នាព្រឹកថ្ងៃទី១០ ខែមេសា គណៈប្រតិភូបក្ខភាគស្រុក ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមស្រុក ចូវថាញ់ ដឹកនាំដោយលោក ឡេភឿកយុង លេខាបក្ខភាគស្រុក ចូវថាញ់ បាន អញ្ជើញទៅជូនពរ បុណ្យចូលឆាំ្នថ្មីខ្មែរ និងប្រគេនទេយ្យទានដល់វត្តសិរីមង្គលសាគរ ឃុំវិញថាញ់។
នៅតាមវត្តនីមួយៗ លោក ឡេភឿកយុង លេខាបក្ខភាគស្រុក ចូវថាញ់ ប្រធានគណប្រតិភូ បានអញ្ជើញទៅ សួរសុខទុក្ខ និងជូនពរដល់ព្រះសង្ឃ តាអាចារ្យ និងបងប្អូនជនរួមជាតិខ្មែរទទួលបុណ្យចូលឆ្នាំថ្មីប្រពៃណីកក់ក្តៅ រីករាយនិងសុភមង្គល។ ទន្ទឹមនឹងនោះ សង្ឃឹមថា គ្រប់អង្គព្រះសង្ឃនឹងបន្តលើកតម្កើងតួនាទីរបស់ខ្លួនក្នុងការពង្រឹង និងកសាងធ្លុងមហាសាមគ្គីជនជាតិ ចលនា អប់រំបងប្អូនថែទាំផលិតកម្ម អភិវឌ្ឍន៍សេដ្ឋកិច្ចសង្គមកិច្ច និងគោរពតាមគោលការណ៍ និងគោលនយោបាយរបស់មូលដ្ឋានឲ្យបានល្អ។ ជាពិសេសរួមជាមួយមូលដ្ឋានកសាងឃុំជនបទថ្មីគំរូ តាមផែនទីបង្ហាញផ្លូវ។
តាងនាមសហគមន៍ជនជាតិខ្មែរ ព្រះតេជព្រះគុណ យ៉ាញ់ធីប អនុប្រធានគណៈភិបាលកិច្ចព្រះពុទ្ឋសាសនាវៀតណាមខេត្តអានយ៉ាង ប្រធានគណៈកម្មការព័ត៌មាន និងទូរគមនាគមន៍ ព្រះចៅអធិការវត្តសិរីបង្គលសាគរ បានផ្ញើដីការថ្លែងអំណរគុណដល់ការយកចិត្តទុកដាក់របស់គ្រប់ថ្នាក់ដឹកនាំបក្ខភាគស្រុក ក្រុមប្រឹក្សាប្រជាជន គណកម្មាធិការប្រជាជននិងគណៈកម្មាធិការរណសិរ្សមាតុភូមិស្រុក ឃុំ និងបានបញ្ជាក់ថា ជនរួមជាតិខ្មែរតែងតែជឿជាក់លើការដឹកនាំរបស់បក្ស និងរដ្ឋ និងបន្តអនុវត្តបានល្អនូវគោលការណ៍របស់បក្ស និងគោលនយោបាយរបស់រដ្ឋ។ចូលរួមយ៉ាងសកម្មក្នុងចលនាប្រជាជនទាំងមូលការពារសន្តិសុខមាតុភូមិ កិច្ចចលនាប្រជាជនទាំងមូលកសាងជីវភាពវប្បធម៌ រួមចំណែកកសាងមាតុភូមិ វិញថាញ់ ឲ្យកាន់តែសម្បូរសប្បាយ ស្រស់ស្អាត និងអារ្យធម៍៕
ប្រែ៖ ណារីពៅ
