នាព្រឹកថ្ងៃទី ១៧ មេសា គណៈអចិន្ត្រៃយ៍បក្ខភាគខេត្ត អានយ៉ាង បានរៀបចំសន្និបាតបូកសរុបអនុវត្តសេចក្តីសម្រេចចិត្តលេខ ០២-NQ/TU ចុះថ្ងៃទី ២០ ខែមេសា ឆ្នាំ ២០២០ ស្តីពីការកសាងនិងអភិវឌ្ឍន៍ទីក្រុង ឡុងស្វៀន ដល់ឆ្នាំ ២០២៥ និងតម្រង់ទិសដល់ឆ្នាំ ២០៣០។
ប្រតិភូចូលរួមសន្និបាត
លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត អានយ៉ាង។ បណ្តាសមមិត្ត សមាជិកគណៈអចិន្ត្រៃយ៍បក្ខភាគខេត្ត។ ប្រចាំការក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាម គណៈប្រតិភូរដ្ឋសភាខេត្ត។ ថ្នាក់ដឹកនាំស្ថាប័ននានាដែលធ្វើសេនាធិការ ជួយការងារបក្ខភាគខេត្ត អង្គការនយោបាយសង្គម មន្ទីរ និងផ្នែកខេត្ត។ ប្រចាំការបក្ខភាគទីក្រុងឡុងស្វៀន បក្ខភាគស្រុកចើម៉ើយ ចូវថាញ់និងថ្វយសឺន ក៏បានចូលរួមផងដែរ។
យោងតាមសេចក្តីសម្រេចចិត្តលេខ ០២-NQ/TU គណៈអចិន្ត្រៃយ៍បក្ខភាគខេត្តតែងតែយកចិត្តទុកដាក់ និងគាំទ្រ ទីក្រុងឡុងស្វៀន លើខ្លឹមសារចំនួន ៦៖ ផ្តោតលើដំណោះស្រាយធ្វើឲ្យច្បាស់និងធ្វើអាជីវកម្មធនធានប្រកបដោយប្រសិទ្ធភាព ជាពិសេសគឺធនធានដីធ្លី និងទីតាំងកណ្តាលខេត្ត។ លើកកម្ពស់គុណភាពអប់រំ និងបណ្តុះបណ្តាល ធ្វើល្អការងារបណ្តុះបណ្តាល បំប៉ន់ និងទាក់ទាញអ្នកទេពកោសល្យ ធនធានមនុស្សគុណភាពខ្ពស់។ ជំរុញខ្លាំងការអភិវឌ្ឍន៍វិស័យវប្បធម៌-សង្គម និងធានា របបសន្តិសុខសង្គម បង្កើនការងារការពារសន្តិសុខជាតិ។កសាងខឿនរដ្ឋបាលជំនាញ ថាមវន្ត ប្រសិទ្ធភាព និងដើម្បីប្រជាជន បង្កើតបរិយាកាសវិនិយោគ ធ្វើអាជីវកម្មអំណោយផល ស្អាតស្អំ ញ៉ាំងឲ្យទីក្រុងឡុងស្វៀន ក្លាយទៅជាមជ្ឈមណ្ឌលចាប់ផ្តើមអាជីពរបស់ខេត្ត។ លើកកម្ពស់សមត្ថភាពដឹកនាំ និងកម្លាំងប្រយុទ្ធរបស់បក្ខភាគ និងកសាងប្រព័ន្ធនយោបាយរឹងមាំ។
អាស្រ័យហេតុនេះហើយ បានជាង សេដ្ឋកិច្ចរបស់ទីក្រុងមានកំណើនលឿន និងនិរន្តរភាព ហើយរចនាសម្ព័ន្ធសេដ្ឋកិច្ចបានផ្លាស់ប្តូរក្នុងទិសដៅត្រឹមត្រូវ។ ទីក្រុង ឡុងស្វៀន បច្ចុប្បន្នគឺជាទីក្រុងដែលមានសមាមាត្រពាណិជ្ជកម្ម និងសេវាកម្មខ្ពស់បំផុតនៅក្នុងប្រព័ន្ធទីក្រុងខេត្តចំនួន ១២ នៅក្នុងតំបន់ដែលមានជាង ៨០%។ រចនាសម្ព័ន្ធកសិកម្មកំពុងផ្លាស់ប្តូរយ៉ាងឆាប់រហ័សតាមទិសអនុវត្តបច្ចេកវិជ្ជាសម្រេចបានតម្លៃខ្ពស់។ ក្រៅពីនេះ បក្ខភាគខេត្ត បានផ្តោតលើធនធានសម្រាប់វិនិយោគអភិវឌ្ឍន៍ទីក្រុង កសាងប្រព័ន្ធហេដ្ឋារចនាសម្ព័ន្ធស្របគ្នាជាបណ្តើរៗ បើកទូលាយលំហរអាកាសទីក្រុង ជាមួយនឹងសំណង់សេវាសាធារណៈជាច្រើន។ លទ្ធផល ទីក្រុង ឡុងស្វៀន បានលោកនាយករដ្ឋមន្ត្រីរដ្ឋាភិបាលទទួលស្គាល់ជាទីក្រុងប្រភេទ ១ ក្រោមការគ្រប់គ្រងរបស់ខេត្ត ងានយ៉ាង។
លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង ថ្លែងមតិក្នុងសន្និបាត
នៅក្នុងសន្និបាត គណៈប្រតិភូបានផ្តោតលើការពិភាក្សាអំពីគុណសម្បត្តិ ការលំបាក និងដំណោះស្រាយ ដើម្បីពង្រីកសក្តានុពល និងគុណសម្បត្តិនៃពាណិជ្ជកម្ម និងសេវាកម្ម បង្កើតគំនាស់ក្នុងការអភិវឌ្ឍន៍សេដ្ឋកិច្ចរបស់ទីក្រុង ឡុស្វៀន។ តម្រង់ទិសអភិវឌ្ឍន៍ទេសចរណ៍ក្នុងមូលដ្ឋានដល់ឆ្នាំ ២០៣០។ សង្គមូបនីយកម្មទុនវិនិយោគសម្រាប់ការអភិវឌ្ឍន៍និងទាញយកផលពីទ្រព្យសម្បត្តិសាធារណៈ និងដីសាធារណៈ ដើម្បីធ្វើឲ្យមានតុល្យភាពចំណូល និងចំណាយថវិការដ្ឋ។ការគ្រប់គ្រងផែនការ ការគ្រប់គ្រងទីក្រុង ហេដ្ឋារចនាសម្ព័ន្ធដឹកជញ្ជូន និងការផ្លាស់ប្តូរឌីជីថល។ល។
លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត អានយ៉ាង ថ្លែងមតិបញ្ចប់សន្និបាត
ថ្លែងមតិបញ្ចប់សន្និបាត លោក ឡេវ៉ាន់នឹង អនុលេខាប្រចាំការបក្ខភាគខេត្ត ប្រធានក្រុមប្រឹក្សាប្រជាជនខេត្ត អានយ៉ាង បានកត់ត្រាទទួលស្គាល់ កោតសរសើរ និងអបអរសាទរចំពោះលទ្ធផលបក្ខភាគ និងប្រជាជន ទីក្រុង ឡុស្វៀន សម្រេចបានរយៈពេលកន្លងមក។ ទន្ទឹមនឹងនោះ ស្នើឲ្យមូលដ្ឋានចាំបាច់ត្រូវតែ ផ្តោតលើការគិតឲ្យបានខ្លាំងក្លា ពង្រីកស្មារតីថាមវន្ត ច្នៃប្រឌិត ហ៊ានគិត ហ៊ានធ្វើ ដើម្បីចាប់យកឱកាស ទាញយកធនធានឲ្យបានខ្លាំងក្លា និងគុណសម្បត្តិប្រៀបធៀប ដើម្បីបង្កើតនូវសន្ទុះថ្មី នៅគ្រប់វិស័យ។ ភារកិច្ច និងដំណោះស្រាយសំខាន់ៗមួយចំនួនត្រូវអនុវត្តនាពេលខាងមុខ ដូចជា៖ បង្កើតការផ្លាស់ប្តូរខ្លាំងក្នុងការយល់ដឹង និងសកម្មភាពរបស់កម្មាភិបាល បក្ខជន និងប្រជាជនទីក្រុង ក្នុងការអនុវត្តសេចក្តីសម្រេចចិត្តលេខ ០២-NQ/TU។ កៀរគរធនធានវិនិយោគដើម្បីកសាង និង អភិវឌ្ឍន៍ហេដ្ឋារចនាសម្ព័ន្ធពាណិជ្ជកម្មក្នុងទិសដៅអារ្យធម៍ និងទំនើប។ កសាងគ្រឹះអប់រំឆ្ពោះទៅរកស្តង់ដារ និងទំនើបកម្ម លើកកម្ពស់គុណភាពថែទាំសុខភាពប្រជាជន។រក្សាស្ថិរភាពសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅគ្រប់កាលៈទេសៈ។ជំរុញខ្លាំងការកសាងបក្ស និងប្រព័ន្ឋនយោបាយស្អាតស្អំ រឹងមាំ៕