នាពេលថ្មីៗនេះ ស្រុកចូវថាញ់តែងតែផ្តោតការយកចិត្តទុកដាក់លើការអភិវឌ្ឍន៍ផលិតផលស្ថិតក្នុងកម្មវិធី “ឃុំមួយផលិតផលមួយ” (OCOP) ជួយដល់ផលិតករមានលក្ខណៈបង្កើនប្រាក់ចំណូល រួមចំណែកកសាងជនបទថ្មី ជំរុញសេដ្ឋកិច្ចសង្គមកិច្ចអភិវឌ្ឍន៍។
ផលិតផល OCOP លំដាប់ផ្កាយ ៣ ទឹកត្រីបួសកូណាញ់
លោក ង្វៀនផាមទ្វឺន ប្រធានមន្ទីរកសិកម្ម និងអភិវឌ្ឍន៍ជនបទស្រុក ចូវថាញ់ បានឲ្យដឹងថា៖ កម្មវិធី OCOP ជាមួយគោលដៅដាស់សក្តានុពល និងគុណសម្បត្តិរបស់តំបន់ជនបទ ជំរុញខ្លាំងសេដ្ឋកិច្ចតំបន់ជនបទក្នុងទិសដៅអភិវឌ្ឍន៍ធនធានផ្ទៃក្នុង បង្កើនតម្លៃ និងការបង្កើនប្រាក់ចំណូលសម្រាប់ប្រជាជន។ ទន្ទឹមនឹងនោះ បង្កើតការប្រកួតប្រជែងប្រកបដោយតម្លាភាព លើកទឹកចិត្តឲ្យមានការចូលរួមពីសហគមន៍ ទាញ់យកផល រក្សា និងអភិវឌ្ឍន៍បានតម្លៃសក្តានុពលនៃភូមិសិប្បកម្មប្រពៃណី អភិវឌ្ឍផលិតផលពិសេសរបស់ឃុំ ទីរួមស្រុកលើភូមិសាស្ត្រស្រុក។
បន្ទាប់ពីមួយរយៈពេលផ្សព្វផ្សាយ កម្មវិធី OCOP បានទាក់ទាញការចូលរួមរបស់ប្រធានកម្មជាមួយនឹងផលិតផលពិសេសរបស់មូលដ្ឋាន។ បណ្តាប្រធានកម្មបានបំពាក់ដោយចំណេះដឹងអំពីតម្រូវការស្តង់ដារគុណភាពផលិតផល និងលក្ខខណ្ឌផលិតកម្មអាជីវកម្មនៃផលិតផល OCOP ។ តាមរយៈនោះ រួមចំណែកពង្រីក និងលើកកម្ពស់តម្លៃផលិតផលប្រៀបខ្លាំងជាច្រើន រួមចំណែកកសាងតំបន់ជនបទថ្មីស៊ីជម្រៅ ប្រសិទ្ធភាព និងនិរន្តរភាព។
ដើម្បីអភិវឌ្ឍន៍ផលិតផលOCOP ស្រុកចូវថាញ់ បានផ្តោតសំខាន់លើការរៀបចំរចនាសម្ព័ន្ធឡើងវិញវិស័យកសិកម្ម ភ្ជាប់នឹងការអភិវឌ្ឍន៍ឧស្សាហកម្មតូចសិប្បកម្ម វិជ្ជាជីវៈ សេវាកម្ម និងទេសចរណ៍ជនបទ។ វិស័យកសិកម្មត្រូវបង្កើនការសហការឃោសនា ចលនាប្រជាជន សហករណ៍ ធុរកិច្ចឲ្យក្លាហានក្នុងការវិនិយោគមូលដ្ឋានសម្ភារៈ និងបើកទូលាយទំហំផលិតកម្ម ភ្ជាប់នឹងការធានាបាននូវលក្ខណៈវិនិច្ឆ័យគុណភាព សុវត្ថិភាពអនាម័យចំណីអាហារ។ ក្នុងនោះ មើលសំខាន់លើការអភិវឌ្ឍន៍ផលិតផលដោយផ្អែកលើលក្ខណៈ និងភាពខ្លាំងនៃមូលដ្ឋាននីមួយៗ។ ក្រៅពីនេះ គាំទ្រយ៉ាងសកម្មដល់ប្រធានកម្មអំពីឯកសារ និងនីតិវិធីនៅពេលចូលរួមក្នុងកម្មវិធី បង្កលក្ខណៈសម្រាប់ប្រធានកម្មអំពីសកម្មភាពផ្សព្វផ្សាយពាណិជ្ចកម្មផលិតផលដើម្បីចូលទៅកាន់ទីផ្សារ។ជារៀងរាល់ឆ្នាំ សហហការបើកថ្នាក់បណ្តុះបណ្តាល ប្រឹក្សា តម្រង់ទិសអភិវឌ្ឍន៍ផលិតផល OCOP សម្រាប់មូលដ្ឋាន។ ពិនិត្យ ជ្រើសរើស និងគាំទ្រផលិតផលដែលចូលរួមក្នុងការប្រកួតប្រជែងវាយតម្លៃ និងរៀបចំណាត់ថ្នាក់។
ពពុះតៅហ៊ូជាផលិតផលដ៏មានសក្ដានុពលក្លាយជាផលិតផល OCOP នៅពេលអនាគតដ៏ខ្លី
ដោយមានការគាំទ្រយ៉ាងសកម្ម និងទាន់ពេលវេលាពីផ្នែកសមត្ថកិច្ច និងអាជ្ញាធរមូលដ្ឋាន គ្រួសារទាំងឡាយបានចុះឈ្មោះយ៉ាងក្លាហានដើម្បីចូលរួម ហើយធ្វើឲ្យល្អឥតខ្ចោះ កែលម្អគុណភាព និងរចនាផលិតផលឥតឈប់ឈរ។ មកដល់បច្ចុប្បន្ននេះ ស្រុកចូវថាញ់មាន ផលិតផលចំនួន២ដែលបានគណៈកម្មាធិការប្រជាជនខេត្តអានយ៉ាងទទួលស្គាល់ថាជាផលិតផល OCOP សម្រេចបានស្តង់ដារផ្កាយ ៣ រួមមាន៖ ផលិតផល ទឹកត្រីបួសកូណាញ់របស់គ្រួសារអាជីវកម្ម អៀនភឿង ( ភូមិ ទ្រុងថាញ់ ឃុំ វិញថាញ់) និងផលិតផល អង្ករក្រអូប ង៉ុកញ៉ាន របស់ក្រុមហ៊ុន ទិនថាញ់ ATC (អនុសង្កាត់ហ្វាឡុង ៤ ទីរួមស្រុកអានចូវ)។ ក្រៅពីនេះ ស្រុក បានត្រួតពិនិត្យជាក់ស្តែងលើផលិតផលមានសក្តានុពលចំនួន ១២ របស់ប្រធានកម្ម ១១នាក់ដែលចុះបញ្ជីផលិតផល OCOP រួមមាន៖ ពពុះតៅហ៊ូ (ឃុំ វិញថាញ់ ហ្វាប៊ិញថាញ់) ស្រាស្មៅដង្កូវនាង ខ្នុរសម្ងួត (ឃុំកឹនដាំង) អង្ករស្វាយ (ទីរួមស្រុកវិញប៊ិញ)។ សុរាសថាញកាង (ឃុំវិញអាន) ទុរេន(ឃុំវិញញ្វឺន) អង្ករស្វាយបាច់ហើប (ទីរួមស្រុកអានចូវ) ប្រហិតប្រៃ និងប្រហិតផ្សិតបួស (ឃុំ អានចូវ)។ ទាបស្វិតថៃ (ឃុំវិញអាន) មៀនផាតតៃ(ឃុំវិញឡើយ)។
បើតាមលោក ង្វៀនផាមទ្វឺន កម្មវិធី OCOP បាននាំមកនូវលទ្ធផលវិជ្ជមានជាច្រើនក្នុងការអភិវឌ្ឍន៍សេដ្ឋកិច្ចសង្គមកិច្ច ជម្រុញ និងលើកកម្ពស់ស្មារតីខ្លួនទីពឹងខ្លួន មានទំនុកចិត្តក្នុងការច្នៃប្រឌិត ផ្តើមអាជីពរបស់ប្រជាជន ជំរុញអភិវឌ្ឍន៍ផលិតកម្មនៅតំបន់ជនបទ។ ទន្ទឹមនឹងនោះ បង្កើតទិសដៅថ្មីក្នុងការផលិតអាជីវកម្ម ផលិតផលពិសេស និងប្រពៃណីរបស់មូលដ្ឋាន ក្នុងទិសដៅអភិវឌ្ឍផលិតផលប្រកបដោយគុណភាពស្របតាមស្តង់ដារ បង្កើនការប្រកួតប្រជែង និងបំពេញនៅតម្រូវការទីផ្សារ។
ប៉ុន្តែ ផលិតផលដែលសម្រេចបាន OCOP របស់ស្រុកនៅមានតិចតួចនៅឡើយ ទ្រង់ទ្រាយផលិតកម្មនៅតូចតាច មិនសមស្របនឹងសក្តានុពល និងគុណសម្បត្តិ។ ទន្ទឹមនឹងនេះដែរ មានការខ្វះខាតក្នុងការតភ្ជាប់ជាមួយនឹងសកម្មភាពលើកកម្ពស់ដើម្បីបង្កើនសមត្ថភាពរបស់ប្រធានកម្មក្នុងផលិតកម្ម ក្នុងការអភិវឌ្ឍន៍ផលិតផល និងការបើកទូលាយទីផ្សារ។ បណ្តាដំណោះស្រាយគាំទ្រ និងជំរុញសម្រាប់ប្រធានកម្ម និងផលិតផល OCOP បន្ទាប់ពីត្រូវបានវាយតម្លៃ និងចាត់ថ្នាក់នៅមានកម្រិតនៅឡើយ។
នាពេលខាងមុខ ស្រុក ចូវថាញ់ នឹងបន្តផ្តោតលើការលើកកម្ពស់ការគ្រប់គ្រង និងអភិវឌ្ឍន៍ផលិតផលសម្រាប់ធុរកិច្ច សហករណ៍ ក្រុមសហការ និងគ្រួសារផលិតកម្ម។ ទន្ទឹមនឹងនោះ អង្គភាពគាំទ្រប្រធានកម្មពង្រឹងស្តង់ដារផលិតផល OCOP និងផលិតផលសក្តានុពល អភិវឌ្ឍផលិតផលតាមខ្សែចង្វាក់តម្លៃ សមស្របទៅនឹងគុណសម្បត្តិ និងលក្ខណៈរបស់មូលដ្ឋាន។ ទន្ទឹមនឹងនោះ ជំរុញខ្លាំងការងារបណ្តុះបណ្តាល និងហ្វឹកហ្វឺន ដើម្បីបង្កើនសមត្ថភាពគ្រប់គ្រង និងផ្សព្វផ្សាយសម្រាប់កម្មាភិបាលគ្រប់គ្រង និងប្រតិបត្តិរបស់ធុរកិច្ច សហករណ៍ បណ្តាមូលដ្ឋាន និងគ្រួសារផលិតកម្ម។
បង្កើនការអនុវត្តនាការ និងការផ្ទេរប្រគល់វិទ្យាសាស្ត្របច្ចេកទេសជឿនលឿន ដើម្បីផ្លាស់ថ្មី និងបញ្ចប់បច្ចេកវិជ្ជាកែច្នៃ រក្សាផលិតផល ជាពិសេសផលិតផល OCOP ភ្ជាប់នឹងទេសចរណ៍ជនបទ។ ក្រៅពីនេះ ជំរុញខ្លាំងសកម្មភាពគាំទ្រការផ្សាយពាណិជ្ជកម្ម ជំរុញពាណិជ្ជកម្ម តភ្ជាប់ការផ្គត់ផ្គង់ និងតម្រូវការសម្រាប់ផលិតផល OCOP ការណែនាំ ធ្វើអាជីកម្មលើវេទិកាប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ដើម្បីអ្នកប្រើប្រាស់ក្នុងនិងក្រៅប្រទេសជាច្រើនបានស្គាល់បានដឹង ដើម្បីនាំមកនូវតម្លៃខ្ពស់ដល់កសិផលមូលដ្ឋាន។
“ការផ្តោតលើការអភិវឌ្ឍន៍ផលិតផល OCOP បានបង្កលក្ខណៈសម្រាប់ប្រធានកម្មនានាក្នុងការលើកកម្ពស់តម្លៃផលិតផល បង្កើនប្រាក់ចំណូលសម្រាប់ប្រជាជន ក្លាយជាកម្លាំងចលករសម្រាប់ការអភិវឌ្ឍន៍សេដ្ឋកិច្ចនៅតំបន់ជនបទ បង្កើតនូវផលិតផលគុណភាពខ្ពស់ផ្សារភ្ជាប់តាមខ្សែចង្វាក់តម្លៃជាមួយនឹងការប្រើប្រាស់ផលិតផល ឆ្លើយតបតម្រូវការទីផ្សារ។ បង្កើតការងារ រួមចំណែកលើកកម្ពស់ប្រាក់ចំណូលឲ្យប្រជាជន” - លោក ង្វៀនផាមទ្វឺន ចែករំលែក៕
ប្រែ៖ ណារីពៅ