ថ្ងៃទី ១៩ មេសា គណៈកម្មាធិការប្រជាជនសង្កាត់អានភូ (ទីរួមខេត្ត ទិញបៀន) បានរៀបចំពិធីបើកការដ្ឋានសាងសង់បន្ទប់សិក្សាចំនួន ៣ ជូនជនរួមជាតិខ្មែរនៅវត្តត្រាស់ ពីប្រភពឧបត្ថម្ភរបស់សមាគមសប្បុរសធម៌វត្តទឿងង្វៀន (ខ័ណ្ឌទី ៤ ទីក្រុងហូជីមិញ)។ លោកស្រី លី ធ្វីវ៉ាន់ អនុប្រធានគណៈកម្មាធិការប្រជាជនទីរួមខេត្ត និងអ្នកមុខអ្នកការសាសនា ហើយនិងជនរួមជាតិខ្មែរជាច្រើននាក់បានចូលរួម។
តាមរយៈនោះ បណ្តាបន្ទប់សិក្សាមានផ្ទៃដីសរុប ២៦០ម៉ែត្រការ៉េ ចំណាយថវិកាសាងសង់ ១,២ពាន់លានដុង បង្កលក្ខណៈសម្រាប់ជនរួមជាតិខ្មែរនៅក្នុងមូលដ្ឋានទទួលបានកម្មវិធីអប់រំភាសាជនជាតិ និងរក្សានូវតម្លៃវប្បធម៌សហគមន៍។
នេះជាវត្តទី ២ ហើយដែលអាស្រ័យដោយសមាគមសប្បុរសធម៌វត្ត ទឿងង្វៀន ឧបត្ថម្ភសាងសង់បន្ទប់សិក្សានៅទីរួមខេត្តទិញបៀន រួមចំណែកយ៉ាងសំខាន់ទៅក្នុងការងារឃោសនា និងបំផុសចលនាសង្គមូបនីយកម្ម កសាងសំណង់បម្រើផលប្រយោជន៍សហគមន៍ស្វាគមន៍ពិធីបុណ្យវិសាខបូជា អង្គការសហប្រជាជាតិឆ្នាំ ២០២៥ ដែលប្រារព្ធឡើងនៅប្រទេសវៀតណាម។
ក្នុងឱកាសនេះ សមាគមសប្បុរសធម៌វត្ត ទឿងង្វៀន ក៏បាន ប្រគល់អំណោយចំនួន ១០០ ចំណែកដល់សិស្សានុសិស្សខ្មែរដែលមានស្ថានភាពលំបាក និងលើកទឹកចិត្តពួកប្អូនឲ្យខិតខំឈានឡើងក្នុងជីវភាពរស់នៅ៕
ប្រែ៖ ណារីពៅ
