ដើម្បីបង្កើនតម្លៃវប្បកម្ម វិស័យកសិកម្មស្រុក ចើម៉ើយ បានរៀបចំជាបណ្តើរៗនូវតំបន់ជំនាញវប្បកម្ម ដោយប្រើប្រាស់វិទ្យាសាស្ត្រ និងបច្ចេកវិជ្ជាក្នុងការបំបែរចនាសម្ព័ន្ធដំណាំដាំដុះ សត្វចិញ្ជឹមពង្រីកនូវសក្តានុពល និងភាពខ្លាំងដើម្បីបំពេញនូវតម្រូវការនិងសំណូមពរនៅក្នុង និងក្រៅខេត្ត ទន្ទឹមនឹងនោះ បម្រើការនាំចេញ ដើម្បីជួយបង្កើនប្រាក់ចំណូលឲ្យប្រជាជន រួមចំណែករៀបចំវិស័យកសិកម្មក្នុងស្រុកឆ្ពោះទៅភាពទំនើប ប្រសិទ្ធភាព និងនិរន្តរភាព។
កសិករប្រមូលផល និងបែងចែកប្រភេទផ្លែស្វាយក្នុងតំបន់ជំនាញដាំស្វាយនៅស្រុកចើម៉ើយ
យោងតាមមន្ទីរកសិកម្ម និងអភិវឌ្ឍន៍ជនបទស្រុក ចើម៉ើយ ផ្អែកលើមូលដ្ឋានច្បាមជាប់ទស្សនៈ និងគោលដៅនៃសេចក្តីសម្រេចចិត្តមហាសន្និបាតបក្ខភាគស្រុក បន្តយកវិស័យកសិកម្មជាមូលដ្ឋានគ្រឹះ ជំរុញការបំបែ និងបង្កើនតម្លៃ។ កសិកម្មគឺជាមូលដ្ឋានគ្រឹះសម្រាប់ការបង្កើតវត្ថុធាតុដើម និងផលិតផលមានតម្លៃបង្កើនបន្ថែមសម្រាប់ពាណិជ្ជកម្ម សេវាកម្ម និងឧស្សាហកម្ម។ ក្នុងរយៈពេលប៉ុន្មានឆ្នាំកន្លងទៅនេះ ក្រោមការណែនាំយ៉ាងជិតស្និទ្ធរបស់បក្ខភាគស្រុក និងគណៈកម្មាធិការប្រជាជនស្រុក ការិយាល័យកសិកម្ម និងអភិវឌ្ឍន៍ជនបទខេត្តដែលបោះទីតាំងលើភូមិសាស្ត្រស្រុក បានជំរុញខ្លាំងការងារឃោសនា និងលើកកម្ពស់ការយល់ដឹងរបស់ប្រជាជនក្នុងការផ្លាស់ប្តូរទម្លាប់វប្បកម្ម និងផ្លាស់ប្តូរការគិតពីការផលិតកសិកម្មសុទ្ធ ទៅជាសេដ្ឋកិច្ចកសិកម្ម និងកសិកម្មពហុតម្លៃ អនុវត្តវិទ្យាសាស្ត្របច្ចេកទេសក្នុងការបំបែរចនាសម្ព័ន្ឋដាំណាំដាំដុះ ដើម្បីផ្លាស់ប្តូរពីផលិតកម្មទិន្នផលទៅជាគុណភាព ប្រសិទ្ធភាព និងសមត្ថភាពប្រកួតប្រជែង តាមរយៈសិក្ខាសាលា ជំនឿនកសិកម្ម និង ទម្រង់ដកពិសោធន៍ អំពីផលិតកសិកម្ម។ ទន្ទឹមនឹងនោះ ការិយាល័យកសិកម្ម និងអភិវឌ្ឍន៍ជនបទស្រុកចើម៉ើយ បានផ្តល់នូវមតិយោបល់ដល់គណៈកម្មាធិការប្រជាជនស្រុក ឲ្យរៀបចំផែនការអភិវឌ្ឍន៍វិស័យកសិកម្ម ដំណាក់កាល ២០២០-២០២៥។ ផែនការបំបែរចនាសម្ព័ន្ធដំណាំដាំដុះដំណាក់កាល ២០២១-២០២៥។ ផែនការតម្រង់ទិសអភិវឌ្ឍន៍ផលិតកសិកម្មលើភូមិសាស្ត្រស្រុក ចើម៉ើយ ដំណាក់កាល ២០២០-២០២៥។ ផែនការផលិតស្រូវលើភូមិសាស្ត្រស្រុកចើម៉ើយដំណាក់កាល ២០២១– ២០២៣។ ផែនការអភិវឌ្ឍន៍តំបន់ជំនាញវប្បកម្មដំណាំរួមផ្សំ ឈើហូបផ្លែភ្ជាប់នឹងការលក់ផលិតផលក្នុងដំណាក់កាល ២០២១ - ២០២៥ ជាដើម ផ្សព្វផ្សាយនៅតាមមូលដ្ឋាន ដើម្បីរៀបចំអនុវត្ត។
តាមរយៈនោះ រៀបចំផែនការតំបន់ជំនាញវប្បកម្មប្រមូលផ្តុំសម្រាប់ផលិតផលបន្លែសំខាន់ៗ របស់ស្រុកក្នុងដំណាក់កាលឆ្នាំ ២០២១-២០២៥ នឹងផ្តោតទៅលើក្រុមផលិតផលសំខាន់ៗចំនួន ៤ គឺបន្លែស្លឹក បន្លែផ្លែ ពោតគ្រប់ប្រភេទ និងដំឡូងត្រៅ។ ជាក់ស្តែង តំបន់ផលិតជំនាញវប្បកម្មបន្លែស្លឹកមានទំហំផ្ទៃដីសរុប៦៦២ហិកតាប្រមូលផ្តុំនៅឃុំគៀនអាន។ តំបន់ផលិតបន្លែផ្លែប្រមូលផ្តុំលើទំហំផ្ទៃដីសរុប ១០៦ ហិកតា នៅឃុំចំនួន ២ គឺ គៀនអាន (៥០ ហិកតា)និង ហូយអាន (៥៦ ហិកតា)។ តំបន់ជំនាញវប្បកម្មដាំពោតគ្រប់ប្រភេទលើទំហំផ្ទៃ សរុប ១.២២៥ ហិកតា ប្រមូលផ្តុំនៅក្នុងឃុំចំនួន ៤ គឺ គៀនអាន (៨០ ហិកតា) មីអាន (ពោតខ្ចី ៦០០ ហិកតា) ហូយអាន (ពោតខ្ចី ៤៥០ ហិកតា) និងឃុំ អានថាញ់ទ្រុង (៩៥ ហិកតា)។ តំបន់ជំនាញវប្បកម្មដំឡូងត្រៅ បានប្រមូលផ្តុំលើទំហំផ្ទៃដីសរុប ២៥០ ហិកតានៅឃុំ ហូយអាន។
ការតម្រង់ទិសអភិវឌ្ឍន៍ដោយចីរភាពសម្រាប់តំបន់ដាំដុះទាំងនេះតាមរយៈផែនការនឹងរៀបចំលេខកូដតំបន់ដាំដុះ ឆ្លើយតបតាមស្តង់ដារនាំចេញចំនួន ១.១០៥ ហិកតានៅក្នុងឃុំ គៀនអាន (សម្រាប់ផលិតផលបន្លែ ៣០០ ហិកតា និងសម្រាប់ផលិតផលម្ទេស ៥ ហិកតា) ឃុំ ហូយអាន (សម្រាប់ផលិតផលដំឡូងត្រៅ ២០០ ហិកតា និង សម្រាប់ផលិតផលពោតខ្ចី ១០០ ហិកតា) និងឃុំ មីអាន (សម្រាប់ផលិតផលពោតខ្ចី៥០០ ហិកតា)។ការរៀបចំតំបន់បញ្ជាក់សុវត្ថិភាពចំណីអាហារសម្រាប់ផលិតផលបន្លែចំនួន ៣២៦ ហិកតា។ រៀបចំតំបន់បញ្ជាក់ដើម្បីបំពេញលក្ខខណ្ឌសុវត្ថិភាពចំណីអាហារសម្រាប់ផលិតផលបន្លែគឺ ៣២៦ហិកតា។ រៀបចំតំបន់បញ្ជាក់តាមស្តង់ដារ VietGAP សម្រាប់ផលិតផលបន្លែមាន ១៥០ ហិកតា។ ការៀបចំតំបន់បញ្ជាក់ស្តង់ដារ GlobalGAP សម្រាប់ពោតខ្ចី និងសណ្តែកសៀងបន្លែ លើទំហំផ្ទៃដីសរុប ៣៣០ ហិកតា (នៅឃុំ មីអាន១៦៥ ហិកតា និងឃុំហូយអាន ១៦៥ ហិកតា)។
ចំពោះដើមឈើហូបផ្លែ បានរៀបចំតំបន់ដាំ ស្វាយ តំបន់ជំនាញដាំទុរេននិងបង្កើតលេខកូដតំបន់ដាំដើម្បីបំពេញតាមស្តង់ដារនាំចេញ និងសម្រេចបានស្តង់ដារ VietGAP។ តាមរយៈការតម្រង់ទិសរបស់ស្រុក ឃុំ ជាមួយនឹងភាពច្នៃប្រឌិត កសិករមួយចំនួនបានក្លាហានបំបែផ្ទៃដីស្រូវចំនួន ១.៣៦២.៥៥ ហិកតាទៅជាដំណាំហូបផ្លែ និងបន្លែគ្រប់ប្រភេទ។
ចាប់តាំងពីពេលនោះមក តំបន់ជំនាញវប្បកម្មធំៗមួយចំនួនបានបង្កើតឡើងដូចជា៖ ដំណាំស្វាយចំនួន ៤.២០៤ហិកតា ទុរេន ១០១ ហិកតា តំបន់ជំនាញវប្បកម្មបន្លែ និងតំបន់ដាំស្រូវគុណភាពខ្ពស់ ស្មើនឹង ៦៨,៧៤% នៃផ្ទៃដីផលិតស្រូវ។ ទន្ទឹមនឹងនោះ ផ្ទៃដីផលិតតាមស្តង់ដារ VietGAP មាន ៧២១ ហិកតា។ ដាំបន្លែ ៨០.៦ហិកតាបានបញ្ជាក់គ្រប់លក្ខខណ្ឌសុវត្ថិភាពចំណីអាហារ ផ្លែស្រកានាគ ៣,៦ហិកតា បានប្រើប្រាស់វិញ្ញាបនប័ត្រម៉ាក អានយ៉ាង។ បានផ្តល់លេខកូដតំបន់ចំនួន ៨០សម្រាប់ដាំស្រូវ បន្លែ និងឈើហូបផ្លែ ដោយទំហំផ្ទៃដី ៨.៣៨៧,៩៤ ហិកតា។
ក្រៅពីនេះ កសិករមួយចំនួនបានបំពែទៅរកការធ្វើពិពិធកម្មដំណាំ និងចិញ្ជឹមសត្វ ផ្លាស់ប្តូរគំរូសេដ្ឋកិច្ចកសិកម្មឆ្ពោះទៅរកពហុដំណាំ និងពហុតម្លៃ។ ឧទ្ទាហរណ៍ដូច៖ទម្រង់ដាំទំពាំងបាយជូ ស្ត្របឺរី មន សាវម៉ាវ ជាពិសេសទុរេនដែលផ្សារភ្ជាប់ជាមួយនឹងការទស្សនា និងការកម្សាន្ត។ ទម្រង់ដាំខ្ញី ជីរណា ចិញ្ចឹមពពែ ចិញ្ចឹមខ្យង និងចិញ្ចឹមត្រីរួមបញ្ចូលគ្នាក្នុងចម្ការឈើហូបផ្លែ។ ទម្រង់ដាំពោតរួមនឹងការចិញ្ចឹមគោ ឆ្លៀតយកប្រយោជន៍ពីតំបន់ដីទំនេជុំវិញផ្ទះដើម្បីចិញ្ចឹមអន្ទង់ និងកង្កែបជាដើម។
លើសពីនេះ កសិករជាច្រើនបានប្រើប្រាស់ប្រព័ន្ធស្រោចស្រពដោយស្វ័យប្រវត្តិ ស្រោចស្រពរួមជាមួយនឹងការបាចជី និងសាងសង់ផ្ទះសំណាញ់ដើម្បីបណ្តុះកូនឈើពូជ។ តាមរយៈនោះ បាននាំមកនូវប្រសិទ្ធភាពខ្ពស់ជាងជាច្រើនដងធៀបនឹងដំណាំដាំដុះ និងសត្វចិញ្ជឹមគ្មានប្រសិទ្ធភាព កាលមុននេះ រួមចំណែកបង្កើនប្រាក់ចំណូលដល់កសិករ។ . គំរូដូចជា៖ ទម្រង់សេដ្ឋកិច្ចសហការទស្សនា “វាលស្រែធំ” របស់កសិករ ឌិញថាញ់ណាម (ឃុំ ហ្វាអាន) ជាមួយនឹងចំណូលសរុប ៩,២ ពាន់លានដុង/ឆ្នាំ។ គំរូដាំដុះបន្លែសុវត្ថិភាព និងគុណភាព អនុវត្តវិទ្យាសាស្ត្របច្ចេកវិជ្ជាខ្ពស់ ការម៉ៅទិញទិន្នផលតាមរយៈកិច្ចសន្យាជាមួយក្រុមហ៊ុន ធុរកិច្ច ទីផ្សារ និងផ្សារទំនើបនានាក្នុងខេត្តរបស់កសិករ ហ្វិញវ៉ាន់ឌឹង (ឃុំ គៀនអាន) ដោយទទួលបានចំណូលសរុប ៦,៣ពាន់លានដុង/ឆ្នាំ។ កសិករ វ៉វ៉ានអែម (ឃុំ ឡុងគៀន) ជាមួយទម្រង់បំបែផ្ទៃដីស្រូវ ១ ហិចតា ទៅដាំទុរេន ដោយទទួលបានចំណូលសរុប ១,៤ ពាន់លានដុង/ឆ្នាំ។ កសិករ ង្វៀនទ្រុងទិញ (ឃុំ គៀនថាញ់) ជាមួយទម្រង់ចិញ្ចឹមអន្ទង់ដោយចំណូលសរុប ១,៣ ពាន់លានដុង/ឆ្នាំ។ ដោយមានគោលការណ៍សមហេតុផល រួមនិងវិធីសាស្រ្តប្រសិទ្ធភាព ស្រុក ចើម៉ើយ បាននិងកំពុងសម្រេចបាននូវជោគជ័យលើការធ្វើពិពិធកម្មរចនាសម្ព័ន្ធដំណាំដាំដុះ ជំរុញខ្លាំងផលិតកសិកម្មតាមទិសដៅទំនិញ ទំនើប ប្រសិទ្ធភាព និងនិរន្តរភាព តាមរយៈនោះលើកកម្ពស់ប្រសិទ្ធភាពក្នុងការអភិវឌ្ឍន៍សេដ្ឋកិច្ចកសិកម្ម រួមចំណែកបង្កើតចំណូលស្ថិរភាពនិងលើកកម្ពស់ជីវភាពកសិករ៕
ប្រែ៖ ណារីពៅ
