នាថ្ងៃទី ៣១ ខែមីនា គណៈកម្មាធិការប្រជាជនស្រុក ទ្រីតូន សហការជាមួយមជ្ឈមណ្ឌលសេវាកម្មការងារ អានយ៉ាង រៀបចំទិវាប្រឹក្សាអាជីព រៀនវិជ្ជាជីវៈ និងការងារឆ្នាំ ២០២៤។
អញ្ជើញចូលរួមក្នុងពិធីបុណ្យនេះ មានលោក ផាមសឺន អនុប្រធានមន្ទីរពលកម្ម យុទ្ធជនពិការ និងសង្គមកិច្ចខេត្ត អានយ៉ាង និងកម្មករជិត ១.០០០ នាក់មកពី ១៥ឃុំ ទីរួមស្រុក និងសិស្សានុសិស្សថ្នាក់ទី ១២ មកពីវិទ្យាល័យក្នុងស្រុក។
ប្រឹក្សាណែនាំការងារ និងរៀនវិជ្ជាជីវៈដល់ពលករ
នេះជាសកម្មភាពស្ថិតក្រោមអនុគម្រោងទី២ អនុគម្រោងទី៣ នៃគម្រោងទី៤ ស្តីពីការអភិវឌ្ឍន៍អប់រំវិជ្ជាជីវៈ និងការងារដោយនិរន្តរភាព ក្រោមកម្មវិធីគោលដៅជាតិកាត់បន្ថយភាពក្រីក្រដោយចីរភាព។
ពលករទាំងឡាយដែលតំណាងក្រុមហ៊ុន និងធុរកិច្ចចំនួន ១៩ ស្ថិតក្នុងវិស័យទូរគមនាគមន៍ អភិវឌ្ឍន៍ធនធានមនុស្ស ហិរញ្ញវត្ថុ ការនាំចូល-នាំចេញ ការនាំចេញកម្លាំងពលកម្ម ការធានារ៉ាប់រងអាយុជីវិត ការវិនិយោគលើវិស័យអប់រំ ការសិក្សានៅបរទេស អនុមហាវិទ្យាល័យវិជ្ជាជីវៈអានយ៉ាង រួមជាមួយនិងមជ្ឈមណ្ឌលអប់រំវិជ្ជាជីវៈផ្តល់ព័ត៌មានអំពីមុខរបរបណ្តុះបណ្តាល និងការងារគួរឲ្យទាក់ទាញ នាពេលបច្ចុប្បន្ន មុខរបរដែលមានប្រាក់ចំណូលខ្ពស់ សមស្របនឹងលក្ខខណ្ឌរបស់ពលករ។គោលនយោបាយ និងព័ត៌មានស្តីពីតម្រូវការជ្រើសរើសបុគ្គលិករបស់ក្រុមហ៊ុន និងអាជីវកម្ម។ ប្រឹក្សាយោបល់លើ ដំណើរការនាំចេញពលករ ទៅប្រទេសជប៉ុន តៃវ៉ាន់ កូរ៉េជាដើម លក្ខខណ្ឌ ពេលវេលា ការចំណាយ ប្រាក់បៀវត្សរ៍ ការទទួលបានអត្ថប្រយោជន៍សមស្របតាមរបបនូវពេលចូលរួមក្នុងកម្មវិធីនាំចេញពលករនិងឆ្លើយសំណួរមួយចំនួនពីពលករ។ ការពារហានិភ័យដែលមិនគួរកើតមាន សម្រាប់ពលករនៅពេលចូលរួមការងារនៅបរទេស។ ស្តាប់យុវជនដែលទើបបញ្ចប់ការនាំចេញកម្លាំងពលកម្មទៅកាន់ទីផ្សារជប៉ុន ចែករំលែកបទពិសោធន៍ការងារនៅក្រៅប្រទេស។
លោក ត្រឹនមិញយ៉ាង អនុប្រធានគណៈកម្មាធិការប្រជាជនស្រុក ទ្រីតូន បានឲ្យដឹងថា ថ្ងៃបុណ្យមិនត្រឹមតែផ្តល់ព័ត៌មានអំពីទីផ្សារការងារក្នុង និងក្រៅខេត្ត ទីផ្សារការងារនាំចេញប៉ុណ្ណោះទេ ថែមទាំង បង្កើតលក្ខខណ្ឌជួយដល់យុវជន និងពលករមកដល់អាជីព ការងារ និងជួយ ពលករស្វែងរកអាស័យដ្ឋានការងារដែលអាចទុកចិត្តបាន ជួយឲ្យសិស្សនៅឆ្នាំចុងកម្រិតវិទ្យាល័យតម្រង់ទិសអាជីពបន្ទាប់ពីបញ្ចប់ការសិក្សា។ ធុរកិច្ច និងមូលដ្ឋានបណ្តុះបណ្តាលបានមានលក្ខខណ្ឌបន្ថែមដើម្បីផ្សព្វផ្សាយ ណែនាំបរិយាកាសសិក្សា ការងារ និងព័ត៌មានពាក់ព័ន្ធ ដើម្បីទាក់ទាញ និងស្វែងរកធនធានមនុស្សសមស្របតាមតម្រូវការ៕
ប្រែ៖ ណារីពៅ