ឆាំ្ន ២០២៤ ខេត្តអានយ៉ាង ទទួលភ្ញៀវទេសចរប្រមាណ ៩,១ លាននាក់ កើនឡើង ៧,០៦% ធៀបនិងដំណាលពេលនេះឆាំ្នមុន សម្រេចបាន ១០១% ផែនការតាមការប៉ាន់ប្រមាណ។ ចំណូលជាសរុបពីសកម្មភាពទេសចរណ៍ត្រូវបានប៉ាន់ប្រមាណចំនួន ១០.២៥០ ពាន់លានដុង កើន ៧៣,៧៣% ធៀបនឹងដំណាលពេលនេះឆាំ្នមុន សម្រេចបាន ១៦៥% ធៀបនឹងផែនការ។ សមិទ្ឋផលនោះ បង្ហាញឲ្យឃើញពីការខិតខំប្រឹងប្រែងរបស់វិស័យទេសចរណ៍មូលដ្ឋានក្នុងបរិបទថ្មី។
ក្នុងឆ្នាំកន្លងទៅ ផលិតផលទេសចរណ៍របស់ខេត្តអានយ៉ាង មិនត្រឹមតែមានភាពចម្រុះប៉ុណ្ណោះទេ ថែមទាំងបង្កើនគុណភាពផងដែរ។ ជាពិសេសនៅក្នុងឆ្នាំ ២០២៤ ភូមិបែចម្រុះពណ៌ នៅពាមទន្លេចូវដុក នឹងជាផលិតផលទេសចរណ៍ថ្មីបំផុតរបស់ខេត្ត ទាក់ទាញភ្ញៀវទេសចរវ័យក្មេងយ៉ាងច្រើនកុះករ។ រួមបញ្ចូលជាមួយភូមិបែនិងភូមិចាមពីរទៀតគឺ ចូវផុង (តាន់ចូវ) និង ដាភឿក (អានភូ) ជំហានដំបូងធ្វើអាជីវកម្មទេសចរណ៍សហគមន៍ដោយមានការគាំទ្រពីប្រជាជនចាមនៅក្នុងមូលដ្ឋាន។
គោលដៅទេសចរណ៍ល្បីៗរបស់ ខេត្ត ក៏បន្តវិនិយោគលើការកែលម្អហេដ្ឋារចនាសម្ព័ន្ធ ផ្លាស់ថ្មីសេវាកម្មជាដើម តួយ៉ាងមានដូចជាដើរលេងផ្លូវឆ្ងាយ នៅតំបន់ទេសចរណ៍ភ្នំពពាល (ទិញបៀន) ទទួលបទពិសោធន៍ពីធម្មជាតិ និងរីករាយជាមួយអាហារពិសេសនៅរមណីយដ្ឋានទេសចរណ៍ព្រៃស្មាច់ត្រាសឺ (ទិញបៀន) ឆ័ត្រយោងនៅតំបន់កីឡាទេសចរណ៍តាប៉ា - ស្វាយចេក(ទ្រីតូន) ទស្សនាកម្សាន្តកីឡាលើទឹកនៅតំបន់ទេសចរណ៍កូនអេ (ចើម៉ើយ)។
ដើម្បីផ្សព្វផ្សាយសម្រស់ស្រស់ស្អាតនៃទឹកដី និងប្រជាជនខេត្តអានយ៉ាង ខេត្តបានរៀបចំព្រឹត្តិការណ៍ចម្រុះជាច្រើនដូចជា ខួបលើកទី ២០០ឆាំ្នជីកសម្រេចព្រែកវិញតេ វេទិកាមេគង្គតភ្ជាប់ ពិធីបុណ្យនំប្រពៃណីភាគខាងត្បូង - អានយ៉ាង បរិយាកាសម្ហូបនិងនំប្រពៃណីជនជាតិខេត្ត អានយ៉ាង។ បណ្តាពិធីបុណ្យប្រពៃណីបន្តបានរៀបចំឡើងដោយយកចិត្តទុកដាក់ដូចជា ពិធីបុណ្យលោកយាយភ្នំស្វាម ពិធីបុណ្យប្រណាំងគោបៃនូយ ពិធីបុណ្យរបស់លោកមេទ័ព ត្រាន់វ៉ាន់ថាញ់។
ទន្ទឹមនឹងនោះ ខេត្តអានយ៉ាង ក៏ចូលរួម ក្នុងព្រឹត្តិការណ៍ សន្និបាត ផ្សរណាត់ជាច្រើនអំពី ទេសចរណ៍ទូទាំងប្រទេសផងដែរ។ តួយ៉ាងដូចជាឆាំ្នទេសចរណ៍ជាតិ (ឌៀនបៀន) ផ្សារណាត់ទេសចរណ៍អន្តរជាតិវៀតណាម (ហាណូយ) មហោស្រពទេសចរណ៍ឆ្នេរសមុទ្ទញ៉ាត្រាង (ខាញ់ហ្វា) Festival ឥដ្ឋសេរ៉ាមិចក្រហម - សេដ្ឋកិច្ចបៃតង(វិញឡុង)ផ្សារណាត់ផលិតផលពិសេសតំបន់វាលទំនាបទន្លេគឺវឡុង (វិញឡុង) ពិធីបុណ្យអកអំបុក (ត្រាវិញ)។
ក្រៅពីនេះ ការងារផ្សព្វផ្សាយតាមរយៈបរិយាកាសបណ្តាញនៅតែបន្តបានជំរុញខ្លាំង។ ក្នុងឆ្នាំ ២០២៤ ខេត្តបានដាក់ដំណើរការប្រព័ន្ធទេសចរណ៍ឆ្លាតវៃ ដែលរួមមានទាំងច្រកទ្វារ ព័ត៌មានអេឡិចទ្រូនិកទេសចរណ៍ឆ្លាតវៃនិងកម្មវិធីទេសចរណ៍ឆ្លាតវៃនៅលើស្មាតហ្វូន។ មន្ទីរវប្បធម៌ កីឡា និងទេសចរណ៍បានរៀបចំការប្រឡងរូបថតស្រស់ស្អាតទេសចរណ៍អានយ៉ាង មជ្ឈមណ្ឌលជំរុញពាណិជ្ជកម្ម និងវិនិយោគបានរៀបចំកម្មវិធីប្រឡងបង្កើតវីដេអូឃ្លីបទេសចរណ៍អានយ៉ាង ដោយទាក់ទាញអ្នកនិពន្ធជាច្រើននៅក្នុង និងក្រៅប្រទេសមកចូលរួមប្រឡង។ បណ្តាវណ្ណកម្មចូលរួមប្រឡងមានភាពចម្រុះ គុណភាពខ្ពស់ ឆ្លុះបញ្ចាំងពីទស្សនវិស័យជាច្រើនអំពីវិស័យទេសចរណ៍នៅមូលដ្ឋាន តាមរយៈនោះរួមចំណែកផ្សព្វផ្សាយភាពស្រស់ស្អាតរបស់ខេត្តទៅដល់សាធារណជន។
ដើម្បីបង្កើនគុណភាពធនធានមនុស្សបម្រើវិស័យទេសចរណ៍ មន្ទីរវប្បធម៌ កីឡា និងទេសចរណ៍ មជ្ឈមណ្ឌលជំរុញពាណិជ្ជកម្ម និងវិនិយោគ បានរៀបចំវគ្គបណ្តុះបណ្តាលជាប្រចាំជាមួយនឹងខ្លឹមសារចម្រុះ ដូចជាការអនុវត្តបច្ចេកវិជ្ជា ៤.០ ក្នុងការឃោសនាផ្សព្វផ្សាយគោលដៅដែលទៅដល់ បច្ចេកទេសឧទ្ទេសនាមនិងណែនាំទេសចរណ៍។ បច្ចេកទេសលាយភេសជ្ជៈសម្រាប់បម្រើភ្ញៀវទេសចរណ៍ ទាញយកធនធានជនជាតិដើមភាគតិចសម្រាប់បម្រើទេសចរណ៍ និងអភិវឌ្ឍន៍ទេសចរណ៍កសិកម្មជនបទ។ សិក្ខាកាមជាកម្មាភិបាលការិយាល័យវប្បធម៌ថ្នាក់ស្រុក បុគ្គលិកអាជីវកម្មទេសចរណ៍ តំបន់ទេសចរណ៍ និងគ្រួសារដែលធ្វើសកម្មភាពទេសចរណ៍នៅក្នុងខេត្ត។
សញ្ញាពិសេសបំផុតក្នុងឆ្នាំ ២០២៤ទើបកន្លង គឺជាពិធីបុណ្យលោកយាយភ្នំស្វាមបានអង្គការយូណេស្កូចុះបញ្ជីជាបេតិកភណ្ឌវប្បធម៌អរូបីនៃមនុស្សជាតិក្នុងសម័យប្រជុំលើកទី ១៩ នៅសាធារណរដ្ឋប៉ារ៉ាហ្គាយកាលពីថ្ងៃទី ៤ ខែធ្នូ។ នេះជាបេតិកភណ្ឌទីពីរនៅភាគខាងត្បូងដែលទទួលបាននាមករណ៍នេះ ប៉ុន្តែជាបេតិកភណ្ឌទីមួយជារបស់មូលដ្ឋានជាក់លាក់ (បន្ទាប់ពីចំរៀងដឺនកាតៃទឺ ដែលជាបេតិកភណ្ឌរួមនៃ ២១ ខេត្ត ក្រុង)។
បច្ចុប្បន្ននេះ ខេត្តអានយ៉ាង មានគោលដៅទេសចរណ៍បានទទួលស្គាល់ចំនួន ០៦ (តំបន់ទេសចរណ៍ជាតិ ០១ តំបន់ទេសចរណ៍ខេត្ត ០១ តំបន់ទេសចរណ៍ចំនួន ៤);មានមូលដ្ឋានស្នាក់នៅទេសចរណ៍ចំនួន ១០០ ក្នុងនោះ មានមូលដ្ឋានចំនួន ៦៨ បានរៀបចំណាប់ថ្នាក់ (សណ្ឋាគារលំដាប់ផ្កាយ៤ ចំនួន១ សណ្ឋាគារលំដាប់ផ្កាយ៣ ចំនួន៦ សណ្ឋាគារលំដាប់ផ្កាយ២ ចំនួន៩ សណ្ឋាគារលំដាប់ផ្កាយ ១ ចំនួន ២១ និងមូលដ្ឋានចំនួន៣១ មានលក្ខណៈសម្បត្តិគ្រប់គ្រាន់សម្រាប់បម្រើភ្ញៀវទេសចរណ៍)។ ក្រុមហ៊ុនទេសចរណ៍ចំនួន ២៦ (ក្រុមហ៊ុនក្នុងប្រទេសចំនួន ៩ ក្រុមហ៊ុនអន្តរជាតិចំនួន ១៦ និងក្រុមហ៊ុនតំណាងចំនួន ១)។
ជាទូទៅ គេអាចនិយាយបានថា ឆ្នាំ ២០២៤ គឺឆាំ្នស្តារឡើងវិញនិងបង្កើនល្បឿនខ្លាំងក្លានៃវិស័យទេសចរណ៍អានយ៉ាង។ពីព្រោះភ្ញៀវទេសចរណ៍ ៩,១ លាននាក់ គឺជាចំនួនជិតនឹងសមិទ្ធិផលនៃវិស័យទេសចរណ៍អានយ៉ាង មុនពេលជំងឺកូវិដ្ឋ១៩ ផ្ទុះឡើង។ ជាក់ស្តែងក្នុងឆ្នាំ ២០១៩ ខេត្តបានទទួលភ្ញៀវទេសចរណ៍ប្រមាណ ៩,២ លាននាក់។
ឆាំ្ន ២០២៥ ខេត្តដាក់ចេញគោលដៅទទួលភ្ញៀវទេសចរបាន ១០ លាននាក់។ ដើម្បីសម្រេចបាននូវគោលដៅនោះ គណៈកម្មាធិការប្រជាជនខេត្តបានពង្រឹងគណៈណែនាំអភិវឌ្ឍន៍ទេសចរណ៍ខេត្តអានយ៉ាង ដឹកនាំដោយលោក ហូវ៉ាន់ម៉ឹង - សមាជិកបម្រុងនៃគណៈកម្មាធិការមជ្ឈិម អនុលេខាបក្ខភាគខេត្ត ប្រធាន គណៈកម្មាធិការប្រជាជនខេត្តធ្វើជាប្រធានគណៈ។ គណៈណែនាំបានដាក់ចេញភារកិច្ចនិងដំណោះស្រាយជាក់លាក់ក្នុងបរិបទថ្មី៕
ប្រែ៖ ណារីពៅ
