ដើម្បីបង្កើនការសហការរវាងស្ថាប័នគ្រប់គ្រងរដ្ឋ និងធុរកិច្ច អង្គការសង្គមនានា ចូលរួមសកម្មភាពការពារសិទ្ធិប្រយោជន៍អ្នកប្រើប្រាស់ រួមចំណែកកសាងបរិយាកាសអាជីវកម្ម និងប្រើប្រាស់ប្រកបដោយសុខភាពល្អ នៅថ្ងៃទី ១៧ មេសា មន្ទីរឧស្សាហពាណិជ្ជកម្មខេត្តអានយ៉ាង បានសហការជាមួយនឹងគណៈកម្មាធិការប្រជាជនទីក្រុងឡុងស្វៀន។ ធនាគាររដ្ឋវៀតណាមសាខាខេត្ត អានយ៉ាង និងសមាគមការពារសិទ្ធិប្រយោជន៍អ្នកប្រើប្រាស់ខេត្ត អានយ៉ាង រៀបចំវគ្គហ្វឹកហាត់ “លើកកម្ពស់ចំណេះដឹងការពារសិទ្ធិប្រយោជន៍អ្នកប្រើប្រាស់ក្នុងការប្រើប្រាស់សេវាហិរញ្ញវត្ថុនិងធនាគារ”។
ប្រតិភូបានចូលរួមវគ្គហ្វឹកហាត់
លោកស្រី វ៉ធីលៀន ប្រធានសមាគមការពារសិទ្ធិប្រយោជន៍អ្នកប្រើប្រាស់ខេត្ត អានយ៉ាង ផ្សព្វផ្សាយមាតិកាវគ្គហ្វឹកហាត់
ចូលរួមក្នុងវគ្គហ្វឹកហាត់នេះ មានប្រតិភូជាង១០០នាក់ តំណាងឲ្យមន្ទីរ និងផ្នែកថ្នាក់ខេត្ត។ ការិយាល័យជំនាញថ្នាក់ស្រុក ទីរួមខេត្ត និងទីក្រុង និងបណ្តាធុរកិច្ច សហករណ៍ បណ្តាមូលដ្ឋានផលិតកម្ម អាជីវកម្មនៅលើភូមិសាស្ត្រខេត្ត។ នៅទីនេះ លោកស្រី វ៉ធីលៀន ប្រធានសមាគមការពារសិទ្ធិប្រយោជន៍អ្នកប្រើប្រាស់ខេត្ត អានយ៉ាង បានផ្សព្វផ្សាយលិខិតបទដ្ឋានគតិយុត្តពាក់ព័ន្ធដល់ច្បាប់ការពារសិទ្ធិប្រយោជន៍អ្នកប្រើប្រាស់ គោលការណ៍ការពារអ្នកប្រើប្រាស់ សិទ្ធិ និងកាតព្វកិច្ចរបស់អ្នកប្រើប្រាស់។ទន្ទឹមនឹងនោះ តំណាងធនាគាររដ្ឋវៀតណាមសាខាខេត្តអានយ៉ាង បានផ្សព្វផ្សាយនូវចំណេះដឹង និងជំនាញមួយចំនួនក្នុងការប្រើប្រាស់សេវាកម្មហិរញ្ញវត្ថុរបស់ធនាគារ ដើម្បីបង្ការទប់ស្កាត់ហានិភ័យត្រូវបាត់បង់ប្រាក់នៅក្នុងគណនីធនាគារ ក៏ដូចជា ជៀសវាងការមានបំណុលអាក្រក់ ត្រូវបង់ការប្រាក់ និងបង់ថ្លៃពិន័យនៅពេលសងបំណុលមិនទាន់ពេលវេលា។ ក្រៅពីនេះ ប្រតិភូដែលចូលរួមវគ្គហ្វឹកហាត់បានពិភាក្សាលើខ្លឹមសារពាក់ព័ន្ធមួយចំនួនទៀត។
តាមរយៈវគ្គហ្វឹកហាត់ គឺដើម្បីផ្សព្វផ្សាយ និងបង្កើនចំណេះដឹង និងជំនាញសម្រាប់កម្មាភិបាល រដ្ឋការ បុគ្គលិកនិយោជិត និងអ្នកប្រើប្រាស់នៅលើភូមិសាស្ត្រខេត្ត ក្នុងការប្រើប្រាស់សេវាកម្មធនាគារនិយាយរួម និងសេវាកម្មកាតឥណទាននិយាយដោយឡែក។ តាមរយៈនេះ ពង្រឹងទំនុកចិត្តរបស់អ្នកប្រើប្រាស់ក្នុងទម្រង់សេវាកម្មហិរញ្ញវត្ថុរបស់ធនាគារ រួមចំណែកអភិវឌ្ឍន៍ល្អនិង និរន្តរភាពទីផ្សារហិរញ្ញវត្ថុនៃខេត្តអានយ៉ាង៕
ប្រែ៖ ណារីពៅ
