ការតភ្ជាប់សម្រាប់ការអភិវឌ្ឍន៍ រួមនឹងការធ្វើពិពិធកម្មផលិតផល លើកកម្ពស់គុណភាពសេវាកម្ម ពង្រីកភាពខ្លាំងពិសេសរបស់មូលដ្ឋានជាដើម គឺជាគោលការណ៍បានវិស័យទេសចរណ៍ខេត្ត អានយ៉ាង អនុវត្តជាបណ្តើរៗក្នុងរយៈពេលកន្លង។
ជាពិសេស ឆ្លងកាត់រយៈពេលពីរឆ្នាំ ២០២២ - ២០២៣ ក្នុងបរិបទដែល ទេសចរណ៍វៀតណាមស្តារឡើងវិញក្រោយមហាជំងឺរាតត្បាត អានយ៉ាង បានកសាង និងអនុវត្តសកម្មភាពជាច្រើនដូចជា ការកសាងផលិតផល-សេវាកម្មថ្មីៗ រៀបចំ និងចូលរួមកម្មវិធីជំរុញទេសចរណ៍ជាច្រើន បង្កើនការងារឃោសនា ជំរុញខ្លាំងការតភ្ជាប់ក្នុងតំបន់ជាមួយខេត្ត ក្រុងនៅតំបន់វាលទំនាបទន្លេគឺវឡុង ភាគអាគ្នេយ៍ និងពាយ័ព្យ។ល។
សន្និបាតជំរុញ ផ្សព្វផ្សាយទេសចរណ៍ នៅតំបន់វាលទំនាបទន្លេគឺវឡុង ជាមួយបណ្តាខេត្តភាគពាយ័ព្យ
ដើម្បីទាក់ទាញភ្ញៀវទេសចរ និងគម្រោងវិនិយោគទេសចរណ៍ មជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង រួមជាមួយនឹងធុរកិច្ចបានចូលរួមក្នុងព្រឹត្តិការណ៍ផ្សព្វផ្សាយទេសចរណ៍ជាច្រើន ជាពិសេសនៅក្នុងទីផ្សារទេសចរណ៍ចំណុចសំខាន់ៗជាច្រើន។ នៅទីនោះ ខេត្តបានផ្សព្វផ្សាយរូបភាព និងផ្តល់ព័ត៌មាន ហើយផ្សព្វផ្សាយសក្តានុពលទេសចរណ៍របស់ខេត្ត អានយ៉ាង។
សម្រាប់តំបន់វាលទំនាបទន្លេគឺវឡុង នៅឆ្នាំ២០២៣ អានយ៉ាង បានបញ្ចប់ល្អនូវតួនាទីជាប្រធានបណ្តុំសហការ តភ្ជាប់អភិវឌ្ឍន៍ទេសចរណ៍នៅទិសបស្ចិម និងក្រុមតំណភ្ជាប់។ (រួមមានទីក្រុង កឹនធឺ និងខេត្តអានយ៉ាង គៀនយ៉ាង សុកត្រាំង បាកលឺវ និងកាម៉ៅ)។ បណ្តាភារកិច្ចជាមូលដ្ឋានក្នុងកិច្ចសហប្រតិបត្តិការអភិវឌ្ឍន៍ទេសចរណ៍នៃបណ្តុំត្រូវតែបានផ្សព្វផ្សាយស្របគ្នា និងប្រសិទ្ធភាព ដូចជាការផ្លាស់ប្តូរព័ត៌មាន ការអភិវឌ្ឍន៍ផលិតផល ការកសាងដំណើរទេសចរណ៍ ការចែករំលែកបទពិសោធន៍ក្នុងការគ្រប់គ្រង ការរៀបចំ និងចូលរួមសកម្មភាពជំរុញផ្សព្វផ្សាយ បណ្តុះបណ្តាលប្រភពធនធានមនុស្សជាដើម។ យោងតាមសមាគមទេសចរណ៍តំបន់វាលទំនាបទន្លេគឺវឡុង នៅឆ្នាំ ២០២៣ តំបន់វាលទំនាបទន្លេគឺវឡុងទទួលភ្ញៀវទេសចរណ៍បានជាង ៤២,៥ លាននាក់ ដោយចំណូលជាសរុបតាមការសន្និដ្ឋានសម្រេចបានជាង ៣៥ ពាន់ពាន់លានដុង។
ភ្ញៀវមកទស្សនាស្តង់ទីនិញរបស់ខេត្ត អានយ៉ាង នៅក្នុងពិធីបុណ្យទេសចរណ៍ទីក្រុងហូជីមិញ
សម្រាប់ទីក្រុងហូជីមិញ វិស័យទេសចរណ៍ អានយ៉ាង បានកំណត់ថានេះគឺជាទីផ្សារសំខាន់។ ជាពិសេសក្នុងរយៈពេលថ្មីៗនេះ ខេត្ត ក្រុងទាំង ១៣ នៃតំបន់វាលទំនាបទន្លេគឺឡុងកំពុងជំរុញខ្លាំងការតភ្ជាប់ជាមួយទីក្រុង ហូជីមិញ លើទិដ្ឋភាពជាច្រើន ក្នុងនោះមានវិស័យទេសចរណ៍។ បណ្តាធុរកិច្ចទេសចរណ៍ អានយ៉ាង បានចូលរួមបន្តបន្ទាប់ព្រឹត្តិការណ៍ជំរុញទេសចរណ៍ប្រចាំឆ្នាំនៅ ទីក្រុងហូជីមិញ ដូចជា ថ្ងៃបុណ្យទេសចរណ៍ទីក្រុងហូជីមិញ ផ្សារណាត់ទេសចរណ៍អន្តរជាតិទីក្រុងហូជីមិញ។ទន្ទឹមនឹងនោះ មជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង បានរៀបចំកម្មវិធីស្ទង់មតិដើម្បីណែនាំទេសចរណ៍ អានយ៉ាង ជាមួយធុរកិច្ច ទីក្រុងហូជីមិញ ដូចជា ការស្ទង់មតិការតភ្ជាប់ផលិតផលទេសចរណ៍ អានយ៉ាង (ឆ្នាំ ២០២២) ការស្ទង់មតិផលិតផលទេសចរណ៍ភូមិប្បែចម្រុះពណ៌នៅពាមទន្លេចូវដុក (២០២៣) ។
សម្រាប់តំបន់វាលទំនាបទន្លេក្រហម និងភាគពាយ័ព្យ មជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង បានរៀបចំក្រុមស្ទង់មតិដើម្បីស្វែងយល់ពីបទពិសោធន៍ ជំរុញទេសចរណ៍ជាមួយទីក្រុងហាណូយ និងនៅតាមខេត្ត ហាណាមនិងនីញប៊ីញ ហ្វាប៊ិញ ឡាវកៃ និងអៀនបៃជាដើម។ ក្នុងនោះ អង្គភាពបានចុះហត្ថលេខាលើកិច្ចព្រមព្រៀងសហប្រតិបត្តិការអភិវឌ្ឍន៍ទេសចរណ៍ជាមួយ នីញប៊ីញ និងហ្វាប៊ីញ នៅឆ្នាំ ២០២២។ជាពិសេសនៅឆ្នាំ ២០២៣ មជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង សហការជាមួយនឹងសមាគមទេសចរណ៍តំបន់វាលទំនាបទន្លេគឺវឡុងរៀបចំជោគជ័យសន្និបាតជំរុញពាណិជ្ជកម្មទេសចរណ៍តំបន់វាលទំនាបទន្លេគឺវឡុង ជាមួយបណ្តាខេត្តពាយ័ព្យ ដោយបានដាក់មូលដ្ឋានគ្រឹះទំនាក់ទំនងសហប្រតិបត្តិការអភិវឌ្ឍទេសចរណ៍អន្តរតំបន់ នៃភាគពាយ័ព្យនិងភាគនិរតី។
អាស្រ័យដោយជំរុញខ្លាំងការតភ្ជាប់តំបន់ និងធុរកិច្ចទេសចរណ៍ក្នុងនិងក្រៅប្រទេសជាច្រើននៅទូទាំងប្រទេសបានកសាងដំណើរទេសចរណ៍ បានរៀបចំដំណើរទេសចរណ៍ទៅកាន់ខេត្ត អានយ៉ាងជាច្រើន រួមចំណែកជំរុញការស្តារឡើងវិញនិងកំណើនរបស់វិស័យទេសចរណ៍របស់ខេត្ត។ ប្រសិនបើនៅឆ្នាំ ២០២២ អានយ៉ាង ស្វាគមន៍ភ្ញៀវបានប្រហែលជា ៧,៥ លាននាក់ បន្ទាប់មកនៅឆ្នាំ ២០២៣ ចំនួននេះបានកើនឡើងដល់ ៨,៣ លាននាក់។
លោក ឡេទ្រុងហៀវ - ប្រធានមជ្ឈមណ្ឌលជំរុញពាណិជ្ជកម្ម និងវិនិយោគខេត្ត អានយ៉ាង បានឲ្យដឹងថា តាមរយៈព្រឹត្តិការណ៍ជំរុញទេសចរណ៍ ដៃគូរភាគច្រើនសុទ្ឋតែចាប់អារម្មណ៍ចំពោះ វិស័យទេសចរណ៍ អានយ៉ាង ជាពិសេសគឺជួរភ្នំ ៧ ដ៏អស្ចារ្យ វត្តលោកយាយភ្នំស្វាមដ៏ពិសិដ្ឋ ព្រៃស្មាច់ត្រាសឺបៃតងត្រជាក់ ភូមិបែ ចូវដុក ឆើតឆាយចម្រុះពណ៌ជាដើម “នោះគឺជាមោទនភាពសម្រាប់វិស័យទេសចរណ៍នៃខេត្ត ហើយទន្ទឹមនឹងនោះក៏ជាកម្លាំងចលករសម្រាប់យើងបន្តសម្រេចល្អជាងទៀតភារកិច្ចអភិវឌ្ឍន៍ទេសចរណ៍របស់មូលដ្ឋាន” - លោកបានបញ្ជាក់។
អានយ៉ាង គឺ ជាតំបន់ដែលសម្បូរទៅដោយសក្តានុពលទេសចរណ៍ ជាមួយនឹងទេសភាពធម្មជាតិប្លែកៗ និងកេរតំណែលប្រវត្តិសាស្ត្រជាច្រើន ជីវិតវប្បធម៌ចម្រុះ មនុស្សរួសរាយរាក់ទាក់។ល។ដើម្បីវិស័យទេសចរណ៍រនៃខេត្តបន្តអភិវឌ្ឍន៍ ក្នុងចំណោមដំណោះស្រាយ ការតភ្ជាប់តំបន់គឺជាដំណោះស្រាយសំខាន់បំផុត។ ពីព្រោះ នោះជាឱកាសផ្សព្វផ្សាយសម្រស់នៃតំបន់ទឹកដី និងមនុស្សខេត្ត អានយ៉ាង ទៅដល់ធុរកិច្ច និងភ្ញៀវទេសចរ៕
ប្រែ៖ ណារីពៅ
