នារសៀលថ្ងៃទី៦ ខែកក្កដា លោក តូឡាំ សមាជិកការិយាល័យនយោបាយ និងជាប្រធានរដ្ឋនៃសាធារណរដ្ឋសង្គមនិយមវៀតណាម បានធ្វើការជាមួយកម្មាភិបាលស្នូលរបស់ខេត្តអានយ៉ាង។ លោក ឡេ ហុងក្វាង សមាជិកគណៈកម្មាធិការមជ្ឈិមបក្ស លេខាបក្ខភាគខេត្តអានយ៉ាង។លោក ឡេ វ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្តអានយ៉ាង។លោក ឡេ វ៉ាន់ភឿក សមាជិកគណៈអចិន្ត្រៃយ៍បក្ខភាគខេត្ត អនុប្រធានគណៈកម្មាធិការប្រជាជនខេត្តអានយ៉ាង បានទទួលជួប និងធ្វើការជាមួយលោកប្រធានរដ្ឋ។
លោក ឡេ ហុងក្វាង លេខាបក្ខភាគខេត្តអានយ៉ាង រាយការណ៍ក្នុងពេលជួបធ្វើការ
តាងនាមថ្នាក់ដឹកនាំខេត្តអានយ៉ាង លោក ឡេ ហុងក្វាង លេខាបក្ខភាគខេត្តអានយ៉ាង បានសម្តែងនូវសេចក្តីសោមនស្សរីករាយដែលបានស្វាគមន៍លោកប្រធានរដ្ឋ តូឡាំ មកទស្សនានិងបំពេញការងារនៅខេត្តអានយ៉ាង។
រាយការណ៍អំពីស្ថានភាពសេដ្ឋកិច្ចសង្គមកិច្ចរបស់ខេត្ត អានយ៉ាង លោក ឡេហុងក្វាង លេខាបក្ខភាគខេត្ត បានឲ្យដឹងថា នាពេលថ្មីៗនេះ ទោះបីជួបការលំបាក និងបញ្ហាប្រឈមជាច្រើនក៏ដោយ ប៉ុន្តែជាមួយនឹងការរួមកម្លាំង រួមចិត្តរបស់ប្រព័ន្ធនយោបាយទាំងមូល និងប្រជាជនគ្រប់ស្រទាប់ សេដ្ឋកិច្ចសង្គមកិច្ចរបស់ខេត្ត អានយ៉ាង បន្តការអភិវឌ្ឍន៍។នៅឆ្នាំ ២០២៣ កំណើនសេដ្ឋកិច្ចរបស់ខេត្តសម្រេចបាន ៧,៣៤% ខ្ពស់បំផុតក្នុងរយៈពេល ១១ ឆ្នាំកន្លងមក។
ក្នុងរយៈពេល ៦ ខែដើមឆ្នាំ ២០២៤ អត្រាកំណើនសម្រេចបាន ៦,៦% ខ្ពស់ជាងបើធៀបនឹងពេលនេះឆ្នាំមុន ហើយខ្ពស់ជាងមធ្យមភាគទូទាំងប្រទេស ឈរចំណាត់ថ្នាក់ទី ៥ ក្នុងចំណោមខេត្តក្រុងចំនួន ១៣ ក្នុងតំបន់វាលទំនាបទន្លេគឺវឡុង និងឈរជួរទី ២៧ ក្នុងទូទាំងប្រទេស។
ខេត្ត អានយ៉ាង ធ្វើបានល្អកិច្ចការបរទេស រក្សា និងពង្រឹងទំនាក់ទំនងមិត្តភាព និងល្អប្រសើរជាមួយមូលដ្ឋាននានានៃប្រទេសមិត្តកម្ពុជា។ វិស័យវប្បធម៌ និងរបបសន្តិសុខសង្គមបានយកចិត្តទុកដាក់អនុវត្តបានល្អ។ ស្ថានភាពសន្តិសុខការពារជាតិ សន្តិសុខនយោបាយ សណ្តាប់ធ្នាប់សុវត្ថិភាពសង្គមបានរក្សា។ ធ្លុងមហាសាមគ្គីទូទាំងប្រជាជាតិបានពង្រឹង។ ជីវភាពសម្ភារៈនិងស្មារតីនៃប្រជាជនថ្ងៃកាន់តែបានលើកកម្ពស់។
លោកប្រធានរដ្ឋ តូឡាំ ថ្លែងមតិណែនាំនៅក្នុងកិច្ចជួបធ្វើការ
លោកប្រធានរដ្ឋ តូឡាំ មានភាពរីករាយយ៉ាងខ្លាំងចំពោះលទ្ធផលដែលបក្ខភាគ អាជ្ញាធរ និងប្រជាជនខេត្តអានយ៉ាង សម្រេចបាននាពេលកន្លង។ ខេត្តបានឆ្លងផុតរាល់ការលំបាក និងបញ្ហាប្រឈមជាច្រើន ឈានឡើងគ្រប់ជ្រុងជ្រោយលើគ្រប់វិស័យ។
តាងនាមថ្នាក់ដឹកនាំបក្ស និងរដ្ឋ ប្រធានរដ្ឋ តូឡាំ បានអបអរសាទរ និងកោតសរសើរចំពោះលទ្ធផលដែលបក្ខភាគ អាជ្ញាធរ និងប្រជាជនខេត្តអានយ៉ាង សម្រេចបាន។ ទន្ទឹមនឹងនោះ លោកបានសង្កត់ធ្ងន់ថា ខេត្តអានយ៉ាង គឺជាខេត្តមួយដែលមានប្រវត្តិនៃការបង្កើត និងអភិវឌ្ឍន៍ជិត ២០០ ឆ្នាំ បានបញ្ជាក់ពីតួនាទី និងជំហររបស់ខ្លួនក្នុងដំណើរការអភិវឌ្ឍន៍របស់តំបន់វាលទំនាបទន្លេគឺវឡុង និងប្រទេសជាតិ។
លោកប្រធានរដ្ឋបានមានប្រសាសន៍ថា នេះគឺជាតំបន់ដី “ដ៏ពិសិដ្ឋនៃមនុស្សពូកែ” ហើយបានផ្តល់កំណើតដល់វីរបុរសនិងអ្នកស្នេហាជាតិ។ ស្រុកកំណើតពោពេញទៅដោយអត្តសញ្ញាណវប្បធម៌ ពហុជាតិសាសន៍ ពហុសាសនា ហើយជាទឹកដីដ៏ពិសិដ្ឋ ជាមួយនឹងកន្លែងទេសចរណ៍ខាងវិញ្ញាណដ៏ល្បីឈ្មោះ បេតិកភណ្ឌវប្បធម៌ និងពិធីបុណ្យប្រពៃណីដ៏វិសេសវិសាលជាច្រើន។ ខេត្តនេះ ក៏មានសក្ដានុពល និងលក្ខខណ្ឌជាច្រើនសម្រាប់ការអភិវឌ្ឍន៍ល្អ មានលទ្ឋភាពប្រកួតប្រជែងខ្ពស់ គឺជាជង្រុកស្រូវនៃតំបន់វាលទំនាបទន្លេគឺវឡុង និងទូទាំងប្រទេស បរិមាណផលអង្កជារៀងរាល់ឆ្នាំជាប់ចំណាត់ថ្នាក់លេខមួយក្នុងទូទាំងប្រទេស។
លោកប្រធានរដ្ឋ តូឡាំ សង្ឃឹមថា សក្ដានុពលនៃទឹកដី និងមនុស្សអានយ៉ាង នឹងបន្តត្រូវបានលើកកម្ពស់កាន់តែខ្លាំងក្លា និងមានប្រសិទ្ធភាព រួមចំណែកជាវិជ្ជមានដល់ការអភិវឌ្ឍន៍រួម់តំបន់វាលទំនាបទន្លេគឺវឡុង និងប្រទេសទាំងមូល។ បក្ខភាគ និងអាជ្ញាធរខេត្តអានយ៉ាងគ្រប់លំដាប់ថ្នាក់ បន្តបង្កើនការកសាងកែលម្អបក្ស កែលម្អកម្លាំងប្រយុទ្ធរបស់អង្គការបក្សមូលដ្ឋាន។ ពង្រីកកម្លាំងធ្លុងមហាសាមគ្គីជនជាតិ បង្កើតការឯកភាព ការតាំងចិត្ត ឯកភាពពីប្រជាជនរហូតដល់អាជ្ញាធរ នីតិរដ្ឋជាកំពូល អនុវត្តប្រជាធិបតេយ្យមូលដ្ឋាន អភិវឌ្ឍន៍សេដ្ឋកិច្ចសង្គមកិច្ចនិងអនុវត្តរបបសន្តិសុខសង្គមបានល្អ ហើយយកចិត្តទុកដាក់ថែទាំ និងលើកកម្ពស់ជីវភាពសម្ភារៈ ស្មារតីសម្រាប់ប្រជាជនជាប្រចាំ ជាពិសេសគឺប្រជាជននៅតំបន់ដាច់ស្រយាល ព្រំដែនជ្រៅ តំបន់ព្រំដែន ជនជាតិ នៅជួបការលំបាកច្រើន។
លោកប្រធានរដ្ឋ តូឡាំ ជឿជាក់ និងសង្ឃឹមថា ដោយមានបំណងប្រាថ្នាអភិវឌ្ឍន៍ និងការប្តេជ្ញាចិត្តខិតខំ បក្ខភាគ អាជ្ញាធរ និងប្រជាជនខេត្តអានយ៉ាង នឹងអនុវត្តជោគជ័យ ហើយសម្រេចលើសពីគោលដៅនៃសេចក្តីសម្រេចចិត្តមហាសន្និបាតបក្ខភាគខេត្តលើកទី ១១ដាក់ចេញ រួមចំណែកទៅក្នុងការអនុវត្តជោគជ័យនៃសេចក្តីសម្រេចចិត្តមហាសន្និបាតបក្សទូទាំងប្រទេសលើកទី១៣៕
ប្រែ៖ ណារីពៅ
