ថ្ងៃទី ២៦ មីនា លោក ផាមទៀនណាម អនុប្រធានប្រចាំការមជ្ឈិមសមាគមកសិករវៀតណាម និងថ្នាក់ដឹកនាំគណប្រតិបត្តិការមូលនិធិ គាំទ្រកសិករមជ្ឈិមបានអញ្ជើញទៅស្ទង់មតិ និងពិនិត្យសកម្មភាពរបស់មូលនិធិគាំទ្រកសិករនៅឃុំ វិញញ្វឺន ( ស្រុក ចូវថាញ់)។ អមដំណើរជាមួយគណៈប្រតិភូ មានប្រធានសមាគមកសិករខេត្ត អានយ៉ាង លោក ដាំងវ៉ាន់ញៀន។
ស្ទង់មតិទម្រង់ផលិតកសិកម្មនៅឃុំ វិញញ្វឺន
លោក ផាមទៀនណាម អនុប្រធានប្រចាំការមជ្ឈិមសមាគមកសិករវៀតណាម ថ្លែងមតិក្នុងកិច្ចជំនួបជាមួយសមាគមកសិករឃុំ វិញញ្វឺន និងស្រុកចូវថាញ់
បន្ទាប់ពីបានពិនិត្យជាក់ស្តែងទម្រង់ចំនួនពីរនៃការប្រើប្រាស់ទុនមូលនិធិគាំទ្រកសិករនៅឃុំ វិញញ្វឺន និងធ្វើការជាមួយសមាគមកសិករឃុំ វិញញ្វឺន សមាគមកសិករស្រុក ចូវថាញ់ លោក ផាមទៀនណាម អនុប្រធានប្រចាំការមជ្ឈិមសមាគមកសិករវៀតណាម បានវាយតម្លៃខ្ពស់ចំពោះសកម្មភាពរបស់មូលនិធិគាំទ្រកសិករនៅមូលដ្ឋាន។
តាមរយៈនេះ ស្នើសមាគមកសិករឃុំ វិញញ្វឺន និងស្រុក ចូវថាញ់ បន្តពិនិត្យ និងវាយតម្លៃគុណសម្បត្តិ និងគុណវិបត្តិ ដើម្បីស្នើរសុំដំណោះស្រាយ អនុវត្តប្រភពទុនមូលនិធិគាំទ្រកសិករកាន់តែល្អប្រសើរ។ ព្រមជាមួយនេះ បង្កើនការណែនាំសមាជិកប្រើប្រាស់ប្រភពទុនកម្ចីប្រកបដោយប្រសិទ្ធភាព កាត់បន្ថយអត្រាបំណុលហួសកាលកំណត់ចុះមកកម្រិតទាបបំផុត។ ទន្ទឹមនិងនោះ ជំរុញខ្លាំងចលនាកសិករប្រឡងប្រណាំងផលិតកម្ម-អាជីវកម្មពូកែ។ បង្កើនផ្ទេរវិទ្យាសាស្ត្រ - បច្ចេកទេសសម្រាប់កសិករ ដើម្បីលើកកម្ពស់តម្លៃកសិផល និងបង្កើនប្រាក់ចំណូល៕
ប្រែ៖ ណារីពៅ
