ផ្សិតកញ្ចូរខ្មៅ គឺជាអាហារដែលសម្បូរទៅដោយសារធាតុចិញ្ចឹមដ៏មានតម្លៃ ផ្ទុកនូវប្រូតេអ៊ីនសរីរាង្គ វីតាមីន អាស៊ីតអាមីណូ និងសារធាតុរ៉ែជាច្រើនទៀត។ នេះជាអាហារបំប៉នគ្មានជាតិគីមីក្នុងសម័យកម្រអាហារសុវត្ថិភាពដូចបច្ចុប្បន្ន។ ការដាំផ្សិតកញ្ចូរខ្មៅក្នុងរង្វង់មូលបិទជិតបានបើកចេញទិសដៅសម្រាប់ការអភិវឌ្ឍន៍កសិកម្មប្រកបដោយនិរន្តរភាព។
បារម្ភនឹងអាហារកខ្វក់
ការទាញយកប្រយោជន៍ពីផលិតផលសំណល់កសិកម្មដើម្បីបណ្តុះផ្សិតកញ្ចូរខ្មៅក្នុងរង្វង់មូលបិទជិតរបស់បងស្រី ចូវធីនឿង ប្រធានសហករណ៍កសិកម្ម តាដាញ់ (ស្រុកទ្រីតូន) គឺជាវិធីធ្វើល្អបំផុតក្នុងចំណោមវិធីធ្វើល្អ ដើម្បីបង្កើតអាហារស្អាត ជួយឲ្យកម្មការិនីជាង២០នាក់ទទួលបានការងារធ្វើ ជាពិសេសជនជាតិភាគតិចខ្មែរនៅស្រុក ទ្រីតូន និងទីរួមខេត្តទិញបៀន។
លោកសាស្ត្រាចារ្យ.បណ្ឌិត វ៉តុងស្វឺន អញ្ជើញទៅទស្សនាទម្រង់បណ្តុះផ្សិតកញ្ចូរខ្មៅរបស់បងស្រី ចូវធីនឿង
សហករណ៍កសិកម្ម តាដាញ់ បានបង្កើតឡើងនៅក្នុងឆ្នាំ ២០២០។ ដោយចំណង់ចំណូលចិត្ត និងការប្តេជ្ញាចិត្តខ្ពស់ក្នុងការផលិតផ្សិតជ្រះ បងស្រី ចូវធីនឿង បានទាញយកអត្ថប្រយោជន៍ពីសំណល់ផលិតផលកសិកម្ម (ចំបើង ជញ្ច្រាំង កន្ទក់ពោត កន្ទក់អង្ករ) ដើម្បីលាយធ្វើជាមេផ្សិតដាំលើធ្នើរបានជោគជ័យ ដូចជា ផ្សិតកញ្ចូរ ផ្សិតអំបោះ ផ្សិតដង្កូវនាង ផ្សិតពពារនាគរាជនិងដាំណាំផ្សេងៗទៀតតាមខ្សែចង្វាក់រង្វង់មូលបិទជិត ឆ្ពោះទៅរកខឿនកសិកម្មនិរន្តរភាព ក្នុងនោះផ្សិតកញ្ចូរខ្មៅរីកចម្រើនខ្លាំង។
ពីមុន បងស្រី ចូវធីនឿង ធ្វើស្រែចម្ការ និងជួញដូរសម្ភារៈកសិកម្ម។ ដោយឃើញថាមានមនុស្សនៅជុំវិញខ្លួនឈឺជាច្រើន ហើយបញ្ហាអាហារកខ្វក់បានធ្វើឲ្យអ្នករាល់គ្នាព្រួយបារម្ភនោះ ដូច្នេះប្តីប្រពន្ឋបងស្រីនឿង បានដុះនូវគំនិតផលិតចេញអាហារមានសុវត្ថិភាព មានជីវជាតិល្អសម្រាប់សុខភាព ជាពិសេសគឺផ្សិតកញ្ចូរខ្មៅ ដើម្បីបម្រើតម្រូវការអាហារជ្រះ ឆ្ងាញ់និង មានតម្លៃអាហារូបត្ថម្ភខ្ពស់ ជាដំបូងគឺប្រើប្រាស់សម្រាប់គ្រួសារ និងផ្សព្វផ្សាយទៅដល់មនុស្សជាច្រើនបានដឹង។
បងស្រី នឿង បានចាប់ផ្តើមសិក្សា ស្រាវជ្រាវ រិះរកលើសៀវភៅ កាសែត ទូរទស្សន៍ បណ្តាញសង្គម និងគ្រូបង្រៀននៅតាមវិទ្យាស្ថាន និងសកលវិទ្យាល័យនានា ដើម្បីស្វែងយល់ពីលក្ខណៈលូតលាស់របស់ផ្សិតកញ្ចូរខ្មៅ ហើយបានសម្រេចចិត្តវិនិយោគលើខ្សែចង្វាក់ផលិតកម្ម។ បណ្តាផលិតផលផ្សិតដែលធានាគុណភាព និងជីវជាតិបានចាប់កំណើតពីទីនោះ។
បន្ទាប់ពីប្រមូលផលផ្សិតរួច អនុផល និងកាកសំណល់របស់អំប្រ៊ីយ៉ុងផ្សិត ត្រូវបានគេប្រើជាអាហារសម្រាប់សត្វជន្លេន បង្កើតជាជីសរីរាង្គដ៏ល្អនិងមានប្រយោជន៍ ហើយបន្តធ្វើជីស្រូវ និងដំណាំពោត។ បន្ទាប់មក បងស្រីបានប្រើដើមរបស់វា ដើម្បីបន្តបង្កើតអំប្រ៊ីយ៉ុងផ្សិត បង្កើតជារង្វង់មូលបិទជិត គ្មានកាកសំណល់ គ្មានការបំពុលបរិស្ថាន តែទទួលបានផលិតផលផ្សិតជ្រះនិងមានជីវជាតិខ្ពស់សម្រាប់បម្រើអ្នកប្រើប្រាស់។
ឆ្ពោះទៅរកកំណើនបៃតង
ទម្រង់របស់បងស្រី ចូវធីនឿង ទទួលបានភាពជោគជ័យកាន់តែច្រើនឡើងៗពីមួយថ្ងៃទៅមួយថ្ងៃ។ក្នុងឆ្នាំ ២០២៣ បងស្រីបានចូលរួម និងទទួលបានពានរង្វាន់ “ធុរកិច្ចល្អបំផុតក្នុងក្រុមទាំង ១០” កម្មវិធីប្រកួតប្រជែងគំនិតផ្តួចផ្តើមច្នៃប្រឌិត ESG របស់វៀតណាម។ ការប្រកួតប្រជែងរួមចំណែកក្នុងការអនុវត្តយុទ្ធសាស្ត្រកំណើនបៃតងរបស់វៀតណាមក្នុងដំណាក់កាលឆាំ្ន ២០២១-២០៣០។
ផលិតកម្មរង្វង់មូលក្នុងទិសដៅESG គឺជាផលិតកម្មជ្រះ ឆ្លៀតប្រើប្រាស់ពីអនុផលកសិកម្ម ដើម្បីបង្កើតផលិតផលជ្រះស្អាតតាមខ្សែចង្វាក់តម្លៃអាហារូបត្ថម្ភខ្ពស់។ បងស្រី ចូវ ធីនឿង បានមានប្រសាសន៍ថា ផ្សិតកញ្ចូរបានដាំដុះតាមដំណើរការបិទជិត ដោយមិនប្រើជី ឬថ្នាំសម្លាប់សត្វល្អិត ដូច្នេះផ្សិតមិនមានក្លិនស្អុយទេ តែមានក្លិនក្រអូបឆ្ងាញ់ជាមួយនឹងរសជាតិផ្អែមយ៉ាងទាក់ទាញ។ជាពិសេស ផ្សិតកញ្ចូរជាប្រភេទផ្សិតផ្អែម អាចជំនួសឲ្យម៉្សៅស៊ុបក្នុងការច្នៃអាហារប្រចាំថ្ងៃ។ ប្រើសម្រាប់ច្នៃបបរ ស៊ុប បំពង់ម៉្សៅ ខគោក ឆានិងដុត។
បច្ចុប្បន្នផ្សិតបានដាំនៅស្រុកទ្រីតូន និងទីរួមខេត្ត ទិញបៀន។ បន្តាផលិតផលបានចែកចាយនៅផ្សារទំនើប ភោជនីយដ្ឋាននៅក្នុងខេត្ត និងទីផ្សារលក់ដុំនៅទីក្រុងហូជីមិញ។ក្នុងមួយថ្ងៃៗ សហករណ៍កសិកម្មតាដាញ់ ផ្គត់ផ្គង់សម្រាប់ទីផ្សារនូវផ្សិតកញ្ចូរជាមធ្យមពី ៥០ទៅ ៦០ គីឡូក្រាម ដូច្នេះក្នុងមួយឆ្នាំផ្គត់ផ្គង់ផលិតផលផ្សិតជិត ២០តោន តម្លៃលក់ផ្សិតស្រស់ពី ២០០ពាន់ដុងទៅ២៥០ពាន់ដុង/គីឡូក្រាម បង្កើតប្រាក់ចំណូលខ្ពស់បង្កួរ ដោះស្រាយការងារឲ្យពលករទំនេនៅជនបទ។
អស់រយៈពេលជិត ៤ ឆ្នាំផ្សព្វផ្សាយទម្រង់ គឺជៀសមិនផុតពីការបរាជ័យ និងទាញយកបានបទពិសោធន៍ជាច្រើន បងស្រី ចូវធីនឿង បានចែករំលែកថា៖ “ការដាំផ្សិតកញ្ចូរគឺមិនពិបាកពេកទេ ប៉ុន្តែបើធ្វេសប្រហែសតែបន្តិចបន្តួចនឹងខូចអំប្រ៊ីយ៉ុងផ្សិតទាំងមូល។ ដូច្នេះអំប្រ៊ីយ៉ុងផ្សិតត្រូវរក្សាទុក និងថែទាំយ៉ាងប្រុងប្រយ័ត្ន ពេលដឹកជញ្ជូនត្រូវរក្សាទុកនៅសីតុណ្ហភាពត្រជាក់ (ពី ២៤ ទៅ ២៦អង្សារសេ)ប្រសិនបើបណ្តុះមិនត្រឹមត្រូវតាមដំណើរការ ដូចជាសីតុណ្ហភាពខ្ពស់ ផ្សិតនឹងខូចទាំងស្រុង។
ក្រៅពីនោះ អំប្រ៊ីយ៉ុងផ្សិតបើដំណើរការបានទាន់ពេលវេលាវានឹងមិនឆ្លងមេរោគផ្សិតបៃតងឬផ្សិតខ្មៅទេ។ ការប្រមូលផលផ្សិតត្រូវធ្វើនៅពេលត្រឹមត្រូវ មិនឆាប់ពេកឬយឺតពេក ដើម្បីរក្សាបានតម្លៃអាហារូបត្ថម្ភ នាំមកនូវប្រសិទ្ធភាពសេដ្ឋកិច្ចខ្ពស់។ រយៈពេលចាប់ផ្តើមប្រមូលផលរហូតដល់បញ្ចប់អូសបន្លាយពេល ប្រហែលជា ៤ ខែផ្សិតនឹងអស់”។
បងស្រី ចូវធីនឿង ប្រធានសហករណ៍កសិកម្មតាដាញ់ បានឲ្យដឹងថា នាពេលខាងមុខ សហករណ៍នឹងពង្រីកទ្រង់ទ្រាយរោងដាំផ្សិត បង្កើនបរិមាណផល និងវិនិយោគលើគ្រឿងចក្រ ឧបករណ៍ទំនើបសម្រាប់សម្ងួត និងបង្កកសម្រាប់នាំចេញទៅទីផ្សារក្រៅប្រទេស៕
ប្រែ៖ ណារីពៅ
