ្សាច់។ ទេសចរណ៍ម្ហូបអាហារ ទស្សនាកេរដំណែលប្រវត្តិសាស្ត្រ និងរមណីដ្ឋានដែលទាក់ទៅនឹងវិញ្ញាណនៅតំបន់សំខាន់ៗចំនួន ៤ ដូចជា៖ ភូមិចាមចូវផុង កេរ្ត៍ដំណែលប្រវត្តិសាស្ត្រ និងរមណីដ្ឋានដែលទាក់ទងទៅនឹងវិញ្ញាណនៅវត្តភូ សឺនទឺ។តំបន់ភូមិបែតភ្ជាប់ជាមួយកោះនិងឆ្នេរខ្សាច់។ ភូមិសិប្បកម្មសូត្រ តឹនចូវ។ ដើម្បីទទួលបានប្រការនោះ នាពេលថ្មីៗនេះ ទីរួមខេត្តបានផ្តោតលើការកសាងផលិតផលទេសចរណ៍ធម្មជាតិជាក់លាក់ (គុណភាពខ្ពស់ ធានាបាននូវតម្រូវការរបស់ភ្ញៀវទេសចរក្នុងនិងក្រៅប្រទេស)។ ក្នុងឱកាសបុណ្យចូលឆ្នាំថ្មីវៀតណាម ឆ្នាំរោង ២០២៤ និងថ្ងៃពេញបូណ៌មី ខែមាឃ មានភ្ញៀវទេសចរណ៍ជាតិ និងអន្តរជាតិជាច្រើនបានមកទស្សនា ធ្វើធម្មយាត្រា និងគោរពបូជានៅតាមតំបន់ទេសចរណ៍ និងទីសក្ការៈបូជានានានៅលើភូមិសាស្ត្រទីរួមខេត្ត ដូចជា៖ វត្តភូ សឹនទឺ វត្ត Giong Thanh វត្ត Buu Son Ky Huong ផ្នូរសឺអ៊ុង ភូមិចាម (ឃុំ ចូវផុង) ជាដើម អាចនិយាយបានថា ចំនួនមនុស្សមកបានកើនច្រើនដង បើធៀបនឹងឆ្នាំមុនៗ។
តម្រង់ទិសគោលដៅអភិវឌ្ឍន៍ទេសចរណ៍
ដើម្បីវិស័យទេសចរណ៍បានទាញយកផល និងអភិវឌ្ឍជាបណ្តើរៗ ហើយសក្តិសមទៅនឹងសក្តានុពល និងភាពខ្លាំង។ នាពេលខាងមុខ ទីរួមខេត្ត បានដាក់ចេញគោលដៅតម្រង់ទិស គឺ ផ្តោតលើការអភិវឌ្ឍន៍ទេសចរណ៍ ផ្សារភ្ជាប់ជាមួយកសិកម្ម និងការកសាងជនបទថ្មី។ លើកកម្ពស់គុណភាពសេវាកម្មទេសចរណ៍ទៅតាមគោលដៅទេសចរណ៍ និងមូលដ្ឋានសេវាកម្មទេសចរណ៍ជាបណ្តើរៗ ធានាបាននូវតម្រូវការរបស់ភ្ញៀវទេសចរទាំងបរិមាណ និងគុណភាព។ បង្កើនការងារឃោសនា លើកកម្ពស់ការយល់ដឹង និងមានសិតសម្បជ្ជញៈទទួលខុសត្រូវរបស់សហគមន៍ ក្នុងការថែរក្សាវប្បធម៌ប្រពៃណី ផ្សារភ្ជាប់ជាមួយការអភិវឌ្ឍន៍ទេសចរណ៍។ ធ្វើពិពិធកម្មផលិតផលទេសចរណ៍ ឆ្លើយតបតម្រូវការភ្ញៀវទេសចរ។
សាច់ក្រកផលិតផលពិសេសរបស់ជនជាតិចាម(ឃុំចូវផុង)
ដើម្បីសម្រេចបាននូវគោលដៅខាងលើឲ្យបានឆាប់ ទីរួំខេត្តបានបន្តយកចិត្តទុកដាក់លើការជួសជុលទេសភាព និងបរិស្ថាន កែលម្អគុណភាពរចនានៃផលិតផលពិសេសដូចជា៖ ត្បាញសង្គឹម ត្បាញសូត្រ ត្បាញកន្ទេល និងផលិតផលម្ហូបអាហារ ដូចជាសាច់ក្រក នំអាកោ មាំត្រីស្ពិន និងផលិតផលកសិកម្ម ផ្សារភ្ជាប់នឹងទេសចរណ៍។ ជំរុញខ្លាំងការអភិរក្ស ថែទាំ ការពារនិងធ្វើអាជីវកម្មបេតិកភណ្ឌវប្បធម៌ ដើម្បីអភិវឌ្ឍន៍ទេសចរណ៍។ អភិវឌ្ឍន៍ផលិតផលទេសចរណ៍ថ្មីៗ ទាក់ទាញ និងមានកម្លាំងប្រកួតប្រជែង ដើម្បីទាក់ទាញភ្ញៀវទេសចរ ជាពិសេសភ្ញៀវទេសចរបរទេស។ ផ្តោតលើផលិតផលទេសចរណ៍វប្បធម៌សហគមន៍ ភូមិសិប្បកម្ម អេកូឡូស៊ី កេរដំណែលប្រវត្តិសាស្ត្រ និងរមណីដ្ឋាន។ល។ អភិវឌ្ឍន៍ និងលើកកម្ពស់កែលម្អគុណភាពនៃសេវាកម្មទេសចរណ៍ ដូចជាការស្នាក់នៅ ការធ្វើដំណើរ ការទទួលទានអាហារ ការដឹកជញ្ជូន ការកម្សាន្ត ការដើរទិញឥវ៉ាន់ បទពិសោធន៍។ ធ្វើអាជីវកម្មមានប្រសិទ្ធភាពនូវសកម្មភាពសិប្បកម្មប្រពៃណី និងពិធីបុណ្យនៅតាមតំបន់ទេសចរណ៍។
ក្រៅពីនេះ បង្កើនការជំរុញ និងផ្សព្វផ្សាយវិស័យទេសចរណ៍របស់ទីរួមខេត្តតាមរយៈបណ្តាញព័ត៌មានមហាជន។ បង្កើតវីដេអូ ឈុតខ្លីៗ របាយការណ៍បទពិសោធន៍វប្បធម៌ និងទេសចរណ៍សហគមន៍ បង្ហោះនៅលើគេហទំព័រ website fanpage គេហទំព័រព័ត៌មានអេឡិចត្រូនិក និងបណ្តាញទំនាក់ទំនងសង្គម។ ជារៀងរាល់ឆ្នាំរៀបចំពិធីបុណ្យ ព្រឹត្តិការណ៍វប្បធម៌ និងទេសចរណ៍នៅទីរួមខេត្ត ដើម្បីបង្កើតជាចំណុចលេចធ្លោក្នុងការលើកកម្ពស់រូបភាពទេសចរណ៍របស់ទីរួមខេត្ត។ ឃោសនា លើកទឹកចិត្តបង្កើតលក្ខខណ្ឌសម្រាប់បុគ្គល អង្គការ ធុរកិច្ចនានា ដែលមានទុនវិនិយោគលើការសាងសង់ និងអភិវឌ្ឍន៍រមណីយដ្ឋាន សណ្ឋាគារ និងផ្ទះសំណាក់នៅទីរួមខេត្ត។ អភិវឌ្ឍន៍ និងលើកកម្ពស់គុណភាពសេវាកម្មនៅតាមគោលដៅទេសចរណ៍សហគមន៍។ បង្កើនការងារគ្រប់គ្រងរដ្ឋលើសកម្មភាពក្នុងវិស័យទេសចរណ៍ ជាពិសេសតម្លៃ គុណភាពសេវាកម្ម អនាម័យ សុវត្ថិភាពចំណីអាហារ សន្តិសុខ សណ្តាប់ធ្នាប់ និងការពារទេសភាពធម្មជាតិ។ល។
|
ចាប់តាំងពីពេលចេញសេចក្តីសម្រេចចិត្តលេខ ០៣-NQ/TU របស់គណៈកម្មាធិការបក្ខភាគទីរួមខេត្តតឹនចូវ ស្តីពីការអភិវឌ្ឍន៍ទេសចរណ៍ក្នុងដំណាក់កាលឆ្នាំ ២០២១-២០២៥ និងតម្រង់ទិសដល់ឆ្នាំ ២០៣០ បានបង្កលក្ខខណ្ឌអំណោយផលសម្រាប់គោលការណ៍ក្នុងការអនុវត្តគោលដៅអភិវឌ្ឍន៍ទេសចរណ៍លើភូមិសាស្ត្រទីរួមខេត្ត តាមរយៈនោះប្តេជ្ញាធ្វើឲ្យវិស័យទេសចរណ៍ក្លាយជាវិស័យសេដ្ឋកិច្ចដ៏សំខាន់របស់ទីរួមខេត្ត រួមចំណែកលើកកម្ពស់ជីវភាពរស់នៅខាងសម្ភារៈ និងស្មារតីរបស់ប្រជាជន។ បង្កើតការងារជាច្រើន បង្កើនប្រាក់ចំណូលសម្រាប់កម្មករ និងបង្កើនប្រភពចំណូលសម្រាប់ថវិការដ្ឋ។ ជំរុញការអភិវឌ្ឍន៍នៃវិស័យសេដ្ឋកិច្ចនិយាយរួម និងទេសចរណ៍និយាយដោយឡែក៕ |
ប្រែ៖ ណារីពៅ
