នាពេលថ្មីៗនេះ ចលនាយុវជនផ្តើមអាជីពបានរីករាលដាលយ៉ាងទូលំទូលាយ តាមរយៈនោះជួយឲ្យយុវជននៅតាមជនបទអនុវត្តគំនិតយល់ដឹងពីការផ្តើមអាជីពទៅក្នុងភាពជាក់ស្តែង អនុវត្តបច្ចេកវិជ្ជាខ្ពស់ទៅក្នុងការផលិត រួមចំណែកបង្កើនប្រាក់ចំណូល ធ្វើឲ្យជីវិតកាន់តែប្រសើរឡើង។
នៅស្រុក ភូតឹន មានយុវជនជាច្រើនបានចាប់ផ្តើមអាជីពដោយទម្រង់ល្អៗជាច្រើន ជំហានដំបូងទទួលបានលទ្ធផលគួរឲ្យកត់សម្គាល់ក្នុងនោះមានលោកស្រី ង្វៀន ហ្វាងង៉ុកអៀន នៅឃុំ ភូហ៊ឹង ផងដែរ។
បងស្រី ង្វៀន ហ្វាង ង៉ុកអៀន ទទួលបានជ័យលាភីលេខ ១ ក្នុងកម្មវិធីប្រកួតប្រជែងគំនិតច្នៃប្រឌិតផ្តើមអាជីពខេត្ត អានយ៉ាង លើកទី ៧ ឆ្នាំ ២០២៣ ជាមួយគម្រោង នំក្រៀបផ្សិតចំបើង” (រូបភាព - គេហទំព័រអេឡិចទ្រូនិចខេត្ត)
នំក្រៀបផ្សិតចំបើងរបស់បងស្រី ង្វៀនហ្វាងង៉ុកអៀន នៅឃុំ ភូហ៊ឹង បានទាក់ទាញចំណាប់អារម្មណ៍អ្នកប្រើប្រាស់ជាច្រើន។នេះគឺជាផលិតផល ទទួលបានពានរង្វាន់លេខ ១ ក្នុងការប្រឡងគំនិតច្នៃប្រឌិតផ្តើមអាជីពរបស់ខេត្ត អានយ៉ាង លើកទី ៧ ឆាំ្ន ២០២៣។ ផលិតផលនេះថ្មីប្លែកចាប់តាំងពីឈ្មោះហៅ និងមានភាពច្នៃប្រឌិតក្នុងពេលជ្រើសរើសវត្ថុធាតុដើមដើម្បីបង្កើតចេញផលិតផលថ្មី។
បងស្រី ង្វៀនហ្វាងង៉ុកអៀន ឃុំ ភូហ៊ឹង ស្រុក ភូតឹន បានឲ្យដឹងថា, “ទោះបីជាផ្សិតចំបើងត្រូវបានប្រជាជននៅទីនេះប្រើប្រាស់ច្រើនក៏ដោយ ក៏មានពេលខ្លះ ការ ផ្គត់ផ្គង់លើសពីតម្រូវការ។ ផ្សិតចំបើងបន្ទាប់ពីប្រមូលផលក្នុងបរិមាណច្រើន គឺមានការកកស្ទះច្រើន តម្លៃលក់តែងតែត្រូវឈ្មួញគៀបសង្កត់ បងប្អូនដាំផ្សិតលក់ថោក ដូច្នេះបានជាខ្ញុំមានគំនិតប្តូរទៅសម្ងួតស្ងួត ប៉ុន្តែពេលចាប់ផ្តើមធ្វើ ឃើញថាថ្លៃចំណាយខ្ពស់ណាស់។ ចាប់ពីនោះ ខ្ញុំមានគំនិតចង់ប្តូរទៅ ធ្វើនំក្រៀបផ្សិតចំបើង អ្វីដែលពិសេសរបស់នំប្រភេទនេះគឺអ្នកហូបបួសក៏អាចហូបបានដែរ”។
ក្នុងដំណើរទៅសិក្សា និងទស្សនាទម្រង់ផលិតកម្មនៅខេត្តមិត្ត អៀន បានដឹងថា នៅលើទីផ្សារមាននំក្រៀបត្រី នំក្រៀបមឹក នំក្រៀបបង្គា និងនំក្រៀបដំឡូងជាដើម ប៉ុន្តែមិនទាន់មានផលិតផលណាផលិតពីផ្សិតចំបើងនៅឡើយ។បងស្រី ង្វៀន ហ្វាងង៉ុកអៀន នៅឃុំភូហ៊ឹង ស្រុកភូតឹន បានឲ្យដឹងបន្ថែមថា “អ្វីដែលពិសេសចំពោះនំក្រៀបផ្សិតចំបើងរបស់មូលដ្ឋានខ្ញុំ គឺខុសពីនំក្រៀបផ្សេងៗត្រង់ថា នៅពេលដែលបំពង ឃើញវារីកឆ្អិនល្មមហើយគឺត្រូវស្រង់ចេញភ្លាម បើមិនដូច្នោះទេ វានឹងលឿងខ្លាំង ហូបមិនឆ្ងាញ់និងបាត់អស់ក្លិនផ្សិតចំបើង”។
គំនិតរបស់បងស្រី អៀន បានក្រុមប្រឹក្សាវាយតម្លៃថាជាគំនិតច្នៃប្រឌិត និងថ្មីទាំងស្រុងដែលមិនធ្លាប់មាននៅលើទីផ្សារ។ គម្រោងនំក្រៀបផ្សិតចំបើងរបស់ក្មេងស្រី ស្រុកកោះ ភូតឹន បានឈ្នះរង្វាន់លេខ ០១ ក្នុងកម្មវិធីប្រកួតប្រជែង “គំនិតច្នៃប្រឌិតផ្តើមអាជីពលើកទី ៧ ឆាំ្ន ២០២៣" ដែលបានប្រព្រឹត្តិទៅនៅថ្ងៃទី ២០ ខែវិច្ឆិកា ឆ្នាំ ២០២៣ ទើបកន្លង។ បច្ចុប្បន្ននេះ ផលិតផល នំក្រៀបផ្សិតចំបើង កំពុងបានប្រធានកម្មជំរុញការចុះបញ្ជីផ្តាច់មុខសម្រាប់ផលិតផល និងផលិតសម្រាប់លក់យ៉ាងទូលំទូលាយនៅលើទីផ្សារ៕
ប្រែ៖ ណារីពៅ
