នារសៀលថ្ងៃទី ៣០ មិថុនា មជ្ឈមណ្ឌលជំរុញពាណិជ្ជកម្ម និងវិនិយោគខេត្តអានយ៉ាង សហការជាមួយមជ្ឈមណ្ឌលជំរុញកសិកម្ម(ក្រសួងកសិកម្ម និងអភិវឌ្ឍន៍ជនបទ) និង TikTok វៀតណាមរៀបចំកិច្ចសន្ទនា “ជំរុញការប្រើប្រាស់ផលិតផល OCOP និងផលិតផលប្រចាំតំបន់របស់ខេត្តអានយ៉ាង”។
ចូលរួមកិច្ចពិភាក្សាមានលោក ង្វៀន មិញទៀន ប្រធានមជ្ឈមណ្ឌលជំរុញពាណិជ្ជកម្មកសិកម្ម លោកឡេ ទ្រុងហៀវ ប្រធានមជ្ឈមណ្ឌលជំរុញពាណិជ្ជកម្ម និងវិនិយោគអានយ៉ាង លោក ត្រាន់ ថាញហៀប អនុប្រធានមន្ទីកសិកម្ម និងអភិវឌ្ឍន៍ជនបទអានយ៉ាងលោក ង្វៀន ឡាំថាញ អគ្គនាយក TikTok វៀតណាម លោក ផាម ត្រុងក្វុកហ៊ឺង អនុប្រធានការិយាល័យទីផ្សារ និងPRរបស់ទីស្នាក់ការកណ្តាល HDBank រួមជាមួយគណៈប្រតិភូជិត ១០០រូប ដែលជាធុរកិច្ច និងប្រធានកម្ម OCOP នៅលើភូមិសាស្ត្រខេត្ត។
ក្នុងកិច្ចសន្ទានា គណៈប្រតិភូបានពិភាក្សាអំពីបញ្ហាជាច្រើនទាក់ទងនឹងការលើកកម្ពស់ការប្រើប្រាស់ផលិតផលOCOP និងការតម្រង់ទិសអភិវឌ្ឍន៍ OCOP តាមរយៈពាណិជ្ជកម្មអេឡិចត្រូនិក បណ្តាគោលនយោបាយគាំទ្រផលិតផលផ្តើមអាជីព។ទន្ទឹមនិងនោះ ប្រធានកម្ម OCOP បានចែករំលែកបទពិសោធន៍ ភាពងាយស្រួល និងភាពលំបាកនៅពេលដែលលក់ទំនិញអនឡាញ។
លោក ឡេ ទ្រុងហៀវ ប្រធានមជ្ឈមណ្ឌលជំរុញពាណិជ្ជកម្ម និងវិនិយោគអានយ៉ាង បានឲ្យដឹងថា បច្ចុប្បន្ននេះផលិតផល OCOP នៅក្នុងមូលដ្ឋានមានភាពសម្បូរបែប និងសំបូរទៅដោយសក្តានុពល។ ទោះជាយ៉ាងណាក៏ដោយ ការប្រើប្រាស់នៅជួបការលំបាក ជាពិសេសសម្រាប់គ្រួសារអាជីវកម្មនៅតំបន់ជនបទ។ ដូច្នេះហើយ តាមរយៈកិច្ចសន្ទនានេះ មជ្ឈមណ្ឌលជំរុញពាណិជ្ជកម្ម និងវិនិយោគ សង្ឃឹមថានឹងស្វែងរកវិធីសាស្រ្តមួយដើម្បីគាំទ្រប្រធានកម្ម OCOP ក្នុងការផ្សព្វផ្សាយផលិតផលនៅលើ វេទិកាពាណិជ្ជកម្មអេឡិចត្រូនិក ដើម្បីចូលទៅកាន់និន្នាការអ្នកប្រើប្រាស់បានយ៉ាងឆាប់រហ័ស និងផ្លាស់ប្តូរវិធីសាស្រ្តលក់ទំនិញ។
ក្នុងឱកាសនេះ មជ្ឈមណ្ឌលជំរុញពាណិជ្ជកម្ម និងវិនិយោគ អានយ៉ាង មជ្ឈមណ្ឌលជំរុញពាណិជ្ជកម្មកសិកម្ម TikTok វៀតណាម និង HDBank បានចុះហត្ថលេខាលើអនុស្សរណៈសហការរៀបចំសកម្មភាពជំរុញពាណិជ្ជកម្ម និងគាំទ្រអាជីវកម្មលើវេទិកាពាណិជ្ជកម្មអេឡិចត្រូនិក ដើម្បីបន្តជំរុញការផ្សព្វផ្សាយផលិតផលប្រចាំតំបន់របស់ខេត្តអានយ៉ាងក្នុងប៉ុន្មានឆ្នាំខាងមុខ៕
ប្រែ៖ ណារីពៅ