នាព្រឹកថ្ងៃទី៣ ខែកក្កដា ក្រុមការងារអន្តផ្នែករបស់រដ្ឋាភិបាល ដឹកនាំដោយ លោក ង្វៀនយីឡាំ អនុរដ្ឋមន្ត្រីក្រសួងគមនាគមន៍ដឹកជញ្ជូន បានជួបធ្វើការ ជាមួយគណៈកម្មាធិការប្រជាជនខេត្តអានយ៉ាង ដើម្បីដោះស្រាយការលំបាក និងបញ្ហាទាក់ទិននានាដែលទាក់ទងនឹងធនធានសម្ភារៈសំណង់សម្រាប់គម្រោងគមនាគមន៍ដឹកជញ្ជូនសំខាន់ៗរបស់ភាគខាងត្បូង។ លោកស្រី ង្វៀន ធី មិញធ្វី អនុប្រធានគណៈកម្មាធិការប្រជាជនខេត្តអានយ៉ាង រួមជាមួយថ្នាក់ដឹកនាំ មន្ទីរ ផ្នែកខេត្តបានទទួល ធ្វើការជាមួយគណៈប្រតិភូ។
ទិដ្ឋភាពក្នុងពេលជួបធ្វើការ
យោងតាមរបាយការណ៍ របស់គណៈកម្មាធិការ ប្រជាជនខេត្តអានយ៉ាង ស្តីពីស្ថានភាពអនុវត្តគម្រោងផ្លូវល្បឿនលឿន ចូវដុក - កឹនធឺ - សុកត្រាំង គម្រោងសមាសភាពទី ១ ចំណុចឆ្លងកាត់ទឹកដីនៃខេត្តអានយ៉ាង រហូតមកដល់បច្ចុប្បន្ន គណៈកម្មាធិការប្រជាជននៅតាមស្រុក ក្រុងក្រោមឱវ៉ាទខេត្តបានអនុម័តបែបផែនសងសំណងសម្រាប់ការរំដោះផ្ទៃរាបដែលមានទឹកប្រាក់ជាង ១.៧២៨ ពាន់លានដុងរបស់ប្រជាជន ១.៥៣០គ្រួសារ ជាមួយនឹងផ្ទៃដីប្រហែល ៣៨៨,៧ហិកតា។តាមនោះ បានចំណាយលើការសងសំណងបានជាង ១.៦៧៣ ពាន់លានដុង ជូនដល់ប្រជាជន ១.៥០២ គ្រួសារ ក្នុងខណៈនោះនៅមាន ២៨ គ្រួសារទៀតមិនទាន់ទទួលប្រាក់ និង ១ គ្រួសារបានទទួលប្រាក់ ប៉ុន្តែមិនទាន់បានប្រគល់ផ្ទៃរាប។
រហូតមកដល់នឹងបច្ចុប្បន្ននេះ អានយ៉ាងបានផ្តល់ខ្សាច់សម្រាប់គម្រោងផ្លូវល្បឿនលឿនចំនួនបីគឺ៖ ផ្នែកផ្លូវចូវដុក-កឹនធឺ-សុកត្រាំង ចំណុចឆ្លងកាត់ខេត្តអានយ៉ាង។ ផ្នែកផ្លូវកឺនធឺ-ហូវយ៉ាង-កាម៉ៅ។ផ្នែកផ្លូវ ចូវដុក-កឹនធឺ-សុកត្រាំង ចំណុចឆ្លងកាត់ទីក្រុង កឹនធឺ និងខេត្ត ហូវយ៉ាង គឺមានទំហំជាង ១៨,៦លានម៣ បរិមាណខ្សាច់ដែលនៅខ្វះជាង ៥,១ លានម៣។
នៅក្នុងកិច្ចជួបធ្វើការ គណៈកម្មាធិការប្រជាជនខេត្តអានយ៉ាង បានស្នើឲ្យផ្តោតលើការប្រើប្រាស់ខ្សាច់ទាំងអស់ចំនួន ២.៤៣៤ លានម៣ ពីតំបន់រ៉ែនៅទន្លេ ទៀន (ឃុំ ប៊ិញភឿកស្វឺន ស្រុក ចើម៉ើយ) ដើម្បីបំបែទៅផ្គត់ផ្គង់ឲ្យគម្រោង កឹនធឺ - កាម៉ៅ។ ក្រៅពីនេះ គណៈកម្មាធិការប្រជាជនខេត្ត ក៏បានស្នើឲ្យក្រសួងគមនាគមន៍ដឹកជញ្ជូន ក្រសួងធនធានធម្មជាតិនិងបរិស្ថានឲ្យសម្របសម្រួលប្រភពខ្សាច់ពីខេត្តផ្សេងទៀត ដែលមានខ្សាច់បម្រុងច្រើន ឬពិចារណាប្រើប្រាស់ប្រភពខ្សាច់សមុទ្រជំនួស ចំពោះប្រភពខ្សាច់ដែលបានប្រគល់ឲ្យខេត្តអានយ៉ាងបែងចែក និងរៀបចំនៅមានខ្វះខាតរបស់គម្រោងផ្លូវល្បឿនលឿន កឹនធឺ-ហូវយ៉ាង ហូវយ៉ាង-កាម៉ៅ (ខ្សាច់ ១៩៤.២៦៥ម៣) និងគម្រោងផ្លូវល្បឿនលឿន ចូវដុក-កឹនធឺ-សុកត្រាំង ចំណុចឆ្លងកាត់ទីក្រុង កឹនធឺនិងខេត្តហូវយ៉ាង។
លោក ង្វៀន យ្វីឡាំ អនុរដ្ឋមន្ត្រីក្រសួងគមនាគមន៍ដឹកជញ្ជូន ថ្លែងមតិក្នុងកិច្ចធ្វើការ
ថ្លែងមតិក្នុងកិច្ចជួបធ្វើការ លោក ង្វៀន យ្វីឡាំអនុរដ្ឋមន្ត្រីក្រសួងគមនាគមន៍ដឹកជញ្ជូន បានស្នើឲ្យខេត្តអានយ៉ាង បន្តអនុវត្តតាម ការណែនាំរបស់លោកនាយករដ្ឋមន្ត្រីរដ្ឋាភិបាល និងត្រួតពិនិត្យមើលឡើងវិញដើម្បីរៀបចំ បែងចែកប្រភពខ្សាច់ សម្រាប់គម្រោងល្បឿនលឿន។ ចំពោះអនុសាសន៍ និងសំណើរបស់ខេត្ត ក្រុមការងារអន្តរផ្នែកបានកត់ត្រាទទួលស្គាល់ដើម្បីរាយការណ៍កែសម្រួលសមស្រប ដើម្បីធានាប្រភពវត្ថុធាតុដើមផ្គត់ផ្គង់សម្រាប់គម្រោង។
លោក ង្វៀន យ្វីឡាំ អនុរដ្ឋមន្ត្រីក្រសួងគមនាគមន៍ដឹកជញ្ជូន បានកត់សម្គាល់ថា ការដែលធ្វើសកម្មភាពរ៉ែខ្សាច់ដើម្បីផ្គត់ផ្គង់វត្ថុធាតុដើម សម្រាប់គម្រោងត្រូវធានាថាត្រឹមត្រូវទៅនឹងបទបញ្ញតិនៃច្បាប់ និងច្បាមជាប់ការណែនាំរបស់ក្រសួងធនធានធម្មជាតិ និងបរិស្ថាន និងធានាថាអនុវត្តបានឆាប់កាន់តែល្អ៕
ប្រែ៖ណារីពៅ