ថ្ងៃទី ១៥ ខែធ្នូ ក្រសួងកសិកម្ម និងអភិវឌ្ឍន៍ជនបទបានសហការជាមួយគណៈកម្មាធិការប្រជាជនខេត្ត អានយ៉ាង រៀបចំសន្និបាតបូកសរុបផ្នែកទំនិញត្រីប្រាឆ្នាំ ២០២៣។ អញ្ជើញចូលរួមសន្និបាតមានលោក ភុងឌឹកទៀន អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ។ លោក ឡេវ៉ាន់ភឿក អនុប្រធានគណៈកម្មាធិការប្រជាជនខេត្ត អានយ៉ាង។ ថ្នាក់ដឹកនាំមន្ទីរ ផ្នែក ធុរកិច្ចផលិត និងកែច្នៃត្រីប្រាតំបន់វាលទំនាបទន្លេគឺវឡុង។ តំណាងសហសមាគមនាំចេញ-នាំចូលខេត្តក្វាងទុង (ប្រទេសចិន)។
ប្រតិភូចូលរួមសន្និបាត
លោក ភុងឌឹកទៀន អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ ថ្លែងមតិនៅក្នុងសន្និបាត
ថ្លែងមតិក្នុងសន្និបាត លោក ភុងឌឹកទៀន អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ បានឲ្យដឹងថា ឆ្នាំ ២០២៣ ក្រោមឥទ្ធិពលនៃអតិផរណា និងអស្ថិរភាពនយោបាយ ផ្នែកទំនិញត្រីប្រា្រមួយនឹងការលំបាកជាច្រើន។ តាមការប៉ាន់ស្មាននៅឆ្នាំ២០២៣ ផ្ទៃដីចិញ្ចឹមត្រីប្រាក្នុងប្រទេសទាំងមូលសម្រេចបាន ៥.៧០០ ហិចតា(ស្មើ ៩៨%នៃឆ្នាំ២០២២)។ បរិមាណផលប្រហែល ១,៦១ លានតោន (ប្រហាក់ប្រហែលនឹងដំណាលពេលនេះដូចគ្នា)។ តម្លៃនាំចេញបានប៉ាន់ស្មានប្រមាណ ១,៨ ពាន់លានដុល្លារអាមេរិក ស្មើតែ ៧៥% បើធៀបនឹងឆ្នាំ ២០២២។
ប៉ុន្តែ ទីផ្សារត្រីប្រាកំពុងស្តារឡើងវិញ ជាពិសេសចាប់ពីត្រីមាសទី ២ ឆ្នាំ ២០២៤ តទៅ។ ព្យាករថាបរិមាណផលត្រីប្រាក្នុងឆាំ្ន ២០២៤ នឹងកើនឡើង ២,៨% ធៀបនឹងឆ្នាំ ២០២៣។ បរិមាណផលប្រមូលផលក្នុងត្រីមាសទី ១ និងត្រីមាសទី ២ ឆាំ្ន ២០២៤ នៅតែឆ្លើយតបតម្រូវការសម្រាប់ការកែច្នៃ និងការនាំចេញ។ លោក ភុងឌឹកទៀន អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ បានឲ្យដឹងថា ដើម្បីសម្រេចបានគោលដៅបរិមាណផលត្រីប្រាចិញ្ជឹមពាណិជ្ជកម្មសម្រេចបាន ១,៧ លានតោន និងតម្លៃនាំចេញសម្រេចបាន ២ ពាន់លានដុល្លារនៅឆ្នាំ ២០២៤ នោះ បណ្តាមូលដ្ឋាននៅតំបន់វាលទំនាបទន្លេគឺវឡុង ជាពិសេសគឺខេត្ត អានយ៉ាង និង ដុងថាប ជាមួយនឹងធុរកិច្ចកែច្នៃ និងនាំចេញត្រីប្រាត្រូវតែផ្តោតលើការយកចិត្តទុកដាក់លើកកម្ពស់គុណភាពត្រីពូជ។ ពន្លឿនល្បឿនផ្សព្វផ្សាយអនុវត្តគម្រោង និងភារកិច្ចស្រាវជ្រាវលើការជ្រើសរើស និងបង្កើតលក្ខណៈ (លទ្ឋភាពធន់នឹងជំងឺ អត្រាសាច់ រសជាតិផលិតផល អត្រាប្រូតេអ៊ីន និងខ្លាញ់ក្នុងផលិតផល និងលទ្ឋភាពធន់នឹងអំបិលជាដើម) យោងតាមតម្រូវការទីផ្សារ។ អនុវត្តបច្ចេកវិជ្ជា vaccine ការពារជំងឺ ហ្សែនម៉ូលេគុលជាដើម ដើម្បីបង្កើនគុណភាពពូជត្រីប្រា។
ព្រមជាមួយនោះ លើកទឹកចិត្តឲ្យកសាងខ្សែចង្វាក់តភ្ជាប់ពីការផ្គត់ផ្គង់ ពូជ ការចិញ្ចឹមត្រីប្រាពាណិជ្ជកម្មរហូតដល់ការកែច្នៃ និងការនាំចេញ។ កាត់បន្ថយថ្លៃដើមផលិតកម្ម ដើម្បីបង្កើនការប្រកួតប្រជែង។ មានទំនួលខុសត្រូវក្នុងការឃ្លាំមើល តាមដានដំណើរការផលិតកម្ម។ បង្កើតប្រព័ន្ធតាមដានអេឡិចត្រូនិកសម្រាប់ខ្សែចង្វាក់នាំចេញ - រោងចក្រកែច្នៃ - មូលដ្ឋានចិញ្ជឹម ស្រះចិញ្ជឹមបានផ្តល់លេខកូដសម្រាប់តម្លាភាពព័ត៌មាន។ ធុរកិច្ចបន្តស្រាវជ្រាវ និងអភិវឌ្ឍន៍ផលិតផលកែច្នៃស៊ីជម្រៅ ផលិតផលមានតម្លៃបង្កើន ធ្វើពិពិធកម្មផលិតផលទៅតាមផ្នែកទីផ្សារផ្សេងៗគ្នា ជាពិសេសយកចិត្តទុកដាក់ចំពោះផលិតផលដែលកែច្នៃជាស្រេចជាដើមដើម្បីលើកកម្ពស់គុណតម្លៃពីត្រីប្រា។
រួមជាមួយការបើកទូលាយទីផ្សារនាំចេញ និងអនុវត្តបទប្បញ្ញត្តិវិញ្ញាបនប័ត្រសម្រាប់ផលិតផលត្រីប្រាស្របតាមតម្រូវការទីផ្សារជាតិ ធូរកិច្ចផលិត និងកែច្នៃត្រីប្រាត្រូវយកចិត្តទុកដាក់បើកទូលាយទីផ្សារក្នុងប្រទេស ឆ្ពោះទៅរកផ្ទះបាយរួមនៅក្នុងតំបន់ឧស្សាហកម្ម និងសាលារៀននិងបើកទូលាយទីផ្សារ។
លោក ភុងឌឹកទៀន អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ បានតម្រូវឲ្យអង្គភាពក្រោមឱវាទក្រសួងកសិកម្ម និងអភិវឌ្ឍន៍ជនបទ និងសហសមាគមផ្នែកទំនិញ ត្រូវសហការយ៉ាងសកម្ម និងទាន់ពេលជាមួយស្ថាបនមានសមត្ថកិច្ចនៃប្រទេសនាំចូល និងអង្គភាពពាក់ព័ន្ធ ដើម្បីដោះស្រាយឧបសគ្គបច្ចេកទេស។ បន្តយកចិត្តទុកដាក់ តភ្ជាប់ និងអភិវឌ្ឍទីផ្សារផលិតផលត្រីប្រា ជាពិសេសគឺប្លុងទីផ្សារឥស្លាម និងទីផ្សារចិន។ ធ្វើបច្ចុប្បន្នភាពព័ត៌មានជាប្រចាំអំពីតម្រូវការ និងការវិវឌ្ឍន៍ទីផ្សារ ណែនាំ និងចែករំលែកព័ត៌មានទាន់ពេលជាមួយអង្គភាពពាក់ព័ន្ធ ដោះស្រាយការលំបាកទាន់ពេល និងគាំទ្រធូរកិច្ចកែច្នៃ និងនាំចេញត្រីប្រានាពេលខាងមុខ៕
ប្រែ៖ ណារីពៅ