ថ្ងៃទី ៣ មេសា គណៈកម្មាធិការប្រជាជនឃុំ លឿងភី (ស្រុក ទ្រីតូន) បានរៀបចំពិធីប្រគល់កូនគោចំនួន ៥ ក្បាល ពីគម្រោងចិញ្ចឹមគោរបស់ក្រុមហ៊ុន អានត្រាកូ ដល់គ្រួសារជនជាតិខ្មែរ ៣ គ្រួសារដែលមានស្ថានភាពលំបាក។ លោក កាវក្វាងលីម លេខាបក្ខភាគស្រុក ប្រធានក្រុមប្រឹក្សាប្រជាជនស្រុក ទ្រីតូន បានអញ្ជើញចូលរួម។
នៅឆ្នាំ ២០២២ ក្រុមហ៊ុនអានត្រាកូ នឹងអនុវត្តគម្រោងចិញ្ចឹមគោបន្តពូជនៅឃុំ លឿងភី។ គម្រោងនេះបានផ្តល់គោមេ ២៦ ក្បាលដល់ ១៣ គ្រួសារក្រីក្រ បៀតក្រ ជួបការលំបាក ជនជាតិខ្មែរ ដែលមានតម្លៃសរុប ៣៩០ លានដុង។ នៅឆ្នាំ ២០២៣ ក្រុមហ៊ុនក៏បានជួយដល់ឃុំនូវគោឈ្មោលមួយក្បាល ដើម្បីបង្កាត់ពូជតាមបែបធម្មជាតិ និងទទួលបានលទ្ធផលខ្ពស់។
ក្រោយរយៈពេលជិត ២ឆ្នាំថែទាំ និងចិញ្ចឹមគោមេ ២៦ក្បាល បង្កើតបានកូនគោ ១១ក្បាល។ មាន៥គ្រួសារបានស្ម័គ្រចិត្តប្រគល់ឲ្យគណៈគ្រប់គ្រងគម្រោងឃុំ នូវកូនគោអាយុពេញ ០៥ក្បាល។ គណគ្រប់គ្រងគម្រោងឃុំបានបន្តគាំទ្រដល់ ៣ គ្រួសារលំបាកផ្សេងទៀត ដើម្បីបន្តរក្សា និងបង្កើនដើមទុន រួមគ្នាទទួលអត្ថប្រយោជន៍ជារង្វង់មូល។
ក្រៅពីគម្រោងរបស់ក្រុមហ៊ុនអានត្រាកូ បច្ចុប្បន្នឃុំ លឿងភី កំពុងអនុវត្តគម្រោងចិញ្ចឹមគោរបស់កម្មវិធីគោលដៅជាតិកាត់បន្ថយភាពក្រីក្រដោយនិរន្តរភាព។ បណ្តាគម្រោងនេះ បានបង្កើតនូវទំនុកចិត្ត និងការចូលរួមជ្រោមជ្រែងយ៉ាងសកម្មរបស់ប្រជាជន បង្កើតជាឱកាសសម្រាប់គ្រួសារក្រីក្រមានការងារធ្វើ បង្កើនប្រាក់ចំណូល ស្ថិរភាពជីវភាព តាមរយៈនោះអភិវឌ្ឍន៍សេដ្ឋកិច្ច ឈានឡើងចាកផុតពីភាពក្រីក្រដោយនិរន្តរភាព៕
ប្រែ៖ ណារីពៅ
