ព្រឹកថ្ងៃទី៣០ មិថុនា ពិធីបើកកម្មវិធី “សម័យផ្សារ OCOP អានយ៉ាង ឆាំ្ន២០២៤ លើវេទិកា TikTok” បានប្រព្រឹត្តទៅនៅរមណីយដ្ឋានទេសចរណ៍ ផានណាម ឃុំ មីខាញ់ ទីក្រុង ឡុងស្វៀន ខេត្តអានយ៉ាង។
ប្រតិភូចូលរួម
គណៈប្រតិភូបានធ្វើពិធីបើកសម័យផ្សារ
អញ្ជើញចូលរួមមាន លោក ង្វៀន មិញទៀន ប្រធានមជ្ឈមណ្ឌលជំរុញពាណិជ្ជកម្មកសិកម្ម (ក្រសួងកសិកម្ម និងអភិវឌ្ឍន៍ជនបទ) លោក ឡេ ទ្រុងហៀវ ប្រធានមជ្ឈមណ្ឌលជំរុញពាណិជ្ជកម្ម និងវិនិយោគអានយ៉ាង លោក ង្វៀន ឡាំថាញ អគ្គនាយក TikTok វៀតណាម លោក ហ្វិញ ថាញយ៉ាង ប្រធានសាខា HDBank អានយ៉ាង រួមជាមួយនឹងវត្តមានរបស់អ្នកបង្កើតមាតិកាចំនួន ១២ រូបនៅលើវេទិកា TikTok និងធុរកិច្ចចំនួន ២២នៅខេត្តអានយ៉ាង។
ផ្សាយផ្ទាល់ការលក់ទំនិញតាមអនឡាញ
បន្ទាប់ពីពិធីបើក ការផ្សាយផ្ទាល់វគ្គលក់ទំនិញតាមអនឡាញនៅលើវេទិកា TikTok បានប្រព្រឹត្តទៅចាប់ពីម៉ោង ៩ ព្រឹកដល់ ០១រសៀល។ ដោយពង្រឹងលើគោលដៅជំរុញការប្រើប្រាស់កសិផលក្នុងស្រុក វគ្គផ្សាយផ្ទាល់បានណែនាំផលិតផលជាង ១០០ មកពីធុរកិច្ច អាជីវករ និងមូលដ្ឋានផលិតនៅខេត្តអានយ៉ាង។
ក្នុងរយៈពេល ៤ ម៉ោង ជាមួយនឹងការសហការស៊ីគ្នារវាងអ្នកបង្កើតខ្លឹមសារ និងអ្នកលក់ក្នុងស្រុក វគ្គផ្សាយផ្ទាល់បានកត់សម្គាល់នូវពេលវេលាគួរឲ្យចាប់អារម្មណ៍ និងផ្ទុះជាច្រើន។ លទ្ធផល វគ្គផ្សាយផ្ទាល់ទទួលបានគាំទ្រ ៣១,៦ លាននាក់ បានទទួលការបញ្ជាទិញជាង ១៧,៨ ពាន់នាក់ និងបង្កើតចំណូលបានប្រមាណ ៣ ពាន់លានដុង។ ក្នុងនោះ លេចធ្លោជាងគេគឺធុរកិច្ច APG Eco លក់អង្ករបាន ២២,៨ តោន។
“ទីផ្សារ OCOP លើវេទិកា TikTok” គឺជាកម្មវិធីមួយដែលរៀបចំឡើងដោយមជ្ឈមណ្ឌលជំរុញពាណិជ្ជកម្មកសិកម្ម (ក្រសួងកសិកម្ម និងអភិវឌ្ឍន៍ជនបទ) ធ្វើអធិបតីភាពសហការជាមួយ TikTok វៀតណាម ដើម្បីគាំទ្រដល់ធុរកិច្ច ប្រធានកម្ម OCOP បំប្លែង និងជំរុញខ្លាំងការផ្សព្វផ្សាយនិងលក់ផលិតផលតាមរយៈពាណិជ្ជកម្មអេឡិចទ្រូនិក។មុនពេលមកដល់អានយ៉ាង កម្មវិធីនេះបានឆ្លងកាត់ខេត្ត ក្រុងចំនួន ៣៨ ពីជើងមកត្បូង សាយភាយយ៉ាងខ្លាំងក្លានូវតម្លៃនៃផលិតផល OCOP ទៅដល់អ្នកប្រើប្រាស់៕
ប្រែ៖ ណារីពៅ
