នៅថ្ងៃទី ១៦ ឧសភា គណៈកម្មាធិការប្រជាជនឃុំ ឌិញថាញ់ (ស្រុក ថ្វយសឺន ខេត្ត អានយ៉ាង) បានរៀបចំពិធីប្រកាសសេចក្តីសម្រេចរបស់ប្រធានគណៈកម្មាធិការប្រជាជនខេត្ត អានយ៉ាង ទទួលស្គាល់ឃុំ ឌិញថាញ់ សម្រេចស្តង់ដារ “ឃុំជនបទថ្មីគំរូខាងវិស័យរៀបចំផលិតកម្ម" ក្នុងឆ្នាំ ២០២៣ ។
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង ផ្តល់សេចក្តីសម្រេចទទួលស្គាល់ឌិញថាញ់ សម្រេចស្តង់ដារ “ឃុំជនបទថ្មីគំរូអំពីវិស័យរៀបចំផលិតកម្ម” ឆ្នាំ២០២៣
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង ថ្លែងសុន្ទរកថាណែនាំ
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង។ តំណាងថ្នាក់ដឹកនាំមន្ទីរ គណ ផ្នែកខេត្ត ស្រុក ថ្វយសឺន និងប្រជាជនឃុំ ឌិញថាញ់ ជាច្រើននាក់បានចូលរួម។
ថ្លែងមតិណែនាំសន្និបាត លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានស្នើដល់បក្ខភាគ អាជ្ញាធរ សហជីព គ្រប់លំដាប់ថ្នាក់ ប្រជាជនស្រុកថ្វយសឺន និងឃុំឌិញថាញ់ ចាំបាច់ត្រូវតែបន្តពង្រីកសមិទ្ធិផលដែលសម្រេចបាន ជម្នះចំណុចកង្វះខាត និងការលំបាកនានា ដើម្បីកសាងជនបទថ្មីឲ្យកាន់តែមានប្រសិទ្ធភាព និងអភិវឌ្ឍន៍ប្រកបដោយចីរភាព។ ក្នុងនោះ ចាំបាច់ត្រូវកំណត់ការអភិវឌ្ឍន៍កសិកម្ម និងកសាងជនបទថ្មីគឺជាភារកិច្ចកណ្តាល ជាប់រហូត យោងតាមបាវចនា “កសាងជនបទថ្មីមានចំណុចចាប់ផ្តើមតែ គ្មានចំណុចបញ្ចប់”។
តាមនោះ កម្មាភិបាលនីមួយៗ បក្ខជននីមួយៗ និងប្រជាជនទាំងមូលត្រូវយល់ច្បាស់ និងឃោសនា ចលនាគ្រួសារ និងប្រជាពលរដ្ឋជុំវិញឲ្យយល់ពី ការកសាងជនបទថ្មី គឺជាបុព្វហេតុរបស់ប្រជាជនទាំងមូល គឺជា ការទទួលខុសត្រូវ និងផលប្រយោជន៍របស់ប្រជាពលរដ្ឋម្នាក់ៗ គឺជាកាតព្វកិច្ចនៃប្រព័ន្ធនយោបាយទាំងមូល។ ក្នុងបក្ខភាគ អាជ្ញាធរមូលដ្ឋានដើរតួជានាទីគាំទ្រ ប្រជាជនម្នាក់ៗត្រូវជាប្រធានកម្ម គ្រួសារនីមួយៗត្រូវនាំមុខក្នុងការចូលរួមអនុវត្តកម្មវិធី មិនរំពឹង និងពឹងផ្អែកលើការវិនិយោគរបស់រដ្ឋ ដោយបាវចនា “ប្រជាជនដឹង ប្រជាជនពិភាក្សា ប្រជាជនធ្វើ ប្រជាជនពិនិត្យ ប្រជាជនឃ្លាំមើលនិងប្រជាជនអាស្រ័យផល”។
ទន្ទឹមនិងនោះ មូលដ្ឋានត្រូវតែជំរុញខ្លាំងតភ្ជាប់ផលិតកសិកម្ម បង្កើតតំបន់ផលិតកសិកម្មប្រមូលផ្តុំ តភ្ជាប់ខ្សែចង្វាក់តម្លៃ ផ្សព្វផ្សាយមានប្រសិទ្ឋភាពកម្មវិធីអភិវឌ្ឍន៍ផលិតផលមួយឃុំមួយ (OCOP) ប្រកបដោយប្រសិទ្ធភាព ជាពិសេសអភិវឌ្ឍន៍បណ្តាផលិតផលមានសក្តានុពលនៅក្នុងមូលដ្ឋាន ដើម្បីវាយតម្លៃ និងចាត់ថ្នាក់ផលិតផល OCOP ។
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង បានស្នើឲ្យគណៈកម្មាធិការប្រជាជនស្រុក និងគណៈកម្មការណែនាំកម្មវិធីគោលដៅជាតិនៃស្រុក ថ្វយសឺន ណែនាំឲ្យបានខ្លាំងក្លា ដើម្បីបញ្ចប់ឯកសារបានឆាប់រហ័សដាក់ជូនសម្រាប់ការទទួលស្គាល់ “ស្រុកជនបទថ្មីលើកកម្ពស់” នៅឆាំ្ន២០២៣ តាមការណែនាំរបស់ការិយាល័យសម្របសម្រួលមជ្ឈិម និងបណ្តាក្រសួង ផ្នែកពាក់ព័ន្ធ។ រួមជាមួយនោះ ប្រមូលផ្តុំលើការដោះស្រាយការលំបាក ជំរុញខ្លាំងផលិតកម្ម អាជីវកម្ម បង្កើតការងារ ដើម្បីលើកកម្ពស់ចំណូល និងកម្ពស់ជីវភាពរស់នៅសម្រាប់ប្រជាជន ឆ្ពោះទៅកសាងជនបទថ្មីដោយចីរភាព និងឆ្លាតវៃ។
លោកស្រី ង្វៀនធីមិញធ្វី អនុប្រធានគណៈកម្មាធិការប្រជាជនខេត្ត អានយ៉ាង ប្រគល់បណ្ណសរសរើរបស់គណៈកម្មាធិការប្រជាជនខេត្ត ជូនសមូហភាពដែលមានស្នាដៃឆ្នើមរួមចំណែកក្នុងចលនាកសាងជនបទថ្មីគំរូថ្មីនៅឃុំ ឌិញថាញ់
បុគ្គលទទួលបានប័ណ្ណសរសើរគណៈកម្មាធិការប្រជាជនខេត្ត
សមូហភាព និងបុគ្គលបានគណៈកម្មាធិការប្រជាជនស្រុក ថ្វយសឺនជូនលិខិតសរសើរ
សមូហភាព និងបុគ្គលបានគណៈកម្មាធិការប្រជាជនឃុំឌិញថាញ់ ជូនលិខិតសរសើរ
ក្នុងឱកាសនេះ គណៈកម្មាធិការប្រជាជនខេត្ត អានយ៉ាង បានប្រគល់ប័ណ្ណសរសើរដល់សមូហភាព ១ ក្រុម បុគ្គល ១ នាក់ និងប្រគល់ប័ណ្ណសរសើរអមដោយឡូហ្គោដល់បុគ្គលឆ្នើមចំនួន ២ រូបដែលមានស្នាដៃរួមចំណែកក្នុងចលនាកសាងជនបទថ្មីគំរូនៅឃុំឌិញថាញ់។ គណៈកម្មាធិការប្រជាជនស្រុក ថ្វយសឺន និងគណៈកម្មាធិការប្រជាជនឃុំ ឌិញថាញ់ បានប្រគល់ប័ណ្ណសរសើរដល់សមូហភាព និងបុគ្គលជាច្រើនដែលមានស្នាដៃឆ្នើមក្នុងការកសាងឃុំឌិញថាញ់ សម្រេចស្តង់ដារជនបទថ្មីគំរូឆ្នាំ ២០២៣។
ឃុំ ឌិញថាញ់ សម្រេចស្តង់ដារជនបទថ្មី (ឆ្នាំ ២០១៧) បញ្ចប់ស្តង់ដារជនបទថ្មីលើកកម្ពស់ (ឆ្នាំ ២០២០) ហើយជាឃុំមួយក្នុងចំណោមឃុំពីរសម្រេចបានស្តង់ដារគំរូជនបទថ្មីគំរូដំបូងគេនៅក្នុងខេត្ត។
រហូតមកដល់បច្ចុប្បន្ន ឃុំឌិញថាញ់ បានទទួល សម្រេចស្តង់ដារ “ជនបទថ្មីគំរូអំពី វិស័យរៀបចំផលិតកម្ម” ឆ្នាំ ២០២៣។ ប្រាក់ចំណូលជាមធ្យមមនុស្សម្នាក់របស់ឃុំ ជាង ៧៥ លានដុង/ម្នាក់/ឆ្នាំ នៅចុងឆាំ្ន២០២៣។ អត្រាគ្រួសារក្រីក្រពហុវិមាត្របានថយចុះនៅត្រឹម ២,២៤%។ ប្រជាជនចូលរួមធានារ៉ាប់រងសុខភាពសម្រេចបានអត្រាជាង ៩៧%។ គ្រួសារដែលមានផ្ទះសម្រេចស្តង់ដាររបស់ក្រសួងស្ថាបនកម្មសម្រេចបានជិត ៩០%។ ទេសភាពនិងបរិស្ថានបៃតង-ជ្រះ-ស្អាត។ សន្តិសុខនយោបាយ និងសណ្តាប់ធ្នាប់សង្គមបានរក្សារឹមមាំជានិច្ច។
មូលដ្ឋានមានទម្រង់ដែលមានប្រសិទ្ធភាពជាង ២០ និងវិធីធ្វើល្អៗក្នុងកសាងជនបទ។ ក្នុងនោះមានទម្រង់ផលិតកម្មចំនួន ១០ ដែលបានអនុវត្តន៍សុទ្ធតែឆ្លើយតបតាមតម្រូវការជាក់ស្តែងដោយយកការអភិវឌ្ឍន៍ផលិតកម្មជាគ្រះដើម្បីបង្កើនតម្លៃផលិតកម្ម និងភាពខ្លាំងរបស់មូលដ្ឋាន។ ជាពិសេសឃុំបានកសាងតំបន់ផលិតទំនិញប្រមូលផ្តុំ សម្រាប់ផលិតផលសំខាន់ៗរបស់ឃុំ លើផ្ទៃដី ៤៤ ហិកតា។ អត្រាប្រជាជនចេះប្រើប្រាស់ស្មាតហ្វូនដើម្បីទាញយកកម្មវិធីវេទិកាសម្រាប់បម្រើការផលិតកម្ម និងអាជីវកម្មសម្រេចបានជិត ៧០%។ ឃុំមានផលិតផលចំនួន ២ បានវាយតម្លៃ និងចាត់ថ្នាក់ជា OCOP ផ្កាយ ៣ រួមចំណែកលើកកម្ពស់គុណភាពផលិតផលរបស់មូលដ្ឋាន។ក្រៅពីនេះ ឃុំឌិញថាញ់ មានសហករណ៍កសិកម្មចំនួនពីរគឺ ហ្វាតាន់ និង ឌិញថាញ់ ដែលធ្វើសកម្មភាពតាមច្បាប់សហករណ៍ និងអនុវត្តការតភ្ជាប់ផលិតកម្ម អាជីវកម្មមានប្រសិទ្ធភាព៕
ប្រែ៖ ណារីពៅ