“ផ្តោតលើការលើកកម្ពស់គុណភាពផលិតផល និងសេវាកម្មទេសចរណ៍ដែលមានស្រាប់ ហើយទន្ទឹមនឹងនោះ អភិវឌ្ឍន៍ផលិតផលថ្មីដើម្បីទាក់ទាញភ្ញៀវទេសចរណ៍” - នោះគឺជាសំណើរបស់លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង ចំពោះវិស័យវប្បធម៌ កីឡា និង ទេសចរណ៍របស់ខេត្តនៅក្នុងសន្និបាតបូកសរុបសកម្មភាពវិស័យវប្បធម៌ កីឡា និងទេសចរណ៍ឆ្នាំ២០២៣ និងផ្សព្វផ្សាយទិសដៅ ភារកិច្ចឆ្នាំ២០២៤ របស់ខេត្ត អានយ៉ាង បានប្រព្រឹត្តឡើងនូវរសៀលថ្ងៃទី២៨ ខែកុម្ភៈ។
ទិដ្ឋភាពសន្និបាត
យោងតាមលោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង ក្នុងឆ្នាំ ២០២៣ ដោយមានការយកចិត្តទុកដាក់ពីថ្នាក់ដឹកនាំខេត្ត ការសហការយ៉ាងសកម្មរបស់បណ្តាវិស័យ បណ្តាថ្នាក់ បណ្តាមូលដ្ឋាន និងការឯកភាព ការខិតខំប្រឹងប្រែងរបស់អង្គភាព វិស័យវប្បធម៌ កីឡា និងទេសចរណ៍របស់ខេត្តទាំងមូលបានបញ្ចប់ភារកិច្ចទាំងបួនគឺ វប្បធម៌ គ្រួសារ កីឡា និងទេសចរណ៍។
ជាពិសេស វិស័យវប្បធម៌ កីឡា និងទេសចរណ៍បានធ្វើសេនាធិការឲ្យខេត្តរៀបចំប្រកបដោយជោគជ័យនូវពិធីរម្លឹកខួបលើកទី ១៣៥ ឆាំ្នថ្ងៃកំណើតលោកប្រធាន តូនឌឹកថាំង (ថ្ងៃទី ២០ ខែសីហា ឆ្នាំ ១៨៨៨ ដល់ថ្ងៃទី ២០ ខែសីហា ឆ្នាំ ២០២៣) និងរៀបចំព្រឹត្តិការណ៍ថ្នាក់តំបន់ និងថ្នាក់ជាតិ។ កីឡាដែលមានស្នាដៃខ្ពស់របស់ខេត្តបានបន្តបញ្ជាក់ពីជំហរកីឡារបស់ខេត្តចំពោះប្រទេសទាំងមូល ដែលមានអត្តពលិកចំនួន ១៥ នាក់របស់ខេត្ត អានយ៉ាង ឆ្នើមដណ្តើមបានមេដាយចំនួន ១២ នៅស៊ីហ្គេមលើកទី៣២ ហើយក្រុមកីឡា អានយ៉ាង រៀបចំណាត់ថ្នាក់លេខ ១ ទូទាំងក្រុមនៅមហាសន្និបាតកីឡាតំបន់វាលទំនាបទន្លេគឺវឡុងលើកទី ៩ ឆ្នាំ ២០២៣ បានទទួលទង់ឆ្នើម ៩ លើកជាប់ៗគ្នានៅព្រឹត្តិការណ៍មហាសន្និបាតកីឡាតំបន់វាលទំនាបទន្លេគឺវឡុង។ សកម្មភាពទេសចរណ៍សម្រេចបានលទ្ធផលគួរឲ្យរំភើបជាច្រើន បណ្តាសូចនាករទេសចរណ៍មានកំណើនល្អ។
ជាក់ស្តែងក្នុងឆ្នាំ ២០២៣ ខេត្តអានយ៉ាង ទទួលភ្ញៀវទេសចរប្រមាណ ៨,៥ លាននាក់ (កើនឡើង ១៣% ធៀបនឹងដំណាលពេលឆាំ្នមុន សម្រេចបាន ១០៦% ធៀបនឹងផែនការ)។ ចំណូលសរុបពីសកម្មភាពទេសចរណ៍សម្រេចបាន ជាង ៥.៩០០ពាន់លានដុង កើនឡើង ២៦% ធៀបនឹងដំណាលពេលនេះឆាំ្នមុន និងសម្រេចបាន ១០៧% បើធៀបនឹងផែនការឆ្នាំ។ ការតភ្ជាប់ និងកិច្ចសហប្រតិបត្តិការក្នុងការអភិវឌ្ឍន៍ទេសចរណ៍ជាមួយទីក្រុងហូជីមិញ និងនៅតាមខេត្ត ក្រុងនៅតំបន់វាលទំនាបទន្លេគឺវឡុង និងនៅតាមមូលដ្ឋានដែលមានទេសចរណ៍ខ្លាំងក្នុងប្រទេស បានបន្តជំរុញខ្លាំងការផ្សព្វផ្សាយ និងអនុវត្ត កាន់តែស៊ីជម្រៅ និងសម្រេចបានលទ្ធផលវិជ្ជមាន។
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង ថ្លែងមតិក្នុងសន្និបាត
លើកសរសើរចំពោះកិច្ចខិតខំប្រឹងប្រែងរបស់វិស័យវប្បធម៌ កីឡា និងទេសចរណ៍នៃខេត្តក្នុងឆ្នាំ ២០២៣ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាងបានមានប្រាសាសន៍ថា ឆ្នាំ ២០២៤ គឺជាឆ្នាំមានអត្ថន័យដ៏សំខាន់ជាពិសេសដើម្បីបំបែកគោលបំណងអនុវត្តគោលដៅនៃផែនការ ៥ ឆ្នាំ សម្រាប់ដំណាក់កាល ២០២១-២០២៥។ ដើម្បីរួមចំណែកជាមួយបណ្តាផ្នែក និងមូលដ្ឋានដើម្បីសម្រេចគោលដៅអភិវឌ្ឍន៍សេដ្ឋកិច្ចសង្គមកិច្ចរបស់ខេត្ត លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង បានស្នើឲ្យមន្ទីរវប្បធម៌ កីឡា និងទេសចរណ៍ ព្រមទាំងមន្ទីរ គណ ផ្នែកពាក់ព័ន្ឋ និងមូលដ្ឋានបញ្ចាក់ពីការប្តេជ្ញាចិត្តនយោបាយ ផ្តោតលើការដឹកនាំ ប្រតិបត្តិការ និងរៀបចំអនុវត្តមានប្រសិទ្ធភាពកម្មវិធីការងារឆ្នាំ២០២៤ នៃគម្រោងកម្មវិធី ផែនការ ដើម្បីអភិវឌ្ឍវិស័យនេះក្នុងដំណាក់ឆ្នាំ ២០២១– ២០២៥ ដែលបានអាជ្ញាធរមានសមត្ថកិច្ចអនុម័តអនុវត្តនៅឆ្នាំ ២០២៤ និងឆ្នាំបន្តបន្ទាប់។
ទន្ទឹមនិងនោះ បង្កើនរៀបចំសកម្មភាពវប្បធម៌ គ្រួសារ កីឡា និងទេសចរណ៍សម្រាប់ជនជាតិភាគតិចក្នុងខេត្ត បង្កើតផលិតផល និងព្រឹត្តិការណ៍សំខាន់ៗ ដើម្បីទាក់ទាញទេសចរណ៍ និងបម្រើល្អតម្រូវការរីករាយវប្បធម៌ ស្មារតី និងលត់ដំកាយសម្បទារបស់មហាជន ជាពិសេសគឺនៅតាមតំបន់ដាច់ស្រយាល។ តំបន់ឆ្ងាយតំបន់ព្រំដែន និងតំបន់ជនជាតិភាគតិច រួមចំណែក ពង្រឹងធ្លុងមហាសាមគ្គីភាពជនជាតិនៅលើភូមិសាស្ត្រខេត្ត។ ទន្ទឹមនិងនោះ បញ្ចប់ការកសាងស្ថាប័នវប្បធម៌ និងកីឡាសម្រាប់ឃុំដាច់ស្រយាល ដាច់ស្រយាល និងតំបន់ព្រំដែនពីប្រភពទុនកម្មវិធីគោលដៅជាតិឆ្នាំ២០២៤។
បង្កើនការគ្រប់គ្រង ត្រួតពិនិត្យ និងឃ្លាំមើលការងារឃោសនាបោះឆ្នោត ដើម្បីបម្រើភារកិច្ចនយោបាយលើភូមិសាស្ត្រខេត្ត សកម្មភាពវិជ្ជាជីវៈនៅថ្នាក់មូលដ្ឋាន សកម្មភាពអាជីវកម្មសេវាកម្មវប្បធម៌ កីឡា និងទេសចរណ៍ ផ្តោតសំខាន់លើទិវាបុណ្យធំៗរបស់ជនជាតិ និងព្រឹត្តិការណ៍ធំៗរបស់ប្រទេស និងខេត្ត ពិធីបុណ្យប្រពៃណីនៅក្នុងមូលដ្ឋាន រួមចំណែកពង្រឹង និងលើកកម្ពស់សុពលភាពនិងប្រសិទ្ធភាពគ្រប់គ្រងរដ្ឋក្នុងវិស័យសកម្មភាពឯកទេសនីមួយៗ។
ដើម្បីឲ្យវិស័យទេសចរណ៍ក្លាយជាកម្លាំងចលករសម្រាប់ការអភិវឌ្ឍន៍សេដ្ឋកិច្ចសង្គមកិច្ចរបស់ខេត្តយ៉ាងពិតប្រាកដ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង បានកត់សម្គាល់ថា នាពេលខាងមុខ មន្ទីរវប្បធម៌ កីឡា និងទេសចរណ៍ ព្រមទាំងមន្ទីរផ្នែកពាក់ព័ន្ឋនិងមូលដ្ឋាន ចាំបាច់ត្រូវតែវិនិយោគលើការអភិរក្ស និងជួលជុលនូវកេរដំណែលប្រវត្តិសាស្ត្រ-វប្បធម៌ បណ្តាទម្រង់វប្បធម៌រូបី និងអរូបីនៅលើភូមិសាស្ត្របានក្លាយជាបេតិកភណ្ឌគុណភាពខ្ពស់ ផ្សារភ្ជាប់នឹងការអភិវឌ្ឍន៍ទេសចរណ៍ រួមចំណែកអភិរក្សតម្លៃប្រពៃណីផង និង ជំរុញការអភិវឌ្ឍន៍សេដ្ឋកិច្ចសង្គមកិច្ចក្នុងមូលដ្ឋានរឹងមាំផង។
ក្រៅពីនេះ មន្ទីរវប្បធម៌ កីឡា និងទេសចរណ៍ រួមជាមួយមន្ទីរ គណៈ ផ្នែក និងមូលដ្ឋាននានា ត្រូវបន្តយកចិត្តទុកដាក់ និងផ្សព្វផ្សាយ ឃោសនា លើកតម្កើងរូបភាពទេសចរណ៍ អានយ៉ាង ស្រាវជ្រាវ និងអភិវឌ្ឍន៍ផលិតផលទេសចរណ៍ថ្មី។ ផ្សព្វផ្សាយមានប្រសិទ្ធភាពនូវកម្មវិធីសកម្មភាពអភិវឌ្ឍន៍ហេដ្ឋារចនាសម្ព័ន្ធទេសចរណ៍ខេត្ត អានយ៉ាង ដំណាក់កាលឆ្នាំ ២០២១ - ២០២៥ និងផែនការអភិវឌ្ឍន៍ទេសចរណ៍ជនបទ កសាងជនបទថ្មីក្នុងខេត្តរហូតដល់ឆ្នាំ ២០២៥។បន្តអនុវត្តខ្លឹមសារនៃកម្មវិធីកិច្ចសហប្រតិបត្តិការអភិវឌ្ឍន៍ទេសចរណ៍ដែលបានចុះហត្ថលេខាជាមួយខេត្ត ដុងថាប ទីក្រុងហូជីមិញ និងនៅតាមខេត្ត ទីក្រុងនៃតំបន់វាលទំនាបទន្លេគឺវឡុង។
ទន្ទឹមនិងនោះ ចាំបាច់ត្រូវបង្កើនធនធានផ្ទៃក្នុងរបស់មូលដ្ឋាន និងធុរកិច្ច ប្រមូលផ្តុំ និងប្រើប្រាស់ទុនគាំទ្រដោយមានប្រសិទ្ធភាពពីកម្មវិធីគោលដៅជាតិ ជំរុញខ្លាំងការអភិវឌ្ឍន៍ទេសចរណ៍។ បន្តកំណែទម្រង់បែបបទរដ្ឋបាល និងដោះស្រាយការលំបាកទាក់ទិនទាន់ពេល ព្រមទាំងបង្កើតលក្ខខណ្ឌអំណោយផលសម្រាប់សកម្មភាបធុរកិច្ចទេសចរណ៍នូវលើភូមិសាស្ត្រ។ តាមរយៈនេះ ការកសាងបរិយាកាសទេសចរណ៍សុវត្ថិភាព អរិយធម៌ និងមេត្រីភាពជាបណ្តើរៗ ញ៉ាំងឲ្យខេត្តអានយ៉ាង ក្លាយជាគោលដៅទាក់ទាញកំពូលមួយនៅក្នុងតំបន់វាលទំនាបទន្លេគឺវឡុងនិងទូទាំងប្រទេស។
លោក ឡេវ៉ាន់ភឿក អនុប្រធាន គណៈកម្មាធិការប្រជាជនខេត្ត អានយ៉ាង ប្រគល់ទង់អង្គភាពនាំមុខចលនាប្រឡងប្រណាំងឆ្នាំ ២០២៣ ដល់មន្ទីរវប្បធម៌ កីឡា និងទេសចរណ៍
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង ប្រគល់ប័ណ្ណសរសើរដល់សមូហភាព និងបុគ្គលដែលមានស្នាដៃឆ្នើមក្នុងឆ្នាំ ២០២៣
ឆ្លៀតក្នុងឱកាសនេះ ក្រសួងវប្បធម៌ កីឡា និងទេសចរណ៍ បានប្រគល់ទង់ប្រឡងប្រណាំង និងប័ណ្ណសរសើរ ដល់សមូហភាព និងបុគ្គលស្ថិតក្រោមមន្ទីរវប្បធម៌ កីឡា និងទេសចរណ៍ខេត្ត អានយ៉ាង ដែលមានស្នាដៃឆ្នើមក្នុងវិស័យស្ថាបនកម្មនិងរៀបចំសកម្មភាពវប្បធម៌ កីឡា និងទេសចរណ៍នៅមូលដ្ឋានក្នុងឆាំ្ន ២០២៣៕
ប្រែ៖ ណារីភពៅ
