នៅថ្ងៃទី ១៨ មករា មជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង បានសហការជាមួយអង្គភាពពាក់ព័ន្ធរៀបចំពិធីបង្ហាញផលិតផលទេសចរណ៍ “ភូមិបែចម្រុះពណ៌នៅពាមទន្លេចូវដុក” នៅមណ្ឌលភូមិករទីរួមស្រុក ដាភឿក ស្រុកអានភូ។
គម្រោង “ភូមិបែចម្រុះពណ៌នៅពាមទន្លេចូវដុក” មានបែចំនួន ១៦៥ ខ្នងលាតសន្ធឹងប្រវែងជិត ១ គីឡូម៉ែត្រ បានតុបតែងដោយប្លុកពណ៌ចំនួន៦៖ ក្រហម លឿង លឿងទុំ បៃតង ផ្ទៃមេឃ ស្វាយ បង្កើតជាទស្សនីយភាពមនោរម្យ ក្លាយជាកន្លែងទាក់ទាញដ៏ល្បីដែលភ្ញៀវទេសចរមកពីទីជិតឆ្ងាយនិយមចូលចិត្ត។
ការដែលបង្ហាញផលិតផលទេសចរណ៍ថ្មីនេះគឺដើម្បីបង្កើតផលិតផលទេសចរណ៍ថ្មី គាំទ្របណ្តាតំបន់ -គោលដៅទេសចរណ៍ ធុរកិច្ច និងគ្រួសារដែលរស់នៅក្នុងភូមិបែ ដើម្បីកសាង និងធ្វើអាជីវកម្មសេវាកម្មបម្រើភ្ញៀវទេសចរ និងវិនិយោគិនមកខេត្តអានយ៉ាង។ នេះក៏ជាឱកាសដើម្បីតភ្ជាប់ធុរកិច្ចទេសចរណ៍ អានយ៉ាង ជាមួយធុរកិច្ចទេសចរណ៍របស់ទីក្រុង ហូជីមិញ ហាណូយ និងនៅតាមខេត្ត ក្រុងក្នុងតំបន់វាលទំនាបទន្លេគឺវឡុង ក្នុងការកសាង និងធ្វើអាជីវកម្មដំណើរទេសចរណ៍ ផ្លូវថ្មី។
អ្នកទេសចររីករាយពេញចិត្តនឹងរូបថត ថតរូប ដ៏ស្រស់ស្អាតជាមួយនឹងពណ៌ភ្លឺ និងទេសភាពយ៉ាងមនោរម្យនៅពាមទន្លេបណ្តានៅថ្ងៃនិទាឃរដូវ។ ជាមួយនឹងទស្សនីយភាពសន្តិភាព មនោរម្យ “ភូមិបែចម្រុះពណ៌នៅពាមទន្លេចូវដុក” បានផ្តល់ឲ្យភ្ញៀវទេសចរនូវបទពិសោធន៍ប្លែកពិសេសអំពីទន្លេទឹកអានយ៉ាង។
នៅពេលទៅទស្សនាផ្ទះបែ ភ្ញៀវអាចឲ្យចំណីត្រី ដោយផ្ទាល់ ទិញវត្ថុអនុស្សាវរីយ៍ ស្វែងយល់ពីជីវិត និងសកម្មភាពរបស់អ្នកភូមិបែ ដើម្បីយល់បន្ថែមអំពីវប្បធម៌របស់ទន្លេទឹកអានយ៉ាង។
ក្នុងក្របខ័ណ្ឌនៃពិធីបង្ហាញផលិតផល “ភូមិបែចម្រុះពណ៌នៅពាមទន្លេចូវដុក” មជ្ឈមណ្ឌលជំរុញពាណិជ្ជកម្ម និងវិនិយោគខេត្ត អានយ៉ាង ក៏បានរៀបចំ ក្រុម famtrip ទៅត្រួតពិនិត្យជាក់ស្តែងនៅតាមសេវាកម្ម គោលដៅទេសចរណ៍ល្បីៗរបស់ អានយ៉ាង ដូចជា៖ ភូមិចាមចូវផុង (ទីរួមខេត្តតឹនចូវ) ភូមិចាម ដាភឿក (ស្រុក អានភូ)។ តំបន់ទេសចរណ៍ជាតិភ្នំស្វាម ផ្សារចូវដុក (ទីក្រុងចូវដុក)។ ព្រៃស្មាច់ត្រាសឺនិងតំបន់ទេសចរណភ្នំពពាល (ទីរួមខេត្តទិញបៀន)៕
ប្រែ៖ ណារីពៅ
