អនុវត្ដសារលិខិតលេខ ៣៤ របស់លោកនាយករដ្ឋមន្ត្រីរដ្ឋាភិបាល ចុះថ្ងៃទី១០ ខែមេសា គណៈកម្មាធិការប្រជាជនខេត្តអានយ៉ាង បានតម្រូវឲ្យ មន្ទីរកសិកម្ម និងអភិវឌ្ឍន៍ជនបទ មន្ទីរធនធានធម្មជាតិ និងបរិស្ថាន មន្ទីរស្ថាបនកម្ម គណៈកម្មាធិការប្រជាជនស្រុក ទីរួមខេត្ត ក្រុង និងបណ្តាអង្គភាពពាក់ព័ន្ធ ផ្តោតសំខាន់លើការផ្គត់ផ្គង់ទឹកសម្រាប់ប្រជាជនប្រើប្រាស់ក្នុងអំឡុងពេលជ្រាបជាតិប្រៃខ្ពស់បំផុតនៅតំបន់វាលទំនាបទន្លេគឺវឡុង។
រូបថត – ផានហ៊ឺវ
ជាក់ស្តែងបន្តផ្សព្វផ្សាយអនុវត្តការណែនាំរបស់ ប្រធានគណៈកម្មាធិការប្រជាជនខេត្ត ស្តីពី ការបង្កើនការអនុវត្តដំណោះស្រាយបង្ការ និងទប់ទល់គ្រោះរាំងស្ងួត ខ្វះទឹក ជ្រាបជាតិប្រៃ បម្រើផលិតកម្មកសិកម្ម និងប្រើប្រាស់ក្នុងរដូវប្រាំង ឆ្នាំ២០២៣-២០២៤។ ផ្តោតលើការទប់ស្កាត់ទៅនឹងការជ្រាបជាតិប្រៃខ្ពស់បំផុតនៅក្នុងតំបន់វាលទំនាបទន្លេគឺវឡុង។ ទន្ទឹមនិងនោះ បណ្តាមន្ទីរ ផ្នែក មូលដ្ឋាន និងអង្គភាពពាក់ព័ន្ធមិនត្រូវមានការធ្វេសប្រហែស និងអត្តនោម័តិ ត្រូវរៀបចំតាមដានស្ថានការណ៍ ឲ្យបានដិតដល់ និងបន្ត ផ្សព្វផ្សាយអនុវត្តវិធានការណ៍យ៉ាងម៉ឺងម៉ាត់ ខ្លាំងក្លា មានប្រសិទ្ឋភាពចំពោះវិធានការទប់ស្កាត់នឹងកំដៅក្តៅ រាំងស្ងួត ខ្វះទឹក ជ្រាបជាតិប្រៃ យោងតាមសារទូរលេខ ផ្លូវការលេខ ០៤ សារទូរលេខ លេខ១៩ និងសារាចរណែនាំលេខ ១១ របស់នាយករដ្ឋមន្ត្រីរដ្ឋាភិបាល។
ក្នុងនោះ ត្រូវបន្តរៀបចំពិនិត្យ និងក្តាប់ព័ត៌មានឲ្យបានច្បាស់លាស់អំពីស្ថានភាពតំបន់នីមួយៗ ភូមិនីមួយៗ គ្រួសារនីមួយៗ នៅលើភូមិសាស្ត្រដែលប្រឈមនឹងការខ្វះទឹកប្រើប្រាស់ក្នុងគ្រួសារ ជាពិសេសគឺគ្រួសារដែលរស់នៅតំបន់ខ្ពស់ តំបន់ដាច់ស្រយាល ដែលមិនទាន់មានប្រព័ន្ឋផ្គត់ផ្គង់ទឹក អាចមានលទ្ធភាពខ្វះទឹកប្រើប្រាស់ ដើម្បីមានផែនការជាក់លាក់សមស្រប ដើម្បីធានាប្រភពទឹកប្រើប្រាសសម្រាប់ប្រជាជន និងតាំងចិត្តមិនទុកឲ្យប្រជាជនខ្វះទឹកប្រើប្រាស់។
រៀបចំពិនិត្យឡើងវិញនូវប្រភពទឹកស្តុកនៅក្នុងភូមិសាស្ត្រ ដើម្បីមានផែនការ តុល្យភាព និងគ្រប់គ្រងប្រភពទឹកសាបសម្រាប់បម្រើការប្រើប្រាស់ប្រចាំថ្ងៃ និងផលិតកម្មស្របតាមលក្ខខណ្ឌ ធនធានទឹកជាក់ស្តែងនៅក្នុងមូលដ្ឋាននីមួយៗ ក្នុងករណីដែលមិនអាចបំពេញតម្រូវការទឹកបានពេញលេញគឺត្រូវផ្តល់អាទិភាពឲ្យប្រើប្រាស់ប្រភពទឹកសាប ដើម្បីផ្គត់ផ្គង់ទឹកសម្រាប់ប្រជុំជីវភាពប្រចាំថ្ងៃរបស់ប្រជាជន និងតម្រូវការចាំបាច់ផ្សេងៗទៀត។
ត្រូវបែងចែកថវិកាមូលដ្ឋានដោយម្ចាស់ការ និងកៀរគរប្រភពហិរញ្ញវត្ថុស្របច្បាប់ផ្សេងទៀត ដើម្បីផ្សព្វផ្សាយជាបន្ទាន់នូវវិធានការចាំបាច់នានា ស្របតាមបទប្បញ្ញត្តិ និងស្ថានភាពជាក់លាក់របស់មូលដ្ឋាន ដើម្បី ធានាបាននូវទឹកសាបសម្រាប់បម្រើដល់ការប្រជុំជីវភាពរបស់ប្រជាជន៕
ប្រភព៖សារលិខិតរដ្ឋ លេខ ៤៤៤ /UBND-KTN ចុះថ្ងៃទី ១០ ខែមេសា ឆ្នាំ ២០២៤
ប្រែ៖ ណារីពៅ
