លេខាបក្ខភាគខេត្តអានយ៉ាង ធ្វើអធិបតីភាពក្នុងការត្រួតពិនិត្យឡើងវិញការត្រៀមរៀបចំរៀបចំសកម្មភាពរម្លឹកខួបលើកទី ១៩៥ឆាំ្នថ្ងៃមរណភាពរបស់ព្រះនាមថ្វយង៉ុកហូវ(១៨២៩-២០២៤)

ថ្ងៃបង្ហោះ 03/07/2024 |

នារសៀលថ្ងៃទី៣ ខែកក្កដា លោក ឡេហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង បានធ្វើអធិបតីភាពក្នុងពេលជួបធ្វើការជាមួយប្រចាំការ គណៈកម្មាធិការប្រជាជនខេត្ត ប្រចាំការបក្ខភាគទីក្រុង ចូវដុក និងមន្ទីរ ផ្នែកពាក់ព័ន្ឋមួយចំនួនដើម្បីស្តាប់របាយការណ៍ ការត្រួតពិនិត្យឡើងវិញការងារត្រៀមបម្រុងរៀបចំសកម្មភាពរម្លឹកខួបលើកទី ១៩៥ឆាំ្ន ថ្ងៃមរណភាពព្រះនាម ថ្វយ ង៉ុកហូវ (១៨២៩ - ២០២៤)។

ទិដ្ឋភាពកិច្ចប្រជុំ

លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង បានរាយការណ៍សង្ខេបការងារត្រៀមបម្រុងរៀបចំសកម្មភាពគោរពវិញ្ញាណក្ខន្ឋ

នៅក្នុងកិច្ចជួបធ្វើការ លោក ឡេ វ៉ាន់ភឿក អនុប្រធានគណៈកម្មាធិការប្រជាជនខេត្តអានយ៉ាង បានរាយការណ៍ដោយសង្ខេបអំពីការត្រៀមបម្រុងរៀបចំសកម្មភាពរម្លឹកខួបលើកទី ១៩៥ឆាំ្ន ថ្ងៃមរណភាពរបស់ព្រះនាម ថ្វយង៉ុកហូវ (១៨២៩ - ២០២៤)។ តាមរយៈនោះ បណ្តាសកម្មភាពគោរពវិញ្ញាណក្ខន្ធនឹងបានប្រារពឡើងចាប់ពីថ្ងៃទី៦ ដល់ថ្ងៃទី១១ ខែកក្កដា (ត្រូវនឹងថ្ងៃទី១ ដល់ថ្ងៃទី៦ ខែ ៦ ចន្ទគតិ)។ក្នុងនោះ ពិធីបុណ្យត្រូវបានប្រារព្ធឡើងតាមទំនៀមទំលាប់ប្រចាំឆ្នាំ រួមមាន៖ ពិធីឧទ្ទិសកុសលជូនបុព្វការីជន (នៅវេលាម៉ោង ៤រសៀល ថ្ងៃទី ១០ ខែកក្កដា នៅប្រាំងថ្វយង៉ុកហូវ)។ ពិធីគោរពបូជា (ម៉ោង ៤ ថ្ងៃទី ១១ ខែកក្កដា នៅប្រាំងថ្វយង៉ុកហូវ)។ ជាពិសេស ពិធីរម្លឹកខួបលើកទី ១៩៥ឆាំ្នថ្ងៃមរណភាព របស់ព្រះនាម ថ្វយ ង៉ុកហូវ (១៨២៩ - ២០២៤) ត្រូវបានសន្និដ្ឋានថានឹងចាប់ផ្តើមពីម៉ោង ៩ ដល់ ម៉ោង១០និង៤០ នាទីព្រឹក ថ្ងៃព្រហស្បតិ៍ ទី១១ ខែកក្កដា (ត្រូវនឹងថ្ងៃ ៦ ខែ ៦ ចន្ទគតិ)។

វគ្គពិធីបុណ្យមានខ្លឹមសារចំនួន៥ រួមមាន៖ ពិធីបុណ្យសម្រស់វៀត២ (ចាប់ពីថ្ងៃទី៦ ដល់ថ្ងៃទី៧ ខែកក្កដា)។សម្តែងតន្ត្រីប្រជាប្រិយភាគខាងត្បូង និងចំរៀងកាយលឿង(សន្និដ្ឋានថាចាប់ពីម៉ោង ៧ ដល់ម៉ោងម៉ោង ៩ យប់ថ្ងៃទី ៦ ខែកក្កដា)។ ល្បែងប្រជាប្រិយ (សន្និដ្ឋានចាប់ពីម៉ោង ៨និង៣០នាទី ដលម៉ោង ១១និង៣០ ព្រឹកថ្ងៃទី ១០ ខែកក្កដា)។ កម្មវិធីសិល្បះ (សន្និដ្ឋានពីម៉ោង ៧ ដល់ម៉ោង ៩យប់ ថ្ងៃទី ១០ខែកក្កដា)។ ការប្រកួត Pickleball (សន្និដ្ឋានថាចាប់ពីថ្ងៃទី ៩ ដល់ថ្ងៃទី ១០ ខែកក្កដា)។

លោក ឡាំ ក្វាងធី លេខាបក្ខភាគទីក្រុង ចូវដុក រាយការណ៍បញ្ជាក់ច្បាស់បន្ថែមទៀតអំពីការងារត្រៀមរៀបចំរបស់មូលដ្ឋាន

ទន្ទឹមនិងនោះ ថ្នាក់ដឹកនាំមន្ទីរផ្នែកខេត្ត ប្រចាំការបក្ខភាគក្រុង គណៈកម្មាធិការប្រជាជនទីក្រុងចូវដុករាយការណ៍បញ្ជាក់ច្បាស់បន្ថែមទៀតអំពីការងារសហការត្រៀមបម្រុងរៀបចំពិធីរម្លឹកវិញ្ញាណក្ខន្ធ។ រហូតមកដល់ចំណុចនេះ ការងាររៀបចំសកម្មភាពដូចជា៖ ការងារឃោសនា ការផ្សព្វផ្សាយដោយរូបភាពការផ្សព្វផ្សាយកម្មវិធី សេណារិយ៉ូពិធីរំលឹកវិញ្ញាណក្ខន្ធ។ ការងារធានាសន្តិសុខសណ្តាប់ធ្នាប់ សុវត្ថិភាពចរាចរណ៍ សុវត្ថិភាពអនាម័យចំណីអាហារ និងអនាម័យបរិស្ថាន។ការងារភស្តុភា តុបតែង និងការប្រារព្ធពិធីជាដើមបានរៀបចំយ៉ាងហ្មត់ចត់។

លោក ឡេ ហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង បញ្ចប់កិច្ចប្រជុំ

ថ្លែងមតិបញ្ចប់កិច្ចប្រជុំ លោក ឡេ ហុងក្វាង លេខាបក្ខភាគខេត្តអានយ៉ាង បានឯកភាពលើទ្រង់ទ្រាយ ពេលវេលា កម្មវិធី និងសកម្មភាពរម្លឹកខួបលើកទី ១៩៥ឆាំ្ន ថ្ងៃមរណភាពរបស់ព្រះនាម ថ្វយ ង៉ុកហូវ (១៨២៩-២០២៤)។ តាមរយៈសកម្មភាពនានា ដើម្បីប្រជាជនខេត្តអានយ៉ាង រម្លឹកដល់សគុណដ៏ធំធេងរបស់ព្រះនាម ថ្វយ ង៉ុកហូវ ក្នុងដំណើរការរុករក បើកទឹកដី និងកសាងមាតុភូមិអានយ៉ាង។អាស្រ័យហេតុនេះហើយ សមមិត្តលេខាបក្ខភាគខេត្តអានយ៉ាង ស្នើដល់មន្ទីរ ផ្នែកពាក់ព័ន្ធ និងទីក្រុងចូវដុកឲ្យជំរុញខ្លាំងការងារឃោសនាយ៉ាងទូលំទូលាយអំពីគោលបំណង និងអត្ថន័យនៃពិធីរម្លឹកវិញ្ញាណក្ខន្ធ។ទន្ទឹមនឹងនោះ ឃោសនាអំពីសារៈសំខាន់ និងយុទ្ធសាស្ត្ររបស់ព្រែកវិញទេ។ អនុវត្តល្អការងារភស្តុភា ការតុបតែង ការស្វាគមន៍ភ្ញៀវ ធានាសន្តិសុខសណ្តាប់ធ្នាប់ សុវត្ថិភាពចរាចរណ៍ សុវត្ថិភាពអនាម័យចំណីអាហារ និងអនាម័យបរិស្ថាន។ធានាថាព្រឹត្តិការណ៍ប្រព្រឹត្តទៅដោយសុវត្ថិភាព សន្សំសំចៃ ឧឡារិក និងជោគជ័យ៕

ប្រែ៖ ណារីពៅ